کراچی: شہر قائد کے مختلف علاقوں میں بونداباندی سے موسم خوشگوار ہوگیا اور ہلکی ٹھنڈی ہواؤں کا راج ہے۔
تفصیلات کے مطابق کراچی کے مختلف علاقوں میں ہونے والی بونداباندی سے موسم خوشگوار ہوگیا، جبکہ ہلکی ٹھنڈی ہوائیں بھی چل رہی ہیں۔
کراچی کے علاقے لیاقت آباد، ناظم آباد، جمشید ٹاؤن، لائنز ایریا، صدر، گلستان جوہر اور شارع فیصل پر بونداباندی سے موسم خوشگوار ہوگیا۔
اس سے قبل یکم ستمبر کو رات گئے کراچی کے علاقے ناظم آباد، نارتھ کراچی اور سرجانی ٹاؤن میں بونداباندی جبکہ سہراب گوٹھ، منگھوپیر اور اورنگی ٹاؤن میں بھی ہلکی بارش ہوئی تھی۔
کراچی کے مختلف علاقوں میں بونداباندی، موسم خوشگوار
بعد ازاں یکم ستمبر کی صبح بھی شہر کے مختلف علاقوں میں ہلکی بارش ہوئی تھی۔
یاد رہے کہ ہفتوں قبل کراچی میں ہلکی بارش کے بعد کے الیکٹرک کی ٹرانسمیشن لائن ٹرپ کرگئی تھی، شہر کے بیشترعلاقوں میں بجلی کی فراہمی معطل ہو گئی تھی۔
علاوہ ازیں ملک کے پہاڑی علاقوں میں بھی بارشوں کا موسم ہے۔
خیال رہے کہ گذشتہ دنوں خیبرپختونخواہ کے ضلع مردان میں تیز بارشوں کے باعث چھتیں گرنے کے واقعات پیش آئے تھے جس کے باعث چار افراد کی اموات بھی ہوئیں تھی۔
