Tag: weather

پاکستان کا موسم
پاکستان ایک ایسا ملک ہے جہاں موسم کی مختلف اقسام پائی جاتی ہیں۔ ملک کے مختلف علاقوں میں کافی فرق ہوتا ہے۔ ملک کے شمالی علاقے سردیوں میں برف سے ڈھکے رہتے ہیں جبکہ جنوبی علاقے گرم اور مرطوب ہوتے ہیں۔ پاکستان میں چار اہم موسم پائے جاتے ہیں: بہار، گرما، خزاں اور سردی۔

 

  • سیلاب سے متاثرہ علاقوں میں بارش کا امکان

    سیلاب سے متاثرہ علاقوں میں بارش کا امکان

    اسلام آباد : محکمہ موسمیات نے ملک کے سیلاب سے متاثرہ حصوں میں گرج چمک کے ساتھ مزید بارش کا امکان ظاہر کردیا ہے، تاہم ملک کے دیگر حصوں میں موسم گرم اور مرطوب رہے گا۔

    محکمہ موسمیات کا کہنا ہے کہ سیلاب سے متاثرہ ملک کے بالائی علاقوں میں مزید بارش کا امکان ہے، گزشتہ چوبیس گھنٹے کے دوران کشمیر، اسلام آباد، راولپنڈی، سرگودھا، گوجرانوالہ، لاہور، فیصل آباد، مالاکنڈ، کوہاٹ اور پشاورڈویژن میں چند مقامات پر گرج چمک کےساتھ بارش ہوئی جبکہ ملک کے دیگر حصوں میں موسم گرم اور مرطوب رہا۔

    سب سے  زیادہ درجہ حرارت سکھر میں بیالیس ڈگری سینٹی گریڈ ریکارڈ کیا گیا۔

  • ملک کے بیشتر حصوں میں موسم خشک رہے گا

    ملک کے بیشتر حصوں میں موسم خشک رہے گا

    اسلام آباد: ملک کے بیشتر علاقوں میں موسم گرم اور خشک رہے گا، تاہم کشمیر اور اس سے ملحقہ پہاڑی علاقوں میں چند ایک مقامات پر بارش کا امکان ہے۔

    محکمہ موسميات کے مطابق آئندہ چوبیس گھنٹوں کے دوران راولپنڈی،لاہور، گوجرانوالہ، ہزارہ، میرپورخاص ،آزاد کشمیراوراس کے ملحقہ پہاڑی علاقوں میں بارش ہوسکتی ہے جبکہ ملک کے بيشترعلاقوں ميں موسم خشک اور گرم رہے گا۔

    گزشتہ روز بھی ملک کے بيشترعلاقوں ميں موسم خشک اورگرم رہا، تاہم حيدرآباد، ميرپورخاص، کراچی، راولپنڈی، ہزارہ ڈويژن اور کشميرميں چند ایک مقامات پربارش ہوئی، سب سے زيادہ بارش مری ميں چوبیس ملی ميٹرريکارڈ کی گئی ہے۔

  • ملک کے بیشتر علاقوں میں آج موسم خشک رہے گا،محکمہ موسمیات

    ملک کے بیشتر علاقوں میں آج موسم خشک رہے گا،محکمہ موسمیات

    اسلام آباد: محکمہ موسمیات کے مطابق ملک کے بیشتر علاقوں میں آج موسم خشک رہے گا جبکہ چند مقامات پر بارش کا امکان ہے، دوسری جانب دریائے چناب میں بارہ ستمبرتک اونچے درجے کا سیلاب جاری رہے گا۔

    محکمہ موسمیات کے مطابق آئندہ چوبیس گھنٹے تک ملک کے اکثر علاقوں میں موسم گرم اور مرطوب رہے گا، تاہم مالاکنڈ، ہزارہ، پشاور،لاہور، گجرانوالہ، میرپورخاص، راولپنڈی سمیت کشمیر اوربلتستان میں بارش کا امکان ہے۔

    آئندہ چوبیس گھنٹے کے دوران دریائے چناب میں تریموں کے مقام پر پانی کا زیادہ سےزیادہ بہاؤ آٹھ لاکھ کیوسک رہے گا، انتہائی اونچے درجے کا سیلاب بارہ ستمبر تک جاری رہنے کا امکان ہے، جس سے سرگودھا، خوشاب ،جھنگ اور ٹوبہ ٹیک سنگھ کے اضلاع میں سیلابی پانی داخل ہو سکتا ہے۔

    دریائے سندھ کے مقام پر تیرہ اور چودہ ستمبر جبکہ سکھر کے مقام پر چودہ سے پندرہ ستمبر کو اونچے درجے کے سیلابی ریلہ کے گزرنے کا امکان ہے۔

  • آئندہ 24گھنٹوں میں ملک کے مختلف حصوں میں شدید بارش کی پیش گوئی

    آئندہ 24گھنٹوں میں ملک کے مختلف حصوں میں شدید بارش کی پیش گوئی

    اسلام آباد: محکمہ موسمیات نے آئندہ چوبیس گھنٹوں کے دوران ملک کے مختلف حصوں میں شدید بارش کی پیش گوئی کی ہے ۔

    محکمہ موسمیات کی جاری کردہ رپورٹ کے مطابق آئندہ چوبیس گھنٹوں کے دوران لاہور، شیخوپورہ ،گوجرانوالہ، گجرات، ناروال، سیالکوٹ، قصورمیں اکثر مقاما ت پر شدید بارش کا امکان ہے۔ جس کے باعث مقامی ندی نالوں میں مزید طغیانی اور نشیبی علاقے زیر آب آنے کا خدشہ ہے ۔

    گذشتہ ارٹالیس گھنٹوں کے دوران سب سے زیادہ بارش لاہور ایئر پورٹ پر چار سو اسی ملی میٹر، راولاکوٹ چار سو باسٹھ ،کوٹلی چار سو نو منگلاتین سو چھبیس ، سیالکوٹ سٹی تین سو دس ملی میٹر ریکارڈ کی گئی ہے۔

  • ملک کے بیشتر علاقوں میں مزید بارش کا امکان

    ملک کے بیشتر علاقوں میں مزید بارش کا امکان

    اسلام آباد: محکمہ موسمیات کے مطابق آئندہ چوبیس گھنٹے میں چند مقامات پر تیز ہواؤں اور گرج چمک کیساتھ مزید بارش کا امکان ہے۔

       مون سون بارشوں نے ملک کے بیشتر علاقوں کو اپنے زیر اثر لے رکھا ہے، اسلام آباد، راولپنڈی،۔کشمیر، گوجرانوالہ، لاہور، ہزارہ ڈویژن اور اس کے ارد گرد کے علاقوں میں بارش کاسلسلہ وقفے وقفے سے جاری ہے۔

    گزشتہ چوبیس گھنٹے کے دوران سب سے زیادہ بارش لاہور میں ایک سو ستتر، راولاکوٹ ایک سو تریسٹھ، قصورایک سو انتیس، کوٹلی ایک سو بیس، گوجرانولہ ایک سو پندرہ، گجرات میں ایک سو چودہ ملی میٹر ریکارڈ کی گئی۔

    محکمہ موسمیات کے مطابق پنجاب کے علاقوں میں آئندہ چوبیس گھنٹے کے دوران بارش کی شدت میں مزید اضافے کا امکان ہے۔

  • بدھ سے جمعہ کے دوران ملک کے اکثر علاقوں میں بارشوں کی پیشگوئی

    بدھ سے جمعہ کے دوران ملک کے اکثر علاقوں میں بارشوں کی پیشگوئی

    اسلام آباد: محکمہ موسمیات نے رواں ہفتے بدھ سے جمعہ کے دوران ملک کے اکثر علاقوں میں بارشوں کی پیشگوئی کی ہے، اس دوران سندھ، پنجاب اور کشمیر میں چند مقامات پر گرج چمک اور تیز ہواؤں کیساتھ موسلادھار بارش کا بھی امکان ہے۔

    آئندہ 24گھنٹوں کے دوران کشمیر اور مشرقی پنجاب ، بہاولپور، ساہیوال، لاہور، گوجرانوالہ ڈویژن میں اکثرمقامات پر جبکہ میر پور خاص، سکھر، قلات، اسلام آباد، راولپنڈی، سرگودھا، فیصل آباد، ملتان ، ڈی جی خان ڈویژن میں کہیں کہیں اور خیبر پختونخواہ ، گلگت بلتستان میں چند مقاما ت پر تیز ہواؤں اور گرج چمک کیساتھ بارش کا امکان ہے۔

    اس دوران میر پور خاص،سکھر ، بہاولپور، ساہیوال، گوجرانوالہ، لاہورڈویژن اور کشمیر میں چند مقامات پر موسلادھار بارش کا امکان ہے۔

    گزشتہ 24گھنٹوں کے دوران ریکارڈ کی گئی بارشوں میں سب سے زیادہ بارش فیصل آباد میں 72ملی میٹر ہوئی جبکہ ساہیوال42، راولاکوٹ37، مٹھی36، اوکاڑہ32،گجرات27، سیالکوٹ(ائیر پورٹ26، سٹی 21)، گوجرانوالہ22، بہاولنگر21، ڈپلو20، کوٹلی، ٹوبہ ٹیک سنگھ16، جہلم13، بدین12، بہاولپور(ائیر پورٹ11، سٹی04)، منڈی بہاؤالدین10، منگلا04، لاہور02، استور، گوپس، ایبٹ آباد،، قصور، مری،سکردو01ملی میٹر ریکارڈ کی گئی۔

    گزشتہ روز ملک میں سب سے زیادہ درجہ حرارت تربت میں43ڈگری سینٹی گریڈ جبکہ دالبندین، لسبیلا42 اورنوکنڈی میں41 ڈگری سینٹی گریڈ ریکارڈکیا گیا۔

  • محکمہ موسمیات نے آئندہ ہفتے ملک بھر میں بارش کی پیش گوئی

    محکمہ موسمیات نے آئندہ ہفتے ملک بھر میں بارش کی پیش گوئی

    اسلام آباد: محکمہ موسمیات کا کہنا ہے کہ آئندہ ہفتے ملک بھر میں بارش کا امکان ہے۔

    گرمی کی شدت سے نڈھال شہریوں کے لئے خوش خبری ہے، محکمہ موسمیات نے آئندہ ہفتے ملک بھر میں بارش کی پیش گوئی کردی ہے، محکمہ موسمیات کا کہنا ہے کہ آئندہ چوبیس گھنٹے کے دوران راولپنڈی، گجرانوالہ، لاہور، سکھر، میرپورخاص ڈویژن، مالاکنڈ، ہزارہ، پشاور، کشمیر، ڈی جی خان، ملتان، ساہیوال ، سرگودھا میں گرج چمک کے ساتھ موسلا دھار بارش کا امکان ہے۔

    کراچی سمیت سندھ کے ذیلی علاقوں میں بھی کہیں کہیں بارش کی پیش گوئی کی گئی ہے، گزشتہ چوبیس گھنٹے کے دوران سب سے زیادہ بارش اسلام آباد میں اکسٹھ اور مری میں ستاون ملی میٹر ریکارڈ کی گئی۔

  • کراچی اورلاہور میں ہلکی بارش،موسم خوشگوار، مزید بارش کا امکان

    کراچی اورلاہور میں ہلکی بارش،موسم خوشگوار، مزید بارش کا امکان

    کراچی : کراچی سمیت لاہور کے مختلف علاقوں میں بارش نے موسم خوشگوار کر دیا، محکمہ موسمیات کے مطابق لاہور سمیت چند ایک مقامات پر بارش کا امکان ہے

    کراچی کے مختلف علاقوں میں کہیں ہلکی اور کہیں تیز بارش نے گرمی کی شدت کو کم کر دیا، بوندا باندی سےموسم خوشگوار ہوا تو شہریوں کے چہرے بھی کھل اٹھے۔

    لاہور میں بادل برسے تو گرمی کا زور ٹوٹ گیا، گوجرانوالہ، سرگودھا ،مالاکنڈ ،ہزارہ، قلات اور کوئٹہ سمیت مختلف شہروں میں بارش نے موسم سہانا کردیا۔

    محکمہ موسمیات کا کہنا ہے کہ خیبرپختونخواہ، اسلام آباد ،لاہور، سرگودھا، ڈی جی خان اورشمالی بلوچستان، کشمیر اور گلگت بلتستان سمیت چند ایک مقامات پر گرج چمک کے ساتھ بارش کا امکان ہے۔

    محکمہ موسمیات کے مطابق گزشتہ چوبیس گھنٹے کے دوران سب سے زیادہ بارش جوہر آباد میں بتیس اور سب سے زیادہ درجہ حرارت دالبندین میں بیالیس ڈگری سینٹی گریڈ، ریکارڈ کیا گیا۔

  • لاہور: شدید آندھی نے تباہی مچادی، 200 سے زائد فیڈر ٹرپ کرگئے

    لاہور : شدید آندھی نے تباہی مچا دی، شہر کے سو کے قریب فیڈر ٹرپ کرگئے، محکمہ موسمیات کے مطابق ملک کے بیشتر علاقوں میں موسم گرم اور مرطوب رہے گا۔

    لاہور میں شدید آندھی نے تباہی مچا دی، شہر کے سو فیڈر ٹرپ کرگئے ،جس سے آدھا شہر تاریکی میں ڈوب گیا، لاہور ،گوجرانوالہ ،سرگودھا اور اوکاڑہ میں بارش نے موسم کو خوشگوار کردیا ہے شہر قائد میں بھی بادلوں نے ڈیرے ڈالے ہوئے ہیں، سورج اور بادلوں کی آنکھ مچولی کا سلسلہ بھی جاری ہے۔

    کراچی میں ہلکی ہلکی بوندہ باندی نے شہریوں کو گرمی کے عذاب سے نجات دلادی، محکمہ موسمیات کے مطابق کے پی کے ،اسلام آباد ،لاہور ،سرگودھا ،ڈی جی خان اور شمالی بلوچستان ،کشمیر گلگت اور بلتستان میں گرج چمک کے ساتھ بارش کا امکان ہے ،ملک میں سب سے زیادہ درجہ حرارت دالبندین ، سبی اور نوکنڈی میں بیالیس ڈگری سینٹی گریڈ ریکارڈ کیا گیا۔

  • کراچی میں ہلکی بارش ، بیشتر علاقوں میں مطلع ابر آلود

    کراچی میں ہلکی بارش ، بیشتر علاقوں میں مطلع ابر آلود

    کراچی : رات گئے ہلکی بارش ہوئی، محکمہ موسمیات کے مطابق ملک کے بیشتر علاقوں میں مطلع آبر الود ہے جبکہ چند مقامات پر بارش کا امکان ہے۔
    ملک کے بیشتر علاقوں میں وقفے وقفے سے گرج چمک کے ساتھ بارشوں کا سلسلہ جاری ہے، محکمہ موسمیات کے مطابق گزشتہ چوبیس گھنٹوں کے دوران اسلام آباد، گجرانوالہ، پشاور، مالاکنڈ، حیدرآباد، کشمیر اور گلگت بلتستان میں چند مقامات پر گرچ چمک کے ساتھ بارش ہوئی۔

    آئندہ چوبیس گھنٹوں کے دوران بالائی پنجاب میں گجرانوالہ،لاہور، سرگودھا ڈویژن، خیبر پختونخواہ میں مالاکنڈ، کوہاٹ، پشاور، ہزارہ ڈویژن میں کہیں کہیں جبکہ فیصل آباد کراچی ، حیدرآباد، سکھراور میر پور خاص میں تیز ہواؤں اور گرج چمک کے ساتھ بارش کا امکان  ہے ۔