Tag: weather

مظفرآباد : آزاد کشمیر کے دارلحکومت کلاؤڈ برسٹ نےتباہی مچادی، گوہرآباد میں متعدد مکانات اور املاک کونقصان پہنچا۔

تفصیلات کے مطابق آزاد کشمیرمیں بھی بارشوں سے نظامِ زندگی مفلوج ہوگیا، مظفرآباد میں کلاؤڈ برسٹ نےتباہی مچادی۔

گوہرآباد میں متعدد مکانات اور املاک کونقصان پہنچا، سڑکیں اورگلیاں زیرِآب آگئیں جبکہ رجنوں مویشی سیلابی ریلے میں بہہ گئے اور شاہراہ لیپہ لینڈ سلائیڈنگ سے بند ہوگئی۔

اسٹیٹ ڈیزاسٹر منیجمنٹ اتھارٹی کے ڈائریکٹر آپریشنز سعید قریشی کے مطابق رات بھر ہونے والی شدید بارش اور 3:45 بجے کے قریب بادل پھٹنے سے گوہر آباد نالے میں پانی کا اچانک اضافہ ہوا، جس سے ملحقہ رہائشی علاقے زیرآب آگئے اور بھاری ملبے کی وجہ سے چار لنک سڑکیں مکمل طور پر بند ہوگئیں۔

آزاد جموں و کشمیر کے وزیراعظم چوہدری انوار الحق کی ہدایت پر مظفرآباد کے ڈویژنل کمشنر چوہدری گفتار حسین اور ڈپٹی انسپکٹر جنرل (ڈی آئی جی) پولیس یاسین قریشی نے متاثرہ گاؤں کا دورہ کیا اور صورتحال کا جائزہ لیا اور امدادی سرگرمیوں کا جائزہ لیا۔

کمشنر حسین نے ضلعی انتظامیہ کو ہدایت کی کہ نقصانات کا تخمینہ ترجیحی بنیادوں پر مکمل کیا جائے تاکہ بروقت معاوضہ اور بحالی کی سہولت فراہم کی جا سکے۔ انہوں نے مکینوں کو یقین دلایا کہ حکومت انہیں کسی صورت نہیں چھوڑے گی اور ان کی مدد کے لیے تمام دستیاب وسائل بروئے کار لائے گی۔

مزید بارشوں کی پیشین گوئی کے پیش نظر، کمشنر نے شہریوں سے خاص طور پر ندیوں اور نالہوں کے کنارے رہنے والوں پر زور دیا کہ وہ مون سون کے دوران محفوظ علاقوں میں منتقل ہوجائیں۔

دوسری جانب گلگت بلتستان میں بھی شدید بارشوں کے باعث سیلاب اور لینڈ سلا ئیڈنگ کی صورتحال پیداہوگئی ہے، چلاس،ہنزہ اوردیامر میں شاہراہ قراقرم سمیت کئی سڑکیں اوررابطہ پل بند ہوگئے جبکہ درجنوں مکانات، زرعی زمینیں اورباغات متاثرہوئے۔

ہنزہ میں حسین آباد نالے میں طغیانی، دیامر میں واٹر چینلز اور بجلی کا نظام بھی شدید متاثر ہوا۔

موسم سے متعلق خبریں

چلاس : سیاحتی وادی بابوسر میں مون سون کی بارشوں نے قیامت خیز تباہی مچادی، مکانات مکمل طور پر زمین بوس ہوگئے جبکہ کاشت فصلیں مکمل تباہ و برباد ہوگئیں۔

تفصیلات کے مطابق ملک بھر میں مون سون بارشوں سے تباہی کا سلسلہ جاری ہے ، دیامر میں سیلاب نے گھروں، فصلوں، باغات اور زرعی اراضی کو شدید نقصان پہنچایا۔

سیاحتی وادی بابوسر میں مون سون کی بارشوں نے قیامت خیز تباہی مچائی ، تیز بارشوں کے باعث 8 سے 9 مکانات مکمل طور پر زمین بوس ہوگئے اور تقریباً 100 کنال زیر کاشت فصلیں مکمل تباہ و بربا دہوگئیں۔

بٹوگاہ اور کھنیر ویلی میں سیلاب سے رابطہ سڑکیں شدید متاثر ہوئیں جبکہ داریل اور ڈوڈشال میں بارشوں سے زمینی رابطہ مکمل طور پر تباہ ہوگئیں۔

متاثرین کھلے آسمان تلے زندگی گزارنے پر مجبور ہے ، انھیں خوراک اور طبی امداد کی ضرورت ہے جبکہ شہر میں صاف پینے کے پانی کی شدید قلت کے باعث شہری مشکلات کا شکار ہے۔

سیلاب متاثرہ علاقوں میں ڈسٹرکٹ ڈیزاسٹر مینجمنٹ ٹیمیں روانہ کردی گئی ہیں، اےڈی سی نظام الدین کا کہنا ہے کہ نقصانات کا جائزہ لیا جا رہا ہے، ریلیف آپریشن جلد شروع کیا جائے گا۔

اسلام آباد : ملک میں مون سون بارشوں کےباعث تباہی کا سلسلہ جاری ہے، مختلف حادثات میں قیمتی جانیں چلی گئیں۔

تفصیلات کے مطابق ملک کے مختلف علاقوں میں بارشوں نے تباہی مچادی ہے ، موسلادھار بارش کے باعث لینڈ سلائیڈنگ ہوئی اور ندی نالے بپھر گئے۔

اوکاڑہ، رینالہ خورد اور پنجاب کے دیگر علاقوں میں بھی بارش ہوئی اور سڑکیں جھیل کا منظر پیش کرنے لگیں جبکہ بہاولنگر اور حافظ آباد میں بھی تیزبارش سے سڑکیں اور نشیبی علاقے زیرآب آگئے ساتھ ہی فیڈرز ٹرپ ہونے سے بجلی کی فراہمی بھی معطل ہے۔

پنجاب اور خیبرپختونخوا میں مختلف حادثات میں مزید بارہ سے زائد افراد جان کی بازی ہار چکے ہیں۔

پنجاب میں سات افراد جاں بحق اورگیارہ زخمی ہوئے، راولپنڈی کے علاقے کہوٹہ میں چھت گرنے سے ایک بچہ جاں بحق چار افراد زخمی ہوئے۔

خیبرپختونخوا بھی بارشوں اور سیلاب کی لپیٹ میں ہے، مختلف حادثات میں مزید چھ افراد جان سے گئے۔

مزید پڑھیں : ملک بھر میں مون سون بارشوں کا سلسلہ شدت اختیار کر گیا

پی ڈی ایم اے خیبرپختونخوا کے مطابق بونیر، مالاکنڈ،کرک، مانسہرہ، مہمنداورچارسدہ میں مختلف حادثات کے باعث آٹھ گھروں کو نقصان پہنچا۔

دریاؤں میں پانی کی سطح بھی بلند ہورہی ہے، دریائے چترال میں اونچے درجے کا سیلاب گزررہا ہے، جس کے باعث گلگت، اسکردو، ہنزہ، استور، دیامر، گانچھے اورشگر میں لینڈ سلائیڈنگ کا خدشہ ہے۔

مظفرآباد، نیلم ویلی، راولا کوٹ،حویلی اور باغ میں بھی شدید بارشوں کے باعث لینڈ سلائیڈنگ ہوسکتی ہے۔