لاہور: سپریم کورٹ کے حکم پر لاپتا بچوں کی بازیابی کے لیے پنجاب انفارمیشن ٹیکنالوجی بورڈ نے ویب سائٹ بنا دی۔ ویب سائٹ پر گمشدہ اور بازیاب بچوں کی تفصیلات شائع کر دی گئی ہیں۔
پنجاب انفارمیشن ٹیکنالوجی بورڈ نے لاپتا اور گمشدہ بچوں کی تفصیلات پر مبنی ویب سائٹ متعارف کرا دی ہے۔ویب سائٹ پرچائلڈ پروٹیکشن بیورو ،یتیم خانوں،ایدھی ہوم اور ایس او ایس ویلج میں موجود لاپتا بچوں اور گم ہونے والے بچوں کی تمام تر تفصیلات بھی شائع کی گئی ہیں۔
سپریم کورٹ کے حکم پر متعارف کرائی جانے والی ویب سائٹ پر اس وقت 40 بچیوں اور 126 لاپتا اور بازیاب بچوں کی تفصیلات موجود ہیں۔
سپریم کورٹ کے حکم پر قائم لاپتا بچوں کی کمیٹی کے مطابق ویب سائٹ بنانے کا مقصد بچوں کی بازیابی اور ان کی گھروں تک محفوظ واپسی کو یقینی بنانا ہے کیونکہ بچوں کی بازیابی کے لیے پولیس روایتی سستی کا مظاہرہ کر رہی تھی تاہم اب پولیس کی کارکردگی کو مانیٹر کر کے پولیس کو تکنیکی معاونت فراہم کی جا رہی۔