ARYNews.tv | Urdu – Har Lamha Bakhabar

Tag: wedding

  • اقرا عزیز اور یاسر حسین کی شادی کا منفرد دعوت نامہ

    اقرا عزیز اور یاسر حسین کی شادی کا منفرد دعوت نامہ

    معروف اداکاروں اقرا عزیز اور یاسر حسین نے اپنی شادی کی تاریخ کا اعلان کردیا، دونوں کی شادی کا انوکھا و مزاحیہ کارڈ جلد سوشل میڈیا پر وائرل ہوگیا۔

    اقرا عزیز اور یاسر حسین نے شادی کی تاریخ کا اعلان سماجی رابطے کی ویب سائٹ انسٹا گرام پر کیا۔ شادی کے کارڈ میں دونوں کی خوبصورت السٹریشن بنی ہوئی ہے۔

    کارڈ کا متن بھی خاصا دلچسپ ہے۔ کارڈ میں لکھا گیا ہے، خادم صاحب کا لڑکا یاسر (دیر آیا درست آیا)، عزیز صاحب کی لڑکی اقرا (سمجھداری کی مثال)۔

    کارڈ کے مطابق یہ جوڑا رواں برس 28 دسمبر کو رشتہ ازدواج میں منسلک ہونے جارہا ہے جس کی وجہ کارڈ پر یہ لکھی گئی کہ سنہ 2020 میں مزید مہنگائی ہوجائے گی۔

    کارڈ کے آخر میں لکھا گیا ہے، تحفوں کی ضرورت نہیں، البتہ سلامی مشوروں کی طرح دیں یعنی دل کھول کر۔

     

    View this post on Instagram

     

    Duaon mai yaad rakhen ❤️ #iqyasirdaviyah card design @ameerzahirali

    A post shared by Yasir Hussain (@yasir.hussain131) on

    خیال رہے کہ اقرا عزیز نے چند ہی ڈراموں سے بہت جلد اداکاری میں اپنا لوہا منوا لیا ہے جبکہ ان کے مداحوں کی تعداد بھی دن بدن بڑھتی جارہی ہے۔

    یاسر حسین نے رواں برس ایک ایوارڈ کی تقریب میں اقرا کو شادی کی پیشکش کی تھی جسے کچھ لوگوں نے پسند کیا جبکہ کچھ نے اسے پبلسٹی اسٹنٹ قرار دیتے ہوئے اس پر خاصی تنقید کی۔

  • ڈونلڈ ٹرمپ کی اچانک حامی نوجوان کی شادی میں‌ شرکت، دلہا دلہن حیران

    ڈونلڈ ٹرمپ کی اچانک حامی نوجوان کی شادی میں‌ شرکت، دلہا دلہن حیران

    واشنگٹن:امریکی صدر ڈونلڈ ٹرمپ ریاست نیو جرسی میں منعقدہ ایک شادی کی تقریب میں جا پہنچے، جنہیں دیکھ کر دلہا دلہن سمیت تمام افراد حیران رہ گئے۔

    تفصیلات کے مطابق صدر ڈونلڈ ٹرمپ جوعوامی نوعیت کی محفلوں اور تقریبات میں کم ہی دکھائی دیتے ہیں کچھ روز قبل اچانک ریاست نیو جرسی کے شہر بڈمنسٹر میں واقع گالف کلب میں منعقدہ ایک حامی نوجوان کی شادی کی تقریب میں جا پہنچے۔

    غیر ملکی خبر رساں ادارے کا کہنا تھا کہ دلہا مونگیلی نے وائیٹ ہاؤس میں متعدد اہم شخصیات کو اپنی شادی کے دعوت نامے ارسال کیے تھے، ان میں صدر ٹرمپ بھی شامل تھے۔

    غیر ملکی خبر رساں ادارے کا کہنا تھا کہ صدر کی شرکت پر دلہا اور دلہن سمیت دیگر شرکاءکو بھی خوش گوار حیرت ہوئی۔

    شادی کی تقریب میں صدر ڈونلڈ ٹرمپ کی شرکت کی ایک فوٹیج سوشل میڈیا پر بھی وائرل ہوئی جس میں انہیں دلہا اور دلہن کے ساتھ کھڑے دیکھا جاسکتا ہے۔

    اس موقع پر صدر ٹرمپ نے ٹائی کے بغیر سیاہ پینٹ اور کوٹ زیب تن کیا ہوا تھا،صدر ٹرمپ نے دلہا اور دلہن سے معانقہ کیا۔

    غیر ملکی خبر رساں ادارے کا کہنا تھا کہ تقریب عروسی میں شریک شرکاء نے صدر ٹرمپ کو شادی میں دیکھ کر امریکا زندہ باد کے نعرے بھی لگائے۔

  • برطانوی ماڈل کا دوسری شادی ‌پر 3ارب روپے خرچ کرنے کا فیصلہ

    برطانوی ماڈل کا دوسری شادی ‌پر 3ارب روپے خرچ کرنے کا فیصلہ

    لندن : برطانوی ماڈل پیٹرا ایکلسٹن کا ڈیڑھ کروڑ پاﺅنڈ (تقریباً 3ارب روپے ) لگا کر دوسری شادی کرنے کا فیصلہ کر لیا، شادی کے انتظامات مکمل ہو چکے ہیں اور تین ہفتے بعد وہ رشتہ ازدواج میں منسلک ہو جائیں گے۔

    تفصیلات کے مطابق برطانوی ماڈل اور فیشن ڈیزائنر پیٹرا ایکلسٹن کو اربوں کی جائیداد وراثت میں ملی تھی اور اب خود بھی کاروبار کر رہی ہیں تاہم بظاہر لگتا ہے کہ انہوں نے اپنی دولت لگژری شادیوں پر لٹانے کا تہیہ کر رکھا ہے۔

    پیٹرا ایکلسٹن نے اپنی پہلی شادی پر 1کروڑ 20لاکھ پاﺅنڈ (تقریباً 2ارب 40کروڑ روپے) اڑا ڈالے تھے مگر چند سال بعد ہی ان کی طلاق ہو گئی، اب وہ ایک کار سیلز مین کے ساتھ دوسری شادی کرنے جا رہی ہیں اور خبریں آ رہی ہیں کہ اس بار وہ پہلے سے بھی زیادہ رقم ڈیڑھ کروڑ پاﺅنڈ (تقریباً 3ارب روپے ) خرچ کرنے جا رہی ہیں۔.

    رپورٹ کے مطابق پیٹرا کی پہلی شادی 2011ءمیں جیمز سٹنٹ نامی شخص کے ساتھ ہوئی تھی اور 2017ءمیں ان کی طلاق ہو گئی تھی ، ان کے دوسرے دولہا کا نام سام پالمر ہے۔ دونوں کی شادی کے انتظامات مکمل ہو چکے ہیں اور تین ہفتے بعد وہ رشتہ ازدواج میں منسلک ہو جائیں گے۔

    ان کی شادی کی تقریب کوسٹاپامز کے خوبصورت سیاحتی مقام لاس کیبوس پر ہوگی، اپنی شادی کے لیے پیٹرا لاس کیبوس کا پورے کا پورا ریزارٹ ہی بک کروائیں تو اسی پر 1کروڑ پاﺅنڈ تک کی رقم خرچ ہو جائے گی۔

    واضح رہے کہ پیٹرا فارمولا ون گروپ کے سابق چیف ایگزیکٹو آفیسر برنی ایکلسٹن کی صاحبزادی ہیں، 88سالہ برنی ایکلسٹن کے اثاثوں کی مالیت 3.1 ارب ڈالر سے زائد ہے۔

  • افغانستان: شادی کی تقریب میں خودکش دھماکا، خواتین اور بچوں سمیت 14 افراد ہلاک

    افغانستان: شادی کی تقریب میں خودکش دھماکا، خواتین اور بچوں سمیت 14 افراد ہلاک

    کابل: افغانستان میں ایک شادی کی تقریب کے دوران خود کش دھماکے کے نتیجے میں خواتین اور بچوں سمیت 14 افراد ہلاک اور درجنوں زخمی ہوگئے۔

    تفصیلات کے مطابق پاک افغان سرحد پر واقع افغان صوبہ ننگرہار میں شادی کی تقریب میں خودکش بم دھماکے میں چودہ افغان شہری جاں بحق اور متعدد زخمی ہوگئے، جاں بحق افراد میں گھرکا سربراہ اور حکومت کا حمایت یافتہ قبائلی ملک بھی شامل ہے۔

    غیر ملکی خبر رساں ادارے کے مطابق جمعہ کے روز صبح تقریباً 8 بجے صوبہ ننگرہار کے ضلع پچیرگام میں حکومت کے حمایت یافتہ قبائلی ملک تورکے گھر میں شادی کی تقریب ہورہی تھی کہ ایک تیرہ سالہ خودکش بمبار نے آکر خودکو دھماکہ سے اڑا دیا جس کے نتیجے میں کم از کم چودہ افراد جاں بحق اور چودہ دیگر زخمی ہوگئے۔

    ضلع پچیرگام کے ضلعی سربراہ حضرت خان خاکسار کا کہنا ہے کہ دھماکے میں 14 افراد جاں بحق اور 14 دیگر زخمی ہوگئے جبکہ صوبائی گورنرکے ترجمان عطاءاللہ خوگیانی کے مطابق دھماکہ میں خودکش حملہ آور سمیت دس افراد جاں بحق ہوگئے جبکہ 14 دیگر زخمی ہوگئے جنہیں فوری طورپر مقامی اسپتال پہنچا دیا گیا۔

    جاں بحق افراد میں حکومت کا حمایت یافتہ ملک تور بھی شامل ہے جو مبینہ طور پر خودکش بمبار کا ٹارگٹ تھا، بتایاجاتا ہے کہ دھماکے میں خواتین اور بچے بھی شامل ہیں۔

    افغانستان میں دھماکا، افغان فوجیوں کی بس تباہ، 10 ہلاک

    ادھر طالبان ترجمان ذبیح اللہ مجاہد نے واقعہ سے لاعلمی کا اظلار کرتے ہوئے کہا ہے کہ طالبان شادی کی تقریبات کو نشانہ نہیں بناتے۔

  • دبئی کے ولی عہد شیخ حمدان کو شادی مبارک

    دبئی کے ولی عہد شیخ حمدان کو شادی مبارک

    دبئی : حاکم دبئی شیخ محمد بن راشد المکتوم کے تینوں بیٹوں کی شادی کی تیاریاں عروج پر ہیں جبکہ شادی کارڈ شوشل میڈیا پر وائرل ہوگیا۔

    تفصیلات کے مطابق متحدہ عرب امارات کی ریاست دبئی میں ان دنوں عروسی کے شادیانے بج رہے ہیں کیونکہ حاکم دبئی اور یو اے ای کے نائب صدر و وزیر اعظم کے بیٹوں رشتہ ازدواج میں منسلک ہورہے ہیں۔

    سماجی رابطوں کی ویب سائٹ پر جاری ہونے والی تصویر کے مطابق دبئی کے ولی عہد اور دبئی ایگزیکیٹو کونسل کے چیئرمین شیخ حمدان بن محمد بن راشد المکتوم اور ان کے دو بھائیوں کی شادی اگلے ہفتے دبئی کے آئیکونک ورلڈ ٹریڈ سینٹر میں ہوگی۔

    اماراتی میڈیا کا کہنا تھا کہ 36 سالہ شیخ حمدان کی شادی شیخہ شیخہ بنت سعید بن ثانی المکتوم، نائب حاکم 35 سالہ شیخ مکتوم بن محمد کی شادی شیخہ مریم بنت بطّی المکتوم جبکہ چیئرمین محمد بن راشد المکتوم نالج فاؤنڈیشن کے چیئرمین 32 سالہ شیخ احمد بن محمد شیخہ مدیہ بنت دلموج المکتوم کے ساتھ رشتہ ازدواج میں منسلک ہورہے ہیں۔

    سوشل میڈیا پر وائرل ہونے والے شادی کارڈ پر عربی میں تقریب کی تاریخ و جگہ بھی واضح ہے، کارڈ کے مطابق شادی کی تقریب 6 جون 2019 کو ورلڈ ٹریڈ سینٹر میں منعقد ہوگی۔

    اماراتی خبر رساں ادارے کا کہنا تھا کہ سوشل میڈیا پر شاہی محل کی ویڈیو بھی وائرل ہوئی ہے جس میں دیکھا جاسکتا ہے کہ پورے محل کو برقی قمقموں سے سجایا گیا ہے۔

    سماجی رابطوں کی ویب سایٹ پر وائرل ہونے والے شاہی محل کی ویڈیو کے پس منظر میں دبئی کا آئیکونک ٹاور بھی نظر آرہا ہے۔

  • کپل کی شادی کا میٹھا دعوت نامہ توجہ کا مرکز

    کپل کی شادی کا میٹھا دعوت نامہ توجہ کا مرکز

    ممبئی: بالی ووڈ کے مزاحیہ اداکار کپل شرما کی شادی کا میٹھا دعوت نامہ لوگوں کی توجہ کا مرکز بن گیا۔

    تفصیلات کے مطابق بالی ووڈ کے مزاحیہ اداکار کپل شرما اور گینی چھاتراتھ کی شادی کی تقریبات کا آغاز ہوگیا جس کے تحت لڑکی کے گھر مذہبی رسم کا انعقاد کیا گیا۔

    بھارتی میڈیا رپورٹ کے مطابق کپل شرما نے سادگی سے شادی کرنے کا فیصلہ کیا، اس لیے وہ تقریب کو مختصر رکھنے کا ارادہ رکھتے ہیں۔

    کپل کی جانب سے شادی کا کارڈ مہمانوں کو ارسال کرنے کا سلسلہ شروع ہوگیا جسے ’میٹھا دعوت نامہ‘ قرار دیا گیا کیونکہ کارڈ کے ساتھ ایک ڈبہ موجود ہے جس میں مٹھائی اور میوہ جات شامل ہیں۔

     

    View this post on Instagram

     

    Wedding Card Of @kapilsharma And @ginnichatrath Marriage #KapilWedsGinni On #12thDec #KapilSharma

    A post shared by Kapil Sharma Universe (@kapilsharmauniverse) on

    انوکھے دعوت نامے  کو سوشل میڈیا پر خوب پذیرائی ملی اور مداحوں نے کپل سے مطالبہ کیا کہ دعوت نامہ بھیجنے کے بجائے مٹھائی کا ڈبہ ہی بھیج دیں۔

    مزید پڑھیں: کپل شرما نے اپنی شادی کی تاریخ کا اعلان کردیا

    یاد رہے کہ مزاحیہ اداکار نےگزشتہ دنوں اعلان کیا تھا کہ وہ 12 دسمبر کو گینی چھاتراتھ کے ساتھ شادی کرنے جاررہے ہیں۔ کپل نے سماجی رابطے کی ویب سائٹ پر دعوت نامہ شیئر بھی کیا تھا۔

    بھارت سے تعلق رکھنے والے مزاحیہ اداکار نے اپنی شادی سے متعلق انکشاف کیا تھا کہ انہوں نے پہلی بار گینی کے گھر پر اپنی والدین کو بھیجا تو لڑکی کے والد نے رشتہ دینے سے صاف انکار کردیا تھا۔

    انہوں نے بتایا تھا کہ ’میری اور گینی کی ملاقات 2005 میں ایک آڈیشن کی تقریب کے دوران اُس روز ہوئی تھی جب میں ایچ ایم وی کالج طالبات کا آڈیشن لینے کے لیے پہنچا تھا، یہیں میری پہلی ملاقات ہوئی اور پھر ہم دوست بن گئے‘۔

    کپل کا کہنا تھا کہ ’ہمارے درمیان پانچ سال کی عمر کا فرق ہے مگر اُس کے باوجود ہم ایک دوسرے سے بہت زیادہ محبت کرتے ہیں’۔

    یہ بھی پڑھیں: نریندر مودی پر تنقید،کپل شرماپرکے خلاف دوسرامقدمہ درج

    اداکار کا کہنا تھا کہ ’ 2016 کے بعد جب کامیابی کا سفر شروع ہوا تو میں نے گینی کے والد کو ایک بار پھر رشتے کی پیش کش کی اس بار انہوں نے فوراً ہاں کردی تھی جس کے بعد میں نے والدین کو اُن کے گھر بھیجا‘۔

    View this post on Instagram

    Did you know one of the most anticipated wedding Kapil & Ginni Wedding Invitations, Sweets and ceremonial Gifts have been handcrafted by Lovely Imaginations – The home of designer Invitations. You too can now get married like a celebrity and choose from one the biggest special occasion collections in India. Choose from unlimited themes, designs, styles and presentation options. Pick your favourite tradition or fusion sweets, chocolates, dry fruit mixes and other gift thali's and hampers from a mouth watering variety and packaging options. Call 9915950000 to book your appointment today #weddinginvitation #royal #luxurious #celebritywedding #lovelyimaginations #onestopshop #invitethetowninstyle #specialoccasion #unlimitedthemes #desiginercards #stylishboxes #weddingstyle #kapilsharma #kapilginniwedding

    A post shared by Lovely Imaginations (@lovelyimaginations) on

    بھارتی میڈیا رپورٹس کے مطابق کپل اور گینی کی شادی کی تقریب 12 دسمبر کو منعقد ہوگی جس میں صرف قریبی رشتے دار ہی شرکت کریں گے بعد ازاں یہ جوڑا 22 دسمبر کو ساتھی فنکاروں کے لیے ممبئی میں استقبالیے کا انعقاد بھی کرے گا۔

  • برطانوی شہزادی یوجین کی شادی، شاہی بیگوں کی آن لائن فروخت

    برطانوی شہزادی یوجین کی شادی، شاہی بیگوں کی آن لائن فروخت

    لندن : برطانوی شہزادی یوجین اور عام شہری جیک بروکس بینک کی شادی میں شریک مہمانوں نے شاہی محل سے تحفے میں ملنے والے ہینڈ بیگز آن لائن فروخت کرنا شروع کردئیے۔

    تفصیلات کے مطابق ملکہ برطانیہ کی پوتی اور ملکہ بننے کی نویں امیدوار شہزادی یوجین اور عام شہری جیک بروکس بینک کی شادی میں شرکت کرنے والے مہمانوں کو تحفے میں دئیے گئے ہینڈ بیگ آن لائن فروخت ہورہے ہیں۔

    برطانوی خبر رساں ادارے کا کہنا تھا کہ شاہی شادی میں شرکت کرنے والے مہمانوں نے تقریباً ایک درجن ہینڈ بیگ آن لائن ویب سائٹ ’ای بے‘ پر ایک ہزار پاؤنڈ میں فروخت کے لیے لگائے گئے ہیں۔

    مقامی میڈیا کا کہنا ہے کہ برطانیہ کے ونڈسر پیلس کی جانب سے پرنسس آف یارک کی عروسی میں شریک 12 سو مہمانوں میں تقسیم کیے گئے تھے۔

    برطانوی نشریاتی ادارے کا کہنا ہے کہ ونڈسر پیلس کی جانب سے بیگز میں فریج میگنیٹ، پانی کی بوتل، چھوٹی ڈبل روٹی، چاکلیٹ کا سکہ اور بغیر آستین والا کوٹ شامل تھا۔

    شاہی محل کی جانب سے شادی میں شریک مہمانوں کو دئیے جانے والے بیگز کو فروخت کرنے کے لیے ویب سائٹ پر دئیے گئے اشتہار پر لکھا تھا کہ ’آج موقع ہے کہ برطانوی شاہی تاریخ کا ایک حصّہ آپ خریدیں‘۔

    برطانوی خبر رساں ادارے کا کہنا تھا کہ جمعے کے روز ونڈسر محل میں منعقد ہونے والی شادی کی تقریب میں 850 نجی مہمانوں نے شرکت کی تھی جنہیں تحفے میں بیگ نہیں دئیے گئے تھے، 850 مہمانوں میں برطانیہ کی مشہور ماڈل کارا ڈیلی ونگنی اور گلوکار روبی ولیم بھی شریک تھے۔

    غیر ملکی میڈیا کا کہنا تھا کہ شاہی بیگز شہزادی یوجین کی شادی میں شرکت کرنے والے 2640 عام مہمانوں میں تقسیم کیے گئے تھے، تحفے میں دئیے گئے بیشتر بیگز 1 ہزار پاؤنڈ میں فروخت ہوچکے ہیں۔

    خیال رہے کہ گذشتہ روز برطانوی شہزادے ہیرے اور امریکی اداکارہ میگھن مرکل کے رشتہ ازدواج میں منسلک ہونے کے 5 ماہ بعد ملکہ برطانیہ کی پوتی اور شہزادہ اینڈریو کی چھوٹی بیٹی شہزادی یوجین اپنے قریبی دوست اور عام شہری کی دلہن بنیں تھیں۔

    برطانوی خبر رساں ادارے کا کہنا تھا کہ پرنسس آف یارک کہلائی جانے والی 28 سالہ شہزادی یوجین دوست جیک بروکس بینک کے ساتھ رشتہ ازدواج میں منسلک ہوئیں تھیں جو ونڈسر محل کے سینٹ جارج چیپل میں منعقد ہوئی تھی۔

  • برطانوی وزیر اعظم شادی میں بن بلائے جا پہنچیں

    برطانوی وزیر اعظم شادی میں بن بلائے جا پہنچیں

    کسی کی شادی میں اگر وزیر اعظم شرکت کرنے پہنچ جائیں تو دلہا دلہن اور ان کے اہلخانہ خوشی سے نہال ہوجاتے ہیں، ایسا ہی کچھ ایک برطانوی جوڑے کے ساتھ ہوا جن کی شادی میں وزیر اعظم تھریسا مے پہنچ گئیں وہ بھی بغیر دعوت کے۔

    مشال اور جیسن نامی اس جوڑے نے انگلینڈ کے ایک جزیرے میں بحری کشتی پر اپنی شادی کا انعقاد کیا تھا۔

    جب وہ ایجاب و قبول کی رسم ادا کر رہے تھے تو اچانک برطانوی وزیر اعظم تھریسا مے کشتی پر نمودار ہوئیں اور وہاں موجود تمام لوگ خوشی سے اچھل پڑے۔

    تھریسا مے اپنے شوہر فلپ کے ساتھ اسی جزیرے پر تعطیلات منانے آئی تھیں اور سوئے اتفاق شادی کی تقریب کے وقت وہ آس پاس ہی موجود تھیں۔

    جوڑے نے انہیں مدعو کیا کہ وہ ان کے ساتھ تصاویر بنوائیں تو مے نے کہا کہ وہ ایسے لباس میں ملبوس نہیں جو کسی شادی میں شرکت کے لیے موزوں ہو، تاہم پھر بھی انہوں نے چند تصاویر بنوا لیں۔

    دلہا اور دلہن نے ان کی غیر متوقع آمد اور اپنی شادی کو یادگار بنانے پر ان کا بے حد شکریہ ادا کیا۔

  • روسی صدر پیوٹن کا آسٹریا کی وزیر خارجہ کے ہمراہ رقص

    روسی صدر پیوٹن کا آسٹریا کی وزیر خارجہ کے ہمراہ رقص

    ویانا/ماسکو : روسی صدر نے آسٹریا کی وزیر خارجہ کرین کینیسل کی شادی کی تقریب میں روس کے میوزیکل بینڈ کے ہمراہ شرکت کی اور 53 سالہ دلہن کے ساتھ رقص بھی کیا۔

    تفصیلات کے مطابق روسی صدر ولادی میر پیوٹن نے ایک روز قبل نجی دورے پر یورپی ملک آسٹریا کی وزیر خارجہ کرین کنیسل کی شادی کی تقریب میں شرکت کرنے کے بعد جرمن چانسلر اینجیلا مرکل سے ملاقات کے لیے روانہ ہوگئے۔

    غیر ملکی خبر رساں ادارے کا کہنا تھا کہ روسی صدر آسٹریا کی وزیر خارجہ کی شادی میں شرکت کرنے کے لیے روسی بینڈ کے ہمراہ ریاست سٹیریا میں منعقدہ تقریب میں پھولوں کا گلدشتہ ہاتھوں میں تھامے پہنچے تھے۔

    غیر ملکی خبر رساں ادارے کا کہنا تھا کہنا تھا کہ روسی صدر ولادی میر پیوٹن نے شادی کی تقریب کے دوران سفید لباس میں ملبوس دلہن 53 سالہ کرین کینیسل کے ہمراہ رقص بھی کیا۔

    یورپی میڈیا کے مطابق وزیر خارجہ کرین کینیسل نامور بزنس مین وولفینگ میلنگر سے کے ساتھ شادی کے بندھن میں بندھی ہیں۔

    غیر ملکی خبر رساں ادارے کا کہنا تھا کہ روس اور یورپی یونین میں مختلف معاملات پر کشیدگی کے باوجود کرین کینیسل کی شادی میں شرکت کی دعوت پر حیران کن ہے۔

    غیر ملکی میڈیا کا کہنا تھا کہ آسٹریا کی فریڈم پارٹی کے سربراہ ہائنز کرسچین نے روس کی حمایت کرتے ہوئے عائد پابندیاں ختم کرنے کا مطالبہ کیا ہے۔

    خیال رہے کہ سابق روسی جاسوس سرگئی اسکریپال پر قاتلانہ حملے کے بعد روس اور برطانیہ کے درمیان پیدا ہونے والی کشیدگی میں برطانوی حکومت کی حمایت میں روسی سفیروں کو ملک بدر نہیں کیا تھا۔

  • میگھن مارکل کے والد بیٹی کی شادی میں‌ عدم شرکت پر رنجیدہ

    میگھن مارکل کے والد بیٹی کی شادی میں‌ عدم شرکت پر رنجیدہ

    لاس اینجلس: شاہی خاندان کی نوبیاہتا بہو میگھن مارکل کے والد کا کہنا ہے کہ بیٹی کی شادی ٹیلی ویژن پر دیکھی جو بہت تکلیف دہ تھی افسوس ہے کہ میں بطور والد شادی میں شرکت نہ کرسکا۔

    تفصیلات کے مطابق شاہی خاندان کے چھوٹے نواب پرنس ہیری اور امریکی اداکارہ آج مذہبی رسومات کے بعد باقاعدہ ازدواجی بندھن میں بند گئے اور نوبیاہتا جوڑے نے آئندہ کی زندگی ساتھ گزارنے کا عہد کیا۔

    شاہی خاندان کی شادی میں شرکت ہر شخص کی خواہش تھی تاہم نئی نویلی دلہن کے والد علالت کے باعث اپنی ہی بیٹی کی شادی میں شرکت نہ کرسکے کیونکہ انہیں ڈاکٹر نے آرام کرنے کا مشورہ دیا تھا۔

    مزید پڑھیں: شہزادہ ہیری اور میگھن مرکل رشتہ ازدواج میں منسلک ہوگئے

    میگھن مارکل کے والد نے شادی کی تقریبات ٹیلی ویژن پر دیکھیں اور عدم شرکت پر دکھ اور تکلیف کا اظہار کیا جسے یقیناً ہر باپ محسوس کرسکتا ہے کیونکہ اولاد کی خوشی میں شرکت کرنا گھر کے سربراہ کی دیرینہ خواہش ہوتی ہے۔

    شاہی خاندان کی نوبیاہتا بہو کے والد کا کہنا تھا کہ ’میری بیٹی بہت خوبصورت اور خوش لگ رہی تھی، دعا ہے کہ وہ ہمیشہ خوش رہے اور اُسے اسی طرح پیار ملتا رہے‘۔

    امریکی ویب سائٹ سے گفتگو کرتے ہوئے میگھن کے والد کا کہنا تھا کہ یہ مرحلہ میرے لیے تکلیف دہ ضرور ہے مگر یقیناً یہ موقع میرے لیے خوشی کا باعث بھی ہے کیونکہ میری بیٹی دلہن بنی اور اُس نے اپنی نئی زندگی کا آغاز کیا۔

    یہ بھی پڑھیں: شاہی خاندان کی شادی تنازع کا شکار، میگھن کی تصدیق

    واضح رہے کہ میگھن مارکل کے والد کی دل کی سرجری ہوئی جس کے باعث ڈاکٹرز نے انہیں سفر کرنے سے منع کیا تھا، گزشتہ روز شاہی خاندان کی جانب سے جاری ہونے والے اعلامیے میں امریکی اداکارہ نے والد کی عدم شرکت صحت کی وجہ ہی بتائی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔