کراچی: پاکستان کی نامور اداکارہ عروہ حسین نے برطانوی پرنس ہیری اور میگھن مارکل کی محبت کو اپنی محبت سے تشبیہ دے ڈالی۔
تفصیلات کے مطابق تین روز قبل برطانوی شاہی خاندان کے چھوٹے نواب اور امریکی اداکارہ طویل عرصے کی محبت کے بعد ازدواجی بندھن میں بندھے اور نئی زندگی کے سفر کا آغاز کیا۔
شاہی شادی کے چرچے دنیا بھر میں جاری رہے اور اس تقریب کو دنیا کی سب سے زیادہ بحث کی جانے والی تقریب کا اعزاز بھی حاصل ہوا کیونکہ دو روز تک سماجی رابطے کی ویب سائٹس پر پرنس ہیری اور میگھن کی شادی کا موضوع تقریباً ہرزدعام رہا۔
اسی اثناء پاکستان کی نامور اداکارہ عروہ حسین نے سماجی رابطے کی ویب سائٹ پر پرنس ہیری اور میگھن مارکل کی تصویر شائع کر کے ان کی کہانی کو اپنی اور گلوکار فرحان کی محبت سے تشبیہ دے ڈالی۔
مزید پڑھیں: بادشاہی مسجد میں گلوکارفرحان سعید اوراداکارہ عروہ حسین کا نکاح
عروہ حسین کا کہنا تھا کہنا تھا کہ شاہی شادی نے میری اور فرحان کی ایک برس پرانی یادیں تازیں کردیں کیونکہ ہماری شادی بھی سماجی رابطوں کی ویب سائٹ پر ٹاپ ٹرینڈ میں رہی۔
اداکارہ کا مزید کہنا تھا کہ پرنس ہیری اور میگھن مارکل کی شادی نے ہماری محبت کی کہانی ایک بار پھر تازہ کردی۔
واضح رہے کہ پاکستانی اداکارہ عروہ حسین اور فرحان سعید کا نکاح گزشتہ برس 16 دسمبر کو لاہور کی بادشاہی مسجد میں انجام پایا تھا جس کے بعد دونوں ہنسی خوشی زندگی گزار رہے ہیں۔
خیال رہے کہ عروہ حسین اور فرحان سعید ایک عرصہ سے دوستی کے تعلق میں بندھے ہوئے تھے اور چند روز قبل ہی فرحان سعید نے عروہ کو شادی کی باقاعدہ پیشکش کی تھی۔
