ARYNews.tv | Urdu – Har Lamha Bakhabar

Tag: Weekly Report

  • اوپن مارکیٹ میں ڈالر کی قیمت کیا رہی؟ اسٹیٹ بینک کی ہفتہ وار رپورٹ

    اوپن مارکیٹ میں ڈالر کی قیمت کیا رہی؟ اسٹیٹ بینک کی ہفتہ وار رپورٹ

    کراچی : ملک میں معاشی استحکام کیلئے کیے جانے والے حالیہ حکومتی اقدامات کے بعد اوپن مارکیٹ میں امریکی ڈالر کی قیمت میں کمی آگئی۔

    اسٹیٹ بینک کی جانب سے جاری کی گئی ہفتہ وار رپورٹ کے مطابق گزشتہ ایک ہفتے میں انٹربینک میں ڈالر12پیسے مہنگا ہوکر278.33روپے پر بند ہوا۔

    ایک ہفتے میں اوپن مارکیٹ میں ڈالر6پیسے کمی کے بعد279.49روپے کا ہوگیا، اوپن مارکیٹ میں ایک ہفتے میں یورو85پیسے مہنگا ہوکر301.33روپے کا ہوگیا۔

    اس کے علاوہ اوپن مارکیٹ میں رواں ہفتے برطانوی پاؤنڈ1.40روپے بڑھ کر354.36روپے جبکہ ایک ہفتے میں یو اے ای درہم7پیسےبڑھ کر75.98روپے کا ہوگیا۔

    رپورٹ کے مطابق ایک ہفتے میں سعودی ریال9پیسے بڑھ کر74.20 روپے کا ہوگیا، بیرونی قرض کی مد میں 6کروڑ30لاکھ ڈالر کی ادائیگی کی گئی۔

    اسٹیٹ بینک کا اپنی رپورٹ میں کہنا ہے کہ اسٹیٹ بینک کے ذخائر9.15ارب ڈالر سے9.09 ارب ڈالر پر آگئے، کمرشل بینکوں کے ذخائرمیں 20.70کروڑ ڈالرکی کمی ہوئی۔

    مرکزی بینک کی رپورٹ کے مطابق کمرشل بینکوں کے ذخائر5.42ارب ڈالر سے کم ہوکر5.22ارب ڈالر اور ملکی مجموعی ذخائر27کروڑ ڈالر کمی سے14.31ارب ڈالر رہ گئے۔

  • پاکستان اسٹاک مارکیٹ: گزشتہ ہفتہ کاروبار کے لیے کیسا رہا؟

    پاکستان اسٹاک مارکیٹ: گزشتہ ہفتہ کاروبار کے لیے کیسا رہا؟

    کراچی: پاکستان اسٹاک ایکسچینج میں گزشتہ ہفتے مثبت کاروباری رجحان رہا، 100 انڈیکس میں 600 سے زائد پوائنٹس کا اضافہ ہوا۔

    تفصیلات کے مطابق یکم سے 5 مئی 2023 کے دوران 100 انڈیکس میں 661 پوائنٹس کا اضافہ ہوا، ایک ہفتے میں 100 انڈیکس 1.60 فیصد اضافے سے 42 ہزار 241 پوائنٹس پر بند ہوا۔

    گزشتہ ہفتے کے دوران اسٹاک مارکیٹ میں 94 کروڑ شیئرز کا کاروبار کیا گیا، ایک ہفتے میں مجموعی طور پر 31 ارب 41 کروڑ روپے مالیت کا کاروبار ہوا۔

    ایک ہفتے میں مارکیٹ کیپٹلائزیشن میں 67 ارب روپے کا اضافہ ہوگیا اور مارکیٹ کیپٹلائزیشن 6356 ارب روپے ہوگئی۔

  • پاکستان اسٹاک مارکیٹ: 3 روز میں کاروبار میں اضافہ

    پاکستان اسٹاک مارکیٹ: 3 روز میں کاروبار میں اضافہ

    کراچی: پاکستان اسٹاک ایکسچینج میں 3 روز کے دوران کاروبار میں مثبت رجحان دیکھا گیا اور 100 انڈیکس میں 500 سے زائد پوائنٹس کا اضافہ ہوا۔

    تفصیلات کے مطابق عید الفطر کی تعطیلات ختم ہونے کے بعد پاکستان اسٹاک مارکیٹ میں 3 روز کاروبار ہوا جس کے دوران مثبت رجحان رہا۔

    26 سے 28 اپریل 2023 (بدھ تا جمعہ) کے دوران 100 انڈیکس میں 573 پوائنٹس کا اضافہ ہوا اور انڈیکس 1.40 فیصد اضافے سے 41 ہزار 580 کی سطح پر بند ہوا۔

    گزشتہ ہفتے کے دوران 62 کروڑ 40 لاکھ شیئرز کا کاروبار ہوا جبکہ 21 ارب روپے مالیت کا کاروبار کیا گیا۔

    ایک ہفتے میں مارکیٹ کیپٹلائزیشن 88 ارب روپے بڑھ کر 6289 ارب روپے ہوگئی۔

  • پاکستان اسٹاک مارکیٹ: گزشتہ ہفتے کاروبار میں مثبت رجحان

    پاکستان اسٹاک مارکیٹ: گزشتہ ہفتے کاروبار میں مثبت رجحان

    کراچی: پاکستان اسٹاک ایکسچینج میں گزشتہ ہفتے کاروبار مثبت رجحان میں رہا، 100 انڈیکس میں 155 پوائنٹس کا اضافہ ہوا۔

    تفصیلات کے مطابق پاکستان اسٹاک مارکیٹ میں گزشتہ ہفتے کاروبار کا رجحان مثبت رہا، 100 انڈیکس 155 پوائنٹس اضافے سے 40 ہزار 205 پوائنٹس پر بند ہوا۔

    10 سے 14 اپریل 2023 کے دوران انڈیکس کی ہفتہ وار بلند ترین سطح 40 ہزار 417 پوائنٹس جبکہ کم ترین سطح 39 ہزار 722 پوائنٹس رہی۔

    ایک ہفتے کے دوران مارکیٹ میں 33 کروڑ 45 لاکھ شیئرز کے سودے ہوئے، شیئرز بازار کے ہفتہ وار کاروبار کی مالیت 8 ارب 54 کروڑ روپے رہی۔

    گزشتہ ہفتے مارکیٹ کیپٹلائزیشن 9 ارب روپے بڑھ کر 6103 ارب روپے رہی۔

  • ایک ہفتے کے دوران مہنگائی میں کتنا اضافہ ہوا؟ رپورٹ جاری

    ایک ہفتے کے دوران مہنگائی میں کتنا اضافہ ہوا؟ رپورٹ جاری

    اسلام آباد : پاکستان میں مہنگائی کی پیمائش کے حساس قیمت انڈیکس کے مطابق اشیائے خورد و نوش کی قیمتوں میں اضافے کی وجہ ہفتہ وار مہنگائی کی شرح میں اعشاریہ17 فیصد کا مزید اضافہ ہوا ہے۔

    پاکستان کے ادارہ شماریات کی ہفتہ وار رپورٹ میں بتایا گیا ہے کہ گزشتہ ایک ہفتے کے دوران ملک میں مہنگائی کی شرح میں0.17فیصد کا مزید اضافہ سامنے آیا ہے۔

    ادارہ شماریات نے ہفتہ وار مہنگائی کے اعداد و شمارجاری کردئیے جس کے مطابق ایک ہفتے میں 29اشیائے ضروریہ مزید مہنگی ہوگئیں، حالیہ ہفتے آلو 2 روپے 91 پیسے فی کلو مزید مہنگے ہوئے۔

    رپورٹ کے مطابق زندہ مرغی کی قیمت میں 26 روپے 94 پیسے فی کلو اضافہ ہوا، باسمتی چاول 6 روپے 30 پیسے فی کلو، کیلے8روپے82پیسے فی درجن مہنگے ہوئے جبکہ ایل پی جی کا گھریلو سلینڈر 103 روپے 87 پیسے مہنگا ہوا۔

    اس کے علاوہ ایک ہفتے میں ڈھائی کلو گھی کا ڈبہ35روپے68پیسے، دال ماش 9 روپے 62 پیسے، لہسن 9 روپے 87 پیسے، دال مونگ6روپے4پیسے، دال چنا 4 روپے 77 پیسے فی کلو مزید مہنگی ہوئی۔

    رپورٹ میں بتایا گیا ہے کہ ایک ہفتے کے دوران دال مسور3روپے39 پیسے فی کلو مہنگی ہوئی جبکہ صرف 5 اشیائے ضروریہ سستی ہوئیں جن میں پیاز 24 روپے 27 پیسے فی کلو، ٹماٹر3 روپے 7 پیسے فی کلو سستے ہوئے۔

    مزید پڑھیں : نئے سال کا پہلا مہینہ، مہنگائی میں کتنا اضافہ ہوا ؟ 

    ادارہ شماریات کی ہفتہ وار رپورٹ میں بتایا گیا ہے کہ انڈے ایک ہفتے میں 10 روپے،21 پیسے فی درجن سستے ہوئے ،حالیہ ہفتے17 اشیائے ضروریہ کی قیتموں میں استحکام رہا۔

  • پاکستان اسٹاک مارکیٹ: گزشتہ ہفتے کاروبار میں شدید مندی

    پاکستان اسٹاک مارکیٹ: گزشتہ ہفتے کاروبار میں شدید مندی

    کراچی: گزشتہ ہفتے پاکستان اسٹاک ایکسچینج میں کاروبار میں شدید منفی رجحان دیکھا گیا، 100 انڈیکس میں 600 سے زائد پوائنٹس کی کمی ہوئی۔

    تفصیلات کے مطابق پاکستان اسٹاک مارکیٹ میں گزشتہ ایک ہفتے کے دوران 100 انڈیکس میں 684 پوائنٹس کی کمی ہوئی جس کے بعد انڈیکس 1.67 فیصد کمی کے ساتھ 40 ہزار 323 پوائنٹس پر بند ہوا۔

    9 سے 13 جنوری 2023 کے دوران 100 انڈیکس کی ہفتہ وار بلند ترین سطح 41 ہزار 216 جبکہ کم ترین سطح 40 ہزار 200 پوائنٹس رہی۔

    گزشتہ کاروباری ہفتے کے دوران بازار میں 91 کروڑ 63 لاکھ شیئرز کے سودے ہوئے۔

    ایک ہفتے کے دوران مارکیٹ کے ہفتہ وار کاروبار کی مالیت 3.09 ارب روپے رہی جبکہ مارکیٹ کیپٹلائزیشن 85 ارب کم ہو کر 6424 ارب روپے رہی۔

  • کراچی اسٹاک مارکیٹ میں غیر یقینی کے سائے، کاروبار ٹھنڈا

    کراچی اسٹاک مارکیٹ میں غیر یقینی کے سائے، کاروبار ٹھنڈا

    کراچی: گزشتہ کاروباری ہفتے کے دوران پاکستان اسٹاک ایکسچینج میں مندی کا رجحان دیکھا گیا، 100 انڈیکس 41 ہزار پوائنٹس کی سطح پر بند ہوا۔

    تفصیلات کے مطابق پاکستان اسٹاک مارکیٹ میں گزشتہ ہفتے منفی رجحان دیکھا گیا، ایک ہفتے کے دوران 100 انڈیکس میں 1 ہزار 73 پوائنٹس کی کمی ہوئی۔

    کاروباری ہفتے کے اختتام پر 100 انڈیکس 41 ہزار 140 پوائنٹس کی سطح پر بند ہوا۔

    24 سے 28 اکتوبر 2022 کے دوران 100 انڈیکس کی بلند ترین سطح 42 ہزار 675 جبکہ کم ترین سطح 41 ہزار 116 پوائنٹس رہی۔

    اس دوران 1 ارب 6 کروڑ شیئرز کے سودے ہوئے، شیئرز بازار کے ہفتہ وار کاروبار کی مالیت 31 ارب روپے رہی۔

    مارکیٹ کپیٹلائزیشن بھی 166 ارب روپے کم ہو کر 6 ہزار 673 ارب روپے ہوگئی۔

  • پاکستان اسٹاک ایکسچینج کی ہفتہ وار رپورٹ جاری

    پاکستان اسٹاک ایکسچینج کی ہفتہ وار رپورٹ جاری

     کراچی : پاکستان اسٹاک ایکسچینج کی ہفتہ وار رپورٹ کے مطابق پی ایس ای میں کاروبار کا ہفتہ وار رجحان مجموعی طور پر منفی رہا۔

    اسٹاک ایکسچینج ذرائع کے مطابق ایک ہفتے میں 100 انڈیکس 136 پوائنٹس کم ہوکر 41948 پر بند ہوا۔

    ہنڈریڈ انڈیکس کی ہفتہ وار بلند ترین سطح 42442 رہی جبکہ ہفتہ وار کم ترین سطح 41895 رہی، رپورٹ کے مطابق بازار میں ایک ہفتے میں 1 ارب 33 کروڑ شیئرز کے سودے ہوئے۔

    اس کے علاوہ شیئرز بازار کے ہفتہ وار کاروبار کی مالیت 47 ارب 51 کروڑ روپے رہی، ایک ہفتے میں مارکیٹ کیپٹلائزیشن 44 ارب روپے کم ہوکر 6818 ارب روپے ہے۔

  • ڈالر کی قدر گرنے کا سلسلہ جاری

    ڈالر کی قدر گرنے کا سلسلہ جاری

    کراچی: امریکی ڈالر کی قیمت میں کمی کا سلسلہ جاری ہے، سوموار کے روز ڈالر کی قیمت میں 2 روپے کمی ہونے کے بعد روپے کی قدر میں مزید استحکام آیا۔

    تفصیلات کے مطابق کاروباری ہفتے کے پہلے روز 10 اکتوبر 2022 سوموار کو انٹر بینک مارکیٹ میں ڈالر کی قیمت میں مزید کمی ہوئی۔

    دن کے آغاز پر انٹر بینک مارکیٹ میں ڈالر 1 روپے 46 پیسے سستا ہو کر 218 روپے 46 پیسے پر پہنچ گیا۔

    دن کے وسط تک ڈالر کی قیمت میں 1 روپے 92 پیسے کمی ہوئی۔

    دن کے اختتام تک ڈالر کی مجموعی قیمت میں 1 روپے 96 پیسے کمی ہوئی اور ڈالر 217 روپے 96 پیسے پر بند ہوا۔ اوپن مارکیٹ میں ڈالر 217 سے 219 روپے میں فروخت ہوا۔

    خیال رہے کہ گزشتہ ہفتے ڈالر کی قیمت میں 8 روپے کمی ہوئی تھی اور روپیہ مستحکم ہوا تھا۔

    اکتوبر 2022 کے پہلے ہفتے کے دوران انٹر بینک مارکیٹ میں ڈالر 8 روپے 53 پیسے سستا ہوا، جس کے بعد ایک ہفتے کے دوران ڈالر 228.54 روپے سے کم ہو کر 219.92 روپے کا ہوگیا۔

    انٹر بینک مارکیٹ میں ڈالر بلند ترین سطح 239.71 روپے پر پہنچنے کے بعد سے اب تک 19 روپے 79 پیسے سستا ہوچکا ہے۔

  • ایک ہفتے میں امریکی ڈالر دھڑام سے نیچے جا گرا، روپیہ مستحکم

    ایک ہفتے میں امریکی ڈالر دھڑام سے نیچے جا گرا، روپیہ مستحکم

    کراچی: اکتوبر 2022 کے پہلے ہفتے کے دوران پاکستانی روپیہ امریکی ڈالر کو روندتا ہوا تیزی سے مستحکم ہوا اور اس میں اضافہ جاری ہے، گزشتہ چند دن میں ڈالر کی قدر میں 19 روپے سے زائد کمی ہوئی۔

    تفصیلات کے مطابق اکتوبر کے پہلے ہفتے (3 سے 7 اکتوبر 2022) میں انٹر بینک مارکیٹ میں ڈالر 8 روپے 53 پیسے سستا ہوا، جس کے بعد ایک ہفتے کے دوران ڈالر 228.54 روپے سے کم ہو کر 219.92 روپے کا ہوگیا۔

    انٹر بینک مارکیٹ میں ڈالر بلند ترین سطح 239.71 روپے پر پہنچنے کے بعد سے اب تک 19 روپے 79 پیسے سستا ہوچکا ہے۔

    اوپن بینک میں بھی ڈالر 8 روپے سستا ہوا، ایک ہفتے میں اوپن مارکیٹ میں ڈالر 230 روپے سے کم ہو کر 222 روپے پر پہنچ گیا۔ اوپن مارکیٹ میں ڈالر کی سطح 245 روپے تک جا پہنچی تھی جس کے بعد اس میں 23 روپے کی کمی ہوئی۔

    خیال رہے کہ ڈالر کی قیمت میں کمی وزیر خزانہ اسحاق ڈار کے وزارت کا چارج سنبھالنے کے بعد دیکھی جارہی ہے۔

    اپنے ایک بیان میں انہوں نے کہا تھا کہ ڈالر کی اس وقت جو قدر ہے وہ حقیقی نہیں، امریکی کرنسی کی اصل قدر 200 روپے سے کم ہے، ڈالر کو اصل قیمت پر لانے کے لیے جامع حکمت عملی بنا رہے ہیں۔

    وزرات خزانہ کی سٹے بازی پر کڑی نگاہ رکھنے اور ہر قسم کے زرمبادلہ کے لین کی مانیٹرنگ کے باعث زرمبادلہ کی دونوں مارکیٹوں میں بلا جواز ڈالر کی خریداری سرگرمیاں منجمد ہوگئی ہیں۔

    صرف اہم درآمدات کے لیے کھولی جانے والی ایل سیز یا اہم ترین ضروریات تک ڈالر کی خریداری محدود ہوگئی ہے۔

    بینکوں کی ناجائز منافع خوری

    دوسری جانب ذرائع وزارت خزانہ کا کہنا ہے کہ گزشتہ چند ماہ میں ڈالر کی قیمت میں اضافے کے دوران نجی بینکوں نے خوب فائدہ اٹھایا، نجی بینکس نے اس دوران 56 ارب روپے کا منافع کمایا۔

    ذرائع کا کہنا ہے کہ ڈالر کی قیمت میں اضافے پر اسٹیٹ بینک نے نجی بینکوں سے تحقیقات کا فیصلہ کیا ہے، اسٹیٹ بینک نے 8 نجی بینکوں کو نوٹسز بھی جاری کردیے ہیں، اسٹیٹ بینک کی تحقیقاتی رپورٹ جلد مکمل ہوجائے گی جو وزیر خزانہ اسحاق ڈار کو پیش کی جائے گی۔