ARYNews.tv | Urdu – Har Lamha Bakhabar

Tag: West Indies

  • کنگسٹن ٹیسٹ : پاکستان نے فتح اپنے نام کرلی، شاہین آفریدی شاندار کارکردگی

    کنگسٹن ٹیسٹ : پاکستان نے فتح اپنے نام کرلی، شاہین آفریدی شاندار کارکردگی

    کنگسٹن : پاکستان نے ویسٹ انڈیز کو دوسرے ٹیسٹ میچ میں ایک سو نو رنز سے شکست دے دی۔ تین سو انتیس رنز کے تعاقب میں ویسٹ انڈیز کی ٹیم دوسو انیس رنز پر آوٹ ہوگئی۔

    تفصیلات کے مطابق ویسٹ انڈیز کیخلاف دوسرے ٹیسٹ میں پاکستان کرکٹ ٹیم نے شاندار کامیابی حاصل کرتے ہوئے ایک منفرد اعزازاپنے نام کرلیا جبکہ ساتھ ساتھ فاسٹ بولر شاہین شاہ آفریدی بھی کسی 2 میچز کی سیریز میں پاکستان کے کامیاب ترین فاسٹ بولر بن گئے۔

    شاہین آفریدی نے میچ میں دس کھلاڑیوں کو شکار کیا۔ دو ٹیسٹ پر مشتمل سیریز ایک ایک سے برابر رہی۔ بیٹنگ بولنگ فیلڈنگ تینوں شاندار،پاکستان نے ویسٹ انڈیزپرکیاپلٹ وار نیٹ پاکستان نےمیزبان ٹیم کو109رن سےہراکر جمیکا میں دوسراٹیسٹ جیت لیا۔

    دو میچوں کی سیریزایک ایک سےبرابرکردی نیٹ میچ کےآخری روزپاکستان کو9وکٹیں درکارتھیں ویسٹ انڈیزکو280رنزبنانےتھے،چاروکٹیں لیکرشاہین نےحریف ٹیم کو219رن پرآوٹ کردیا۔

    اسپنرنعمان علی نےتین اورحسن علی نےدووکٹیں لیں نیٹ ویسٹ انڈیزکےجیسن ھولڈرنے47اورکپتان براتھ ویٹ نے39رن بناکرمزاحمت کی نیٹ بارش بھی ہوئی لیکن وقت اور پاکستان کاعزم جیت کاتھا۔

    کامیابی کےساتھ دورہ ختم ہوا،،قومی نےٹیسٹ چیمپئن شپ کےپوائنٹس ٹیبل پر12پوائنٹس بھی حاصل کرلیے

    ویسٹ انڈیز کے خلاف دوسرے ٹیسٹ میچ  کے دوران شاہین شاہ آفریدی نے10 وکٹیں حاصل کیں  جبکہ  2  میچز کی اس سیریز میں شاہین شاہ نے مجموعی طور  پر 18 شکار کیے جو کسی بھی 2 میچز کی سیریز میں ایک پاکستانی فاسٹ بولر کی سب سے زیادہ وکٹیں ہیں۔

  • سمنز اور پولارڈ نے پروٹیز بولنگ لائن کو تہس نہس کر ڈالا

    سمنز اور پولارڈ نے پروٹیز بولنگ لائن کو تہس نہس کر ڈالا

    کوئنز پارک: سمنز اور جارح مزاج پولارڈ کی دھواں دھار بیٹنگ کے باعث ویسٹ انڈیز نے جنوبی افریقا کے خلاف ٹی ٹوئنٹی سیریز بچالی ہے۔

    تفصیلات کے مطابق کوئنر پارک میں کھیلے گئے چوتھے ٹی ٹوئنٹی میچ میں جنوبی افریقا نے ٹاس جیت کر پہلے فیلڈنگ کا فیصلہ کیا، جواب میں کالی آندھی نے مقررہ بیس اوورز میں چھ وکٹوں کے نقصان پر 164 رنز بنائے۔

    ویسٹ انڈیز اوپنر لینڈی سمنز اور آل راؤنڈر کیون پولارڈ نے پروٹیز بولرز کا بھرکس نکال دیا، سمنز نے 34 گیندوں پر 47 رنز بنائے جبکہ کیون پولارڈ نے محض 25 بالز کا سامنا کرتے ہوئے 51 رنز کی شاندار اننگز کھیلی، دونوں بلے بازوں نے مشترکہ طور پر نو چھکے لگائے،جنوبی افریقا کی جانب سے طاہر شمسی اور جارج لنڈے نے دو،دو کھلاڑیوں کو آؤٹ کیا۔

    جواب میں جنوبی افریقا کی ٹیم 164 رنز کے ہدف کے تعاقب میں 146 رنز بناسکی، کپتان ڈی کوک کے 60 رنز بھی ٹیم کو فتح نہ دلاسکے، ویسٹ انڈیز کی جانب سے ڈیون براوو نے چار وکٹیں حاصل کیں، آیندرے رسل نے دو کھلاڑیوں کو ٹھکانے لگایا، بہترین بلے بازی کے باعث کیون پولارڈ کو مین آف دی میچ سے نوازا گیا۔

    ویسٹ انڈیز کی فتح کے بعد پانچ میچوں پر مشتمل ٹی ٹوئنٹی سیریز 2، دو سے برابر ہوگئی ہے، سیریز کا آخری اور فیصلہ کن میچ کل کھیلا جائے گا۔

  • سنسنی خیز مقابلے میں جنوبی افریقا کی فتح

    سنسنی خیز مقابلے میں جنوبی افریقا کی فتح

    کوئنز پارک: جنوبی افریقا نے سنسنی خیز مقابلے کے بعد ویسٹ انڈیز کو ایک رن سے شکست دیکر سیریز میں برتری حاصل کرلی ہے۔

    تفصیلات کے مطابق ویسٹ انڈیز کے کوئنز پارک میں کھیلے گئے تیسرے ٹی ٹوئنٹی میچ میں ویسٹ انڈیز نے ٹاس جیت کر مہمان ٹیم کو پہلے بیٹنگ کرنے کی دعوت دی، پروٹیز نے کپتان ڈی کوک کی شاندار 72 رنز کی بدولت مقررہ اوورز میں سات وکٹوں کے نقصان پر 166 رنز بنائے۔

    ویسٹ انڈیز کی جانب سے اوبید میکائے نے 4، ڈیون براوو 3 وکٹیں لے کر نمایاں رہے۔

    جواب میں ویسٹ انڈیز نے شاندار کھیل کا مظاہرہ کیا مگر میچ کی فتح سے ایک رنز قبل ان کی ہمت جواب دے گئے اور فتح جنوبی افریقا کے حصے میں آئی۔

    میچ کے آخری لمحات نہایت سنسنی خیز رہے، اس دوران میچ کھبی جنوبی افریقا تو کبھی ویسٹ انڈیز کے حق میں جاتا رہا، ویسٹ انڈیز کو آخری دو اوورز میں جیت کے لئے 19 رنز درکار تھے، تاہم ربادا اور طاہر شمسی نے اعصاب پر قابو پاتے ہوئے عمدہ بولنگ کی اور اپنی ٹیم کو فتح سے ہمکنار کرایا، اسپنر طاہر شمسی کو عمدہ بولنگ کی بدولت مین آف دی میچ قرار دیا گیا۔

  • ویسٹ انڈیز اوپنرز کا شاندار لاٹھی چارج، سری لنکا کو شکست

    ویسٹ انڈیز اوپنرز کا شاندار لاٹھی چارج، سری لنکا کو شکست

    اینٹیگا: کالی آندھی کے اوپنرز کی ریکارڈ پارٹنر شپ کی بدولت سری لنکا کو پانچ وکٹوں سے شکست کھانی پڑی ہے۔

    تفصیلات کے مطابق سری لنکا اور ویسٹ انڈیز کے درمیان تین میچوں پر مشتمل سیریز کا دوسرا میچ اینٹیگا کے سر ویون رچرڈسن میدان میں کھیلا گیا، جہاں ویسٹ انڈیز نے ٹاس جیت کر مہمان آئی لینڈرز کو پہلے بیٹنگ کی دعوت دی۔

    سری لنکا نے اوپنر ڈینوشکا گناتیلکا کے 96 ، مڈل آرڈر بلے باز چندی مل 71 اور آل راؤنڈر واناندو ہسرانگا کے برق رفتار 47 رنز کی بدولت مقررہ پچاس اوورز میں ویسٹ انڈیز کو 273 رنز کا ہدف دیا، ویسٹ انڈیز کی جانب سے جیسن محمد نے 3 اور آلازاری جوزف نے دو کھلاڑیوں کو آؤٹ کیا۔

    جواب میں ویسٹ انڈیز کے اوپنرز ایون لیوس اور شائے ہوپ نے کھیل کا جارحانہ آغاز کیا، دونوں اوپنرز کے درمیان ریکارڈ 192 رنز کی شراکت داری قائم ہوئی، ایون لیوس نے آئی لینڈرز کے خلاف شانداری سینچری اسکور کی، وہ 101 رنز بناکر آؤٹ ہوئے۔

    یہ بھی پڑھیں:  سری لنکن اوپنر کے متنازع رن آؤٹ کا سوشل میڈیا پر چرچہ

    شائے ہوپ نے 84 رنز بنائے، بعد ازاں ویسٹ انڈیز نے 273 رنز کا ہدف میچ کے آخری اوور میں پورا کرلیا،سری لنکا کی جانب سے نوان پردیپ اور تشارا پریرا نے 2 دو وکٹیں حاصل کیں۔

    اسی فتح کے ساتھ ہی ویسٹ انڈیز نے تین میچوں کی سیریز میں دو صفر کی فیصلہ کن برتری حاصل کرلی۔

  • کرکٹ ورلڈکپ 2019: افغانستان اور ویسٹ انڈیز آج مدمقابل ہوں گے

    کرکٹ ورلڈکپ 2019: افغانستان اور ویسٹ انڈیز آج مدمقابل ہوں گے

    لیڈز: آئی سی سی ورلڈکپ 2019 میں مقابلوں کا سلسلہ جاری ہے، آج افغانستان اور ویسٹ انڈیز کے درمیان ٹاکرا ہوگا۔

    تفصیلات کے مطابق آئی سی سی ورلڈکپ کے 42 ویں میچ میں آج افغانستان اور ویسٹ انڈیز کی ٹیمیں آمنے سامنے ہوں گی، میچ پاکستانی وقت کے مطابق دوپہرڈھائی بجے شروع ہوگا۔

    افغانستان کی ٹیم میگا ایونٹ میں اب تک 8 میچز کھیل چکی ہے اور اسے تمام میچوں میں شکست کا سامنا کرنا پڑا ہے، پوائنٹس اسکورننگ ٹیبل پرافغانستان کی ٹیم دسویں نمبر پرہے۔

    ویسٹ انڈیز کی ٹیم اب تک 8 میچز کھیل چکی ہے جس میں وہ ایک ہی میچ جیت سکی اور 6 میچز میں اسے شکست کا سامنا کرنا پڑا، 3 پوائنٹس کے ساتھ ویسٹ انڈیز کی ٹیم اسکورننگ ٹیبل پر نویں نمبر پر ہے۔

    واضح رہے کہ آئی سی سی ورلڈکپ کے لیے 10 ٹیمیں ایونٹ میں حصہ لے رہی ہیں جنہیں 2 گروپس میں تقسیم کرنے کے بجائے تمام ٹیمیں ایک دوسرے کے خلاف میچ کھیلیں گی۔

    ایونٹ میں دفاعی چیمپیئن آسٹریلیا، بھارت، پاکستان، انگلینڈ، نیوزی لینڈ، جنوبی افریقہ، ویسٹ انڈیز، بنگلہ دیش، سری لنکا اور افغانستان شامل ہیں۔

    آئی سی سی ورلڈکپ کے ایونٹ میں 48 میچز کھیلے جائیں گے، فائنل اور سیمی فائنل سے قبل تمام ٹیمیں 9،9 میچز کھیلیں گی جن میں سے 4 ٹیمیں سیمی فائنل میں جگہ بنائیں گی، 14 جولائی کو فائنل کھیلا جائے گا۔

  • ورلڈ کپ 2019: آج گرین شرٹس کالی آندھی سے ٹکرائیں گے

    ورلڈ کپ 2019: آج گرین شرٹس کالی آندھی سے ٹکرائیں گے

    ناٹنگھم: ورلڈ کپ 2019 میں آج گرین شرٹس کالی آندھی سے ٹکرائیں گے، شائقین کانٹے دار مقابلے کی توقع کر رہے ہیں.

    تفصیلات کے مطابق قومی کرکٹ ٹیم دو مرتبہ کی عالمی چیمپئن ویسٹ انڈیز سے دو دو ہاتھ کرنے کے لیے تیار ہے.

    میگا ایونٹ‌کا یہ مقابلہ ناٹنگھم میں ہوگا، مقابلے سے قبل قومی ٹیم نے ٹرینٹ برج کے گراؤنڈ میں جم کر پریکٹس کی.

    میچ کے لیے بارہ رکنی ٹیم کا اعلان کردیا گیا،  ٹیم میں فخر زمان، امام الحق، بابر اعظم، محمد حفیظ، سرفراز احمد، حارث سہیل، آصف علی، شاداب خان، عماد وسیم، محمد عامر، وہاب ریاض اور حسن علی شامل ہیں۔

    کپتان سرفراز احمد نے اپنے ایک بیان میں کہا ہے کہ ٹیم کا مورال بلند ہے، پلیئنگ الیون دماغ میں ہے، میں خود پانچویں نمبر پر بیٹنگ کروں گا.

    تجزیہ کار دونوں ٹیموں‌میں‌کانٹے دار مقابلے کی توقع کر رہے ہیں. میچ پاکستان وقت کے مطابق ڈھائی بجے شروع ہوگا.

    دوسری جانب ورلڈ کپ کی میزبان ٹیم انگلینڈ کے ایونٹ کا فاتحانہ آغاز کر دیا، پہلے میچ میں جنوبی افریقہ کو ایک سو چار رنز سے شکست دے کر مخالفین کے لیے خطرے کی گھنٹی بجا دی.

    ماہرین کے مطابق ہوم گراؤنڈپر انگلش بڑا خطرہ ثابت ہوسکتی ہے، میزبان کے سیمی فائنل میں‌ پہنچنے کے امکانات پر بھی بات ہورہی ہے.

  • ٹی ٹوئنٹی سیریز: پندرہ سال بعد ویسٹ انڈیز ویمنز ٹیم کل کراچی پہنچے گی

    ٹی ٹوئنٹی سیریز: پندرہ سال بعد ویسٹ انڈیز ویمنز ٹیم کل کراچی پہنچے گی

    کراچی: پاکستان ویمنز ٹیم سے ٹی ٹوئنٹی سیریز کھیلنے کے لیے ویسٹ انڈیز ویمنز ٹیم پندرہ سال بعد کل کراچی پہنچ رہی ہے۔

    تفصیلات کے مطابق ویسٹ انڈیز ویمنز ٹیم ٹی ٹوئنٹی سیریز کیلئے کل کراچی پہنچ رہی ہے، پاکستان ویمنز ٹیم نے بھی بھرپور انداز سے تیاریاں مکمل کرلی ہیں۔

    سابق ٹی ٹوئنٹی چیمپیئنز ویسٹ انڈیز کا سامنا کرنے کیلئے پاکستان ویمنز ٹیم تیار ہوگئی، کپتان بسمہ معروف کہتی ہیں کہ پاور ہٹنگ پر کافی محنت کی گئی ہے۔

    عالیہ ریاض بھی ویسٹ انڈیز کیخلاف ایکشن کیلئے تیار ہیں، ان کا کہنا تھا کہ پندرہ سال پہلے ویسٹ انڈیز نے شہر قائد میں ون ڈے اور ٹیسٹ میچز کی سیریز کھیلی تھی۔

    اب تیز ترین فارمیٹ میں دونوں ٹیمیں اکتیس جنوری سے لیکر تین فرروی تک مدمقابل ہوں گی، سیکورٹی انتظامات بھی مکمل کرلیے گئے، کل صبح تک مہمان ٹیم کراچی پہنچ جائے گی۔

    ویسٹ انڈیز ویمن ٹیم 15 سال بعد پاکستان کا دورہ کرے گی

    پاکستان ویمنز ٹیم کے اسکواڈ میں ایمن انور، عالیہ ریاض، انعم امین ،ڈیانابیگ، ارم جاوید، جویریہ خان، نشرح سندھو، نتالیہ پرویز، ندا ڈار،ثنا میر، سدرہ امین، سدرہ نواز اور عمیمہ سہیل شامل ہیں۔

    ویسٹ انڈیز کےخلاف ٹی20 میچز31جنوری سے3فروری تک کراچی میں ہوں گے جبکہ ون ڈے سیریز کے میچز7سے11فروری تک دبئی میں شیڈول ہیں۔

    خیال رہے کہ آخری مرتبہ ویسٹ انڈین ویمن ٹیم نے مارچ 2004 میں پاکستان کا دورہ کیا تھا جس کے دوران ٹیسٹ سیریز کسی نتیجے کے بغیر ختم ہوگئی تھی 7 میچز پر مشتمل ون ڈے سیریز ویسٹ انڈیز نے 5-2 سے اپنے نام کی تھی۔

  • آئی سی سی ویمنز ورلڈ ٹی ٹوئنٹی کا آغاز، پاکستانی ٹیم کل آسٹریلیا سے ٹکرائے گی

    آئی سی سی ویمنز ورلڈ ٹی ٹوئنٹی کا آغاز، پاکستانی ٹیم کل آسٹریلیا سے ٹکرائے گی

    گیانا: آئی سی سی ویمنز ورلڈ ٹی ٹوئنٹی آج سے ویسٹ انڈیز میں شروع ہو رہا ہے، پاکستانی ٹیم اپنا پہلا میچ آسٹریلیا کے خلاف ہفتے کو کھیلے گی۔

    تفصیلات کے مطابق ویسٹ انڈیز میں شروع ہونے والے ویمنز ورلڈ ٹی ٹوئنٹی میں دس ممالک کی ٹیمیں شرکت کر رہی ہیں۔

    ورلڈ ٹی ٹوئنٹی میں پاکستان، بھارت، آسٹریلیا، نیوزی لینڈ اور آئرلینڈ گروپ بی میں شامل ہیں۔

    پاکستان اپنا پہلا میچ دس نومبر کو آسٹریلیا کے خلاف کھیلے گا، روایتی حریف بھارت سے مقابلہ گیارہ نومبر کو ہوگا۔

    میگا ایونٹ کے وارم اپ میچز میں پاکستان نے بنگلہ دیش اور جنوبی افریقہ کو شکست دی ہے۔

    خیال رہے کہ میزبان ویسٹ انڈیز کی ٹیم اعزاز کا دفاع کرے گی، میگا ایونٹ کا فائنل چوبیس نومبر کو ہوگا۔

    ویسٹ انڈیز کو 8 برس بعد میگا ٹورنامنٹ کی میزبانی کا اعزاز ملا ہے، ویسٹ انڈیز نے آخری بار 2010ءمیں مینز اینڈ ویمنز ایونٹس کی میزبانی کی تھی۔

    واضح رہے کہ میگا ایونٹ 9 نومبر سے شروع ہوکر 16 دن جاری رہنے کے بعد سے 24 نومبر کو اختتام پذیر ہوگا۔ ایونٹ کے میچز اینٹیگوا اینڈ باربوڈا، گیانا اور سینٹ لوشیا میں کھیلے جائیں گے۔

  • ویسٹ انڈیز نے ورلڈ الیون کو 72 رنز سے شکست دے دی

    ویسٹ انڈیز نے ورلڈ الیون کو 72 رنز سے شکست دے دی

    لندن: برطانیہ کے تاریخی گراؤنڈ میں کھیلے گئے چیرٹی ٹی ٹوئنٹی میچ میں ویسٹ انڈیز نے آئی سی سی ورلڈ الیون کو 72 زنز سے شکست دے دی۔

    تفصیلات کے مطابق چیرٹی ٹی ٹوئنٹی میچ میں ویسٹ انڈیز نے پہلے بیٹنگ کرتے ہوئے مقررہ بیس آوور میں چار وکٹوں کے نقصان پر 199 رنز بنائے جبکہ ہدف کے تعاقب میں آئی سی سی ورلڈ الیون کے تمام کھلاڑی 17 ویں اوور میں 127 رنز پر آوٹ ہوگئے۔

    ہدف کے تعاقب میں ورلڈ الیون کی جانب سے تمیم اقبال اور لیوک رانچی میدان میں آئے اور دونوں اوپنرز کھیل کے تیسرے اوور میں ہی پویلین لوٹ گئے، تمیم نے محض دو جبکہ رانچی بغیر کوئی رنز بنائے آﺅٹ ہوئے۔

    بوم بوم آفریدی آئی سی سی ورلڈ الیون کے کپتان مقرر

    بعد ازاں شعیب ملک اور تھیسارا پریرا نے 37 رنز بنائے، شعیب ملک 12رنز بنانے کے بعد برتھ وائیٹ کے ہاتھوں ایل بی ڈبلیو ہوگئے وہ صرف 12 رنز بناپائے، ورلڈ الیون کے کپتان شاہد آفریدی بھی 11رنز ہی بناپائے۔

    قبل ازیں ٹاس جیت کر ورلڈ الیون کے کپتان شاہد آفریدی نے ویسٹ انڈیز کو پہلے بیٹنگ کی دعوت دی تو ان کی طرف سے کرس گیل اور لیوس میدان میں آئے ،جہنوں نے عمدہ کارکردگی کا مظاہرہ کیا جبکہ کرس گیل شعیب ملک کے ہاتھوں ایل بی ڈبلیو ہوگئے، وہ محض 18 رنز ہی بناپائے، بہترین کھیل کا مظاہرہ کرنے کے بعد ویسٹ انڈیز نے مقررہ آوورز میں 200 رنز کا ٹارگٹ دیا تھا۔

    واضح رہے کہ آئی سی سی ورلڈ الیون کی قیادت شاہد آفریدی کر رہے تھے، جبکہ یہ ان کو آخری انٹرنیشنل میچ کا موقع دیا گیا تھا، میچ سے قبل کھلاڑیوں نے گراؤنڈ میں ان کا پرتپاک استقبال بھی کیا۔

    شاہد آفریدی کا ورلڈ الیون کی جانب سے میچ کھیلنے کا اعلان

    خیال رہے کہ ورلڈ الیون اور ویسٹ انڈیز کے درمیان اس خیراتی میچ مقصد گذشتہ سال 2017 میں جزائر غرب الہند میں ارما اور مریا نامی سمندری طوفانوں سے کرکٹ اسٹیڈیمز کو پہنچنے والے نقصانات کی تعمیر و مرمت کے لیے چندہ جمع کرنا ہے۔

    علاوہ ازیں شاہد آفریدی نے چیریٹی میچ میں شرکت کا موقع دینے پر آئی سی سی کا شکریہ ادا کیا، سماجی رابطے کی ویب سائٹ ٹوئٹر پر جاری اپنے پیغام میں اسٹار کرکٹر شاہد آفریدی کا کہنا تھا کہ کیریبئن متاثرین کی امداد کا موقع دینے پر آئی سی سی کا شکریہ ادا کرتا ہوں۔

    ان کا کہنا تھا کہ چیرٹی میچ میں شرکت میرے لیے اعزاز کی بات ہے، کرکٹ ریلیف کاز کے لیے میچ میں شرکت ہمیشہ یاد رہے گی، دریں اثنا شاہد آفریدی نے کیریبئن جزائر میں سمندری طوفان سے متاثرین کے لیے امداد کا اعلان کیا، انہوں نے متاثرین کے لیے اپنی فلاحی ادارے کی جانب سے 20 ہزار ڈالر عطیہ بھی کیے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • دوسرا ٹی ٹوئنٹی: پاکستان نے ویسٹ انڈیز کو 82 رنز سے شکست دے کر سیریز اپنے نام کرلی

    دوسرا ٹی ٹوئنٹی: پاکستان نے ویسٹ انڈیز کو 82 رنز سے شکست دے کر سیریز اپنے نام کرلی

    کراچی: ٹی ٹوئنٹی کی نمبرون ٹیم پاکستان نے ویسٹ انڈیز کو82 رنز سے شکست دے کر سیریز اپنے نام کر لی۔

    تفصیلات کے مطابق سرفراز الیون نے شان دار کارکردگی کا مظاہرہ کرتے ہوئے مہمان ٹیم کو بڑے مارجن سے شکست دے کر سیریز جیت لی ہے۔

    پاکستان نے ٹاس جیت کر پہلے بیٹنگ کرتے ہوئے ویسٹ انڈیز کو 206 رنز کا مشکل ہدف دیا۔ پاکستان کی طرف سے  بابر اعظم نے 58 گیندوں پر97 رنز کی متاثر کن اننگز کھیلی، طلعت حسین نے41 گیندوں پر 63 رنز اسکور کیے۔

    رنز کا تعاقب کرتے ہوئے ویسٹ انڈیز کی وکٹیں وقفے وقفے سے گرتی رہیں۔ پوری ٹیم 123رنز ہی بنا سکی۔ اسپیڈ اسٹار محمد عامر نے تین کھلاڑیوں کو آؤٹ کیا۔ شاداب خان نے دو وکٹیں حاصل کیں۔

    تفصیلات کے مطابق پاکستان اور ویسٹ انڈیز کے درمیان تین ٹی ٹوئنٹی میچیز پر مشتمل سیریز کا دوسرا میچ آج کراچی میں کھیلا گیا، پاکستان نے ٹاس جیت کر بیٹنگ کا فیصلہ کیا اور تین وکٹوں کے نقٓصان پر 206  رنز بنائے۔ 

    ٹاس کے موقع پر پاکستان کے کپتان سرفراز احمد نے کہا تھا کہ وہ بڑا ہدف دے کر میچ جینے کی کوشش کریں۔ اس مقابلے کے لیے گذشتہ میچ کے وننگ کمبونیشن برقرار رکھا گیا تھا۔

     ٹی ٹوئنٹی کے نمبرون کھلاڑی بابر اعظم کو اپنی شان دار اننگز کے لیے مین آف دی میچ قرار دیا گیا۔ سیریز کا آخری میچ کل نیشنل اسٹیڈیم میں کھیلا جائے گا۔

    پہلا ٹی ٹوئنٹی : پاکستان نے ویسٹ انڈیز کو143رنز سے شکست دے دی

    خیال رہے کہ گزشتہ روز پاکستان نے باؤلرز کی شاندار کارکردگی کی بدولت ویسٹ انڈیز کی ٹیم کو 60 رنز پرٹھکانے لگا کر میچ میں 143 رنز سے شکست دی تھی۔

    ویسٹ انڈیز کےخلاف ڈیبیو کرنے والے حسین طلعت کو میچ میں بہترین کارکردگی پر مین آف دی میچ کے ایوارڈ سے نوازا گیا تھا۔

    ٹیم نے شاندارپرفارمنس دی، شاہین آفریدی کو جلد موقع دیں گے، سرفرازاحمد

    یاد رہے کہ گزشتہ روز میچ کے بعد رمیز راجہ سے گفتگو کرتے ہوئے قومی کرکٹ ٹیم کے کپتان سرفراز احمد کا کہنا تھا کہ پوری ٹیم نے شاندار پرفارمنس دی، شاہین آفریدی کو بھی جلدی موقع دیں گے۔

    دوسری جانب ویسٹ انڈیز کے کپتان جیسن محمد کا کہنا تھا کہ وکٹ بیٹنگ کے لیے سازگار تھی، ٹیم کی مجموعی کارکردگی سے مایوسی ہوئی تاہم اگلے میچ میں ہم کم بیک کریں گے۔

    واضح رہے کہ نیشنل اسٹیڈیم کراچی میں 20 اپریل 2008 کو پاکستان نے بنگلہ دیش کو ٹی ٹوئنٹی میچ میں 102 رنز سے شکست دی تھی اور اس میچ میں پاکستان نے 5 وکٹوں کے نقصان پر203 رنز بنائے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔