ARYNews.tv | Urdu – Har Lamha Bakhabar

Tag: West Indies

  • پہلا ون ڈے: ویسٹ انڈیز نےپاکستان کوشکست دے دی

    پہلا ون ڈے: ویسٹ انڈیز نےپاکستان کوشکست دے دی

    جارج ٹاؤن: ویسٹ انڈیز نےپہلے ون ڈے میچ میں مہمان ٹیم پاکستان کوچار وکٹوں سےشکست دے دی۔

    تفصیلات کےمطابق پراویڈنس میں کھیلے گئے پہلے ون ڈے میچ میں ویسٹ انڈیز ٹیم نے309رنزکا ہذف 6وکٹوں پرحاصل کرلیا۔مہمان ٹیم کی جانب سےاین لیوس اور چیڈوک والٹن میدان میں اترے لیکن 23 کےمجموعی اسکور پروالٹن 7 رنز بنا کرآؤٹ ہوگئے۔

    دوسری وکٹ پر لیوس اور پاویل نے68 رنز کی شراکت قائم کی اور لیوس 47 رنز بنا کرمحمد حفیظ کی گیند پر بولڈ ہوگئے۔پاویل61، ہوپ 24،جوناتھن کارٹر 14،کپتان جیسن ہولڈر 11 رنز بنا کر آؤٹ ہوئے۔

    مہمان ٹیم کی جانب سے جیسن محمد نے شاندار بیٹنگ کا مظاہرہ کرتے ہوئے58 گیندوں پر3چھکوں اور11چوکوں کی مدد سے91 رنز کی ناقابل شکست اننگز کھیلی اور ہدف 49ویں اوور میں 6 وکٹوں کےنقصان پرحاصل کرلیا۔

    پاکستان کی جانب سے محمد عامر اور شاداب خان نے2، 2 جبکہ محمدحفیظ اوروہاب ریاض نےایک ایک وکٹ حاصل کی۔میچ میں بہترین کارکردگی پیش کرنے پر جیسن محمد کو مین آف دی میچ کےاعزاز سےنوازاگیا۔

    پہلا ون ڈے، ویسٹ‌ انڈیز کو جیت کے لیے 309 رنز کا ہدف

    یاد رہےکہ اس سے قبل ویسٹ انڈیز کے کپتان نے ٹاس جیت کرپاکستان کو بیٹنگ کی دعوت دی تو کامران اکمل اور احمد شہزاد نے ٹیم کو 85 رنز کا عمدہ آغاز فراہم کیا۔

    کامران اکمل نے3چھکوں اور5چوکوں کی مدد سے47 رنز کی اننگز کھیلی جبکہ احمد شہزاد نصف سنچری مکمل کرتے ہوئے67 رنز پر پویلین لوٹے۔

    بابر اعظم اور محمد حفیظ نے28 رنز کی شراکت قائم کی لیکن بابر13 رنز بنا کر آؤٹ ہوگئےجس کے بعدمحمدحفیظ نےشعیب ملک کے ساتھ مل کر جارحانہ بلے بازی کی اور چوتھی وکٹ کےلیے89 رنز جوڑے۔

    محمدحفیظ نے3 چھکوں اور6 چوکوں کی مدد سے88 رنز بنائےجبکہ شعیب ملک نے38 گیندوں پر53 رنز کی اننگز کھیلی۔کپتان سرفراز احمد 13 گیندوں پر 20 رنز کے ساتھ ناٹ آؤٹ رہے۔

    واضح رہےکہ ویسٹ انڈیز کی جانب سےایشلے نرس نے4کھلاڑیوں کو پویلین کی راہ دکھائی۔

  • ویسٹ انڈیزنےپاکستان کےخلاف ٹی ٹوئنٹی ٹیم کا اعلان کردیا

    ویسٹ انڈیزنےپاکستان کےخلاف ٹی ٹوئنٹی ٹیم کا اعلان کردیا

    کیریبیئن: ویسٹ انڈیز نے پاکستان کے خلاف ٹی ٹوئنٹی سیریز کے لیے 16رکنی ٹیم کا اعلان کردیاہے۔

    تفصیلات کےمطابق ویسٹ انڈیز نے پاکستان کے خلاف 4میچوں کی ٹی ٹوئنٹی سیریز کے لیے 16 رکنی ٹیم کا اعلان کردیا تاہم کپتان ڈیرن سیمی ٹیم میں جگہ نہ بناسکے۔

    پاکستان کےخلاف رواں ماہ شروع ہونے والی ٹی ٹوئنٹی سیریز میں آل راؤنڈر ڈوون براوو اور جانسن چارلس، ڈیرن سیمی سمیت کرس گیل کو 16رکنی اسکواڈ میں شامل نہیں کیاگیا۔

    ویسٹ انڈیز کی ٹی ٹوئنٹی ٹیم میں کارلوس بریتھویٹ (کپتان)، سیموئیل بدری، جوناتھن کارٹر، آندرے فلیچر، جیسن ہولڈر، ایون لیوس، جیسن محمد، سنیل نرائن، ویراسیمی پرموئیل، کیرون پولارڈ، رومان پاؤل، مارلن سیمیولز، لینڈل سمنز، جیروم ٹیلر، والٹن سمیت کیسوک ولیمزشامل ہیں۔

    خیال رہےکہ پاکستان اور ویسٹ انڈیز کے درمیان سیریز کا پہلا میچ 26 مارچ کو کنگسٹن اوول، بارباڈوس میں کھیلا جائے گا جبکہ دوسرا میچ 30 مارچ کو اور تیسرا میچ یکم اپریل کوئنزپارک اوول، ٹرینیڈاڈ اوول میں ہوگا۔

    پاکستان اور ویسٹ انڈیز کے درمیان ٹی ٹوئنٹی سیریز کاچوتھا اور آخری میچ 2 اپریل کو کوئنزپارک اوول، ٹرینیڈاڈ اوول میں ہی کھیلا جائے گا۔

    واضح رہےکہ ویسٹ انڈیز اور پاکستان کے درمیان ٹی ٹوئنٹی سیریز کے علاوہ 3 ایک روزہ اور3 ٹیسٹ میچوں کی سیریز بھی کھیلی جائے گی۔

  • پاکستان پیٹرنز الیون اور ویسٹ انڈیز کا وارم اپ میچ کل ہوگا

    پاکستان پیٹرنز الیون اور ویسٹ انڈیز کا وارم اپ میچ کل ہوگا

    شارجہ: پاکستان الیون اور ویسٹ انڈیز کل وارم اپ میچ میں مدمقابل ہوں گے ، میچ پاکستانی وقت کے مطابق شام ساڑھے چار بجے شروع ہوگا۔

    تفصیلات کے مطابق پاکستان کرکٹ بورڈ پیٹرنز الیون اور ویسٹ انڈیز کے درمیان تین روزہ ڈے نائٹ وارم اپ میچ کل سے شارجہ میں کھیلا جائے گا اس ڈے اینڈ نائٹ ٹیسٹ میچ کی تیاری جاری ہے ، پاکستان کرکٹ بورڈ پیٹرنز الیون اور ویسٹ انڈیز کی ٹیمیں شارجہ میں وارم اپ ہوں گی۔

    مصنوعی روشنی میں کھیلا جانے والا میچ پاکستانی وقت کے مطابق شام ساڑھے چار بجے شروع ہوگا۔

    پاکستان پیٹرنز الیون کی قیادت فواد عالم کریں گے، اس بار کھیلنے کے لیے ڈسپلن کی خلاف ورزی پر ٹیم سے باہر ہونے والے احمد شہزاد کو بھی موقع دیا گیا ہے۔

    پریکٹس میچ کے دوران ویسٹ انڈیز کے خلاف ٹیسٹ سیریز کے لیے ٹیم کا اعلان بھی متوقع ہے۔ گزشتہ ماہ ڈینگی بخار میں مبتلا ہونے والے یونس خان ڈاکٹرز کے مشورے کے بعد پہلے ٹیسٹ سے دست بردار ہوگئے ہیں۔

    وارم اپ میچ کے بعد دبئی کے برقی قمقموں میں 13 اکتوبر سے پنک گیند سے ٹیسٹ ہوگا۔ یہ ٹیسٹ کرکٹ کی تاریخ کا دوسرا ڈے نائٹ ٹیسٹ میچ ہوگا۔

  • بابر اعظم کی تیسری سنچری، لیجنڈز کی صف میں شامل

    بابر اعظم کی تیسری سنچری، لیجنڈز کی صف میں شامل

    ابوظہبی: پاکستانی بیٹسمین بابر اعظم نے ویسٹ انڈیز کے خلاف مسلسل تیسری سنچری بنا کر  لیجنڈ بیٹسمین ظہیر عباس اور سعید انور کے بعد اہم اعزاز اپنے نام کرلیا۔

    تفصیلات کے مطابق ابوظہبی میں پاکستان اور ویسٹ انڈیز کے مابین تین ایک روزہ میچوں کی سیزیز کے آخری میچ میں بابر اعظم نے مسلسل تیسری سنچری اسکور کرکے لیجنڈ بیٹسمین ظہیرعباس اور سعید انور کے بعد ایک روزہ میچ میں سنچری بنا کر تیسرے پاکستانی بیٹسمن ہونے کا اعزاز اپنے نام کیا۔

    سیریز کے آخری میچ میں پاکستان نے بیٹنگ کا آغاز کیا تو کپتان اظہر علی اور ساتھ آئے بیٹسمن شرجیل خان نے جارحانہ انداز میں کھیل پیش کرتے کیا تاہم 85 رنز کے مجموعی اسکور پر شرجیل خان 38 کے اسکور پر پویلین روانہ ہوگئے۔

    پڑھیں:  تیسرا ون ڈے: پاکستان نے ویسٹ انڈیز کو 309 رنز کا ہدف دے دیا

     بابر اعظم کپتان کا ساتھ دینے آئے تو اظہر علی نے جارحانہ انداز میں بیٹنگ کرتے ہوئے سنچری اسکور کی تاہم بابر اعظم کا بلا بھی بہترین طریقے سے چلتا رہا اور ٹیم کے مجموعی اسکور میں اضافے کا سبب بنا۔ دو میچوں میں سنچری اسکور کرنے کے بعد کالی آندھی کے خلاف تیسرے میچ میں بھی بابر اعظم نے عمدہ بیٹنگ کا مظاہرہ کرتے ہوئے سنچری اسکور کی جس کے بعد وہ ایک روزہ میچ میں تین سنچریاں کرنے والے دنیائے کرکٹ کے آٹھویں اور پاکستان کے تیسرے بیٹسمن بن گئے۔

    علاوہ ازیں بابر اعظم 3 میچوں میں لگاتار سنچریاں بنانے والے دنیا کے دوسرے بیٹسمین بھی بن گئے، قبل ازیں یہ ریکارڈ جنوبی افریقہ کے بلے باز کوئینٹن ڈی کوک کے پاس تھا جنہوں نے بھارت کے خلاف یہ ریکادڑ بنایا تھا۔

    پاکستانی بلے باز نے ویسٹ انڈیز کے خلاف پہلے میچ میں 120، دوسرے میں 123 اور تیسرے میچ میں 117 رنز کی کامیاب اننگز کھیلی۔


    Babar Azam completes hat-trick of centuries… by arynews

    بابر اعظم کی شاندار بیٹنگ کے بعد اُن کے مداحوں کی جانب سے سوشل میڈیا پر مبارک باد کے پیغام کا سلسلہ جاری ہے، جس کے بعد مختصر وقت میں Babar Azam ٹوئٹر کے ٹاپ ٹرینڈ میں شامل ہوگیا۔

    Babar azam now only needs 42 more runs to be the fastest to reach 1000 runs milestone in just 19 innings wow

  • ورلڈ ٹی ٹوئنٹی: کولکتہ میں جیت کا جشن کون منائے گا فیصلہ آج ہوگا

    ورلڈ ٹی ٹوئنٹی: کولکتہ میں جیت کا جشن کون منائے گا فیصلہ آج ہوگا

    کولکتہ: آئی سی سی ورلڈ ٹی ٹوئنٹی کا فائنل آج ویسٹ انڈیز اور انگلینڈ کی ٹیموں کے درمیان کولکتہ میں کھیلا جائے گا۔

    فیصلے کی گھڑی نزدیک آگئی، ایک ایک کرکے تمام ٹیموں کی چھٹی ہوگئی، میزبان بھارت بھی ہوم گراؤنڈ پر ٹائٹل جیتنے کی تاریخ نہ بناسکا، انگلینڈ نے ایونٹ کی ناقابل شکست نیوزی لینڈ اور ویسٹ انڈیز نے دنیا کی نمبر ون ٹیم بھارت کو شکست دے کردھمال لگایا تھا۔

    دوہزار دس میں انگلینڈ اور دوہزاربارہ میں ویسٹ انڈیز ورلڈ ٹی ٹوئنٹی کا ٹائٹل جیت چکے ہیں، ٹی ٹوئنٹی فارمیٹ میں ویسٹ انڈیز کا پلڑا بھاری ہے، اب تک کھیلے گئے تیرہ میچز میں انگلینڈ صرف چار میں کامیاب رہا۔

    جبکہ ویسٹ انڈیز کے سیمی الیون نو میں میدان مارا ہے ویسٹ انڈیز کی ٹیم سمنز، گیل، سیمی، براوو اور بدری پر انحصار کرے گی۔

    انگلینڈ کو بٹلر، روٹ، مورگن اور جیسن رائے کی خدمات حاصل ہوں گی، سنسنی خیز فائنل اتوار کی شام ساڑھے چھ بجے شروع ہوگا۔

  • ورلڈ ٹی ٹوئنٹی : افغانستان نے ویسٹ انڈیز کو چھ رنزسے شکست دے دی

    ورلڈ ٹی ٹوئنٹی : افغانستان نے ویسٹ انڈیز کو چھ رنزسے شکست دے دی

    ناگپور: ورلڈ ٹی ٹوئنٹی کا سب سے پہلا اور بڑا اپ سیٹ ہوگیا، افغانستان نے سابق ٹی ٹوئنٹی چیمپیئنز ویسٹ انڈیز کو سنسنی خیز مقابلے کے بعد چھ رنز سے شکست دے دی۔

    اس کامیابی کیساتھ ہی افغانستان کا میگا ایونٹ میں سفر ختم ہوگیا۔ ورلڈ ٹی ٹوئنٹی سے جاتے جاتے سرخرو ہوگئے، افغانستان نے ویسٹ انڈیز کو سنسنی خیز مقابلے کے بعد چھ رنز سے شکست دیکر میگا ایونٹ کو خیرباد کہا۔

    ناگپور میں کھیلے گئے میچ میں شائقین کو ایک اچھی کرکٹ دیکھنے کو ملی۔ کالی آندھی کا جم کر مقابلہ کرتے ہوئے افغانستان نے سات وکٹ پر ایک سو تئیس رنز بنائے۔

    نجیب اللہ زدران نے اڑتالیس رنز اسکور کیے، سمیئول بدری نے تین شکار کئے۔ سابق ٹی ٹوئنٹی چیمپیئنز ویسٹ انڈیز آسان ہدف کو حاصل نہ کرسکی.

    کمزور حریف نے ناکوں چنے چبوا دیئے اور آخری دم تک مقابلہ کیا۔ ویسٹ انڈیز آٹھ وکٹ پر ایک سو سترہ رنزبناسکی۔ بہترین پرفارمنس پر نجیب اللہ پلیئر آف دی میچ قرارپائے۔

     

  • ورلڈ ٹی ٹوئنٹی : ویسٹ انڈیز نے سری لنکا کو7وکٹ سے شکست دے دی

    ورلڈ ٹی ٹوئنٹی : ویسٹ انڈیز نے سری لنکا کو7وکٹ سے شکست دے دی

    بنگلور: ورلڈ ٹی ٹوئنٹی کے گروپ راؤنڈ میچ میں ویسٹ انڈیز نے مسلسل دوسری کامیابی حاصل کرلی۔ ویسٹ انڈیز نے سری لنکن ٹیم کو سات وکٹوں سے شکست دیدی ہے۔

    ورلڈ ٹی20کے سپر ٹین مرحلے کے دلچسپ مقابلے جاری ہیں، بنگلور میں کھیلے گئے ورلڈ ٹی ٹوئنٹی کے گروپ راؤنڈ میچ میں ویسٹ انڈیز نے ٹاس جیت کر فیلڈنگ کا فیصلہ کیا۔

    دفاعی چیمپیئنز سری لنکن ٹیم نو وکٹ پر ایک سو بائیس رنز ہی بناسکی، تھیسارا پریرا چالیس رنز کے ساتھ نمایاں رہے ۔ویسٹ انڈیز کی جانب سے سیموئل بدری 3 وکٹیں لے کر سب سے کامیاب بولر رہے۔

    اس کے علاوہ براوؤ نے 2 جبکہ رسل اور براتھ ویٹ نے ایک، ایک کھلاڑی کو آؤٹ کیا۔ جواب میں ویسٹ انڈیز نے اوپنر آندرے فلیچر کی شاندار اننگز کی بدولت ہدف انیسویں اوور میں حاصل کرلیا۔

    فلیچر نے لنکن بولرز کی جم کر پٹائی کی۔ فلیچر نے ناقابل شکست چوراسی رنز میں پانچ چھکے اور چھ چوکے لگائے۔ ویسٹ انڈیز نے دفاعی چیمپیئن سری لنکا کو7وکٹ سے زیر کیا۔ آندرے فلچر نے اپنی ٹیم کی جیت میں اہم کردار ادا کیا۔

     

  • سنیل نرائن کا بولنگ ایکشن غیرقانونی قرار

    سنیل نرائن کا بولنگ ایکشن غیرقانونی قرار

    دبئی : آئی سی سی نے ویسٹ انڈیز کے سنیل نرائن کا بولنگ ایکشن غیرقانونی قراردےدیا.

    آف اسپنرسنیل نرائن کا بولنگ ایکشن رواں ماہ سری لنکا کیخلاف رپورٹ ہوا تھا، بولنگ ٹیسٹ کی رپورٹ آنے کے بعدآئی سی سی نے سنیل نرائن کے ایکشن کو غیرقانونی قراردے دیا اور اب وہ انٹرنیشنل میچز میں بولنگ سے روک دیئے گئے ہیں۔

    رپورٹ کے مطابق نرائن کے بازو کا خم پندرہ ڈگری سے زیادہ ہے۔

    اس سے قبل سنیل نرائن کا ایکشن چیمپیئنز لیگ ٹی ٹوئنٹی میں مشکوک قرار دیا گیا تھا، جسکے باعث سنیل نرائن بولنگ ایکشن میں بہتری لانے کے لئے ورلڈ کپ سے بھی دستبردار ہوگئے تھے۔

  • ورلڈ کپ: ویسٹ انڈیز کا بھارت کوصرف 183 رنزکا ہدف

    ورلڈ کپ: ویسٹ انڈیز کا بھارت کوصرف 183 رنزکا ہدف

    پرتھ : بھارت اور ویسٹ انڈیز کے درمیان کھیلے جانے والے میچ میں ویسٹ انڈیز کی ٹیم نے بھارت کو ایک سو تراسی رنز کا ٹارگٹ دیا ہے۔

    ویسٹ انڈیز کی پوری ٹیم 44.2 اوورز میں ایک سو بیاسی رنز بنا کر آؤٹ ہوگئی، اوپنر سمیت تمام بلے باز بھارتی سورماؤں کے سامنے ڈھیر ہوگئے۔

    ڈیئل اسمتھ صرف چھ رنز بنا کر لوٹ گئے، جبکہ خطرناک بلے باز مانے جانے والے کرس گیل بھی گیلی بلی کی طرح چوالیس گیندو پر اکیس رنز بنا کر محمد شامی کا شکار بنے۔

    ویسٹ انڈیز کی جانب سے سب سے زیادہ رنز جیسن ہولڈر نے بنائے، جنہوں نے 79 بالز پر 57 رنز اسکور کئے،اور ڈیرن سیمی نے چھبیس رنز بنائے۔

    بھارت کی جانب سے محمد شامی کامیاب بالر ثابت ہوئے جنہوں نےآٹھ اوورز میں پینتیس رنز دے کر تین وکٹیں حاصل کیں،جبکہ یو میش یادیو اور جدیجا نے دو دو کھلاڑیوں کو پویلین کی راہ دکھائی۔

    اس سے قبل ورلڈ کپ گروپ بی کے کھیلے جانے والے میچ کا ٹاس ویسٹ انڈیز نے جیت کر پہلے بیٹنگ کا فیصلہ کیا۔ ویسٹ انڈیز کی ٹیم میں ایک تبدیلی کی گئی جبکہ بھارتی ٹیم میں بھوشنیور کمار کی جگہ محمد شامی کی واپسی ہوئی ہے۔

  • اے بی ڈی ویلئیرزنے ویسٹ انڈین بالرز کے پرخچے اُڑادئیے

    اے بی ڈی ویلئیرزنے ویسٹ انڈین بالرز کے پرخچے اُڑادئیے

    سڈنی : جنوبی افریقی کپتان اے بی ڈی ویلئیرز نے سڈنی میں ویسٹ انڈیز بولرز کو دن میں تارے دکھادیئے۔ ڈی ویلئیرز نے ورلڈ کپ کی دوسری تیز ترین سینچری جڑدی۔

    سڈنی کا میدان ویسٹ انڈین بولرز کیلئے قبرستان بن گیا۔ پروٹیاز نے رحم کی تمام اپیلیں مسترد کردیں، جنوبی افریقی کپتان اے بی ڈی ولئیرز رنز کی مشین بن گئے،میچ کا نقشہ ہی بدل دیا۔

    گیند بلے پر آتی رہی اور باؤنڈری سے باہر جاتی رہی۔ اے بی  ڈی ویلئیرز کی بیٹنگ نے شائقین کو جھومنے پر مجبورکردیا۔ کپتان نے چھکا لگا کر باون گیندوں پر ورلڈ کپ کی دوسری تیز ترین سینچری بنائی۔

    ڈی ویلئیرز کا ہاتھ ایسا کھلا کے پھر روکنا مشکل ہوگیا۔ تیر ترین ففٹی اور سینچری کے بعد پروٹیاز کپتان نے ون ڈے کی تاریخ میں تیز ترین ایک سو پچاس رنز بھی بنالئے۔

    ڈی ویلئیرز کی ایک سو باسٹھ رنز کی دھواں دھار اننگز آٹھ چھکوں اور سترہ چوکوں سے سجی تھی۔ ون ڈے کی تیز ترین سینچری بنانے کا اعزاز بھی ڈی ویلئیرز کو ہی حاصل ہے۔