دبئی: اسٹار آل راؤنڈر شاہد آفریدی اور شعیب ملک ورلڈ الیون کی نمائندگی کریں گے، ورلڈ الیون اور ویسٹ انڈیز کے درمیان 31 مئی کو لارڈز میں چیریٹی ٹی ٹوئنٹی میچ کھیلا جائے گا۔
تفصیلات کے مطابق 31 مئی کو لارڈز میں کھیلے جانے والے چیریٹی ٹی ٹوئنٹی میچ میں شاہد آفریدی اور شعیب ملک ورلڈ الیون کی نمائندگی کریں گے، عالمی ٹیم کی قیادت ایون مورگن کریں گے۔
سری لنکا کے تھسارا پریرا بھی ورلڈ الیون کی ٹیم کا حصہ ہوں گے، ویسٹ انڈیز ٹیم کی نمائندگی کرس گیل کریں گے، ایک سال کی پابندی کے بعد آندرے رسل کو بھی پہلی بار ویسٹ انڈین اسکواڈ میں شامل کیا گیا ہے۔
لارڈز میں منعقدہ چییریٹی میچ کا مقصد کیریبیئن جزائر میں 2017 کے دوران آنے والے طوفان ارما اور ماریا سے تباہ ہونے والے کرکٹ کے 5 بڑے وینیوز کی بحالی کے لیے فنڈز اکٹھا کرنا ہے۔
With @SAfridiOfficial and @realshoaibmalik announced to be part of the ICC World XI at Lord's next month, throwback to when they won #WT20 with Pakistan there in 2009! #CricketRelief
Windies v World XI tickets 🎟 https://t.co/N76qS9uedp pic.twitter.com/Eu3iFOtliH
— ICC (@ICC) April 19, 2018
شاہد خان آفریدی کا کہنا ہے کہ اتنے نیک مقصد کے لیے منتخب ہونے پر شکر گزار ہوں، لارڈز ایک تاریخی مقام اور اس میچ کے انعقاد کے لیے سب سے بہترین جگہ ہے۔
شعیب ملک نے بھی اس حوالے سے خوشی کا اظہار کرتے ہوئے کہا ہے کہ آئی سی سی ورلڈ الیون ٹیم کا حصہ بننا بہت اعزاز اور فخر کی بات ہے، یہ میچ دنیا کے چند بڑے کھلاڑیوں کے ساتھ کھیلنے کا بہترین موقع ہے۔
واضح رہے کہ شاہد آفریدی اور شعیب ملک 2009 کا ورلڈ ٹی ٹوئنٹی جیتنے والی قوم ٹیم کا حصہ تھے جبکہ سری لنکا کے تھسارا پریرا نے 2014 کا ورلڈ ٹی ٹوئنٹی سری لنکا کو جتوانے میں اہم کردار ادا کیا تھا۔
