لاہور: قومی کرکٹ ٹیم کے کپتان بابراعظم نے ویسٹ انڈیز سے سیریز کو نہایت اہم قرار دے دیا ہے۔
تفصیلات کے مطابق لاہور میں میڈیا سے گفتگو کرتے ہوئے بابراعظم نے کہا کہ ویسٹ انڈیز سے سیریز بہت اہم ہے، ون ڈے میچزجیتنے کی کوشش کریں گے، ویسٹ انڈیز سے سیریزجیتنا اور پوائنٹس اہم ہیں۔
میڈیا سے گفتگو میں کپتان بابراعظم کا کہنا تھا کہ یہ ورلڈ کپ سپر لیگ کے میچز ہیں ، ہماری کوشش ہو گی کہ بہترین کارکردگی دیں ، بطور کھلاڑی کوشش ہوتی ہے کہ تینوں فارمیٹ میں نمبر ون رہوں ، اس کیلئے بہت سخت محنت کرنا پڑتی ہے ، ایسا نہیں کہ آپ نمبر دو یا تین پر آکر ایزی ہوجائیں ، کرکٹ بہت زیادہ ہو گئی ہے، وقت کم ملتا ہے جس کی وجہ سے محنت زیادہ ہوتی ہے ۔
بابراعظم نے کہا کہ کورونا کےبغی کرکٹ ہونےجارہی ہے جس پر کافی خوشی ہے، ساتھ ہی عوام کا شکریہ جن کی طرف سے ہمیشہ سپورٹ ملی ہے۔
یہ بھی پڑھیں: آئی سی سی کا ورلڈ کپ سے متعلق اہم اعلان
کپتان قومی کرکٹ ٹیم نے کہا کہ ٹیم بنانےکیلئے تسلسل کامظاہرہ کرنےوالے کھلاڑیوں کو کھلانا ہوگا ابھی ٹیم کا کامبی نیشن کافی اچھا جارہا ہے، ایک سوال کے جواب میں بابراعظم نے کہا کہ شان مسعود کو نیچے نمبر پر کھلانا غیرمناسب ہوگا۔
ایک سوال کے جواب میں قومی ٹیم کے کپتان کا کہنا تھا کہ ہر بندہ کپتان ہے ، میدان میں موجود باؤلر بہتر سمجھتا ہے کہ فیلڈنگ کہاں ہونی چاہئ؟ کس کو علم ہے کہ کس نے کتنا کھیلنا ہے ، کس کی کتنی کرکٹ باقی ہے ، رضوان بہترین کپتانی کررہاہے، مجھے رضوان پر پورا بھروسہ ہے۔
