Tag: whatsapp messages

کیا آپ کو معلوم ہے کہ بھیجنے والے کو پتا چلے بغیر بھی آپ واٹس ایپ پیغامات پڑھ سکتے ہیں؟

اگر آپ جاننا چاہتے ہیں کہ آیا بھیجنے والے کو پتا چلے بغیر واٹس ایپ پیغامات کو پڑھنے کا کوئی طریقہ ہے، یا ایسا طریقہ کہ میسجز پڑھنے کے بعد بھی ان پر ’seen‘ کا نشان نہ آئے، تو ہاں ایسا طریقہ موجود ہے۔

پاپ اپ نوٹیفکیشن میں واٹس ایپ پیغام کا کچھ حصہ تو ہر کوئی پڑھ سکتا ہے لیکن اکثر لوگ یہ سمجھتے ہیں کہ مکمل میسج پڑھنے کا کوئی طریقہ موجود نہیں ہے۔

اگرچہ ایسا کرنے کا سب سے عام طریقہ تو یہ ہے کہ ’ریڈ ریسپٹس‘ کے آپشن کو بند کر دیا جائے، لیکن کچھ لوگ یہ آپشن نہیں چاہتے، کیوں کہ اس طرح آپ بھی کبھی نہیں جان سکیں گے کہ آیا دوسرے شخص نے آپ کا ٹیکسٹ پڑھا یا نہیں۔

لیکن اس کا ایک حل موجود ہے، مگر یہ صرف اینڈرائیڈ فونز پر دستیاب ہے، اگرچہ یہ ’ٹِرک‘ کوئی نئی نہیں ہے لیکن کسی نہ کسی وجہ سے اب بھی بہت سے لوگ اس کے بارے میں نہیں جانتے۔

بھیجنے والے کو پتا چلے بغیر واٹس ایپ میسجز پڑھنے کے لیے مندرجہ ذیل اقدامات کریں:

1. واٹس ایپ کے لوگو کو دبائیں اور دبائے رکھیں۔

2. جیسے ہی آپ ایسا کریں گے ویجٹ ظاہر ہوں گے، پھر ویجٹس پر ٹیپ کریں۔

3. جیسے ہی ویجٹس کھلیں، 4 x 2 ویجیٹ پر ٹیپ کریں اور Add کو دبائیں۔

4. ایک بار ایسا کرنے کے بعد، آپ کو اپنی ہوم اسکرین پر نیا واٹس ایپ ویجٹ ملے گا۔

جیسا کہ تصویر میں دکھایا گیا ہے، اگلی بار جب کوئی آپ کو کوئی واٹس ایپ پر ٹیکسٹ بھیجے گا، تو آپ واٹس ایپ ویجٹ کے ساتھ پورا پیغام دیکھ سکیں گے۔ چوں کہ آپ ایپ بھی نہیں کھول رہے ہیں، اس لیے بھیجنے والے کو کبھی معلوم نہیں ہوگا کہ آپ نے پیغام پڑھا ہے یا نہیں۔

اینڈرائیڈ صارفین کو جو فیچرز دستیاب ہیں ان کی بدولت وہ اپنے فونز پر کچھ زیادہ محنت کیے بغیر ہی کالیں کر سکتے ہیں، میسجز بھیج سکتے ہیں، اور بھی کئی کام آسانی سے کر سکتے ہیں۔

ان فیچرز میں سے ایک یہ بھی ہے کہ آپ واٹس ایپ میسجز اپنے فون میں بغیر ٹائپ کیے بہ آسانی بھیج سکتے ہیں۔

جی بالکل، ایسا عین ممکن ہے، اور یہ آپ کے اینڈرائیڈ اسمارٹ فون میں آواز کی شناخت کے سپورٹ کی بدولت ہے، گوگل اسسٹنٹ کی مدد سے آپ وائس کمانڈ کے ذریعے اسمارٹ فون استعمال کر سکتے ہیں۔

گوگل اسسٹنٹ کے ساتھ اسمارٹ فونز اس قابل ہوتے ہیں کہ صارفین اس پر بغیر کوئی ایک لفظ ٹائپ کیے میسجز بھیج سکتے ہیں، آپ کو اسے ممکن بنانے کے لیے بس قدم بہ قدم ہدایت نامے پر عمل کرنا ہوگا۔

گوگل اسسٹنٹ ایپ

1: سب سے پہلے اپنے فون پر گوگل اسسٹنٹ ایپ کھولیں۔

2: اپنے پروفائل تصویر پر کلک کریں جو کہ اسکرین پر سب سے اوپر دائیں طرف ہے۔

3: اب پاپولر سیٹنگ ٹیب پر آئیں اور نیچے اسکرول کر کے ‘پرسنل ریزلٹس’ آپشن کو آن کر دیں۔

4: اس کے بعد اپنے وائس اسسٹنٹ کو فعال کرنے کے لیے ‘اوکے گوگل’ کہیں یا ‘hey گوگل’ کہیں۔

5: پھر (کسی کونٹیکٹ کا نام لے کر) کہیں ‘سینڈ آ واٹس ایپ میسج’۔

6: گوگل آپ سے پوچھ سکتا ہے کہ کس صورت میں میسج بھیجنا ہے، ٹیکسٹ یا واٹس ایپ۔ تو کہیں ‘واٹس ایپ’۔

7: جو میسج بھیجنا چاہتے ہیں آپ اسے زبانی کہیں۔

8: اب گوگل آپ کا میسج آپ کی طرف سے کوئی ایک لفظ ٹائپ کیے بغیر ہی بھیج دے گا۔

اگر آپ چاہتے ہیں کہ یہ تجربہ مکمل طور پر ہینڈز فری ہو، تو پھر آپ کو ضرورت ہے کہ آپ اپنا فون ان لاک کیے بغیر استعمال کر کے گوگل اسسٹنٹ کو فعال کریں۔