Tag: Whatsapp

جب سے کرونا وائرس کی وبا کی وجہ سے ’ورک فرام ہوم‘ کا سلسلہ شروع ہوا، دنیا بھر میں مقبول ترین میسیجنگ ایپلی کیشن واٹس ایپ کے صارفین کے لیے یہ سوال بڑی اہمیت اختیار کر گیا ہے کہ واٹس ایپ کال پر اپنا انٹرنیٹ ڈیٹا کیسے بچائیں؟

لاک ڈاؤن کے دوران گھر سے کام کرنے کے نتیجے میں لوگوں کو سب سے زیادہ مسئلہ انٹرنیٹ کی وجہ سے پیش آیا، ایک طرف لوگوں کو انٹرنیٹ کی سست رفتار سے شکایت تھی، تو دوسری طرف ڈیٹا بنڈل کے جلد ختم ہوجانے کا مسئلہ درپیش رہا۔

ورک فرام ہوم کے علاوہ لاک ڈاؤن میں دوستوں اور عزیز و اقارب سے رابطوں کے لیے سوشل میڈیا خصوصاً واٹس ایپ پر ٹیکسٹ میسیجنگ، ویڈیو اور وائس کالز کے استعمال میں بہت زیادہ اضافہ ہوا، جس سے واٹس ایپ پر انٹرنیٹ ڈیٹا زیادہ صرف ہونے لگا۔

لیکن بہت کم لوگ جانتے ہوں گے کہ واٹس ایپ نے وائس اور ویڈیو کال پر ڈیٹا بچانے کے لیے ایک مفید اور مؤثر فیچر بھی دے رکھا ہے۔

ویڈیو اور وائس کالز کے دوران ڈیٹا کو کیسے بچایا جائے؟

واٹس ایپ کے اس فیچر کو استعمال کرنے کے لیے اس بات کو یقینی بنائیں کہ آپ کا واٹس ایپ اینڈرائیڈ ورژن 2.21.12.21 اور آئی او ایس ورژن iOS-2.21.130.15 پر اپ ڈیٹ ہو۔

اب سب سے پہلے اپنے اسمارٹ فون پر واٹس ایپ کھولیں:

1۔ ایپ کے اوپر سیدھے ہاتھ پر موجود تین عمودی نقطوں (ورٹیکل ڈاٹس) پر کلک کر کے سیٹنگز میں جائیں۔

2۔ اسٹوریج اور ڈیٹا آپشن پر کلک کریں۔

3۔ “Use less data for calls” کے آپشن پر جا کر اسے فعال کریں۔

بالکل یہی طریقہ کار iOS کے لیے بھی استعمال کریں، لیکن آئی فون میں آپ براہ راست واٹس ایپ کی ہوم اسکرین سے سیٹنگز میں جا سکتے ہیں۔

دنیا بھر میں مقبول ترین میسیجنگ ایپلی کیشن واٹس ایپ نے اچانک بڑی تبدیلی کر دی ہے، جس سے کچھ صارفین پریشانی محسوس کرنے لگے ہیں۔

ویب بیٹا انفو کی ویب سائٹ نے اس حوالے سے خبر دی ہے کہ واٹس ایپ بیٹا کا اینڈرائیڈ ورژن 2.21.13.17 استعمال کرنے والے صارفین اب بزنس کلاس اکاؤنٹس پر آن لائن یا لاسٹ سین کا اسٹیٹس نہیں دیکھ سکیں گے۔

اس تبدیلی کے حوالے سے صارفین کے ذہنوں میں کچھ شبہات پائے جا رہے ہیں، ویب سائٹ کا کہنا ہے کہ ایپلیکیشن میں یہ تبدیلی دو دن قبل کی گئی ہے، لوگوں نے اسے پہلے ایپ کی غلطی سمجھا تھا تاہم اب تصدیق ہو گئی ہے کہ ایپ میں واقعی تبدیلی کی گئی ہے۔

جو تبدیلی کی گئی ہے اس کے مطابق اگر آپ کسی بزنس اکاؤنٹ سے چیٹنگ کر رہے ہیں تو اس وقت آپ کو آن لائن کی بجائے بزنس اکاؤنٹ لکھا نظر آئے گا۔

واضح رہے کہ نئی پرائیویسی پالیسی سامنے آنے کے بعد یہ افواہیں زیرگردش تھیں کہ واٹس ایپ نے اپنے صارفین سے تمام قسم کے ڈیٹا کی منتقلی کی اجازت مانگ لی ہے جس کے بعد کمپنی اپنی مرضی سے یہ تفصیلات فیس بک سمیت کسی بھی تھرڈ پارٹی کو فروخت کر سکتی ہے۔

تاہم اب ایک بار پھر واٹس ایپ نے صارفین کا اعتماد بحال کرنے کے لیے اُن کی چیٹ کی تصاویر شیئر کیں اور بتایا کہ صارفین کا ڈیٹا ٹیکنالوجی لیئرز (تہوں) کی صورت میں محفوظ ہوتا ہے۔

دنیا بھر میں مقبول ترین میسیجنگ ایپلی کیشن واٹس ایپ نے ایپ کلر تبدیلی کے حوالے سے یوٹرن لے لیا ہے۔

ویب بیٹا انفو کی رپورٹ کے مطابق چند ماہ قبل واٹس ایپ کی جانب سے ایک فیچر اپ ڈیٹ کرتے ہوئے واٹس ایپ نوٹیفکیشن میں تبدیلی کا اعلان کیا گیا تھا، جس میں رنگ کی تبدیلی کا فیچر بھی شامل تھا۔

یہ کہا گیا تھا کہ واٹس ایپ نوٹیفکیشن کے کچھ آپشنز مثلاً ریپلائی اور مارک ایز ریڈ، ڈارک موڈ گرین کی بجائے بلو (نیلے) میں تبدیل کر دیا جائے گا، لیکن اب کمپنی کی جانب سے لائی جانے والی تبدیلیوں کو ختم کرتے ہوئے سبز رنگ کو واپس لانے پر غور کیا جا رہا ہے۔

رنگ کی تبدیلی کے اس فیچر سے متعلق صارفین کی جانب سے کمپنی کو شکایات موصول ہونے لگیں، تو ویب بیٹا انفو کی حالیہ رپورٹ کے مطابق واٹس ایپ اب پرانے گرین رنگ کو واپس لا رہا ہے۔

گلابی رنگ کا واٹس ایپ، لیکن ہوشیار

صارفین کو شکایت تھی کہ نوٹیفکیشن کا یہ نیا بلو رنگ صحیح طور پر نظر نہیں آ رہا، جس کے باعث انھیں مشکلات کا سامنا ہے۔

واضح رہے کہ واٹس ایپ دنیا کی مقبول ترین میسیجنگ ایپلی کیشن ہے جس کے ماہانہ صارفین کی تعداد 2 ارب سے زیادہ ہے، فیس بک کی زیر ملکیت اس ایپ میں صارفین کے لیے مسلسل نت نئے فیچرز سامنے آتے رہتے ہیں، جو عام صارفین تک پہنچنے سے قبل بیٹا ٹیسٹرز کو دستیاب ہوتے ہیں۔

نیویارک: واٹس ایپ اکاؤنٹس ہیک کرنے والے ہیکرز اب نیا طریقہ ڈھونڈ لائے ہیں، سائبر سیکیورٹی ماہرین نے صارفین کو اس سلسلے میں ہوشیار کر دیا ہے۔

تفصیلات کےمطابق دنیا کی مقبول ترین میسجنگ ایپلی کیشن واٹس ایپ کے صارفین آئے روز ہیکنگ کے نئے حربے سے دوچار رہتے ہیں، اب ہیکرز لوگوں کے واٹس ایپ اکاؤنٹس ہیک کرنے کا نیا طریقہ لے آئے ہیں۔

سائبر سیکیورٹی ماہرین نے لوگوں کو خبردار کرتے ہوئے کہا ہے اس نئے طریقے میں صارفین کو ان کے کسی دوست کی طرف سے ایک میسج موصول ہوتا ہے، جس میں 6 ہندسوں پر مشتمل ایک کوڈ ہوتا ہے۔

دی مرر کی رپورٹ کے مطابق اس میسج میں وہ دوست اس صارف سے رابطہ کر کے کہتا ہے کہ ہیلو، سوری، میں نے غلطی سے 6 ہندسوں والا کوڈ آپ کو بھیج دیا ہے، برائے مہربانی یہ کوڈ آپ مجھے دے دیں، یہ بہت ’ارجنٹ‘ ہے۔

This is the problem with this world…

People tweeting me blaming my family for being naive and stupid for falling for the scam 😡

This country will never change while there is more emphasis on blaming the victim than stopping the criminal 🙈 https://t.co/tzaPt6x760

— Tommy Wathen (@tommywathen) May 22, 2021

سیکیورٹی ماہرین نے خبردار کیا ہے کہ یہ کوڈ حقیقت میں ہیکرز کی طرف سے آیا ہوتا ہے اور جس صارف کو موصول ہوتا ہے، اُس کے واٹس ایپ اکاؤنٹ کو اس کے ذریعے ہیک کیا جاتا ہے۔

ماہرین نے بتایا کہ اگر صارف اس آدمی کو کوڈ بتا دیتا ہے تو اگلے ہی لمحے اس کے واٹس ایپ کا کنٹرول ہیکرز کے ہاتھ میں چلا جاتا ہے، کوڈ اس آدمی کو دینے کے بعد صارف کے موبائل فون سے واٹس ایپ اکاؤنٹ سائن آف ہو جاتا ہے اور اکاؤنٹ کے ساتھ ساتھ اس صارف کا کلاؤڈ بھی ہیکرز کے کنٹرول میں چلا جاتا ہے۔

سائبر سیکیورٹی کے ایک ماہر ٹومی واتھن نے اپنے ٹوئٹر اکاؤنٹ پر لوگوں کو خبردار کرتے ہوئے کہا ہے کہ جس کسی کو ایسا 6 ہندسوں کے کوڈ پر مشتمل پیغام موصول ہو، اسے فوری طور پر ڈیلیٹ کر دیں اور یہ کوڈ کسی کو بھی مت بتائیں خواہ اس آدمی کو آپ ذاتی طور پر بھی جانتے ہوں۔

واٹس ایپ نے نئی متنازعہ پالیسی کے سلسلے میں نوٹیفکیشنز بھیجنے کا سلسلہ پھر شروع کر دیا ہے۔

تفصیلات کے مطابق فیس بک کی زیر ملکیت کمپنی کی جانب سے واٹس ایپ کی نئی پالیسی قبول کرنے کے نوٹیفکیشن بھیجنے کا سلسلہ پھر شروع کر دیا گیا ہے، دنیا بھر میں شدید رد عمل کے باعث پرائیویسی پالیسی کا اطلاق 15 مئی تک ملتوی کر دیا گیا تھا۔

نئی پالیسی سے متعلق یہ الرٹس اس بار ان صارفین کو بھیجے جا رہے ہیں جنھوں نے اسے قبول نہیں کیا تھا، یعنی اگر جنوری میں کسی نے نئی پالیسی سے متعلق نوٹیفکیشن کو قبول کر لیا تھا تو انھیں دوبارہ نہیں بھیجا جائے گا۔

واٹس ایپ بیٹا انفو ویب سائٹ کے مطابق کمپنی کی جانب سے صارفین کو بتایا جا رہا ہے کہ نئی پالیسی اور اصول و ضوابط کا اطلاق 15 مئی سے ہوگا۔

نوٹیفکیشن میں یہ واضح کیا گیا ہے کہ واٹس ایپ میں تمام چیٹس اینڈ ٹو اینڈ انکرپٹڈ ہوں گی، کاروباری اداروں سے چیٹ کو آسان بنایا جا رہا ہے، جس کا کچھ حصہ فیس بک سے شیئر کیا جا سکتا ہے، مگر صارف اس کا انتخاب اپنی مرضی سے کرے گا۔

عوامی تنقید نظر انداز، واٹس ایپ کا بڑا فیصلہ

واٹس ایپ نے واضح کیا ہے کہ ہم صارفین کی نجی گفتگو کو نہ پڑھ سکتے ہیں اور نہ سن سکتے ہیں، کیوں کہ یہ اینڈ ٹو اینڈ انکرپٹڈ ہے، اور اسے کبھی تبدیل نہیں کیا جائے گا۔

چوں کہ میسجز اور کالز اینڈ ٹو اینڈ انکرپٹڈ ہوتی ہیں اس لیے واٹس ایپ اور فیس بک اسے نہیں دیکھ سکتے، نہ سن سکتے ہیں، نہ ہی یہ واٹس ایپ یا فیس بیک پر شیئر ہوتی ہیں، صرف شرکا ہی انھیں دیکھ اور سن سکتے ہیں۔

رپورٹ میں یہ نہیں بتایا گیا کہ نئی پالیسی کو قبول نہ کرنے والوں کے ساتھ کیا ہوگا مگر اس حوالے سے فروری میں ایک رپورٹ میں تفصیلات سامنے آئی تھیں، اگر کمپنی کے مطالبے پر بھی صارفین کی جانب سے نئی پالیسی کو تسلیم نہیں کیا گیا تو مختصر مدت کے لیے وہ افراد کالز اور نوٹیفکیشن تو موصول کر سکیں گے مگر ایپ میں میسجز بھیج یا پڑھ نہیں سکیں گے۔

واضح رہے کہ واٹس ایپ نے رواں برس جنوری میں صارفین کو نئی پرائیویسی پالیسی سے متعلق نوٹیفکیشنز بھیجے تھے، جن میں کہا گیا تھا کہ نئی پالیسی کا نفاذ 8 فروری سے ہوگا تاہم لوگوں کے شدید رد عمل پر اس پالیسی کا اطلاق 15 مئی تک ملتوی کر دیا گیا تھا۔