Tag: wheat

ملتان (27 جولائی 2025): کسان اتحاد کے صدر نے کہا ہے کہ ملک کے کاشتکاروں کو 2 سال میں گندم کی کاشت کے سلسلے میں 2200 ارب کا نقصان ہوا ہے۔

تفصیلات کے مطابق کسان اتحاد کے صدر خالد محمود کھوکھر نے آج اتوار کو پریس کانفرنس میں بتایا کہ ملکی زراعت 100 فی صد زبوں حالی کا شکار ہو چکی ہے، اور کاشتکار کے حالات بدتر ہو چکے ہیں۔

خالد محمود کھوکھر نے کہا کسان نئی فصلوں کے لیے سرمایہ نہیں رکھتا، حکومت کی پالیسیوں سے فصلوں کی قیمت نہیں مل رہی ہے، اور کاشتکار کو دو سال سے گندم کا مناسب ریٹ نہیں ملا ہے، جس کی وجہ انھیں 2 ہزار 200 ارب کا نقصان ہو چکا ہے۔

کسان اتحاد کے صدر نے سوال اٹھایا کہ حکومت کی جانب سے جو زرعی پیکجز بنائے گئے تھے ان کے نتائج کہاں ہیں؟ ہماری تو زرعی ایکسپورٹ میں واضح کمی آ گئی ہے، اور کاشتکار کپاس کی بوائی کے لیے سرمایہ بھی نہیں رکھتا۔

چینی کی قلت کا بحران شدت اختیار کر گیا، دکانداروں نے فروخت بند کر دی

خالد محمود کھوکھر نے برآمدات کی صورت حال کے حوالے سے بتایا کہ چاول کی ایکسپورٹ 6 ماہ میں 11 فی صد کم ہوئی، اور تمام فصلوں کی ایکسپورٹ میں کمی ریکارڈ ہوئی ہے۔

دوسری طرف ملک میں چینی کی قلت کا بحران بھی شدت اختیار کر گیا ہے، چھاپوں کے بعد دکانداروں نے چینی فروخت بند کر دی، جن پر چینی کی سرکاری ریٹ سے زائد ریٹ پر فروخت پر جرمانے عائد کیے گئے ہیں، تاہم تاجران کا کہنا ہے کہ ہول سیل مارکیٹ میں چینی کا ریٹ 170 سے 176 روپے کلو ہے، دکان دار 176 روپے چینی خرید کر 170 میں کیسے فروخت کر سکتے ہیں۔

اسلام آباد: پاکستان بزنس فورم نے حکومت سے گندم سپورٹ پرائس کے معاملے پر نظر ثانی کا مطالبہ کیا ہے۔

تفصیلات کے مطابق پی بی ایف نے حکومت سے مطالبہ کیا ہے کہ گندم کا معاملہ مشترکہ مفادات کونسل میں لایا جائے، اگر اس معاملے کو سنجیدہ نہ لیا گیا تو مڈل مین اس سے کروڑوں کمائے گا۔

چیف آرگنائزر پاکستان بزنس فورم احمد جواد نے ایک بیان میں کہ کہا کہ گندم کی کٹائی شروع ہو چکی ہے اور بحران پیدا ہونے کا خدشہ ہے، ان کا کہنا تھا کہ فری مارکیٹ میکنزم پر حکومت نے جلد بازی کی ہے، آئی ایم ایف کی شرط پر ابھی ایک سال باقی تھا۔

احمد جواد نے کہا حکومت نے فری مارکیٹ میکنزم پر اسٹیک ہولڈرز سے مل کر جامع پالیسی نہیں دی، پنجاب کی غلہ منڈیوں میں گندم کا ریٹ 2500 روپے فی من ہے، جب کہ اس کی قیمت کاشت 3200 روپے ہے۔

گندم کی پیداوار : کیا کسانوں کو اس بار اچھی قیمت مل سکے گی؟ اہم رپورٹ

انھوں نے کہا 2 سال سے گندم کی کاشت میں 700 روپے فی من نقصان کا سامنا ہے، غلط پالیسوں کی وجہ سے گندم کی کاشت کا ہدف اس سال پورا نہیں ہوا، 50 سال سے زائد سپورٹ پرائس کا سلسلہ اچانک بند کرنا کہاں کا انصاف ہے۔

پاکستان بزنس فورم کے چیف آرگنائزر نے خدشہ ظاہر کیا کہ ایسا لگ رہا ہے حکومت دسمبر میں گندم درآمد کی طرف جائے گی، جب کہ ملک میں کٹائی شروع ہو گئی ہے، جس سے بحران پیدا ہونے کا خدشہ ہے۔

اسلام آباد: فوڈ سیکیورٹی کے سیکریٹری نے رواں سال ملک میں گندم کی کم پیداوار کے حوالے سے خبردار کر دیا۔

تفصیلات کے مطابق سید مسرور احسن کی زیر صدارت سینیٹ کی قومی غذائی تحفظ کمیٹی کے اجلاس میں فوڈ سیکیورٹی کمشنر نے گندم کے حوالے سے ویٹ بورڈ سے متعلق بریفنگ میں خبردار کیا کہ گزشتہ سال کی نسبت اس سال گندم کی پیداوار کم ہوگی۔

فوڈ سیکیورٹی کمشنر کے مطابق گزشتہ سال گندم کے بیج کی دستیابی 5 لاکھ 29 ہزار میٹرک ٹن تھی، رواں سال ملک میں گندم کے بیج کی ضرورت 1.1 ملین میٹرک ٹن ہے، جب کہ 5 لاکھ 92 ہزار میٹرک ٹن گندم کا بیج دستیاب ہے۔

فوڈ سیکیورٹی کمشنر نے بتایا کہ ویٹ بورڈ گندم کے بیج کی ضروریات کے حوالے سے ذمہ دار ہے، ویٹ بورڈ ای سی سی کو گندم کی درآمد و برآمد کی سفارش بھی کرتا ہے، ملکی ضروریات کے پیش نظر ابھی گندم کی برآمد روک دی گئی ہے، مارچ میں فیصلہ ہوگا کہ گندم ایکسپورٹ کی جائے یا نہیں۔

انھوں نے کہا اس وقت ملک میں گندم کی کھپت 32 ملین میٹرک ٹن سے زائد ہے، جب کہ چاروں صوبوں میں 8 ملین میٹرک ٹن کے ذخائر موجود ہیں۔

دوسری طرف سینیٹ کی قائمہ کمیٹی نے ناکارہ گندم امپورٹ سکینڈل کی انکوائری کا بھی فیصلہ کیا ہے، کمیٹی نے تحقیقات کے لیے ایمل ولی خان کی سربراہی میں ذیلی کمیٹی تشکیل دے دی، تاہم سیکریٹری فوڈ سیکیورٹی اور ایم ڈی پاسکو نے ذیلی کمیٹی کی تجویز کی مخالفت کی، ایم ڈی پاسکو نے کہا کہ پہلے ہی انکوائری کمیٹیاں گندم اسکینڈل پر کام کر رہی ہیں، ایمل ولی نے کہا کہ ہم صرف ان کمیٹیوں کے سہارے ہی نہیں رہ سکتے، یہ بڑا اسکینڈل ہے کمیٹی خود تحقیقات کرے گی۔

غذائی تحفظ کے اجلاس میں ’کاٹن سیس‘ کی نان ریکوری کا معاملہ بھی زیر بحث آیا، چیئرمین کمیٹی نے کہا کہ حکومت کو کاٹن سیس سے بھاری ریونیو آتا تھا لیکن کئی سالوں سے یہ ریونیو نہیں آ رہا، اس کی کیا وجہ ہے؟ پاکستان کاٹن کمیٹی نے بریفنگ میں بتایا کہ 2016 سے 2024 تک کاٹن سیس مد میں 3.4 ارب روپے کی وصولی باقی ہے، اس عرصے کے دوران کئی ٹیکسٹائل ملز بند بھی ہو چکی ہیں، اور 8 نئی کاٹن ملوں کو کاٹن سیس میں شامل کیا گیا ہے، 2016 سے 2014 تک ٹیکسٹائل ملز سے 2 ارب 19 کروڑ کاٹن سیس جمع کیا گیا، اور 2023-24 میں 293 ملین روپے ریونیو آیا، کاٹن کمیٹی نے 665 ملین روپے کا قرض فوری جاری کرنے کا مطالبہ بھی کیا، تاہم سینیٹ کمیٹی نے پاکستان کاٹن کمیٹی کی بریفنگ پر عدم اطمینان کا اظہار کیا اور آئندہ اجلاس میں کاٹن سیس پر تفصیلی بریفنگ طلب کی۔

بریفنگ میں کاٹن کمشنر کا کہنا تھا کہ کاٹن سیس کے حوالے سے مختلف عدالتوں میں 65 کیسز ہیں، عدالتوں سے 63 کیسز کے فیصلے پاکستان کاٹن کمیٹی کے حق میں آ چکے ہیں، صرف 2 کیسز زیر التوا ہیں، ملک بھر میں ٹوٹل 568 ٹیکسٹائل ملز ہیں، جن میں سے 187 ٹیکسٹائل ملز بند ہو چکی ہیں، اس وقت فی کاٹن بیل 50 روپے کاٹن سیس وصول کی جا رہی ہے۔