پی آئی اے انتظامیہ نے یوٹرن لیتے ہوئے فضائی میزبانوں کو ایک بار پھراسسٹنٹ فراہم کرنے کا فیصلہ کرلیا، گزشتہ ہفتے وھیل چئیر لوڈرز پر کپتانوں سمیت فضائی میزبانوں کا سامان اٹھانے پر پابندی عائد کردی گئی تھی۔
تفصیلات کے مطابق پی آئی اے انتطامیہ نے ایک ہفتے بعد ہی اپنے فیصلے کو مؤخر کرتے ہوئے فضائی میزبانوں کو ایک بار پھراسسٹنٹ فراہم کرنے کا فیصلہ کرلیا ہے۔
اندرون و بیرون ملک جانے والی پروازوں پر فضائی میزبانوں کو ایئرپورٹ پر اسسٹنٹ فراہم کیا جائے گا، اس حوالے ذرائع کا کہنا ہے کہ اسسٹنٹ فضائی میزبانوں کو ایئرپورٹ پر لمبی قطاروں سے بچنے کیلئے فراہم کیاگیا ہے۔
پائلٹس اور فضائی میزبانوں کو لوڈر سروس بند ہونے کی وجہ سے مشکلات پیش آرہی تھیں، فضائی میزبانوں کا خود سامان اٹھانے اور جہاز تک جانے میں خاصہ وقت لگ رہا تھا جس کی وجہ سے پروازوں کی روانگی میں تاخیر ہورہی تھی۔
ذرائع کا مزید کہنا ہے کہ اسسٹنٹ فضائی میزبانوں کو آمد اور روانگی کے وقت ایف آئی اے امیگریشن کے عمل میں ان کی معاونت کرے گا۔
مزید پڑھیں: پی آئی اے نے کپتانوں اور فضائی میزبانوں کو اپنا سامان خود اٹھانے کی ہدایت کردی
یاد رہے کہ اس سے قبل بھی اندرون اور بیرون ملک جانے والی پروازوں کے کپتانوں اور فضائی میزبانوں کو چار سے پانچ لوڈرز فراہم کئے جاتے تھے۔
