ARYNews.tv | Urdu – Har Lamha Bakhabar

Tag: WHO

  • عالمی صحت نے بلوچستان میں سرگرمیاں فوری طور پر بند کردیں

    عالمی صحت نے بلوچستان میں سرگرمیاں فوری طور پر بند کردیں

    کوئٹہ: عالمی ادارہ صحت نے بلوچستان میں اپنی سرگرمیاں فوری طور پر روکنے کا فیصلہ کرتے ہوئے صوبے بھر میں قائم دفاتر تا حکم ثانی بند اور ورکرز کو کام کرنے سے روک دیا ہے۔ ادارے کے مطابق سرگرمیاں غیر معینہ مدت تک معطل رہیں گی۔

    عالمی ادارہ صحت نے یہ فیصلہ گذشتہ روز کوئٹہ میں انسداد پولیو ٹیموں پر ہونے والے حملے کے بعد کیا گیا ہے۔ عالمی ادارہ صحت کے زرائع کے مطابق ڈبلیو ایچ او پاکستان کے سربراہ ڈاکٹر مشعیل نے ہنگامی طور پر تمام سرگرمیاں تا حکم ثانی روکنے کا حکم جاری کرتے ہوئے صوبے بھر میں قائم تمام دفاتر فوری طور پر بند کرنے کی ہدایت جاری کر دیں ہے۔

    عالمی ادارہ صحت کی جانب سے اسٹاف کو خصوصی ہدایت کی گئی ہے کہ وہ کسی بھی انسداد پولیو مہم میں حصہ نہ لیں۔ ذرائع کے مطابق عالمی ادارہ صحت نے اپنے فیصلے سے متعلق وفاقی وزارت قومی صحت کو گذشتہ رات ہی آگاہ کر دیا تھا۔

    ذرائع کے مطابق عالمی ادارہ صحت نے وفاق اور صوبائی حکومت سے اپنے اسٹاف کو فول پروف سیکورٹی فراہم کرنے کی یقین دہانی طلب کی ہے۔ کوئٹہ میں گذشتہ روز انسداد پولیو ٹیم پر ہونے والے حملے میں تین خواتین ورکرز سمیت چار ورکرز جاں بحق ہو گئے تھے۔

  • افریقا سے آنے والے چنیوٹ کے شہری میں ایبولا وائرس ہونے کا خدشہ

    افریقا سے آنے والے چنیوٹ کے شہری میں ایبولا وائرس ہونے کا خدشہ

    چنیوٹ : ایک شخص میں ایبولاوائرس کا خدشہ ظاہرکیا جارہا ہے، ذوالفقارنامی شخص کے خون کے نمونے ٹیسٹ کیلئے اسلام آباد بھجوا دیئے گئے۔

    پاکستانی پولیو،خسرہ اورڈینگی جیسے امراض نمٹ نہیں پائے کہ ایبولانے خطرے کی گھنٹی بجا دی۔ افریقا سے آئے ہوئےچنیوٹ کےشہری میں ایبولاوائرس کاخدشہ ظاہرکیاجارہاہے،ایک ماہ پہلے وطن لوٹنے والے ذوالفقار کے خون کے نمونے تشخیص کیلئے اسلام آباد بھجوا دیئے گئے ہیں ۔

    ایم ایس الائیڈاسپتال کاکہناہےذوالفقار ایبولاوائرس کا شکار نہیں، فیصل آباد کے اسپتال میں زیرعلاج ذوالفقار کو آئی سولیشن وارڈ میں منتقل کردیاگیاہے،محکمہ صحت پنجاب نے ابیولا وائرس کے مبینہ مریض کی خبرپرنوٹس لیتے خصوصی احتیاط برتنےکی ہدایت کردی۔

    ایبولاوائرس سے بچاؤ کے اقدامات کاجائزہ لینے کیلئے عالمی ادارہ صحت کی پانچ رکنی ٹیم بھی تین روزہ دورے پر پاکستان پہنچ گئی ہے۔ جو آج چنیوٹ جائےگی اور مبینہ طورپرمتاثرہ شخص اور اہلخانہ کاٹیسٹ کریں گے، ایبولاوائرس سےجنوبی افریقا سمیت کئی ممالک میں پانچ ہزار سے زائد افراد جان گنواچکے ہیں۔

  • آج ذیابیطس سے آگاہی کا عالمی دن منایا جا رہا ہے

    آج ذیابیطس سے آگاہی کا عالمی دن منایا جا رہا ہے

    اسلام آباد: پاکستان سمیت دنیا بھر میں آج ذیابیطس  سے آگاہی کا عالمی دن منایا جارہا ہے، ٹینشن، ڈپریشن، کھانے میں چکنائی اور میٹھے کی زیادتی کسی کو بھی ذیابیطس کا مریض بنا سکتی ہے  اس لئے اس مرض سے بچنے کے لئے ذرا سی احتیاط ہماری زندگی کو محفوظ بناسکتی ہے۔

    جان لیوا مرض ذیابیطس آج دنیا بھر میں صحت مند زندگی کی تھیم پر منایا جارہا ہے اس کا مقصد عوام میں اس بیماری سے متعلق شعور بیدار کرنا ہے۔

    عالمی ادارہ صحت کے مطابق دنیا بھر میں تقریباً چونتیس کروڑ ساٹھ لاکھ افراد اس مرض میں مبتلا ہیں اور اگر اس پر قابو نہیں پایا گیا تو یہ تعداد دو ہزار تیس تک دگنی ہونے کا خدشہ ہے۔

    عالمی سطح پر شوگرکے اسی فیصد مریض ترقی پذیر ممالک سے تعلق رکھتے ہیں۔اس لئے ضروری ہے کہ ذیابطیس پر قابو پانے کے لئے ان ممالک میں سرکاری سطح پر اقدامات کئے جائیں۔

  • پولیوکیسزمیں اضافہ،پاکستان پرمزید سفری پابندیوں کاخطرہ

    پولیوکیسزمیں اضافہ،پاکستان پرمزید سفری پابندیوں کاخطرہ

    اسللام آباد: پاکستان نے پولیو میں افغانستان کو بھی پیچھے چھوڑ دیا۔ غیر ملکی سفرکے لیے ویکسی نیشن کے بعد اب مزید پابندیوں کا خطرہ ہے۔ سات کاہو یاستر کا۔ پولیو کے قطرے پیے بغیر کوئی پاکستانی غیرملکی سفرنہیں کرسکتا۔

    یہ پابندی تو تھی ہی اب کوئی اورآسمان نہ گرپڑے لاکھ کوشش کی مگروہی ڈھاک کےتین پات۔ پولیو کیس سامنےآنےکا سلسلہ نہیں رکا, مزید تین کیسوں نے اس سال پاکستان میں مریضوں کی تعداد دوسوتیس سے زیادہ کردی۔

    دنیا بھرمیں پولیو کا خاتمہ ہوگیا۔ نائیجیریا میں بھی صرف تین کیس سامنے آئے۔ لیکن پاکستان نےبیماری میں افغانستان کو بھی پیچھے چھوڑ دیا۔ امن وامان معاشی ترقی،انصاف اورتوانائی کےشعبےمیں آخری نمبروں پررہنےوالا پاکستان۔ پولیو میں سب سے آگےنکل گیا.

    عالمی ادارہ صحت نے پاکستان کو ریڈارپررکھا ہوا ہے۔ ادارے کےبڑے کہتے ہیں اپنے ملک میں توکیا ختم کرتا۔ پاکستان توپولیو ایکسپورٹ بھی کررہا ہے۔ شام میں پولیوختم ہوگیا تھا۔

    پاکستانیوں کےساتھ پھرپہنچ گیا۔ خطرہ ہے کہ پولیو کیسز سامنے آتے رہے توپاکستانیوں کےبیرون ملک جانے پرمستقبل پابندی ہی نہ لگ جائے

  • پولیو کے مزید تین کیس سامنے آگئے، کل تعداد دوسوتیس ہوگئی

    پولیو کے مزید تین کیس سامنے آگئے، کل تعداد دوسوتیس ہوگئی

    کوئٹہ: بلوچستان میں پولیوکے مزید تین کیس سامنے آئے گئے جس کے بعد رواں سال میں پولیو کے مریضوں کی تعداد دوسو تیس زائد ہوگئی ہے۔

    محکمہ صحت کے مطابق قلعہ عبداللہ میں دوجبکہ کوئٹہ میں ایک بچے میں پولیووائرس کی تصدیق ہوئی۔ پاکستان میں رواں سال کے دوران پولیوکیسز کی تعداد دوسوتیس سے زیادہ ہوگئی ہے۔

    مختلف علاقوں میں پولیوورکرز پرحملوں اوروالدین کی جانب سے بچوں کو پولیو ویکیسین دینے سے انکارکی وجہ سے پولیو کے خاتمے میں مشکلات کا سامنا ہے۔

    عالمی ادارہ صحت نے پولیوکے خاتمے کے لئے کئے جانے والے اقدامات کو ناکافی قراردیتے ہوئے انسداد پولیو مہم میں تیزی لانے پرزوردیا ہے۔پاکستان پر پولیوکے باعث پہلے ہی سفری پابندیاں عائد کی جاچکی ہیں۔

    دنیا سے پولیو کا نناوے فیصد خاتمہ کیا جا چکاہے لیکن پاکستان، نائجیریا اورافغانستان میں اب بھی یہ مرض باقی ہے۔ نائجیریا بھی پولیو کے خاتمے کے قریب پہنچ چکا ہے جہاں رواں سال پولیو کے صرف تین کیس سامنے آئے ہیں۔

  • ایبولا وائرس : ہلاکتوں کی تعداد پانچ ہزارکے قریب ہوگئی

    ایبولا وائرس : ہلاکتوں کی تعداد پانچ ہزارکے قریب ہوگئی

    جنیوا: عالمی ادارہ صحت کا کہنا ہے کہ دنیا بھرمیں ایبولا وائرس سے ہلاک ہونے والوں کی تعداد چارہزارنوسوبائیس ہوگئی، عالمی ادارہ صحت سے جاری بیان میں کہا گیا ہے کہ دنیا کے آٹھ ملکوں میں ایبولا وائرس سے دس ہزار سے زائد افراد متاثرہوئے ہیں جبکہ وائرس سے ہلاک ہونے والوں کی تعداد پانچ ہزار کے قریب ہوگئی ہے۔

    دوسری جانب ایبولا کا علاج کرنے والے امریکی ڈاکٹرکے ایبولا سے متاثرہونے کی تصدیق کے بعد امریکا میں ایبولا سے بچاؤ کے انتظامات مزید سخت کردئیے گئے ہیں۔

    نیویارک اورنیوجرسی میں مغربی افریقہ کے ممالک سے آنے والے مسافروں کواکیس روزالگ تھلگ رکھنے کے احکامات جاری کئے گئے ہیں۔ایبولا کا مرض گنی، سیرالیون اور لائبریا سے پھیلا ہے۔

  • ابیولا وائرس جلد بَدیر پاکستان پہنچ جائے گا،عالمی ادارہ صحت

    ابیولا وائرس جلد بَدیر پاکستان پہنچ جائے گا،عالمی ادارہ صحت

    نیو یارک : عالمی ادارہ صحت کے پاکستان کے لئے نمائندے مشیل تھیرن نے خبردار کیا ہے ابیولا وائرس جلد یا بَدیر پاکستان پہنچ جائے گا، جس کے بعد وائرس پر قابو پانا مشکل ہوگا۔

    عالمی ادارہ صحت کے نمائندے مشیل تھیرن نے غیرملکی خبر ایجنسی سے گفتگوکرتے ہوئے کہا کہ ابیولا وائرس تیزی سے مختلف ملکوں میں پھیل رہا ہے اورجلد یا بدیرپاکستان میں بھی ابیولا وائرس پہنچ سکتا ہے، اگر وائرس پھیل گیا تواس پر قابو پانا مشکل ہوجائے گا۔

    انہوں نے کہا کہ ابیولا سے نمٹنے کے لئے زیادہ وقت نہیں، پاکستان کو حفاظتی اقدامات ایک مہینے میں مکمل کرنا ہوں گے، اس مرض کے بارے میں ایئرپورٹس پر تعینات عملے اور عوام کو آگاہی دینا مرض سے بچاؤ کے لئے سب بڑا ہتھیار ہے۔

    ایبولا کے بارے میں عوام میں آگاہی پیدا کرنے کی مہم فوری طور پر شروع کرنا چاہئیے۔

    ایبولا نامی بیماری خون کے ذریعے ، جسمانی رطوبت اور بالواسطہ طور پر آلودہ فضا سے پھیلتی ہے، دنیا بھر میں اب تک ایبولا وائرس سے چار ہزارسے زائد افراد ہلاک ہوچکے ہیں جن کی بڑی تعداد کا تعلق مغربی افریقہ سے ہے۔

    ایبولا وائرس فروری میں گنی سے پھیلنا شروع ہوا تھا، ابیولا وائرس سے سب سے زیادہ متاثر ہونے والے ملکوں میں گنی، سیرالیون اورلائبریا شامل ہیں۔

  • پاکستان میں پولیو کیسز 14گنا زیادہ ہوگئے،عالمی ادارۂ صحت

    پاکستان میں پولیو کیسز 14گنا زیادہ ہوگئے،عالمی ادارۂ صحت

    نیویارک: دنیا بھرکی نسبت پاکستان میں پولیو کیسز میں چودہ گنا زیادہ ہوگئے ہیں، تین سال میں رپورٹ ہونے والے پولیو کیسزمیں تشویشناک حد تک اضافہ ہوا ہے۔

    عالمی ادارہ صحت کے پاکستان میں سربراہ ڈاکٹر مشیل تھائرین نے انکشاف کیا ہے کہ دیگر ممالک کے مقابلے میں پاکستان میں پولیو وائرس کے رپورٹ ہونے والے کیسزچودہ گنا زیادہ ہیں، پاکستان میں رواں سال پولیو متاثرہ افراد کی تعداد ایک سو پچہتر ہوچکی ہے۔

    رواں سال دنیا بھرمیں رپورٹ ہونے والے پولیو کیسز کی تعداد دوسو چار ہے، حکام نے تاریخ میں پہلی بار پولیو مریضوں کی تعداد دوسو سے زائد ہونے کا خدشہ ظاہر کیا ہے، ملک بھرمیں انسدادپولیو مہم کے باوجود وائرس کسی طور قابو میں نہیں آرہا، گزشتہ ماہ لئے گئے نمونوں کے مطابق ملک کے چھ چار بڑے شہرکراچی، لاہور، راولپنڈی اور کوئٹہ میں وائرس کی موجودگی کا انکشاف ہوا ہے۔

    بھرپور آگاہی مہم کے باوجود والدین اب بھی پولیو ویکسین پلانے سے کتراتے ہیں، خیبر پختونخوا میں پولیو ویکسین پلانے سے انکار کے بعد سات سو کیسز رپورٹ کیے گئے، پنجاب میں چار سو چار کیسز، سندھ میں تین سو چھیاسی فاٹا میں دوسو انہتر اور بلوچستان میں پولیو ویکسین پلوانے سے انکار کے بعد دوسواکیاون کیسز پولیو ویکسینشن کی پچھلی مہم کے دوران رپورٹ کیے گئے ہیں۔

  • کراچی میں پولیوکیسز:پاکستان پرمزید پابندیاں لگنےکاامکان

    کراچی میں پولیوکیسز:پاکستان پرمزید پابندیاں لگنےکاامکان

    کراچی : پولیو کے حوالے سے کراچی میں کیسز رپورٹ ہونے پرعالمی ادارۂ صحت کو تشویش لاحق ہوگئی ہے، ڈبلیو ایچ او کی جانب سے پاکستان پرمزید پابندیاں لگنے کا امکان ہے ۔

    تفصیلات کے مطابق فاٹا، ڈی آئی خان اورسندھ سمیت دیگرشہروں میں رواں سال ایک سواٹھارہ پولیوکیسز سامنے آئے ہیں،جبکہ کراچی میں پولیو کیسز نےعالمی ادارۂ صحت کو پریشانی میں مبتلا کردیاہے ۔

    ذرائع محکمہ صحت کے مطابق تیس ستمبر کوجنیوا میں عالمی ادارہ صحت کا اجلاس منعقد ہوگا، جس میں پولیو کیسز میں اضافے پر پاکستان پرمزید سفری پابندیاں عائد کی جاسکتی ہیں ۔

    اجلاس میں پاکستان کی نمائندگی پولیو فوکل پرسن عائشہ رضا فاروق کریں گی، وزارتِ صحت کے مطابق خییر ایجنسی کی تحصیل میں 16 ماہ کی بچی سلمیٰ اورپشاورمیں 8 کی ماہ حبیبہ پولیو سے متاثر ہوئیں۔

    حبیبہ کے والدین نے انسدادِ پولیو مہم میں اپنی بچی کو قطرے پلوانے سے انکارکردیا تھا۔ وزارت صحت کا کہنا ہے کہ رواں سال فاٹا میں 119، خیبر پختونخوا میں 28، سندھ میں 14، پنجاب میں 2 اور بلوچستان میں 3 کیسز رپورٹ ہوئے ہیں۔

  • عالمی ادارہ صحت نے ایبولا وائرس کو خطرہ قرار دے دیا

    عالمی ادارہ صحت نے ایبولا وائرس کو خطرہ قرار دے دیا

    مغربی افریقہ: عالمی ادارہ صحت نے مغربی افریقہ سے پھوٹنے والے ایبولا وائرس کی وبا کو بین الاقوامی صحت کے لیے ایمرجنسی قرار دیا ہے۔

    اب تک مغربی افریقہ کے چار ملکوں میں اس وبا کی وجہ سے تقریباً ایک ہزار افراد ہلاک ہو چکے ہیں۔

    ڈبلیو ایچ او کی طرف سے جاری ہونے والے ایک بیان میں کہا گیا ہے کہ اس وبا کی شدت کی وجہ سے اس کے دنیا کے دوسرے ملکوں تک پھیلنے کے سنگین خطرات ہو سکتے ہیں۔