دبئی: پاکستان ویمن ٹیم نے دوسرے ون ڈے میچ میں ویسٹ انڈیز کو 34 رنز سے شکست دے دی، تین میچوں کی سیریز 1-1 سے برابر ہوگئی، سدرہ امین کو مین آف دی میچ کا ایوارڈ دیا گیا۔
تفصیلات کے مطابق دبئی میں کھیلے جانے والے دوسرے ون ڈے میچ میں قومی ٹیم نے مقررہ اوورز میں 240 رنز بنائے، 241 رنز کے تعاقب میں ویسٹ انڈیز ویمن ٹیم 206 رنز پر ڈھیر ہوگئی، تین میچوں کی سیریز 1-1 سے برابر ہوگئی۔
سدرہ امین کو 96 رنز کی شاندار اننگز کھیلنے پر میچ کا بہترین کھلاڑی قرار دیا گیا۔
Sidra, Nida and Diana star in Pakistan win#PAKWvWIW
Match Report 🔽https://t.co/GQ8cgrPE2h pic.twitter.com/RdGilmOOn0— PCB Official (@TheRealPCB) February 9, 2019
ویسٹ انڈیز ویمن ٹیم کی میک لین نے 82 رنز کی اننگز رائیگاں گئی، ایس آر ٹیلر 48 رنز بنا کر ثنا میر کی گیند پر ایل بی ڈبلیو آؤٹ ہوئی، نیٹیون نے 23 رنز بنائے۔
پاکستان کی جانب سے ڈائنا بیگ نے 4 کھلاڑیوں کو پویلین کی راہ دکھائی، ثنا نے تین وکٹیں حاصل کیں، نشرا سندھو نے 2 اور ندا ڈار نے ایک وکٹ حاصل کی۔
قومی ویمن کرکٹ ٹیم نے میزبان ویسٹ انڈیز ٹیم کو جیت کے لیے 241 رنز کا ہدف دیا۔ پاکستان ویمن ٹیم کی جانب سے سدرہ امین نے 96، ندا ڈار نے 81، ثنا میر نے 21 اسکور کیے۔
ویسٹ انڈیز کی جانب دیندرا ڈوٹن اور شاکرہ سلمان نے 2،2 اور شیمیلا کونیل اور ٹیلر نے 1،1 کھلاڑی کو آؤٹ کیا۔
121 balls
14 4s
96 runs
Player of the Match ✔️
Well played @SidraAmin21 👏🏼#PAKWvWIW pic.twitter.com/9e5lKd0CC3— PCB Official (@TheRealPCB) February 9, 2019
مہمان ٹیم ویسٹ انڈیز کو پاکستان ویمن ٹیم کے خلاف تین ایک روزہ میچوں کی سیریز میں 0-1 کی برتری حاصل ہے۔
خیال رہے کہ دو روز قبل ویسٹ انڈیز ویمن ٹیم نے مقررہ اوورز میں 216 رنز بنائے اور قومی ویمن ٹیم کو 217 رنز کا ہدف دیا تھا، ہدف کے تعاقب میں پاکستانی ویمن ٹیم 30 اوورز میں 70 رنز پر ڈھیر ہوگئی تھی۔
ویسٹ انڈیز نے قومی ویمن ٹیم کو 146 رنز سے شکست دے دی
ویسٹ انڈیز ویمن کرکٹ ٹیم کی جانب سے دیندرا ڈوٹن نے 96 اور ٹیلر نے 58 رنز اسکور کیے تھے۔
قومی ویمن ٹیم کی کپتان بسمہ معروف کے زخمی ہونے کی وجہ سے آئی سی سی ویمنز چیمپئن شپ سیریز کے پہلے میچ میں ٹیم کی قیادت جویریہ خان کررہی ہیں۔
پاکستان کرکٹ بورڈ کے مطابق 6 فروری کو دبئی انٹرنیشنل کرکٹ اسٹیڈیم میں ٹریننگ کے دوران بسمہ معروف کیچ پکڑتے ہوئے ساتھی فیلڈر کے ساتھ ٹکرانے سے زخمی ہوگئی تھیں، گیند ان کے جبڑے پر لگی تھی، انہیں اسٹریچر پر میدان سے باہر لے جانے کے بعد اسپتال منتقل کیا گیا تھا۔
تیسرا ٹی ٹوئنٹی : پاکستان ویمن ٹیم نے ویسٹ انڈیز کو شکست دے دی
واضح رہے کہ پاکستان اور ویسٹ انڈیز کے درمیان تین میچوں پرمشتمل ٹی ٹوئنٹی سیریز مہمان ٹیم نے 1-2 سے اپنے نام کی تھی۔
