ARYNews.tv | Urdu – Har Lamha Bakhabar

Tag: Wife killed

  • کراچی : خونی ٹریلر نے میاں بیوی کو کچل ڈالا

    کراچی : خونی ٹریلر نے میاں بیوی کو کچل ڈالا

     شہر قائد میں ٹریلرز کے ڈرائیور ٹریفک قوانین کی کھلم کھلا خلاف ورزیاں کرنے لگے، سائٹ ایریا میں تیز رفتار ٹریلر کی زد میں آکر میاں زخمی اور بیوی جاں بحق ہوگئی۔

    اے آر وائی نیوز کی رپورٹ کے مطابق کراچی کے علاقے سائٹ ایریا میں تیز رفتار ٹریلر نے موٹرسائیکل سوار میاں بیوی کو کچل دیا۔

    غنی چورنگی کے قریب ہونے والے خوفناک حادثے میں بیوی نے موقع پر ہی جان دے دی جبکہ شوہر شدید زخمی ہوگیا۔

    واقعے کی اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں اور زخمی شوہر اور خاتون لاش کو اسپتال منتقل کیا، ٹریلر ڈرائیور موقع سے فرار ہوگیا۔

    کراچی میں فائرنگ سے 6 فراد زخمی

    علاوہ ازیں کراچی کے مختلف علاقوں میں فائرنگ کے واقعات میں 6 افراد گولیاں لگنے سے زخمی ہوگئے جنہیں طبی امداد کیلیے مقامی اسپتال منتقل کیا گیا۔

    سائٹ ایریا خیبر گيٹ کے قریب فائرنگ کی زد میں آکر 2 افراد زخمی ہوئے زخمیوں کی شناخت ساجد اور اسد اللہ نام سے ہوئی ہے جنہیں اسپتال منتقل کردیا گیا۔

    ایس ایس پی سائٹ ایریا کے مطابق فائرنگ کا واقعہ شادی کی ایک تقریب کے پاس پیش آیا، جس کی مزید تحقیقات کی جارہی ہیں۔

    اس کے علاوہ ،ریسکیوحکام کا کہنا ہے کہ نارتھ ناظم آباد میں فائرنگ سے ایک شخص بنارس کے قریب فائرنگ سے ایک شخص کھڈا مارکیٹ کے قریب فائرنگ سے ایک شخص اورعزیز آباد میں نامعلوم سمت سے آنے والی گولی لگنے سے ایک شخص ہوا ہے۔

     

  • پانی نہ پلانے پر شوہر کے ہاتھوں بیوی قتل، بھانجی کو فروخت کرنے والا ملزم گرفتار

    پانی نہ پلانے پر شوہر کے ہاتھوں بیوی قتل، بھانجی کو فروخت کرنے والا ملزم گرفتار

    دنیا پور/ رحیم یار خان : پانی نہ پلانے پر سفاک شوہر نے بہیمانہ تشدد کرکے بیوی کو قتل کردیا، پولیس نے مقدمہ درج کرکے ملزم کو گرفتار کرلیا، بھانجی کو فروخت کرنے کی کوشش کرنے والا ماموں پکڑا گیا۔

    تفصیلات کے مطابق پنجاب کے مختلف شہروں میں خواتین پر تشدد کے واقعات میں اضافہ دیکھنے میں آرہا ہے معمولی بات پر بیوی کو قتل کردیا گیا۔

    دنیا پور میں شوہر پانی نہ پلانے پر غصے سے بے قابو ہوگیا اور کلہاڑی کے وار کرکے اپنی بیوی نسرین کو شدید زخمی کر دیا، پولیس کے مطابق زخمی نسرین کو تشویشناک حالت میں نشتر اسپتال لایا گیا تھا۔

    نسرین دو دن اسپتال میں زیر علاج رہی لیکن زخموں کی تاب نہ لاتے ہوئے تڑپ تڑپ کر دم توڑ گئی، ملزم کوگرفتارکرکے مقدمہ درج کرلیا گیا۔

    دوسری جانب رحیم یار خان پولیس نے چودہ سال کی لڑکی حلیماں کو اس کے ماموں نے مبینہ طور پر اغواء کرکے فروخت کرنے کی کوشش کی، پولیس نے مغویہ حلیماں کو گھوٹکی سے بازیاب کرکے ملزم کو گرفتار کرلیا۔

  • بھارت: غیرت کے نام پر قتل، شوہر بیوی کا سر بیگ میں ڈال کر تھانے پہنچ گیا

    بھارت: غیرت کے نام پر قتل، شوہر بیوی کا سر بیگ میں ڈال کر تھانے پہنچ گیا

    کرناٹک : سفاک شوہر بیوی کو قتل کرکے اس کا سر لے کر تھانے پہنچ گیا، ملزم نے ناجائز تعلقات کے شبے میں غیرت میں آکر دو بچوں کی ماں کا سر تن سے جدا کردیا۔

    تفصیلات کے مطابق بھارت کی ریاست کرناٹک کے ضلع چکمگلور میں پولیس کو اس وقت حیرت کا سامنا کرنا پڑا جب ایک شخص ہاتھ میں بیگ لے کر تھانے میں داخل ہوا اور پولیس افسر کو بتایا کہ اس نے غیرت میں آکر اپنی بیوی کو قتل کردیا ہے اور اس بیگ میں اس کا سر ہے۔

    برطانوی نشریاتی ادارے بی بی سی کے مطابق پولیس نے ملزم ستیش کو گرفتار کرلیا ہے، ستیش نے مبینہ طور پر اپنی بیوی کا قتل شک کی بنیاد پر کیا، مقتولہ دو بچوں کی ماں تھی۔

    پولیس نے بتایا کہ ستیش کے خیال میں اس کی بیوی کے کسی دوسرے مرد کے ساتھناجائز  تعلقات تھے، پولیس نے مزید بتایا کہ ان کی شادی کو سات برس ہو گئے تھے اور ان کے دو بچے بھی ہیں۔

    اس کے علاوہ  ان دونوں میاں بیوی کےدرمیان کافی عرصے سے رنجشیں بھی چل رہی ہیں کیونکہ ملزم کی بیوی ماضی میں پولیس کے پاس مدد مانگنے بھی آئی تھی۔

    پولیس افسر کا کہنا ہے کہ ہمیں اس بات کا علم تھا کہ دونوں کے درمیان کچھ گھریلو مسائل ہیں، ہم نے چند مرتبہ ان کی مشاورت بھی کی تھی لیکن ہمیں یہ نہیں معلوم تھا کہ ستیش کو اس بات کا شک ہے کہ اس کی بیوی کا کسی غیر مرد کے ساتھ تعلق ہے۔‘

  • لاہور: شوہر کے تشدد کا شکار سونیا دوران علاج چل بسی، ورثا کی انصاف کی اپیل

    لاہور: شوہر کے تشدد کا شکار سونیا دوران علاج چل بسی، ورثا کی انصاف کی اپیل

    لاہور : سفاک شوہر کے ظلم کا شکار سونیا دوران علاج جاں بحق ہوگئی، ورثاء کا کہنا ہے کہ رپورٹ کے باوجود پولیس ملزمان کے اثرورسوخ کے باعث کوئی کارروائی کرنے سے قاصر ہے۔

    تفصیلات کے مطابق شوہر کے مبینہ تشدد کا نشانہ بننے والی سونیا زخموں کی تاب نہ لاتے ہوئے چل بسی، شوہر نے گھر والوں کے ساتھ مل کر بیوی پر پیٹرول ڈال کرجلا ڈالا۔

    سونیا کو دو دن بعد ہمسائیوں نےاسپتال پہنچایا، سونیا کے اہل خانہ کا کہنا ہے کہ ملزمان اثر و رسوخ استعمال کر کے اپنا بچاؤ کر رہے ہیں، پولیس بھی تعاون نہیں کر رہی۔ شوہر اور سسرالیوں کی ظلم اور بربریت کا نشانہ بننے والی سونیا تین بچوں کی ماں تھی۔

    نشے میں دھت شوہر عرفان نے تشدد کا نشانہ بنایا اور سسرالیوں نے پٹرول چھڑک کر آگ لگا دی۔ دو دن بعد ہمسائیوں نے ہسپتال منتقل کیا۔

    سونیا کا جسم پچاس فیصد تک جھلس چکا تھا۔ وہ دوران علاج زخموں کی تاب نہ لا سکی اور دم توڑ گئی۔ احتجاج کرنے والے ورثاء نے اعلیٰ حکام سے انصاف کی اپیل کرتے ہوئے کہا ہے کہ ملزمان کو کیفر کردار تک پہنچایا جائے۔