اسلام آباد: صارفین کا ڈیٹا خطرے میں پڑ گیا ہے، مائیکروسافٹ کے ونڈوز آپریٹنگ سسٹم میں سیکورٹی نقص کا انکشاف ہوا ہے۔
نیشنل سائبر ایمرجنسی رسپانس ٹیم نے ایڈوائزری جاری کی ہے کہ مائیکروسافٹ کے ونڈوز آپریٹنگ سسٹم میں سیکیورٹی نقص آیا ہے، جس سے صارفین اور اداروں کے سسٹم ہیک ہونے اور ذاتی معلومات چوری ہونے کا خدشہ ہے۔
ایڈوائزری کے مطابق آپریٹنگ سسٹم کے سیکیورٹی نقص سے یوزر نیم، ڈومین نیم اور پاسورڈ چرائے جا سکتے ہیں، سیکیورٹی نقص سے فائل کھولے بغیر ہی اہم معلومات تک رسائی ہو سکتی ہے۔
سائبر ایمرجنسی رسپانس ٹیم کے مطابق سیکیورٹی نقص سے مائیکروسافٹ کے ونڈو 7 سے 11 تک کے ورژن متاثر ہو سکتے ہیں، اس لیے سائبر ایمرجنسی نے سیکیورٹی اسٹریٹجی کے قیام کی سفارش کی ہے۔
ایکس پر ’ہیش ٹیگ‘ استعمال کریں یا نہیں؟ ایلون مسک نے بتا دیا
شیئرڈ ڈرائیوز اور شیئر فولڈرز اور ای میلز اٹیچمنٹ سے محتاط رہنے کی سفارش کی گئی ہے، اور ہدایت کی گئی ہے کہ صارفین پاسورڈز پیچیدہ رکھیں اور مختصر عرصے بعد اسے تبدیل کرتے رہیں، صارفین کو مختلف ایپلی کیشنز کا ایک ہی پاسپورڈ نہ رکھنے کی بھی سفارش کی گئی ہے۔
ایڈوائزری میں کہا گیا ہے کہ احتیاطی تدابیر اختیار نہ کرنے سے ڈیٹا چوری اور سسٹم ہیک ہو سکتا ہے۔
