ARYNews.tv | Urdu – Har Lamha Bakhabar

Tag: wins

  • 20 ویں چولستان جیپ ریلی زین محمود نے جیت لی

    20 ویں چولستان جیپ ریلی زین محمود نے جیت لی

    بیسویں چولستان جیپ ریلی میں زین محمود ٹائٹل کا دفاع کرنے میں کامیاب ہوگئے۔

    تفصیلات کے مطابق زین محمود دوسری بار بھی چولستان جیپ ریلی کے فاتح بن گئے انہوں نے مجموعی طور پر تین گھنٹے چھپن منٹ میں ٹریک عبورکیا۔

    اد کے علاوہ سابق چیمپئن نادر مگسی نے دوسری پوزیشن حاصل کی جبکہ میر جعفر مگسی تیسرے  اور صاحبزادہ سلطان چوتھے نمبر پر رہے۔

    دوسری جانب خواتین کی پری پیئرڈ کیٹیگری میں بھی زبردست مقابلہ دیکھنے میں آیا، دینہ پٹیل نے سلمیٰ مروت کو شکست دے کر پہلی پوزیشن حاصل کی۔

    اس تقریب کے مہمان خصوصی پنجاب کے وزیر آبپاشی کاظم علی پیرزادہ نے ٹائٹل کا دفاع کرنے والوں کو انعامات تقسیم کیے، انہوں  نے کہا کہ جیپ ریلی کی وجہ سے صحرا میں بہت ہلچل ہے، نفرت پھیلانے والوں کے پیدا کردہ ماحول پر قابو پا لیا گیا ہے۔

    صوبائی وزیر کاظم علی پیرزادہ نے مزید کہا کہ ملکی اور غیر ملکی ریسرز اس وقت دنیا کی زرخیز ترین سرزمین پر موجود ہیں۔

  • پاک فوج نے مسلسل تیسرے سال بین الاقوامی ملٹری ڈرل مقابلہ جیت لیا

    پاک فوج نے مسلسل تیسرے سال بین الاقوامی ملٹری ڈرل مقابلہ جیت لیا

    راولپنڈی : پاک فوج نے بین الاقوامی ملٹری ڈرل مقابلہ جیت لیا، ڈی جی آئی ایس پی آر کا کہنا ہے کہ پاکستان آرمی نے مسلسل تیسرے سال مقابلے کا ٹائٹل اپنے نام کیا۔

    تفصیلات کے مطابقپاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر اپنے پیغام میں بتایا کہ پاکستان نے تیسری بار برطانیہ میں منعقدہ پیس اسٹکنگ مقابلے جیت لیے ، رائل ملٹری اکیڈمی میں ہونے والے مقابلے میں پاکستان آرمی نے مسلسل تیسرے سال کامیابی حاصل کی، پاکستان ملٹری اکیڈمی کی ٹیم نے ان مقابلوں میں پاک فوج کی نمائندگی کی۔

    یاد رہے آرمی چیف جنرل قمر جاوید باجوہ نے پاکستان ملٹری اکیڈمی میں انتہائی اہم خطاب کرتے ہوئے کہا تھا کہ آپ ایسی فوج کاحصہ بننے جارہے ہیں، جو پیشہ ورانہ صلاحیتوں کے لئے جانی جاتی ہے، آپ نے اپنے آپ کو عظیم، مقدس، انتہائی چیلنجنگ پروفیشن کیلئے اہل ثابت کیا۔

    آرمی چیف کا کہنا تھا کہ پاکستان آرمی نے دہشت گردی کوشکست دی ، فروری2019 میں اپنے سے 5 گنا بڑے دشمن کو ہزیمت سے دوچارکیا، پاکستان آرمی ہماری قابل فخرقوم کی خوبصورت اورحقیقی عکاس ہے۔

    انھوں نے کہا تھا کہ قوم کا افواج پراعتماد، مضبوط رشتہ ان بے شمارقربانیوں کا ثمر ہے، وہ قربانیاں جوہمارے غازیوں اورشہیدوں نے اپنے لہو سے رقم کیں، آپ پرلازم ہےاس رشتے کو مضبوط سے مضبوط تر بناتے جائیں۔

    جنرل قمر جاوید باجوہ نے کہا تھا کہ وہ دشمن جو تباہی کا منصوبہ بنائے بیٹھے تھے مایوسی سےہماری کامیابیاں دیکھ رہے ہیں، ہمارے دشمن اپنے عزائم میں ناکام ہونے کے بعد دل شکستہ ہیں ، دشمن کی مایوسی میں پاکستان کو 24 گھنٹے ہائبرڈوار کا سامنا ہے، اس ہائبرڈوارکاہدف عوام ہیں اور میدانِ جنگ انسانی ذہن ہیں، ہرسطح پر قومی قیادت ہائبرڈوارکا ہدف ہے۔

  • ینگ سائنٹسٹ ایوارڈ 2019 جیتنے والا پہلا پاکستانی سائنسدان

    ینگ سائنٹسٹ ایوارڈ 2019 جیتنے والا پہلا پاکستانی سائنسدان

    سڈنی : پاکستانی سائنسدان فیصل شفاعت نے آسٹریلیا میں سال 2019 کا ‘ینگ سائنٹسٹ ایوارڈ’ جیت لیا، ڈاکٹر فیصل کو ڈاکیومنٹ امیج انیلسز ، کمپیوٹیشنل فرانزکس میں خدمات پرایوارڈ سے نوازا گیا۔

    تفصیلات کے مطابق پاکستانی سائنسدان فیصل شفاعت نے آسٹریلیا میں ’’ینگ سائنٹسٹ ایوارڈ‘ اپنے نام کرلیا ہے اور یہ ایوارڈ حاصل کرنے والے پہلے پاکستانی اور مسلمان سائنسدان بن گئے۔

    پاکستانی سائنسدان کو سڈنی میں منعقدہ 15 ویں’انٹرنیشنل کانفرنس آن ڈاکیومنٹ اینالیسس اینڈ ریکگنیشن (آئی سی ڈی اے آر)‘ میں ‘ڈاکیومنٹ امیج انیلسز ‘ کمپیوٹیشنل فرانزکس میں نمایاں خدمات انجام دینے پر اس ایوارڈ سے نوازا گیا۔

    ان کا اہم کارنامہ اسکرپٹ کو پڑھنے والا خود کار نظام ہے، جو پاکستان کی کم ترقی یافتہ زبانوں کے لیے انتہائی مفید ہے۔

    ڈاکٹر فیصل کے اس کارنامے کو دنیا بھر میں پذیرائی ملی اور ان کے تحقیقی مقالے کا حوالہ 5000 مرتبہ دیا گیا، جسےتحقیقی جرنل کی زبان میں سائٹیشن کہا جاتا ہے، اس کےعلاوہ ڈاکٹر فیصل گوگل اوپن سورس ٹیکسٹ ریکگنیشن فریم ورک میں بھی اہم کردار ادا کررہے ہیں جبکہ یونیورسٹی آف ویسٹرن آسٹریلیا میں بھی پڑھا چکے ہیں۔

    خیال رہے سال 2008 میں ڈاکٹر فیصل نے جرمنی سے کمپیوٹر انجینئرنگ میں پی ایچ ڈی مکمل کی تھی جبکہ وہ پاکستان پیٹرن ریکگنیشن سوسائٹی(پی پی آر سی) کے صدر بھی ہیں۔

  • 71 سالہ بھارتی خاتون نے 10 لاکھ ڈالر کی لاتری جیت لی

    71 سالہ بھارتی خاتون نے 10 لاکھ ڈالر کی لاتری جیت لی

    دبئی :اماراتی ریاست کے عالمی ہوائی اڈے پر لاٹری کا ٹکٹ خریدنے والی 71 سالہ بھارتی خاتون نے دس لاکھ امریکی ڈالر (15 کروڑ سے زائد پاکستانی روپے) انعام میں جیت لیے۔

    تفصیلات کے مطابق برسوں پہلے متحدہ عرب امارات کی ریاست دبئی میں آکر بس گئی تھیں، بھارتی خاتون نے ڈیوٹی فری لکی ڈرا ملینیئم ملینئر ٹکٹ سے خریدی گئی لاٹری سے ہی 10 لاکھ امریکی ڈالر زائد پاکستانی روپے اپنے نا م کرلیے۔

    اماراتی خبر رساں ادارے کا کہنا ہے کہ بھارتی جیادتّا منگل کے روز ٹکٹ نمبر0993سے انعام میں لاکھوں امریکی ڈالر تر م رقم جیت پر کروڑ پتی بنی تاہم انہیں اس بات پر یقین نہیں آرہا تھا اور دبئی لاٹری فری ٹکٹ انتظامیہ کے نمائندے کی کال پر کہا کہ ’کیا یہ سچ ہے کہ میں جیت گئی‘۔

    جیا دتّا کا کہنا تھا کہ ’میں دبئی میں ملینیئم ملینئر ٹکٹ ڈیوٹی فری لاٹری کمپنی کی شکر گزار ہوں، میں نے متعدد بار ٹکٹ خریدا ، پھر مجھے خیال آیا کہ شاید میں بد نصیب ہوں لیکن ہھر بھی مسلسل ٹکٹ خریدتی رہی ہوں اور اب دعاؤں نے مجھے جیت وایا ہے‘۔

    جیا نے بتایا کہ میں سنہ1993 میں دبئی آئی تھی اور سنہ 1993 میں دبئی ڈیوٹی فری لاٹری کا آغاز ہونے کے بعد سے مسلسل لاٹری خرید رہی ہوں، مجھے یقین نہیں آرہا تھا، میں بہت جذباتی ہوں۔

    ان کا کہنا تھا کہ میں ایک میٹنگ کے دوران پانی پہنے اٹھی تو میرے موبائل پر ڈی ڈی ایف کے عملے کی کال آئی، مجھے لگا جیسے مذاق ہورہا ہےلیکن اس شخص نے دعویٰ کیا کہ میں دس لاکھ امریکی ڈالر جیت چکی ہوں۔

    یہ لمحہ میرے لیے ناقابل برداشت تھا، میں نے فوراً اپنے شوہر کو ممبئی میں موجود ہیں اور لاٹری سے متعلق آگاہ کیا۔

    انہوں نے بتایا کہ میں نے اپنی والدہ کو کال نہیں کی لیکن میں اسی ماہ بھارت کا دورہ کروں گی تاکہ اپنی والدہ کواپنی والدہ کو اپنی جیت سے آگاہ کرسکوں۔

  • کینیا کے شہری نے دبئی میں 10 لاکھ امریکی ڈالر جیت لیے

    کینیا کے شہری نے دبئی میں 10 لاکھ امریکی ڈالر جیت لیے

    ابوظہبی : دبئی کے انٹرنیشنل ایئرپورٹ پر لاٹری کا ٹکٹ خریدنے والے کینیا کے شہری نے دس لاکھ امریکی ڈالر (15کروڑ سے زائد پاکستانی روپے) انعام میں جیت لیے۔

    تفصیلات کے مطابق متحدہ عرب امارات کی ریاست دبئی کے عالمی ہوائی اڈے پر فروخت ہونے والے ڈیوٹی فری لاٹری ٹکٹ نے شہری کی قسمت تبدیل کردی، پاؤل ویچارا نامی افریقی نے منگل کے روز ہونے والی قرعہ اندازی میں ایک ملین امریکی ڈالر کی رقم اپنے نام کرلی۔

    اماراتی خبر رساں ادارے کا کہنا تھا کہ پاؤل ویچارا پہلے کینیا کے شہری ہیں جو دبئی ڈیوتی فری لاٹری کے ذریعے 10 لاکھ امریکی ڈالر جیتنے میں کامیاب ہوئے ہیں۔

    مقامی خبر رساں ادارےکے مطابق انعامی ٹکٹ تقسیم کرنے والے ادارے کی انتظامیہ خوش نصیب شہری تک رسائی حاصل نہیں پارہی ہے اور نہ ہی مذکورہ شخص کو علم ہے کہ وہ ایک ملین ڈالر کا مالک بن جاچکا ہے۔

    خبر رساں ادارے کا کہنا تھا کہ ویچارا نے آن لائن ٹکٹ خریدا تھا جس کے باعث اس تک رسائی ممکن نہیں ہوپارہی ہے۔

    اماراتی میڈیا کے مطابق تین مزید خوش نصیب ہیں جنہوں نے لاٹری ٹکٹ کے ذرئعے بیش قیمتی گاڑیاں اپنے نام کی ہیں۔

    ملازمت کی غرض سے دبئی میں مقیم راملال سرگارا نے دبئی ڈیوٹی فری سے بینٹلی بینٹیگا وی 8 جیتی ہے جبکہ وریا راحیمی نے رینج روور اور سندُن سمیر انے انڈین اسکوٹ بوبر ابائیک اپنے نام کی ہے۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جو کہ دبئی میں مقیم کسی بھی بھارتی یا پاکستانی کے لیے ایک بڑی رقم ہے۔

  • پاکستانی اداکار احد رضا میر نے عالمی ایوارڈ جیت لیا

    پاکستانی اداکار احد رضا میر نے عالمی ایوارڈ جیت لیا

    نیویارک : پاکستان کے باصلاحیت اداکار احد رضا میر نے بین القوامی ایوراڈ اپنے نام کر لیا، احد رضا میر کو امریکہ میں مقبول ترین تھیٹر ڈرامے ہیملیٹ  میں بہترین اداکاری پر ایوارڈ سے نوازا گیا۔

    تفصیلات کے مطابق پاکستانی اداکار احد رضامیر نے عالمی ایوارڈ جیت لیا، احد رضامیر کو حال ہی میں ولیم شیکسپیئر کے لکھے ہوئے مقبول ترین ڈرامے’’ہیملیٹ، اے گھوسٹ اسٹوری‘‘ میں بہترین پرفارمنس دینے پر بین الاقوامی بیٹی مچل ایوارڈ سے نوازا گیا ہے۔

    یاد رہے چند روز قبل ہی احد رضا میر کو مقبول ترین تھیٹر ڈرامے میں بہترین اداکاری کرنے بین الاقوامی ایوارڈ کیلئے نامزد کیا گیا تھا۔

    ڈراما سیریل ”یقین کا سفر“ سے شہرت حاصل کرنے والے اداکار احد رضا میر نا صرف پاکستانی شوبزمیں اپنے فن کا لوہا منوارہے ہیں، بلکہ بیرون ممالک بھی اپنی صلاحیتوں سے پاکستان کا نام روشن کررہے ہیں۔

    مزید پڑھیں : پاکستانی اداکار احد رضا میر بین الاقوامی ایوارڈ کیلئے نامزد

    ”ہیملیٹ“ میں ادا کیے گئے اپنے کردارکے بارے میں احد کا کہنا تھا کہ میری والدہ یہ ڈراما دیکھنے تھیٹر آئی تھیں، میری پرفارمنس دیکھنے کے بعد انہوں نے کہا تھا کہ وہ مجھے پہچان نہیں سکیں اورمجھے یہ کردارادا کرتے ہوئے دیکھ کرانہیں خوف محسوس ہوا، اس وقت میں نے سوچا کہ میں نے اچھی اداکاری کی ہے۔

    خیال رہے حال ہی میں پاکستانی گلوکار و اداکار احد رضا نے گزشتہ دنوں سماجی رابطے کی ویب سائٹ پر باضابطہ سجل علی کے ساتھ منگنی کا اعلان کیا تھا۔

    انہوں نے اپنے دوستوں اور مداحوں کو اس خوشخبری سے آگاہ کرتے ہوئے تمام لوگوں سے دعاؤں کی درخواست بھی کی تھی، عید کے موقع پر منگنی کی خبر سوشل میڈیا کی زینت بن گئی اور سب نے ہی نئے جوڑے کے لیے نیک خواہشات کا اظہار کیا۔

  • دبئی کے سفر نے بھارتی شہری کو کروڑ پتی بنادیا

    دبئی کے سفر نے بھارتی شہری کو کروڑ پتی بنادیا

    ابو ظبی : دبئی انٹرنیشنل ایئرپورٹ پر بھارتی شہری نے دس لاکھ امریکی ڈالر کی (12 کروڑ سے زائد پاکستانی روپے) لاٹری جیت لی، مذکورہ شخص لاٹری جیتنے والا 143 واں بھارتی شہری بن گیا۔

    تفصیلات کے مطابق ملازمت کے سلسلے میں متحدہ عرب امارات کا سفر کرنے والے بھارتی شہری نے دبئی کے عالمی ہوائی اڈے پر ڈیوٹی فری ملینیئر لاٹری جیت کر 10 لاکھ امریکی ڈالر اپنے نام کرلیے ہیں۔

    اماراتی میڈیا کا کہنا ہے کہ 40 سالہ رگو کرشنامورتی اردن میں رہائش پذیر ہے جو ملازمت کے سلسلے میں دبئی آیا تھا جہاں اس نے واپسی پر ڈیوٹی فری ریفل لاٹری کا ٹکٹ خریدتا ہے۔

    رگو کرشنا کا کہنا ہے کہ میں نے پہلی مرتبہ لاٹری کا ٹکٹ خریدا تھا اور پہلے ہی ٹکٹ میں میری قسمت کھل گئی، میں شکر گزار ہوں کہ ایک ٹکٹ نے میری قسمت بدل دی۔

    اماراتی خبر رساں ادارے کا کہنا ہے کہ ڈیوٹی فری ملینئم ملینیئر لاٹری کا ٹکٹ خریدنا بھی کرشنا مورتی کے سفر کا حصّہ تھا، جس طرح کوئی دبئی ڈیوٹی فری سے شاپنگ کرتا ہے اسی طرح مذکورہ شخص نے ایک ہزار درہم کا لاٹری کا ٹکٹ خریدتا تھا۔

    مقامی خبر رساں ادارے کا کہنا تھا کہ کرشنا مورتی 143 واں بھارتی شہری ہے جس نے دبئی میں ڈیوٹی فری ملینئم ملینیئر لاٹری ٹکٹ کے ذریعے دس لاکھ امریکی ڈالر کی خطیر رقم جیتی ہے۔

    ان کا کہنا ہے کہ لاٹری کے ذریعے جیتی گئی دس لاکھ امریکی ڈالر کی رقم کا ایک حصّہ خیراتی ادارے کو چندے میں دے دوں گا جبکہ باقی رقم ذاتی سرمایہ داری میں خرچ کروں گا۔

    اماراتی خبر رساں ادارے کا کہنا ہے کہ کرشنا مورتی بھارتی شہری ہیں لیکن گزشتہ کئی برسوں سے ملازمت کے سلسلے میں عمان میں مقیم ہیں۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جو کہ دبئی میں مقیم کسی بھی بھارتی یا پاکستانی کے لیے ایک بڑی رقم ہے۔

  • پہلی مرتبہ کینین شہری نے دنیا کے بہترین استاد کا ایوارڈ اور 10 لاکھ ڈالر اپنے نام کرلیے

    پہلی مرتبہ کینین شہری نے دنیا کے بہترین استاد کا ایوارڈ اور 10 لاکھ ڈالر اپنے نام کرلیے

    دبئی : کینین ٹیچر نے دبئی میں پانچویں ورکی فاؤنڈیشن گلوبل ٹیچر پرائز ایوارڈ اپنے نام کرلیا، کینین ٹیچر پیٹر تبیچی کو ٹرافی اور 10 لاکھ ڈالر انعام سے نوازا گیا۔

    تفصیلات کے مطابق نجی اسکول کی ملازمت ترک کرنے اور اپنے تنخواہ کا 80 فیصد حصّہ غریب طلبہ خرچ کرنے والے کینین ٹیچر پیٹر تبیچی کو دبئی کے ولی عہد شیخ حمدان بن محمد بن راشد المختوم نے بہترین استاد کا ایوارڈ اور ایک ملین ڈالر کا انعام دیا۔

    تقریب کا انعقاد دبئی کے فائیو اسٹار ہوٹل میں کیا گیا تھا، پیٹر تبیچی حساب(میتھ) اور طبیعات (فزکس) کے استاد ہیں اور کینیا کے پوانی گاؤں کے کیریکیو سیکنڈری اسکول میں غریب بچوں کو تعلیم کے فرائض بہترین انداز میں سر انجام دے رہی ہیں۔

    ورکی فاؤنڈیشن گلوبل ٹیچر پرائز ایوارڈ کا انعقاد گزشتہ پانچ برسوں سے کیا جارہا ہے، جس میں بہترین کارکردگی دکھانے والے اساتذہ کو منتخب کیا جاتا ہے اور اس سال یہ ایوارڈ پہلی بار کینین شہری کو ملا ہے۔

    اس اعزاز کے حصول کے لیے 179 ممالک سے تعلق رکھنے والے دس ہزار سے اساتذہ کی جانب سے درخواستیں دی گئی تھیں لیکن بہترین استاد کے ایوارڈ کا حقدار ’پیٹر تبیچی‘ قرار پائیں۔

    کینین صدر اوہورو کینیاتا نے اعزاز حاصل کرنے پر پیٹر تبیچی کو ویڈیو پیغام کے ذریعے تمام کینین شہریوں کی جانب سے مبارکباد پیش کی اور تعلیم کے حوالے سے ان کی خدمات کو سراہتے ہوئے اپنے مکمل تعاون کا یقین دلایا۔

    کینین صدر کا کہنا تھا کہ ’آپ صرف افریقہ نہیں بلکہ پوری دنیا کے انسانوں کے لیے جذبے کی ایک مثال ہیں‘۔

    مزید پڑھیں : برطانوی خاتون نے دنیا کے بہترین استاد کا ایوارڈ اپنے نام کرلیا

    یاد رہے کہ اس سے قبل 35 زبانوں پر عبور حاصل کرنے والی برطانوی خاتون استاد اینڈریا ظفیراکاؤ نے یہ ایوارڈ اپنے نام کیا تھا، لندن کے ایلپرٹن کمیونٹی اسکول میں پناہ گزین بچوں کو تعلیم کے زیور سے آراستہ کرنے والی خاتون استاد کو دبئی میں ہونے والے چوتھے سالانہ گلوبل ٹیچر پرائز کے ایونٹ میں انعام دیا گیا تھا۔

    اس موقع پر اینڈریا ظفیراکاؤ کا کہنا تھا کہ انہیں فخر ہے کہ ایک خاتون ٹیچر کی حیثیت سے یہ اعزاز اپنے نام کیا ہے وہ اس رقم کو پناہ گزین بچوں میں تعلیم کے فروغ کے لیے خرچ کریں گی۔

  • متحدہ عرب امارات میں قیدی نے قرآنی مقابلہ جیت لیا

    متحدہ عرب امارات میں قیدی نے قرآنی مقابلہ جیت لیا

    ابوظبی : اماراتی ریاست میں منعقدہ قرآنِ مجید کا مقابلہ جیل میں قید شخص نے جیت لیا جبکہ اسی مقابلے میں مقابلے میں کامیاب ہونے والا ایک قیدی گزشتہ دنوں ہی مشرف با اسلام ہوا ہے۔

    تفصیلات کے مطابق متحدہ عرب امارات کی ریاست راس الخیمہ میں گزشتہ روز منعقد ہونے والے قرآن کے مقابلے میں شرکت کرنے والے افراد میں قیدی بھی شامل تھے۔

    ابوظبی پولیس کی جانب سے اتوار کے روز ایک تصویر شیئر کی گئی جس میں راس الخیمہ قرآن مقابلے میں فتح یاب ہونے والا ابوظبی پولیس حکام کے ساتھ بیھٹا ہے۔

    اماراتی خبر رساں ادارے کا کہنا ہے کہ ریاستی سطح پر منعقد ہونے والے مقابلے کا یہ 19 واں دور تھا۔

     

     

    View this post on Instagram

     

    . فاز نزلاء ونزيلات مديرية المؤسسات العقابية والإصلاحية بقطاع  #أمن_المجتمع في #شرطة_أبوظبي ، بالجائزة الأولى لمسابقة #رأس_الخيمة للقرآن الكريم وعلومه في دورتها التاسعة عشرة والتي أقيمت على مستوى الدولة. وتسلم النزلاء الفائزين الجوائز النقدية وشهادات التقدير ومن بينهم نزيل من فئة المسلمين الجدد حصل على المركز الثامن في المسابقة . #أبوظبي_أمن_وسلامة ‏#Abudhabi_safe_and_secure #الإمارات #أبوظبي #شرطة_أبوظبي #الإعلام_الأمني #في_أبوظبي ‏#UAE #AbuDhabi #ADPolice #Security_media ‏#InAbuDhabi

    A post shared by Abu Dhabi Police شرطة أبوظبي (@adpolicehq) on

    اماراتی حکام نے قرآنی مقابلے میں فتح یاب ہونے والے قیدی کو نقد انعام اور سرٹیفکیٹ سے بھی نوازا۔

    ابوظبی پولیس نے پوسٹ میں مزید تحریر کیا کہ ریاستی سطح پر منعقدہ مقابلے میں شرکت کرنے والا ایک قیدی کچھ روز قبل ہی دائرل اسلام میں داخل ہوا ہے، مذکورہ قیدی نے مقابلے میں آٹھویں پوزیشن حاصل کی ہے۔

  • آسکر 2019‘ گرین بُک بہترین فلم، رامی ملک اور اولویا کولمین بہترین ادکار و اداکارہ قرار

    آسکر 2019‘ گرین بُک بہترین فلم، رامی ملک اور اولویا کولمین بہترین ادکار و اداکارہ قرار

    لاس اینجلس : اکانویں اکیڈمی ایوارڈ کی ستاروں سے جھلماتی شام اپنے اختتام کو پہنچی تو فلم’گرین بُک‘ دیگر دو ایوارڈ کے ساتھ اس سال کی بہترین فلم قرار پائی۔

    اس سال بہترین اداکارہ کا ایوارڈ فلم ’دی فیوریٹ‘ میں ملکہ کا کردار شاندار انداز نبھانے والی اولویا کولمن کو دیا گیا جبکہ فلم روما کےلیے بہترین ہدایت کار کا ایوارڈ الفونسو کیورون نے اپنے نام کیا۔

    الفونسو کیورون

    غیر ملکی میڈیا کا کہنا ہے کہ لاس اینجلس میں منعقدہ 91 ویں اکیڈمی ایوارڈ کی تقریب میں ’گرین بُک‘ نے بہترین فلم کا ایوارڈ حاصل کرکے سب کو حیران کردیا جہاں ’روما‘ کو اس ایوارڈ کے لیے سب سے مضبوط اُمیدوار تصور کیا جا رہا تھا۔

    بہترین فلم گرین بُک
    بہترین اداکار رامی ملک

    اس سال کے بہترین اداکار کا ایوارڈ فلم ’بوہیمین ریپسڈی‘ میں اداکاری کے جوہر دکھانے والے امریکی اداکار رامی ملک کو بہترین اداکار کے ایوارڈ سے نوازا گیا اور ’فلم گرین بُک میں اداکاری کے جوہر دکھانے والے بہترین معاون اداکارہ کا ایوارڈ مہرشالا علی کو ملا۔

    بہترین معاون اداکار و اداکارہ مہرشالا علی اور ریجینا کنگ

    غیر ملکی میڈیا کا کہنا ہے کہ بہترین معاون اداکارہ کا ایوارڈ فلم ’اف بیئل اسٹریٹ گڈ ٹاک‘ میں اداکاری کرنے والی ریجینا کنگ کے نام رہا۔

    غیر ملکی خبر رساں ادارے کا کہنا ہے کہ گلوکارہ لیڈی گاگا نے فلم آ اسٹار کے گانے ’شیلو‘ کےلیے اپنی زندگی کا پہلا آسکر ایوارڈ اپنے نام کرلیا۔

    لیڈی گاگا

    برطانوی میڈیا کا کہنا کہ فلم بوہیمین ریپسڈی کے حصّے سب سے زیادہ 4 ایوارڈ آئے جبکہ بہترین دستاویزی فلم فری سولو قرار پائی اور بہترین اینی میٹڈ فیچر فلم کا ایوارڈ اسپائیڈر مین انٹو دی اسپائیڈر ورس نے جیت لیا۔

    بہترین اداکارہ اولویا کولمین

    برطانوی میڈیا کا کہنا تھا کہ سنہ 2009 میں کیٹ ونسلیٹ کے بعد آسکر ایوارڈ جیتنے والی اولویا کولمین دوسری برطانوی اداکارہ ہیں، اولویا کولمین اس سے قبل 4 برٹش اکیڈمی فلم اینڈ ٹیلی ویژن آرٹس ایوارڈ اور دو گولڈن گلوب ایوارڈز بھی جیت چکی ہیں۔