پاکستان کرکٹ ٹیم کے سابق کپتان راشد لطیف نے کہا ہے کہ عماد وسیم کو ریٹائرمنٹ کا فیصلہ واپس لینا چائیے۔
پاکستان ٹیسٹ کرکٹ کے سابق کھلاڑی راشد لطیف نے عماد وسیم کے ریٹائرمنٹ کے فیصلے پر جاری بیان میں کہا کہ عماد وسیم کو ریٹائرمنٹ کا فیصلہ واپس لینا چائیے، پاکستان ٹیم کا سب سے اچھا اسپن باولر عماد ہی ہے اور بیٹنگ میں بہت مدد مل سکتی ہے۔
قومی ٹیم کے سابق کپتان نے کہا کہ ورلڈ کپ میں اگر ٹیم کا سب سے کارآمد کھلاڑی نہیں ہو گا تو اس میں عماد کا نقصان نہیں اس میں پاکستان کا نقصان ہے، محمد حفیظ کو چاہیے کے وہ عماد کو واپس لیکر آئیں۔
عماد وسیم کو ریٹائرمنٹ کا فیصلہ واپس لینا چائیے ، پاکستان ٹیم کا سب سے اچھا اسپن باولر عماد ہی ہے اور بیٹنگ میں بہت مدد مل سکتی ہے ۔ ورلڈ کپ میں اگر ٹیم کا سب سے کارآمد کھلاڑی نہیں ہو گا تو اس میں عماد کا نقصان نہیں اس میں پاکستان کا نقصان ہے ۔ محمد حفیظ کو چاہیے کے وہ عماد کو… pic.twitter.com/hmrIUPdAB0
— Rashid Latif | 🇵🇰 (@iRashidLatif68) November 25, 2023
انہوں نے عماد وسیم کو مشورہ دیا کہ ’’اگر لیگز کھیلنی ہیں تو سینٹرل کونٹریکٹ سے علیحدگی اختیار کر لیں لیکن پاکستان ٹیم کے لیئے اپنے آپ کو دستیاب رکھیں‘‘۔
یاد رہے کہ اس سے قبل نیشنل ٹی 20 میں اسلام آباد کے ہیڈ کوچ جنید خان نے تصدیق کی تھی کہ عماد وسیم نیشنل ٹی 20 چھوڑ کر ٹی 10 لیگ کھیلنے جارہے ہیں۔
واضح رہے کہ گزشتہ روز سماجی رابطے کی ویب سائٹ (ایکس) ٹوئٹر پر کرکٹر عماد وسیم نے اپنے ریٹائرمنٹ کا اعلان کیا اور ساتھ ہی پاکستان کرکٹ بورڈ کا شکریہ بھی ادا کیا۔
