ARYNews.tv | Urdu – Har Lamha Bakhabar

Tag: woman Team

  • پاکستان بمقابلہ آئرلینڈ : قومی ویمن ٹیم نے دوسرا ٹی ٹونٹی جیت لیا

    پاکستان بمقابلہ آئرلینڈ : قومی ویمن ٹیم نے دوسرا ٹی ٹونٹی جیت لیا

    پاکستان اور آئرلینڈ کی ویمن کرکٹ ٹیموں کے درمیان جاری تین ٹی ٹوئنٹی میچوں کی سیریز کے دوسرے میچ میں پاکستان نے آئرش ٹیم کو چھ وکٹوں سے شکست دیکر سیریز ایک ایک سے برابر کردی ہے۔

    تفصیلات کے مطابق پاکستان کرکٹ ٹیم کی کپتان بسمہ معروف نے ٹاس جیت کر پہلے آئرلینڈ کی ٹیم کو بیٹنگ کرنے کی دعوت دی۔

    Image

    بارش کی وجہ سے میچ کو 17، 17 اوورز تک محدود کیا گیا تھا، آئرش ٹیم نے مقررہ سترہ اوورز میں سات وکٹوں کے نقصان پر 118 رنز بنائے۔

    ایمی ہنٹر 36 جبکہ اورلا پرینڈرگاسٹ20 رنز کے ساتھ نمایاں رہیں، پاکستان کی جانب سے ندا ڈار اور نشرا سندھو نے دو دو جبکہ فاطمہ ثنا اور عمائمہ سہیل نے ایک ایک وکٹ حاصل کی۔

    جواب میں پاکستان کی ٹیم نے مطلوبہ ہدف چار وکٹوں کے نقصان پر 16 اوورز میں حاصل کرتے ہوئے میچ چھ وکٹوں سے جیت لیا۔

    جویریہ خان 35 جبکہ ندا ڈار نے اٹھائیس رنز بنائے، آئرلینڈ کی جانب سے آرلینی کیلی نے ایک وکٹ حاصل کی، ندا ڈار کو پلیئر آف دی میچ قرار دیا گیا۔

  • لاہور: ٹی20 سیریز کا پہلا میچ، پاکستان ویمن نے بنگلہ دیش ٹیم کو ہرادیا

    لاہور: ٹی20 سیریز کا پہلا میچ، پاکستان ویمن نے بنگلہ دیش ٹیم کو ہرادیا

    لاہور : پاکستان ویمن ٹیم نے پہلے ٹی ٹوئنٹی میچ میں بنگلہ دیش کو چودہ رنز سے شکست دے دی، کپتان بسمعہ معروف میچ کی بہترین کھلاڑی قرار پائیں، پاکستان ویمن ٹیم کو سیریز میں ایک صفر کی برتری حاصل ہوگئی۔

    تفصیلات کے مطابق قذافی اسٹیڈیم لاہور میں پاکستان اور بنگلہ دیش کی ویمن ٹیموں کے درمیان کھیلی جانے والی ٹی ٹوینٹی سیریز کا پہلا میچ قومی ویمنز کرکٹ ٹیم نے جیت لیا، میچ میں بنگلہ دیش ویمنز کرکٹ ٹیم کو 14 رنز سے شکست ہوئی۔

    پاکستان ویمنز ٹیم نے ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں سات وکٹوں کے نقصان پر 126 رنز بنائے۔

    کپتان بسمعہ معروف نے34 رنز کی اننگز کھیلی جبکہ دیگر نمایاں کھلاڑیوں میں عمائمہ سہیل نے 33، عالیہ ریاض نے 7، ارم جاوید نے 21اور سدرہ نواز نے 16 رنز بنائے۔

    بنگلہ دیش ٹیم کی جانب سے جہاں آراء عالم نے چار اوورز میں17 رنز دے کرچار کھلاڑیوں کو آؤٹ کیا جبکہ پنا گھوش، لتا مونڈل اور رومانا احمد نے ایک، ایک وکٹ حاصل کی۔

    بنگلہ دیش ویمنز کرکٹ ٹیم نے ہدف کا تعاقب کرتے ہوئے مقررہ 20 اوورز میں سات وکٹوں کے نقصان پر 112 رنز بنا ئے۔

    رومانہ احمد نے نصف سنچری اسکور کی، دیگر نمایاں کھلاڑیوں میں سنجیدہ اسلام نے 14، نگار سلطانہ نے 17، فرگانا حق نے9 رنز بنائے۔ انعم امین نے دو کھلاڑیوں کو آؤٹ کیا۔

    بہترین کارکردگی پر کپتان بسمہ معروف کو میچ کی بہترین کھلاڑی قرار دیا گیا۔ پاکستان ویمن ٹیم نے تین ٹی ٹوئنٹی میچز کی سیریز میں ایک صفر کی برتری حاصل کرلی۔

    اس سے قبل دونوں ٹیموں نے قذافی اسٹیڈیم میں فائنل پریکٹس کی، قومی ٹیم نے فٹنس کے ساتھ ساتھ نیٹ پریکٹس میں صلاحیتوں کونکھارا، کھلاڑیوں نے ٹریننگ کے دوران اللہ ہو کے نعرے بھی لگائے۔

    مہمان ٹیم نے کنڈیشنز سےہم آہنگی کے لیے لمبے ٹریننگ سیشن میں جم کر پریکٹس کی، ٹی ٹوئنٹی ٹیم کے کپتان بابراعظم نے بھی ویمن کھلاڑیوں کو ٹپس دیں اوربنگلا دیشی ٹیم کے ساتھ فوٹو سیشن بھی کیا۔

  • پاکستان نے جنوبی افریقہ کیخلاف ویمنز ٹی ٹوئنٹی سیریز جیت لی

    پاکستان نے جنوبی افریقہ کیخلاف ویمنز ٹی ٹوئنٹی سیریز جیت لی

    شارجہ : پاکستان نے جنوبی افریقہ کیخلاف ویمنز ٹی ٹوئنٹی سیریز دو ایک سے جیت لی ہے۔ آخری ٹی ٹوئنٹی میچ میں جنوبی افریقہ سات وکٹوں سے فاتح رہا۔

    تفصیلات کے مطابق شارجہ کرکٹ اسٹیڈیم میں کھیلے گئے ٹی ٹوئنٹی سیریز کے آخری میچ میں پاکستان ویمنز ٹیم نے پہلے کھیلتے ہوئےسات وکٹوں پر ایک سو چھ رنز اسکور کیے۔

    بسمہ معروف چونتیس اور اسماویہ اقبال اکتیس رنز بناکر نمایاں رہیں۔ جنوبی افریقہ کی جانب سے ڈین وین نائکرک نے تین کھلاڑیوں کو آؤٹ کیا۔

    جنوبی افریقی ویمنز ٹیم نے مطلوبہ ہدف تین وکٹوں پر حاصل کرلیا۔وین نائکرک نے سرسٹھ رنز کی اننگز کھیلی۔ پاکستان کی اسماویہ اقبال سیریز کی بہترین کھلاڑی قرار پائیں۔

  • سری لنکا ویمنز کرکٹ ٹیم نے ون ڈے سیریز جیت لی

    سری لنکا ویمنز کرکٹ ٹیم نے ون ڈے سیریز جیت لی

    شارجہ : پاکستان وومنز ٹیم  کوایک اور شکست ،سری لنکا ویمنز کرکٹ ٹیم نے پاکستان کو تیسرے ٹی ٹوئنٹی میچ میں پانچ وکٹوں سے شکست دیکر سیریز دو ایک سے جیت لی ہے۔

    تفصیلات کے مطابق شارجہ میں کھیلے گئے ویمنز ٹی ٹوئنٹی سیریز کے آخری میچ میں پاکستان نے پہلے کھیلتے ہوئے نو وکٹوں کے نقصان پر ایک سو دس رنز بنائے۔

    بسمہ معروف نے چھالیس اور کپتان ثنا میر بیس رنز کی اننگز کھیل سکیں۔ جواب میں مطلوبہ ہدف سری لنکا کی ویمنز ٹیم نے پانچ وکٹوں کے نقصان پر پورا کرلیا۔

    چماری اتاپتو نے چوالیس رنز اسکور کیے۔ پاکستان کی جانب سے ندا ڈار نے دو وکٹیں حاصل کیں۔ واضح رہے کہ اس  قبل سیریز کےدوسرے میچ میں پاکستان وومنز ٹیم نے کپتان ثناء میر کی ہیٹ ٹرک کی بدولت سری لنکن ٹیم کو پچپن رنز سے شکست دی تھی۔

  • ایشین گیمز: قومی ویمنزکرکٹ ٹیم کی تھائی لینڈ کو اکیاون رنز سے شکست

    ایشین گیمز: قومی ویمنزکرکٹ ٹیم کی تھائی لینڈ کو اکیاون رنز سے شکست

    انچیون: ایشین گیمز میں دفاعی چیمپئین پاکستان ویمنز کرکٹ ٹیم نے تھائی لینڈ کو شکست دے کر ایونٹ کے سیمی فائنل کے لئے کوالیفائی کرلیا۔ انچیون میں کھیلا جانے والا میچ بارش کے سبب چودہ اوورز فی اننگز تک محدود کردیا گیا تھا۔

    تھائی ویمنز ٹیم نے ٹاس جیت پاکستان کو بیٹنگ کی دعوت دی، قومی ٹیم کا آغاز اچھا نہ رہا۔ گیارہ رنز پر دو وکٹیں گرنے کے بعد نین عابدی نے ٹیم کو سنبھالا دیا۔ نین عابدی کی ذمہ دارانہ بیٹنگ کی بدولت قومی ٹیم نے مقررہ چودہ اوورز میں سات وکٹوں پر ستانوے رنزبنائے۔

    نین عابدی چالیس رنزبناکر نمایاں رہیں۔ جواب میں تھائی لینڈ کی ٹیم مطلوبہ ہدف حاصل کرنے میں ناکام رہی اور مقررہ اوورز میں سات وکٹوں پر چھیالیس رنز بناسکی، اسماویہ اقبال نے دو وکٹیں حاصل کیں۔