کراچی: پاکستان ویمن ٹیم نے بنگلادیش کو دوسرے میچ میں چھ وکٹ سے شکست دے کر ون ڈے سیریز میں بھی کلین سوئپ کرلیا۔
ساؤتھ اینڈ کلب کا میدان پاکستان ویمن ٹیم کے نام دوسرے اور آخری میچ میں بھی گرین شرٹس نے بنگلادیشی ویمن ٹیم کو پیچھاڑ دیا،بنگلادیش نے ٹاس جیتا اور بیٹنگ کا فیصلہ کیا۔
میچ کے آغاز سے ہی پاکستان ویمن ٹیم چھائی رہی، انعم امین اور اسماویہ اقبال نے مہمان بیٹنگ لائن کی دھجیاں اڑادی۔۔ بنگلادیش ویمن ٹیم نو وکٹ پر صرف ایک سو تئیس رنز بناسکی۔
جوابی وار میں بلے بازوں نے بھی عمدہ کارکردگی دکھائی، بسمہ معروف اکتالیس اور مارینہ اقبال اکتیس رنز بناکر ٹاپ اسکوررہیں۔
قومی ٹیم نے مطلوبہ ہدف چار وکٹ پر حاصل کرکے ون ڈے سیریز میں بھی وائٹ واش کرلیا، ٹی ٹوئنٹی سیریز بھی قومی ٹیم نے دو صفر سے جیتی تھی۔
