Tag: women died

اسلام آباد : عمرے کی ادائیگی کے بعد واپس آنے والی خاتون دوران پرواز انتقال کرگئیں۔

تفصیلات کے مطابق جدہ سے اسلام آباد آنے والی پرواز میں دوران سفر خاتون دل کا دورہ پڑنے کی وجہ سے انتقال کرگئیں، نجی ایئرلائن کی پرواز میں سفر کرنے والی خاتون عارضہ قلب میں مبتلا تھیں۔

خاتون کا تعلق منڈی بہاالدین سے ہے اور وہ عمرے کی ادائیگی کے بعد واپس آرہی تھیں۔

ایئرپورٹ ذرائع کا کہنا ہے کہ خاتون کی لاش کو ورثا کے حوالے کر دیا گیا۔

مزید پڑھیں : دورانِ پرواز خاتون مسافردل کے دورے سے انتقال کرگئیں

یاد رہے گذشتہ سال اکتوبر میں بھی ایک ایسا واقعہ پیش آیا تھا ، جب ملتان سے جدہ جانیوالی پروز میں مسافر خاتون دل کا دورہ پڑنے کی وجہ سے انتقال کرگئیں‘ طیارے کی کراچی ایئر پورٹ پر ہنگامی لینڈنگ کی گئی تھی۔

پی آئی اے کی پرواز پی کے739ملتان سے جدہ جارہی تھی ۔

ڈاکٹر کے مطابق مسافر رضیہ بی بی حرکت قلب بند ہونے کی وجہ سے انتقال کر گئیں تھیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔