ARYNews.tv | Urdu – Har Lamha Bakhabar

Tag: won

  • پاکستان نے سری لنکا کو 263 رنز سے شکست دے دی

    پاکستان نے سری لنکا کو 263 رنز سے شکست دے دی

    کراچی: پاکستان نے 13 سال بعد ہوم گراؤنڈ پر ٹیسٹ میچ اپنے نام کرلیا، قومی ٹیم نے سری لنکا کو کراچی ٹیسٹ میں 263 رنز سے شکست دے دی، عابد علی کو مین آف دا میچ قرار دیا گیا۔

    تفصیلات کے مطابق سری لنکا کے خلاف دوسرے ٹیسٹ میچ میں قومی ٹیم کے بولرز اور بلے باز دونوں چل گئے، سری لنکا کی بیٹنگ لائن ریت کی دیوار ثابت ہوئی، پاکستانی بولرز نے کسی کھلاڑی کو کریز پر ٹکنے نہیں دیا اور فتح اپنے نام کرلی۔

    پاکستان کی جانب سے نسیم شاہ نے 5وکٹیں حاصل کیں۔ یاسرشاہ نے 2، عباس، شاہین اور حارث نے ایک ایک وکٹ حاصل کی، نسیم شاہ 5 وکٹیں حاصل کرنے والے ٹیسٹ کرکٹ کے سب سے کم عمر کھلاڑی بن گئے۔

    قومی ٹیم نے دوسرے ٹیسٹ کا مایوس کن آغاز کیا تاہم میچ کے تیسرے روز سے ہی ٹیم سری لنکا پر حاوی ہوگئی، عابد علی اور شان مسعود نے ٹیم کو فتح دلانے میں اہم کردار ادا کیا۔ خیال رہے کہ چوتھے روز قومی ٹیم نے 555رنز 3کھلاڑی آؤٹ پر اپنی  اننگز ڈکلیئر کی اور سری لنکا کو جیت کے لیے 476رنز کا ہدف دیا تھا جس کے تعاقب میں سری لنکا کی بیٹنگ لائن ریت کی دیوار ثابت ہوئی۔

    عابد علی نے ٹیسٹ کرکٹ میں ایک اورریکارڈ بنادیا

    دوسری اننگز کے آغاز سے ہی سری لنکن ٹیم مشکلات کا شکار رہی، اُن کی پہلی وکٹ 39رنز پر اُس وقت گری جب کپتان کرونارتنے 16رنز پر محمدعباس کی گیند پر آؤٹ ہوئے۔ بعد ازاں 40 رنز کے مجموعی اسکور پر کوشال مینڈس بغیر کوئی رن بنائے پویلین لوٹے، جبکہ اینجلو میتھیوز 19رنز بناکر شاہین شاہ آفریدی کی گیند پر آؤٹ ہوئے۔

    سری لنکا کی چوتھی وکٹ 96 کے مجموعی اسکور پر اُس وقت گری جب چندی مل نسیم شاہ کی گیند کو سمجھ نہ سکے جبکہ ایک رن اضافے کے بعد ہی مہمان ٹیم کو پانچویں نقصان کا سامنا کرنا پڑا، اسی طرح ڈی سلوا بغیر کوئی رن بنائے یاسر شاہ کی گیند پر آؤٹ ہوئے، اسی طرح سری لنکن ٹیم کے کھلاڑی آتے گئے اور ایک کے بعد ایک پویلین لوٹتے گئے۔

    قومی ٹیم کراچی ٹیسٹ جیتنے کی پوزیشن میں ہے: سرفراز احمد

    قبل ازیں قومی ٹیم کے بلے بازوں نے دوسری اننگز میں شاندار بیٹنگ کی، عابدعلی، اظہرعلی، شان مسعود اور بابراعظم نے سنچریاں اسکور کیں، یہ پہلا موقع ہے کہ پاکستان کے ٹاپ فور کھلاڑیوں نے ٹیسٹ میچ میں ایک ساتھ سنچریاں بنائیں۔

    پاکستان نے 2 وکٹوں پر 395 رنز بنائے تھے، سری لنکا کے خلاف پاکستان کی پہلی وکٹ 278 رنز پر گری، شان مسعود 135رنز بناکر لہیروکمارا کی گیند پر آؤٹ ہوئے تھے، جبکہ دوسری وکٹ 355 رنز پرگری تھی، عابد علی ایل بی ڈبلیو آوٹ ہوئے، ٹیسٹ کرکٹ میں پاکستان کی دوسری بڑی اوپننگ شراکت شان مسعود اور عابد نے 278 رنز کی قائم کی۔

    عابد علی نے جاوید میانداد کی یاد تازہ کردی: رمیز راجہ

    اوپنر عابد علی 174 رنز کی شاندار اننگز کھیل کر اؤٹ ہوئے، شان مسعود نے بھی 135 رنز کی ذمہ دارانہ اننگز کھیلی تھی، میچ کے چوتھے روز پاکستان کی تیسری وکٹ 503رنز پر گری، کپتان اظہر علی 118رنز پر آؤٹ ہوئے، انہوں نے ذمے دارانہ بیٹنگ کا مظاہرہ کیا اور سنچری جڑی، کپتان اظہر نے 142گیندوں پر سنچری اسکور کی، اظہرعلی کے کیریئر کی یہ 16ویں سنچری ہے، بعد ازاں بابراعظم بھی پیچھے نہ رہے اور سنچری داغ دی۔ چوتھے روز کا پہلا سیشن ختم ہونے کے بعد بابراعظم اور محمد رضوان اننگز ڈکلیئر کرے پولین لوٹ گئے۔

    واضح رہے کہ مہمان ٹیم نے اپنی پہلی اننگ میں 271 رنز بنائے تھے تاہم قومی ٹیم اپنی پہلی اننگز میں 191 رنز پر ڈھیر ہوگئی تھی، بابر اعظم اور اسد شفیق نے نصف سنچریاں اسکور کی تھیں۔

  • ٹیم فائنل میں ہار جاتی تو دوبارہ کرکٹ کھیلنا میرے لیے مشکل ہوجاتا، جوز بٹلر

    ٹیم فائنل میں ہار جاتی تو دوبارہ کرکٹ کھیلنا میرے لیے مشکل ہوجاتا، جوز بٹلر

    لندن: کرکٹ ورلڈکپ چیمپئن بننے والی انگلش ٹیم کے وکٹ کیپر اور جارح مزاج بیٹسمین جوز بٹلر نے کہا ہے کہ اگر ان کی ٹیم فائنل میں ہار جاتی تو ان کے لیے دوبارہ کرکٹ کھیلنا مشکل ہوجاتا۔

    ایک انٹرویومیں جوز بٹلر نے ورلڈکپ ٹرافی اٹھانے کے بعد پہلی مرتبہ اس شکست کے خوف سے بھی پردہ اٹھادیا جو ان کے چہرے پر میچ کے اختتامی لمحات میں ان کے چہرے پر دکھائی دے رہا تھا۔

    انگلش وکٹ کیپر کا کہنا تھا کہ انہوں نے اس فائنل سے قبل 8 مرتبہ اپنی ٹیموں کی جانب سے فائنل مقابلوں میں حصہ لیا جس میں 7 مرتبہ ناکامی کا سامنا کرنا پڑا۔ سمرسیٹ کی جانب سے کھیلتے ہوئے انگلینڈ کے ڈومیسٹک ٹورنامنٹس کے ساتھ ساتھ انگلینڈ کی جانب سے 2013 میں چیمپیئنز ٹرافی کا فائنل اور 2016 میں ویسٹ انڈیز کے خلاف ٹی ٹوئنٹی فائنل ایسے میچز ہیں جس میں ان کی ٹیم کو شکست کا سامنا کرنا پڑا۔

    جوز بٹلر کا کہنا تھا کہ اپنے سامنے حریف ٹیم کو ٹرافی اٹھاتے ہوئے دیکھنا بہت تکلیف کا باعث ہوتا ہے اور یہ درد میں ایک مرتبہ پھر برداشت نہیں کرسکتا تھا۔

    انہوں نے کہا کہ مجھے ڈر لگ رہا تھا کہ اگر ہم گئے تو نہیں جانتا کہ دوبارہ کرکٹ کیسے کھیلوں گا، یہ زندگی میں ایک مرتبہ ملنے والا موقع تھا، ایک ورلڈکپ کا فائنل وہ بھی لارڈز میں۔

    بین اسٹوکس کو انگلینڈ کا اعلیٰ ترین اعزاز نائٹ ہُڈ دیا جائے گا

    انہوں نے کہا کہ یہ ایک قسمت کی طرح محسوس ہوا، میں سوچ رہا تھا کہ اگر ایسا (فائنل میں فتح) نہیں ہوتا، تو میرے پاس کافی عرصے تک دوبارہ کرکٹ بیٹ اٹھانے کی خود اعتمادی نہیں ہوگی۔

    جوز بٹلر نے آخری لمحات کے بارے میں بات کرتے ہوئے کہا کہ گراؤنڈ سے باہر بیٹھ کر میچ دیکھنے والوں پر دباؤ ہوتا ہے، تاہم ایسا دباؤ کھلاڑیوں پر نہیں ہوتا، وہ ایسی صورتحال کے لیے ہی تیار ہوتے ہیں۔

  • کرکٹ ورلڈ کپ 2019 : جنوبی افریقہ کو مسلسل تیسری شکست

    کرکٹ ورلڈ کپ 2019 : جنوبی افریقہ کو مسلسل تیسری شکست

    ساؤتھ ہمٹن : ورلڈ کپ 2019 کا آٹھواں میچ بھارت نے جنوبی افریقہ کے خلاف 6 وکٹوں سے جیت لیا، جنوبی افریقہ نے جیت کے لیے بھارت کو 228 رنز کا ہدف دیا تھا۔

    تفصیلات کے مطابق کرکٹ ورلڈ کپ کے آٹھویں میچ میں بھی شکست جنوبی افریقہ کے ماتھے کا جومھر بنی، ساؤتھ ہمٹن میں کھیلے جانے والے عالمی کپ کے تیسرے میچ میں پروٹیز نے ہپلے بیٹنگ کرتے ہوئے بھارت کو جیت کے لیے 228 رنز کا ہدف دیا تھا جسے بھارتی بلے بازوں نے 4 وکٹوں کے نقصان پر پورا کرلیا۔

    بھارتی بلکے باز شیکھر دھون 8 رنز بناکر پولین لوٹ گئے جب کے بعد کپتان ویرات کوہلی نے بلے بازی کی ذمہ داری لیکن وہ بھی زیادہ دیر میدان میں نہ ٹک سکے اور 18 رنز بناکر آؤٹ ہوگئے۔

    بھارتی بلے باز راہل نے جنوبی افریقہ کے خلاف 26 رنز اسکور کیے جبکہ بھارتی کے سینئر کھلاڑی ایم ایس دھونی نے ذمہ داری نے 34 ڈوریں مکمل کیں۔

    شیکھر دھون کے ساتھ اننگز کا آغاز کرنے والے روہت شرما نے بھارتی ٹیم کے اسکور بورڈ میں 13 چوکوں اور 2 چھکوں کی مدد سے 122 رنز کا ناقابل شکست اضافہ کیا۔

    قبل ازیں ساؤتھ ہمٹن میں کھیلے جانے والے میچ میں جنوبی افریقہ کی ٹیم 50 اوورز میں 227 رنز پر ڈھیر ہوگئی اور بھارت کو جیت کے لیے 228 رنز کا ہدف دیا، بھارت کے یوزویندرا چاہل نے 4 وکٹیں حاصل کیں۔

    جنوبی افریقہ نے ٹاس جیت کر پہلے بیٹنگ کا فیصلہ کیا، جنوبی افریقہ کی جانب سے اننگز کا آغاز کوئنٹن ڈی کوک اور ہاشم آملہ کیا لیکن صرف 24 رنز اسکور کرسکے۔

    ون ڈاؤن آنے والے کپتان فاف ڈپلیسی نے 38 رنز کی اننگز کھیلی، کپتان کو یوزویندرا چاہل نے شکار کیا اس کے بعد کوئی جنوبی افریقی بلے باز خاطر خواہ کارکردگی نہ دکھا سکا۔

    ڈیوڈ ملر بھی 31 رنز پر یوزویندرا چاہل کا شکار بنے اور آنڈیلی فیہلوک وایو 34 رنز بنا کر پویلین لوٹ گئے، اوپننگ اور مڈل آرڈر کی ناکامی کے بعد رابادا اور کرس مورس نے ٹیم کے رن ریٹ کو سہارا دیا اور اسکور کو آگے بڑھایا، جوبی افریقہ 9 وکٹوں کے نقصان پر پچاس اوورز میں 66 رنز کی مشترکا اننگز کے بعد227 رنز بناسکی۔

    تھسارا پریرا 2 رنز پر رن آؤٹ ہوئے، ادانا 10، ملنگا 4 رنز پر لکمل کا ساتھ چھوڑ گئے، پردیپ بغیر کوئی رن بنائے پویلین لوٹ گئے، سرنگا لکمل 15 رنز بنا کر ناٹ آؤٹ رہے۔

    بھارت کے جے جے بھومرا اور بی کمار نے جنوبی افریقہ کے دو، دو کھلاڑیوں کو پویلین کی راہ دکھائی جبکہ کلدیپ یادیو نے بھی ایک کھلاڑی کو آؤٹ کیا۔

  • سعودی طالب علم کا انٹرنیشنل مقابلے میں البرٹ آئن اسٹائن کا لقب جیتنے میں کامیاب

    سعودی طالب علم کا انٹرنیشنل مقابلے میں البرٹ آئن اسٹائن کا لقب جیتنے میں کامیاب

    ریاض : عبداللہ الجبارہ نامی سعودی لڑکے نے فزکس کے بین الاقوامی مقابلے میں البرٹ آئن اسٹائن کا لقب جیت لیا، الجبارہ فزکس کا شہرہ آفاق سائنسدان بننے کا خواب دیکھ رہے ہیں۔

    تفصیلات کے مطابق سعودی عرب اور کویت کی سرحد پر واقع شہر الخفجی سے تعلق رکھنے عبداللہ الجبارہ نے الخفجی سے الجبیل اور وہاں سے دمام منتقل ہو کر فزکس میں کمال پیدا کرنے کا اہتمام کیا۔

    غیر ملکی خبر رساں ادارے کا کہنا تھا کہ فزکس کے بین الاقوامی مقابلے میں عالمی سطح پر اسکا نمبر دسواں اور مسلم عرب دنیا میں دوسرا ہے۔

    الجبارہ نے اقوام متحدہ سے البرٹ آئن اسٹائن کا اعزاز حاصل کرنے کا قصہ مشرقی ریجن کے دارالحکومت دمام سے شائع ہونیوالے جریدے الیوم کو یہ کہہ کر بتایا کہ میں اب 16برس کا ہوں ۔فزکس کا دلدادہ ہوں ۔ ثانوی اسکول میں زیر تعلیم ہوں۔

    غیر ملکی میڈیا کا کہنا تھا کہ ساتویں جماعت میں تھا تب ہی فزکس سے لگاﺅ پیدا ہو گیا تھا ۔ ڈاکٹر محمد الفقیہ نے مجھے فزکس کا شوق دلایا۔ ہوا یوں کہ الاحساء میں فزکس کا اسپیشل کورس ہو رہا تھا میں اس میں شامل ہوا۔

    ڈاکٹر الفقیہ نے جو مذکورہ کورس کے انچارج تھے میری دلچسپی دیکھ کر میرے والد انجینیئرعیسیٰ سے تعریف کی اور انہیں مشورہ دیا کہ اگر الجبارہ نے جدہ میں ہونیوالے فزکس کے ایڈوانس کور س میں حصہ لے لیا تو اسے بڑا فائدہ ہو سکتا ہے ۔

  • پاکستانی شہری نے دبئی میں لاکھوں کی بائیک جیت لی

    پاکستانی شہری نے دبئی میں لاکھوں کی بائیک جیت لی

    دبئی : لاٹری ٹکٹ خریدنا ہر کسی کے لیے ممکن نہیں ہوتا لیکن جس نے ٹکٹ کی خریداری ممکن بنالی، اس کے لیے کچھ بھی ناممکن نہیں ہوتا، پاکستانی نوجوان نے دبئی میں لاکھوں کی بائیک جیت لی۔

    تفصیلات کے مطابق پاکستانی نژاد نوجوان محمد صدر نے اپنی قسمت آزمانے کےلیے پہلی مرتبہ ٹکٹ خریدا اور ان کی امید بر آئی اور ان کا قرعہ اندازی میں نام نکل آیا، یعنی اب وہ تقریباً 19 لاکھ روپے کی بائیک کے مالک بن گئے ہیں۔

    اماراتی میڈیا کا کہنا ہےکہ محمد صفدر نے بائیک تو جیت لیتاہم ابھی تک ان کا کچھ نہیں چلا، لاٹری انتظامیہ نے محمد صفدر کو تلاش کررہی ہے یہاں تک کہ اس نے اشتہار بھی دے دیا’کیا آپ محمد صفدر کو جانتے ہیں‘۔

    لاٹری انتظامیہ کے مطابق محمد نامی اس پاکستانی شہری کے ٹکٹ نمبر 0941 حال ہی میں ہونے والے لکی ڈرا میں انعام کا حقدار قرار پایا ہے۔

    محمد صدر گزشتہ کچھ سال سے ملازمت کے سلسلے میں دبئی میں مقیم ہیں۔ انہوں نے حال ہی میں اس لکی ڈرا میں اپنی قسمت آزمانے کا فیصلہ کیا تھا۔

    بھارتی لڑکی نے 10 لاکھ امریکی ڈالر جیت کر کروڑپتی بن گئی

    دوسری جانب بھارت سے تعلق رکھنے والی 9 سالہ لڑکی نے اپنی ناقابل یقین قسمت کے باعث دس لاکھ امریکی ڈالر کی لاتری جیت لی ہے، اس سے قبل اسی لڑکی نے 2013 میں بیش قیمت گاڑی لاٹری میں جیتی تھی۔

    یاد رہے کہ دبئی ڈیوٹی فری ریفل ٹکٹ کے نام سے جانے والے اس ٹکٹ کی قیمت ایک ہزار درہم ہے جبکہ بائیک کی قرعہ اندازی میں شامل ہونے کےلیے 250 درہم کا ٹکٹ خریدنا پڑتا ہے جو کہ دبئی میں مقیم کسی بھی پاکستانی کے لیے ایک زیادہ بڑی رقم نہیں ہے۔

  • کیپ ٹاؤن: جنوبی افریقا نے پاکستان کو باآسانی شکست دے کر ون ڈے سیریز جیت لی

    کیپ ٹاؤن: جنوبی افریقا نے پاکستان کو باآسانی شکست دے کر ون ڈے سیریز جیت لی

    کیپ ٹاؤن: پاکستان اور جنوبی افریقا کے درمیان کھیلے جانے والے پانچویں ون ڈے میچ میں جنوبی افریقا نے پاکستان کو 7 وکٹوں سے شکست دے کر سیریز اپنے نام کرلی، ڈی کوک میچ کے بہترین کھلاڑی قرار پائے، امام الحق کو مین آف دی سیریز کا ایوارڈ دیا گیا۔

    تفصیلات کے مطابق پانچویں ون ڈے میچ میں پاکستان کی جانب سے دیا جانے والا 241 رنز کا ہدف جنوبی افریقا نے 40 اوورز میں باآسانی 3 وکٹوں کے نقصان پر حاصل کرلیا اور سیریز میں 3-2 سے کامیابی حاصل کرلی۔

    ہدف کے تعاقب میں جنوبی افریقا کی پہلی وکٹ 39 رنز پر گری جب ہاشم آملہ شاہین شاہ آفریدی کی گیند پر وکٹ کیپر رضوان کے ہاتھوں کیچ آؤٹ ہوئے۔

    جنوبی افریقا کے ڈی کوک ایل بی ڈبلیو آؤٹ ہوئے لیکن شنواری کی گیند نو بال ہونے کے سبب انہیں چانس ملا، چانس ملنے کے بعد کوئن ٹن ڈی کوک نے جارحانہ انداز اپنایا اور صرف 58 گیندوں پر 83 رنز کی شاندار اننگز کھیلی، انہیں شنواری نے ہی حسن علی کے ہاتھوں کیچ آؤٹ کرایا۔

    ہینڈرکس کو محمد عامر نے آؤٹ کیا، وہ 34 رنز بناسکے، جنوبی افریقی کپتان فاف ڈوپلیسی اور وین در ڈوسن نے بالترتیب 50 اور 50 رنز کی ناقابل شکست اننگز کھیلی۔

    پاکستان کی جانب سے شاہین شاہ آفریدی، عثمان شنواری اور محمد عامر ایک، ایک وکٹ حاصل کرسکے۔

    قبل ازیں پاکستان اور جنوبی افریقا کے درمیان پانچویں اور آخری ون ڈے میچ میں پاکستان نے مقررہ اوورز میں 240 رنز بنائے اور جنوبی افریقا کو جیت کے لیے 241 رنز کا ہدف دے دیا، فخر زمان نے 70 رنز کی شاندار اننگز کھیلی۔

    جنوبی افریقی کپتان فاف ڈوپلیسی نے ٹاس جیت کر پہلے فیلڈنگ کا فیصلہ کیا تو امام الحق صرف 8 رنز بنا کر ڈیل اسٹین کی گیند پر آؤٹ ہوکر پویلین روانہ ہوگئے۔

    قومی ٹیم کی دوسری وکٹ 64 رنز پر گری جب بابر اعظم 24 رنز بنا کر کلین بولڈ ہوگئے، محمد حفیظ 17 رنز بنا کر فلک کوائیو کی گیند پر ڈی کوک کو کیچ دے بیٹھے۔

    فخر زمان نے 73 گیندوں پر 70 رنز کی اننگز کھیلی انہیں فلک کوائیو نے آؤٹ کیا، کپتان شعیب ملک 31 رنز پر رن آؤٹ ہوئے، وکٹ کیپر محمد رضوان 10 رنز بنا کر پویلین لوٹ گئے۔

    لیگ اسپنر شاداب خان 19 رنز بنا کر آؤٹ ہوئے، فاسٹ بولر محمد عامر کو 6 رنز پر ربادا نے کلین بولڈ کیا، آل راؤنڈر عماد وسیم نے 47 رنز کی ناقابل شکست اننگز کھیلی۔

    جنوبی افریقا کی جانب سے فلک کوائیو اور پیٹروئس نے دو، دو وکٹیں حاصل کیں، ڈیل اسٹین، ملڈر اور ربادا کے حصے میں ایک، ایک وکٹ آئی۔

    جنوبی افریقی کرکٹ ٹیم کے کپتان نے بتایا کہ ٹیم میں دو تبدیلیاں کی گئی ہیں۔

    پاکستان کی قومی کرکٹ ٹیم کے کپتان شعیب ملک کا کہنا ہے کہ پاکستانی ٹیم میں کوئی تبدیلی نہیں کی گئی، وکٹ اچھی لگ رہی ہے۔

    کپتان شعیب ملک کا کہنا ہے کہ جنوبی افریقہ کی ٹیم بڑا ہدف دے کر ٹیم کو دباؤ میں ڈال سکتی ہے۔

    اسکواڈ پاکستانی ٹیم

    قومی ٹیم محمد حفیظ، بابر اعظم، امام الحق، کپتان شعیب ملک، شاداب خان، فخر زمان، رضوان احمد، عثمان شنواری، محمد عامر، عماد وسیم اور شاہین آفریدی پر مشتمل ہے۔

    جنوبی افریقا ٹیم اسکواڈ

    دوسری جانب جنوبی افریقہ کی ٹیم میں کوئنٹن ڈی کوک، کپتان فاف ڈوپلیسی، ہاشم آملہ، ریزا ہینڈرک، ریسی وین دیر ڈیسن، اینڈلے فلکوایو، پی ڈبلیو اے مولڈر، ڈیل اسٹین، کگیسورا بادا، ڈی پریٹورئس، اور عمران طاہر پرمشتمل ہے۔

    چوتھا ون ڈے، پاکستان نے جنوبی افریقا کو 8 وکٹوں سے شکست دے دی

    یاد رہے کہ دو روز قبل پاکستان اور جنوبی افریقہ کے درمیان کھیلے جانے والے چوتھے ون ڈے میچ میں پاکستان نے جنوبی افریقا کو چوتھے ون ڈے میچ میں 8 وکٹوں سے شکست دی تھی، عثمان شنواری کو شاندار کارکردگی پر میچ کا بہترین کھلاڑی قرار دیا گیا تھا۔

  • برطانیہ: تحریک عدم اعتماد ناکام، تھریسامے کو ایک سال کی سیاسی لائف لائن مل گئی

    برطانیہ: تحریک عدم اعتماد ناکام، تھریسامے کو ایک سال کی سیاسی لائف لائن مل گئی

    لندن: برطانوی وزیراعظم تھریسا مے کے خلاف اپوزیشن کی تحریک عدم اعتماد ناکام ہوگئی، جس کے بعد انہیں ایک سال کی سیاسی لائف لائن مل گئی۔

    تفصیلات کے مطابق تحریک عدم اعتماد کےحق میں ایک 117 اور مخالفت میں 200 ووٹ ڈالے گیے، بریگزٹ پر روکی گئی رائے شماری میں حکومت کو لاحق خطرات بظاہر ٹل گئے۔

    تحریک عدم اعتماد کی ناکامی کے بعد تھریسامے کو ایک سال کی سیاسی لائف لائن مل گئی ہے، اب نہ ان کے خلاف ایک سال تک تحریک عدم اعتماد لائی جاسکتی ہے اور نہ ہی کنزرویٹو پارٹی کی قیادت کی دوڑ سےالگ کیا جاسکتا ہے۔

    تھریسامے کو اقتدار برقرار رکھنے کے لیے ایک سوانسٹھ ارکان کی حمایت درکار تھی، رائے شماری سے قبل پارٹی کے ایک سوستاسی ایم پیز نے کھلے عام اور دوسو اراکین نے ووٹ کے ذریعے ان پر اعتماد کا اظہار کردیا۔

    برطانوی وزیراعظم نے عام انتخابات میں حصہ نہ لینے کا اعلان کردیا

    خفیہ رائے شماری برطانوی وقت کے مطابق رات آٹھ بجے تک جاری رہی، جس کے نتیجہ میں تھیریسامے کے خلاف تحریک عدم اعتماد ناکام ہوگئی۔

    تھریسامے کے حق میں فیصلہ آنے کی صورت میں پارٹی کی قیادت کی دوڑ میں شامل سابق میئر لندن بورس جانسن، وزیرداخلہ ساجد جاوید، مائیکل گوو، ڈومینک گریو، جیریمی ہنٹ کی امیدوں پر بھی اوس پڑگئی۔

    تحریک عدم اعتماد کی ناکامی سے برطانیہ کی یورپی یونین سے علیحدگی کے سوال پربریگزٹ پر روکی گئی رائے شماری میں حکومت کو لاحق خطرات بظا ہرٹل گئے۔

    خیال رہے کہ بریگزٹ ڈیل کے لیے کشمکش میں مبتلا برطانوی وزیراعظم تھریسامے نے عام انتخابات میں حصہ نہ لینے کا اعلان کیا ہے۔

  • کھلاڑیوں نے غیر معمولی کارکردگی کا مظاہرہ کیا: سرفراز احمد

    کھلاڑیوں نے غیر معمولی کارکردگی کا مظاہرہ کیا: سرفراز احمد

    دبئی: قومی کرکٹ ٹیم کے کپتان سرفراز احمد کا کہنا ہے کہ کھلاڑیوں نے غیر معمولی کارکردگی کا مظاہرہ کیا، بابراعظم نے آج شاندار اننگز کھیلی۔

    تفصیلات کے مطابق پاکستان نے سیریز کے تیسرے اور آخری ٹی ٹوینٹی میچ میں نیوزی لینڈ کو 47 رنز سے شکست دے کر وائٹ واش کردیا۔

    سرفراز احمد نے کہا ہے کہ شاداب خان نے تین کھلاڑیوں کو پویلین کی راہ دکھائی، کھلاڑیوں نے عمدہ کارکردگی کا مظاہرہ کیا جس کے باعث جیت مقدر بنی۔

    ان کا کہنا تھا کہ 6 میچوں سے پرفارمنس بہت شاندار ہے، پاکستان کے لیے کھیلتے ہیں اور ریکارڈ بناتے ہیں بہت اچھا لگتا ہے۔

    ان کا مزید کہنا تھا کہ ون ڈے سیزیز میں بھی اچھی کرکٹ کھیلنے کی کوشش کریں گے۔

    ٹی ٹوینٹی سیریز: پاکستان نے آسٹریلیا کے بعد نیوزی لینڈ کو بھی وائٹ واش کردیا

    خیال رہے کہ آج کیویز 167 رنز ہدف کے تعاقب میں 119 رنز پر ڈھیر ہوگئی، کپتان ولیم سن کے 60 رنز کی اننگز کے علاوہ کوئی کھلاڑی خاطر خواہ کارکردگی نہ دکھا سکا، سرفراز الیون نے تینوں فارمیٹ میں شاندار کارکردگی کا مظاہرہ کیا۔

    پاکستان کی جانب سے شاداب خان نے تین وکتیں حاصل کیں، عماد وسیم نے دو اور ڈیبیو کرنے والے وقاص مقصود نے دو کھلاڑیوں کو پویلین کی راہ دکھائی جبکہ فہیم اشرف کے حصے میں ایک وکٹ آئی۔

  • کپتان سرفراز احمد نے جیت کا کریڈٹ بولرز کو دے دیا

    کپتان سرفراز احمد نے جیت کا کریڈٹ بولرز کو دے دیا

    ابوظہبی: پاکستان نے نیوزی لینڈ کے خلاف پہلے ٹی ٹوینٹی میچ میں فتح اپنے نام کی، قومی کرکٹ ٹیم کے کپتان سرفراز احمد نے جیت کا کریڈٹ بولرز کو دے دیا۔

    تفصیلات کے مطابق پاکستان نے نیوزی لینڈ کو پہلے ٹی ٹوینٹی میچ میں 2 رنز سے شکست دے دی، کولن منرو کی نصف سنچری بھی کام نہ آسکی، حسن علی نے تین وکٹیں حاصل کیں، محمد حفیظ کو میچ کا بہترین کھلاڑی قرار دیا گیا۔

    سرفراز احمد کا کہنا ہے کہ آصف علی کی بیٹنگ بہت نیچے نمبروں پر آرہی تھی، بیٹنگ نہ آنے کی وجہ سے نمبر پر بھیجنے کا فیصلہ کیا۔

    ان کا کہنا تھا کہ محمد حفیظ اور میرے رنز ٹیم کے کام آئے، جس کے باعث قومی ٹیم فتح یاب ہوئی، جیت کا تسلسل جاری رکھیں گے۔

    پہلا ٹی ٹوینٹی: پاکستان نے نیوزی لینڈ کو 2 رنز سے شکست دے دی

    خیال رہے کہ آج قومی ٹیم نے نیوزی لینڈ کو پہلے ٹی ٹوینٹی میچ میں 2رنز سے شکست دے دی، حسن علی نے شاندار بولنگ کرتے ہوئے تین وکٹیں حاصل کیں، کولن منرو کی نصف سنچری بھی کام نہ آسکی۔

    واضح رہے کہ نیوزی لینڈ نے 149 رنز ہدف کے تعاقب کیا تو پوری ٹیم صرف 146 رنز بناسکی، اوپنر نے اچھا آغاز فراہم کیا، 50 رنز پر نیوزی لینڈ کی پہلی وکت گری، فلپس کو 12 رنز پر حسن علی نے پویلین کی راہ دکھائی۔

  • شکاگوجونیئر اوپن گولڈ چیمپیئن شپ کا ٹائٹل پاکستان نے اپنے نام کرلیا

    شکاگوجونیئر اوپن گولڈ چیمپیئن شپ کا ٹائٹل پاکستان نے اپنے نام کرلیا

    واشنگٹن: پاکستان کے جونیئر اسکواش کھلاڑی حذیفہ ابراہیم نے شاندار پرفارمنس کا مظاہرہ کرتے ہوئے شکاگو جونیئر اوپن گولڈ چیمپیئن شپ کا ٹائٹل اپنے نام کرلیا۔

    تفصیلات کے مطابق پاکستانی جونیئر اسکواش کھلاڑی حذیفہ ابراہیم نے عمدہ کارکردگی کا مظاہرہ کرتے ہوئے شکاگو جونیئر اوپن گولڈ چیمپیئن شپ کا فائنل جیت لیا۔

    حذیفہ نے فائنل میں امریکا کے مائلو فریڈ مین کو تین دو سے ہرایا۔

    رواں سال حذیفہ نےچوتھا انٹرنیشنل ٹائٹل جیتا ہے۔

    جونیئر ایشین اسکواش چیمپئن شپ میں شرکت کے بعد قومی ٹیم وطن واپس پہنچ گئی

    خیال رہے کہ گذشتہ ماہ بھارت کے شہر چنائے میں جونیئر ایشین اسکواش چیمپئن شپ کھیلی گئی تھی۔

    جونیئر ایشین اسکواش چیمپئن شپ میں پاکستان کے ننھے کھلاڑیوں نے شاندار کارکردگی کا مظاہر کرتے ہوئے انڈر 15 ، انڈر 17 اور انڈر 19 کے ٹائٹل جیت لیے تھے۔

    ایشین چیمپئن شپ کے انڈر 15 میں پاکستان کے محمد حمزہ ، انڈر 17 میں پاکستان کے حارث قاسم اور انڈر 19 میں پاکستان کے عباس زیب نے ٹائٹل جیتے تھے، جبکہ انڈر 13 کے فائنل میں پاکستان کے انس شاہ کو شکست ہوئی تھی۔