Tag: World cup 2015

  • ورلڈ کپ : اسکاٹ لینڈ کو 364رنزکا ہدف، بیٹنگ جاری

    ورلڈ کپ : اسکاٹ لینڈ کو 364رنزکا ہدف، بیٹنگ جاری

    ہوبارٹ: ورلڈ کپ کے میچ میں سری لنکا  اور اسکاٹ لینڈ مدِمقابل ہیں۔

    ورلڈ کپ گروپ اے کے میچ میں سری لنکا کے تین سو چونسٹھ رنز کے ہدف کے تعاقب میں اسکاٹ لینڈ کی بیٹنگ جاری ہے۔

    اسکاٹ لینڈ نے 26 اووروں میں تین وکٹوں کے نقصان پر 133 رنز بنالئے ہیں۔

    ہوبارٹ میں سری لنکا نے اسکاٹ لینڈ کو رنز کے بوجھ تلے دبا دیا، سری لنکا نے ٹاس جیت کر پہلے بیٹنگ کا فیصلہ کیا، اکیس رنز پر پہلی وکٹ گرنے کے بعد دلشان اور سنگاکارا حریف بولرز پر قہر بن کر ٹوٹے۔

    دلشان نے ٹورنامنٹ کی دوسری سینچری اسکور کی، سنگاکارا نے ایونٹ کی ریکارڈ مسلسل چوتھی سینچری بنائی۔

    دونوں بیٹسمینوں نے دوسری وکٹ کے لئے ایک سو پچانوے رنز کی شراکت قائم کی،  سری لنکا نے مقررہ اوورز میں نو وکٹوں پر تین سو تریسٹھ رنزبنائے۔ سنگاکارا نے ایک سو چوبیس اور دلشان ایک سو چار رنز کی ذمہ دارانہ اننگز کھیلی۔

    کپتان اینجلو میتھیوز نے 20 گیندوں پر نصف سینچری مکمل کی جو ورلڈ کپ کرکٹ کی تاریخ کی دوسری تیز ترین نصف سینچری ہے۔

    اسکاٹ لینڈ کی جانب سے جوش ڈیوی نے 63 رنز دے کر تین وکٹیں حاصل کیں، وہ اس وقت ورلڈ کپ میں سب سے زیادہ وکٹیں لینے والے بولر ہیں جبکہ ایونز اور بیرنگٹن نے دو دو وکٹیں حاصل کیں۔

    یاد رہے کہ سری لنکا کی ٹیم پہلے ہی کوارٹر فائنل میں پہنچ چکی ہے جب کہ سکاٹ لینڈ ٹورنامنٹ سے باہر ہو چکا ہے۔

  • ورلڈ کپ: بھارت نے آئرلینڈ کو 8وکٹوں سے شکست دے دی

    ورلڈ کپ: بھارت نے آئرلینڈ کو 8وکٹوں سے شکست دے دی

    ہیملٹن: ورلڈ کپ میں دفاعی چیمپئن بھارت کی فتوحات کا سلسلہ جاری ہے، بھارت نے اپنے پانچویں میچ میں آئرلینڈ کو باآسانی آٹھ وکٹوں سے شکست دے دی۔

    آئرلینڈ نے بھارت کو جیت کیلئے  260 رنز کا ہدف دیدیا ہے، آئرلینڈ کی پوری ٹیم 49ویں اوور میں  259 رنز بنا کر آؤٹ ہوگئی۔

    جواب میں بھارتی اوپنرز ہی حریف ٹیم پر بھاری پڑگئے، شیکھر دھون اور روہت شرما کے درمیان پہلی وکٹ کے لئے ایک سو چوہتر رنز کی شراکت نے آئرلینڈ کے ارمانوں پر پانی پھیردیا۔

    دھون سینچری بناکر آؤٹ ہوئے، روہت شرما نے چونسٹھ رنز بنائے۔

    بھارت نے مطلوبہ ہدف دو وکٹوں کے نقصان پر ہی حاصل کرلیا۔

    اس سے قبل ورلڈ کپ میں آئرلینڈ نے ٹاس جیت کر پہلے بیٹنگ کا فیصلہ کیا، آئرلینڈ کی جانب سے ولیم پوٹرفیلڈ اور پال سٹرلنگ نے ٹیم کو 89 رنز کا شاندار آغاز فراہم کیا۔

    آئر لینڈ کے نائل او برائن نے 75 گیندوں پر سات چوکوں اور تین چھکوں کی مدد سے شاندار اننگز کھیلی، نیل اوبرائن کے علاوہ کوئی بھی بلے باز جم کر مقابلہ نہ کر سکا۔

    نیل اوبرائن نے 75 رنز کی اننگ کھیلی جب کہ ولیم پورٹر فیلڈ نے 67، پال اسٹرلنگ نے 42 اور اینڈریو بیلبرائن نے 24 رنز کی اننگز کھیلی۔

    بھارت کی جانب سے ایشون اور شامی دو، دو جبکہ یادو، شرمات جدیجا اور رائنا ایک ایک وکٹ حاصل کرنے میں کامیاب ہوئے۔

    بھارت  اب تک واحد ناقابلِ شکست ٹیم ہے، بھارت نے پاکستان، جنوبی افریقہ، متحدہ عرب امارات اور ویسٹ انڈیز کو شکست دی ہے اور کوارٹر فائنل میں جگہ بھی بنالی ہے۔

    آئرش ٹیم نے زمبابوے اور متحدہ عرب امارات کو سنسنی خیز مقابلے کے بعد شکست دی،اس سے قبل آئرلینڈ ویسٹ انڈیز کو ہارا کر ایک اپ سیٹ کر چکی ہے۔

  • ورلڈکپ: آئرلینڈ کا260 رنز کا ہدف، بھارت کی بیٹنگ جاری

    ورلڈکپ: آئرلینڈ کا260 رنز کا ہدف، بھارت کی بیٹنگ جاری

    ہیملٹن: کرکٹ ورلڈ کپ کے میچ میں آئرلینڈ اور بھارت مدِمقابل ہیں۔

    ہیملٹن میں کھیلے جارہے میچ میں آئرلینڈ نے بھارت کو جیت کیلئے  260 رنز کا ہدف دیدیا ہے، آئرلینڈ کی پوری ٹیم 49ویں اوور میں  259 رنز بنا کر آؤٹ ہوگئی۔

    بھارت کی جانب سے اوپنر شرما اور دھون وکٹ پر موجود ہیں۔ بھارت نے ایک اوور میں بغیر کسی وکٹ کے نقصان کے پانچ رنز بنالئے ہیں۔

    ورلڈ کپ میں آئرلینڈ نے ٹاس جیت کر پہلے بیٹنگ کا فیصلہ کیا، آئرلینڈ کی جانب سے ولیم پوٹرفیلڈ اور پال سٹرلنگ نے ٹیم کو 89 رنز کا شاندار آغاز فراہم کیا۔

    آئر لینڈ کے نائل او برائن نے 75 گیندوں پر سات چوکوں اور تین چھکوں کی مدد سے شاندار اننگز کھیلی، نیل اوبرائن کے علاوہ کوئی بھی بلے باز جم کر مقابلہ نہ کر سکا۔

    نیل اوبرائن نے 75 رنز کی اننگ کھیلی جب کہ ولیم پورٹر فیلڈ نے 67، پال اسٹرلنگ نے 42 اور اینڈریو بیلبرائن نے 24 رنز کی اننگز کھیلی۔

    بھارت کی جانب سے ایشون اور شامی دو، دو جبکہ یادو، شرمات جدیجا اور رائنا ایک ایک وکٹ حاصل کرنے میں کامیاب ہوئے۔

    اس میچ کے لیے بھارتی ٹیم میں کوئی تبدیلی نہیں کی گئی جبکہ آئرش ٹیم میں سپنر اینڈی میکبرائڈ کی جگہ فاسٹ بولر سٹورٹ تھامسن یہ میچ کھیل رہے ہیں۔

    بھارت  اب تک واحد ناقابلِ شکست ٹیم ہے، بھارت نے پاکستان، جنوبی افریقہ، متحدہ عرب امارات اور ویسٹ انڈیز کو شکست دی ہے اور کوارٹر فائنل میں جگہ بھی بنالی ہے۔

    آئرش ٹیم نے زمبابوے اور متحدہ عرب امارات کو سنسنی خیز مقابلے کے بعد شکست دی،اس سے قبل آئرلینڈ ویسٹ انڈیز کو ہارا کر ایک اپ سیٹ کر چکی ہے۔

    آئرش ٹیم بھارت کو شکست دینے میں کامیاب ہوجاتی ہے تو اس کی کوارٹر فائنلز تک رسائی یقینی ہو جائے گی اور اگر بھارت یہ میچ جیتا تو پاکستان کے کوارٹر فائنل میں پہنچنے کی راہ آسان ہو جائے گی۔

  • ورلڈ کپ: انگلینڈ کی 276 رنز کے تعاقب میں بیٹنگ جاری

    ورلڈ کپ: انگلینڈ کی 276 رنز کے تعاقب میں بیٹنگ جاری

    ایڈیلیڈ : ایڈیلیڈ : کرکٹ ورلڈ کپ میں آج انگلینڈ اور بنگلہ دیش اہم مقابلے میں مدِمقابل ہیں۔

    میچ میں بنگلہ دیش نے انگلینڈ کے خلاف مقررہ 50 اوورز میں سات وکٹوں کے نقصان پر 275 رنز بنائے ہیں، ورلڈ کپ کے اہم میچ میں بنگلہ دیش کے دو سو چھیہتر رنز کے ہدف کے تعاقب میں انگلینڈ کی بیٹنگ جاری ہے۔

    انگلینڈ نے 21 اوورز میں دو وکٹوں کے نقصان پر 101 رنز بنالئے ہیں، ایئن بیل نے 66 گیندوں میں سات چوکوں کی مدد نصف سنچری مکمل کی۔

    انگلینڈ کی پہلی وکٹ اس وقت گری ، جب ایئن بیل نے معین علی کی کال پر رن بنانے سے انکار کیا اور معین علی 19 رنز بنا کر رن آؤٹ ہو گئے۔

    انگلینڈ دوسرے کھلاڑی ایلکس ہیلز کو 27 رنز پر مرتضیٰ نے آوٹ کیا۔

    ایڈیلیڈ میں کھیلے جانے والے میچ کا ٹاس انگلینڈ نے جیت کر پہلے فیلڈنگ کا فیصلہ کیا۔

    بنگلہ دیش کا آغاز مایوس کن رہا، آٹھ کے مجموعی اسکور پر اوپنرز دھوکہ دے گئے، تیسری وکٹ کے لئے بنگلہ دیش کےکھلاڑیوں نے چھیاسی رنز کی شراکت قائم کی۔ سومیا سرکار چالیس رنزبناکر پویلین لوٹ گئے۔

    محمود اللہ اور مشفیق نے شاندار کھیل پیش کیا، محمود اللہ نے سینچری اسکور کرتے ہوئے ایک سو تین رنز کی اننگز کھیلی جبکہ  مشفیق الرحیم نے نواسی رنزبنائے۔

    بنگلہ دیش کی جانب سے محمود اللہ  ورلڈ کپ میں سنچری بنانے والے پہلے کھلاڑی بن گئے ہیں۔

    بنگلہ دیش کے 261 کے مجموعی اسکور پر مشفیق آؤٹ ہوئے،مشفیق 77 گیندوں میں آٹھ چوکوں اور ایک چھکے کی مدد سے 89 رنز بناکر آؤٹ ہوئے، صابر رحمان14 رنز بنا کر جارڈن کے ہاتھوں آؤٹ ہوئے۔

    بنگلہ دیش نے مقررہ اوورز میں سات وکٹوں پر دو سو پجھتر رنز بنائے، بنگلہ دیش انگلینڈ کو ہراکر کوارٹرفائنل تک رسائی حاصل کرسکتا ہے۔

    یہ میچ بنگلہ دیش کے لیے بہت اہمیت کا حامل ہے، بنگلہ دیش کو کوارٹر فائنل کے لیے کوالیفائی کرنے کے لیے صرف ایک جیت درکار ہے۔ تاہم بنگلہ دیش کا دوسرا میچ نیوزی لینڈ کے خلاف ہے اس لیے بنگلہ دیش کے لیے یہ میچ جیتنا ضروری ہے۔

    انگلینڈ کو بنگلہ دیش اور اس کے افغانستان دونوں کو شکست دینی لازمی ہے تاکہ کوارٹر فائنل کے لیے کوالیفائی کر سکے۔

    ورلڈ کپ میں بنگلہ ٹائیگرز نے اب تک چار میچ کھیلے جن میں سے دو جیتے، ایک ہارا اور ایک برابر رہا اورایک میچ بارش کے باعث نہ ہو سکا۔ جبکہ انگلش ٹیم نے بھی چار میچ کھیلے اور صرف ایک میچ جیتا اور تین ہارے ہیں۔ا

  • ورلڈ کپ: بنگلہ دیش کی انگلینڈ کیخلاف بیٹنگ جاری

    ورلڈ کپ: بنگلہ دیش کی انگلینڈ کیخلاف بیٹنگ جاری

    ایڈیلیڈ : کرکٹ ورلڈ کپ میں آج انگلینڈ اور بنگلہ دیش اہم مقابلے میں مدِمقابل ہیں۔

    آسٹریلیا کے شہر ایڈیلیڈ میں ورلڈ کپ کے میچ میں انگلینڈ نے ٹاس جیت کر بنگلہ دیش کو پہلے بیٹنگ کی دعوت دی ۔

    بنگلہ دیش کی  جانب سے محمود اللہ اور مشفیق الرحیم  وکٹ پر موجود ہیں، بنگلہ دیش نے 34 اوورز میں چار وکٹوں کے نقصان پر 156 رنز بنالئے ہیں۔

    بنگلہ دیش کے اوپنرز ٹیم کو اچھا آغاز فراہم نہ کرسکے، بنگلہ دیش کی پہلی وکٹ پہلے اوور کی چوتھی گیند پر گر گئی، جب قیس دو رنز بنا کر اینڈرسن کا نشانہ بنے، جس کے بعد تیسرے اوور میں بنگلہ دیش کو ایک اور نقصان اٹھانا پڑا جب اینڈرسن نے تمیم اقبال کو آؤٹ کیا ، وہ 2رنز بنا کر آؤٹ ہوئے۔

     سرکار  نے 52 گیندوں میں 40 رنز بنا کر جارڈن کے ہاتھوں آؤٹ ہوئے، معین علی نے چوتھی وکٹ اس وقت لی جب انھوں نے شکیب الحسن کو دو رنز پر آؤٹ کر دیا۔

    محمود اللہ 104 گیندوں میں چار چوکوں اور دو چھکوں کی مدد سے 72 پر کھیل رہے ہیں، مشفیق نے 33 گیندوں میں 32 رنز بنائے ہیں۔ ان دونوں میں 57 رنز کی شراکت ہوگئی ہے۔

    یہ میچ بنگلہ دیش کے لیے بہت اہمیت کا حامل ہے، بنگلہ دیش کو کوارٹر فائنل کے لیے کوالیفائی کرنے کے لیے صرف ایک جیت درکار ہے۔ تاہم بنگلہ دیش کا دوسرا میچ نیوزی لینڈ کے خلاف ہے اس لیے بنگلہ دیش کے لیے یہ میچ جیتنا ضروری ہے۔

    انگلینڈ کو بنگلہ دیش اور اس کے افغانستان دونوں کو شکست دینی لازمی ہے تاکہ کوارٹر فائنل کے لیے کوالیفائی کر سکے۔

    ورلڈ کپ میں بنگلہ ٹائیگرز نے اب تک چار میچ کھیلے جن میں سے دو جیتے، ایک ہارا اور ایک برابر رہا اورایک میچ بارش کے باعث نہ ہو سکا۔ جبکہ انگلش ٹیم نے بھی چار میچ کھیلے اور صرف ایک میچ جیتا اور تین ہارے ہیں۔

  • سرفراز احمد نے عمدہ کارکردگی کے ساتھ ساتھ عالمی ریکارڈ بھی بناڈالا

    سرفراز احمد نے عمدہ کارکردگی کے ساتھ ساتھ عالمی ریکارڈ بھی بناڈالا

    کراچی: سرفراز احمد نے ایک میچ میں اتنے کیچ پکڑ لئے جتنے عمر اکمل نے تین میچ میں چھوڑدیئے، سرفراز احمد نے ایک اننگز میں چھ کیچ پکڑ کر ورلڈ کپ میں سب سے زیادہ کیچز کا عالمی ریکاڑد بھی برابر کردیا۔

    میچ میں شاندار کارکردگی کا مظاہرہ کرنے والے سرفراز احمد جب بیٹنگ کیلئے میدان میں آئے تو کسی بھی باﺅلر کو خاطر میں نہ لائے اور گراﺅنڈ کے چاروں جانب خوبصورت سٹروک کھیلے۔

    انہوں نے محض 49 گیندوں پر 3 چھکوں اور 5 چوکوں کی مدد سے 49 رنز تاہم بدقسمتی سے محض 1 سکور کی کمی سے ففٹی مکمل کرنے میں ناکام رہے اور رن آﺅٹ ہو گئے۔

    ہدف مقرر کرنے کے بعد جنوبی افریقی بلے باز میدان میں آئے تو محمد عرفان، راحت علی اور وہاب ریاض نے طوفانی باﺅلنگ کے ذریعے انہیں تگنی کا ناچ نچا دیا جبکہ وکٹ کے پیچھے کھڑے سرفراز احمد نے بھی باﺅلرز کا بھرپور ساتھ دیا۔

    انہوں نے میچ میں وکٹ کے پیچھے 6 کھلاڑیوں کے کیچ دبوچ کر نا صرف میچ جیتنے میں اہم کردار ادا کیا بلکہ ایک ہی میچ میں کسی بھی وکٹ کیپر کی جانب سے سب سے زیادہ کیچز پکڑنے کا ریکارڈ بھی برابر کیا۔

    آسٹریلیا کے سابق وکٹ کیپر بلے باز ایڈم گلکرسٹ 4 میچوں میں 6,6 کیچز پکڑ کر اس فہرست میں پہلے نمبر ہیں جبکہ ان کے بعدانگلینڈ کے سٹیورٹ ایلس، جنوبی افریقہ کے مارک باﺅچر، انگلینڈ کے میٹ پرائر، انگلینڈ کے وکٹ کیپر بٹلر اور سکاٹ لینڈ کے وکٹ کیپر کراس ایک ہی اننگز کے دوران وکٹ کے پیچھے 6 کیچز پکڑنے کا اعزاز حاصل کر چکے ہیں۔

  • سرفراز احمد کی عمدہ کارکردگی نے کوچ وقار یونس کاوقار توڑ دیا

    سرفراز احمد کی عمدہ کارکردگی نے کوچ وقار یونس کاوقار توڑ دیا

    ایڈن پارک: سرفراز سے متعلق سوال پر وقار یونس غصے میں آکر پریس کانفرنس چھوڑ کر چلے گئے۔

    جنوبی افریقہ کیخلاف جیت کے بعد پریس کانفرنس میں وکٹ کیپر سرفراز کے متعلق سوال کیا پوچھا وقار یونس غصے میں آگئے اور کہہ ڈالا کہ ایسے احمقانہ سوال کا میرے پاس کوئی جواب نہیں ہے۔

    وقار یونس سرفراز احمد کی شاندار پرفارمنس دیکھ کر ہیڈ کوچ نے یو ٹرن لینے میں ہی بہتری جانی اور کہاکہ سرفراز کی صلاحیتوں سے کھبی شک نہیں کیا۔

    وقار یونس کا کہنا تھا کہ نیوزی لینڈ کی باؤنسی وکٹوں پر اوپننگ کرنا آسان نہیں لیکن سرفراز نے بہترین کارکردگی دکھائی، جنوبی افریقہ کیخلاف جیت کی بہت اہمیت ہے، امید ہے ٹیم پرفارمنس کو برقرار رکھے گی۔

    ورلڈ کپ کے پہلے ہی میچ میں سرفراز احمد کی عمدہ کارکردگی نے کوچ وقار یونس کا وقار توڑ دیا، جنوبی افریقہ کیخلاف میچ میں سرفراز احمد کی شمولیت نے ثابت کر دیا ہے کہ وقار یونس کا موقف ایک بہانے کے سوا کچھ نہیں تھا۔

    واضح رہے کہ یو اے ای سے فتح کے بعد  پاکستان کرکٹ ٹیم کے ہیڈ کوچ وقار یونس نے میڈیا سے سرفراز کی شمولیت کے حوالے سے انوکھی منتق اپناتے ہوئے کہا تھا کہ سرفراز سے اوپننگ کراکے ان کا کیرئیر تباہ نہیں کرنا چاہتے۔

  • آکلینڈ: جنوبی افریقہ 7کھلاڑی پویلین لوٹ گئے

    آکلینڈ: جنوبی افریقہ 7کھلاڑی پویلین لوٹ گئے

    آکلینڈ: نیوزی لینڈ کے شہر آکلینڈ میں پاکستان اور جنوبی افریقہ کے درمیان ورلڈ کپ کا اہم میچ جاری ہے، شاہینوں نے جنوبی افریقا کے گرد گھیرا تنگ کردیا، 232رنز کا تعاقب کرنے والے سات پروٹیز کا شکار کرلیا۔

     آئی سی سی ورلڈ کپ کے میچ میں پاکستان نے جنوبی افریقہ کے خلاف 22 رنز بنائے تاہم ڈک ورتھ لوئس کے تحت جنوبی افریقہ کو 232 رنز بنانے ہیں۔

    جنوبی افریقہ کی جانب سے اے بی ڈی ویلیئرز اب بھی وکٹ پر موجود ہیں، جنوبی افریقہ نے کچھ دیر قبل 24 اوورز میں سات وکٹوں کے نقصان پر 138 رنز بنائے۔

    پاکستان کو پہلی کامیابی اس وقت ملی جب محمد عرفان نے دوسری گیند ہی پر ڈی کوک کو آؤٹ کیا، پاکستان کو دوسری کامیابی 67 کے مجموعی اسکور پر ملی جب راحت علی نے ڈو پلیسی کو 27 رنز پر آؤٹ کیا۔

    ہاشم آملہ نے جارحانہ بیٹنگ کی اور 26 گیندوں میں نو چوکوں کی مدد سے 38 رنز بنائے۔

    روسو صرف چھ رنز بنا کر آؤٹ ہوئے جبکہ ملر صفر پر ہی ایل بی ڈبلیو ہوگئے، محمد عرفان کی گیند پر ڈومینی کیچ آؤٹ ہوئے، ان کا کیچ وہاب ریاض نے پکڑا۔

    ورلڈ کپ کے میچ میں جنوبی افریقہ نے ٹاس جیت کر پاکستان کو پہلے بیٹنگ کی دعوت دی ہے۔

    پاکستان نے 47 اوورز میں222  رنز بنائے۔

    اس سے قبل 41ویں اوور میں بارش کے باعث ایک بار پھر میچ روک دیا گیا ہے، بارش کے باعث میچ 47 اوورز تک محدود دیا گیا ہے۔

    پاکستان کی جانب سے سرفراز احمد اور احمد شہزاد نے اننگز کا آغاز کیا لیکن احمد شہزاد 8ویں اوور میں 18 رنز بنا کر کائل ایبٹ کی گیند پر کیچ آؤٹ ہوگئے۔

    سرفراز احمد 49 گیندوں پر 3 چھکوں اور 5 چوکوں کی مدد سے 49 رنز بنا کر رن آؤٹ ہوئے جب کہ یونس خان 37 رنز بنا کر اے بی ڈویلیئرز کی گیند پر کیچ آؤٹ ہوئے۔ صہب مقصود 8 رنز بنا کر اور عمر اکمل 13 رنز بنا کر پویلین لوٹے۔

    اس سے قبل بھی 37ویں اوور میں بارش کے باعث میچ روک دیا گیا تھا تاہم بارش بند ہونے کے بعد میچ دوبارہ شروع ہوگیا تھا، اوورز میں کوئی کمی نہیں کی گئی۔

    مصباح الحق نے ون ڈے انٹرنیشنل میچوں میں اپنے 5000 روز مکمل کر لیے ہیں۔ مصباح نے 73 گیندوں میں چار چوکوں کی مدد سے نصف سنچری مکمل کر لی ہے۔

    شاہد آفریدی نے 15 گیندوں میں 22 رنز سکور کیے اور اس کے ساتھ انھوں نے ایک روزہ میچوں میں اپنے آٹھ ہزار رنز بھی مکمل کیے۔

    وہاب ریاض پہلی گیند ہی پر ایل بی ڈبلیو ہو گئے۔ ان کو عمران طاہر نے آؤٹ کیا۔

    مصباح الحق نے ذمہ دارانہ بیٹنگ کی اور 85 گیندوں میں 56 رنز سکور کیے۔ ان کو سٹین نے آؤٹ کیا۔

    راحت علی صرف ایک رن بنا کر سٹین کے ہاتھوں آؤٹ ہوئے۔

    سہیل خان تین رنز بنا کر مورکل کے ہاتھوں آؤٹ ہوئے۔

    جنوبی افریقہ کی جانب سے سٹین نے تین جبکہ ایبٹ اور مورکل نے دو دو وکٹیں حاصل کیں۔

    یاد رہے کہ دونوں ٹیمیں چار چارمیچ کھیل چکی ہیں جہاں جنوبی افریقہ نے تین جبکہ پاکستان نے دو میچوں میں کامیابی حاصل کی ہے۔

  • ورلڈ کپ: جنوبی افریقہ کو جیت کیلئے 232 رنز درکار، بیٹنگ جاری

    ورلڈ کپ: جنوبی افریقہ کو جیت کیلئے 232 رنز درکار، بیٹنگ جاری

     آکلینڈ: آئی سی سی ورلڈ کپ کے 29 ویں گروپ گروپ میچ میں پاکستان اور جنوبی افریقہ مدِ مقابل ہیں۔

    آئی سی سی ورلڈ کپ کے میچ میں پاکستان نے جنوبی افریقہ کے خلاف 47 اوورز میں 222 رنز بنائے تاہم ڈک ورتھ لوئس کے تحت جنوبی افریقہ کو جیت کیلئے 232رنز بنانے ہیں۔

    جنوبی افریقہ کی جانب ہاشم آملہ اور ڈی کوک نے اننگز کا آغاز کیا، لیکن پہلے اوور میں ڈی کوک محمد عرفان کی دوسری گیند پر ہی آؤٹ ہوگئے۔

    اس وقت ہاشم آملہ اور ڈو پلیسی وکٹ پر موجود ہیں، جنوبی افریقہ اب تک 6اوور میں ایک وکٹ کے نقصان پر  42رنز بنائے ہیں۔

    ورلڈ کپ کے میچ میں جنوبی افریقہ نے ٹاس جیت کر پاکستان کو پہلے بیٹنگ کی دعوت دی ہے۔

    پاکستان نے 47 اوورز میں222  رنز بنائے۔

    اس سے قبل 41ویں اوور میں بارش کے باعث ایک بار پھر میچ روک دیا گیا ہے، بارش کے باعث میچ 47 اوورز تک محدود دیا گیا ہے۔

    پاکستان کی جانب سے سرفراز احمد اور احمد شہزاد نے اننگز کا آغاز کیا لیکن احمد شہزاد 8ویں اوور میں 18 رنز بنا کر کائل ایبٹ کی گیند پر کیچ آؤٹ ہوگئے۔

    سرفراز احمد 49 گیندوں پر 3 چھکوں اور 5 چوکوں کی مدد سے 49 رنز بنا کر رن آؤٹ ہوئے جب کہ یونس خان 37 رنز بنا کر اے بی ڈویلیئرز کی گیند پر کیچ آؤٹ ہوئے۔ صہب مقصود 8 رنز بنا کر اور عمر اکمل 13 رنز بنا کر پویلین لوٹے۔

    اس سے قبل بھی 37ویں اوور میں بارش کے باعث میچ روک دیا گیا تھا تاہم بارش بند ہونے کے بعد میچ دوبارہ شروع ہوگیا تھا، اوورز میں کوئی کمی نہیں کی گئی۔

    مصباح الحق نے ون ڈے انٹرنیشنل میچوں میں اپنے 5000 روز مکمل کر لیے ہیں۔ مصباح نے 73 گیندوں میں چار چوکوں کی مدد سے نصف سنچری مکمل کر لی ہے۔

    شاہد آفریدی نے 15 گیندوں میں 22 رنز سکور کیے اور اس کے ساتھ انھوں نے ایک روزہ میچوں میں اپنے آٹھ ہزار رنز بھی مکمل کیے۔

    وہاب ریاض پہلی گیند ہی پر ایل بی ڈبلیو ہو گئے۔ ان کو عمران طاہر نے آؤٹ کیا۔

    مصباح الحق نے ذمہ دارانہ بیٹنگ کی اور 85 گیندوں میں 56 رنز سکور کیے۔ ان کو سٹین نے آؤٹ کیا۔

    راحت علی صرف ایک رن بنا کر سٹین کے ہاتھوں آؤٹ ہوئے۔

    سہیل خان تین رنز بنا کر مورکل کے ہاتھوں آؤٹ ہوئے۔

    جنوبی افریقہ کی جانب سے سٹین نے تین جبکہ ایبٹ اور مورکل نے دو دو وکٹیں حاصل کیں۔

    ۔یاد رہے کہ دونوں ٹیمیں چار چارمیچ کھیل چکی ہیں جہاں جنوبی افریقہ نے تین جبکہ پاکستان نے دو میچوں میں کامیابی حاصل کی ہے۔

  • سرفراز دھوکا نہیں دیگا اور سرفراز نے دھوکا نہیں دیا

    سرفراز دھوکا نہیں دیگا اور سرفراز نے دھوکا نہیں دیا

    آکلینڈ: ورلڈ کپ کے 30ویں میچ میں پاکستان اور جنوبی افریقہ مدِمقابل ہیں۔

    وکٹ کیپر بیٹسمن سرفراز احمد جنھیں ناصر جمشید کی جگہ ٹیم میں شامل کیا گیا ہے، کہا جارہا تھا کہ سرفراز دھوکا نہیں دیگا اور سرفراز نے دھوکا نہیں دیا۔

    دھواں دھار اننگ کھیلی اور سو فیصد اسٹرائک ریٹ کے ساتھ انچاس رن بنا کر پاکستان ٹیم کو شاندار اوپننگ اسکور فراہم کرگئے۔

      سرفراز احمد نے ورلڈ کپ کے اپنے پہلے ہی میچ میں دھواں دھار اننگز کھیلی اور پروٹیز کو تگنی کا ناچ نچا دیا، ورلڈکپ دو ہزار پندرہ میں شاہینوں کا اب تک کا بہترین اوپننگ اسٹینڈ بھی فراہم کیا۔

    سرفراز اور احمد شہزاد کی جوڑی نے تیس رنز جوڑے۔

    سرفراز احمد نے جنوبی افریقی بالر ڈومنی کے ایک اوورمیں تین چھکے جڑ کرکے اٹھارہ رنز بٹورے، سرفراز احمد انچاس گیندوں پر اتنے ہی رنز بنا کر رن آؤٹ ہوئے۔