Tag: World cup 2015

  • ورلڈ کپ 2015: نیوزی لینڈ میں رنگا رنگ افتتاحی تقریب

    ورلڈ کپ 2015: نیوزی لینڈ میں رنگا رنگ افتتاحی تقریب

    کرائسٹ چرچ: کرکٹ کی دنیا کے سب سے بڑے ایونٹ ورلڈ کپ 2015 کی افتتاحی تقریب کا نیوزی لینڈ میں باقاعدہ آغاز ہوچکا ہے جبکہ آسٹریلیا میں کچھ دیر بعد تقریب کا آغاز ہوگا۔

    عالمی کپ کی افتتاحی تقریب میں لیجنڈ کرکٹرزسمیت اعلٰیٰ شخصیات شرکت کررہی ہیں۔

    تقریب میں بہترین ثقافتی رقص کا مظاہرہ کیا گیا جبکہ معروف گلوکار بھی اپنے سروں کاجادو جگا رہے ہیں۔

    تقریب میں کرائسٹ چرچ کی تاریخ کا سب سے بڑاآتش بازی کا مظاہرہ کیا جائے گا۔

    ورلڈ کپ میں کل 14 ممالک کی ٹیمیں حصہ لے رہی ہیں اورمجموعی طورپر49 میچزکھیلے جائیں گے۔

    Pool-A Pool---B

    افتتاحی تقریب میں ورلڈ کپ کی تاریخ پر روشنی ڈالی جائے گی، آسٹرلیا اورنیوزی لینڈ 23 سال بعد کرکٹ کے عالمی معرکے کی میزبانی کررہے ہیں۔

    ورلڈ کپ کا فائنل 29مارچ کومیلبورن میں ہوگا اور اے آر وائی نیوز اس سنسنی خیز ایونٹ کی لمحہ بہ لمحہ کوریج کے لئے لارہا ہے خصوصی شو ’ہرلمحہ پرجوش‘ جسکی میزبانی معروف کامیڈین عمر شریف کریں گے۔


    har-lamha-purjosh

    ورلڈ کپ 2015 میگا ایونٹ کا سب سے سنسنی خیز میچ ایونٹ کے دوسرے ہی دن سڈنی میں ہوگا جب پاکستان اورانڈیا ایک دوسرے کے مدمقابل ہوں گے۔

  • عالمی کپ کی افتتاحی تقریب،  آج آسٹریلیا اورنیوزی لینڈ میں ایک ساتھ

    عالمی کپ کی افتتاحی تقریب، آج آسٹریلیا اورنیوزی لینڈ میں ایک ساتھ

    آسٹریلیا: عالمی کپ کا آغاز ہونے جا رہا ہے، ایونٹ کی افتتاحی تقریب آج آسٹریلیا اورنیوزی لینڈ میں ایک ساتھ ہوں گی۔

    گیارہویں عالمی کپ کا جنون سر چڑھ کر بول رہا ہے، کرکٹ فیور نے شائقین کو اپنے سحر میں جکڑ لیا ہے، ورلڈ کپ کی افتتاحی تقریبات کی تیاریاں زور وشور سے جاری ہیں، آسٹریلیا اور نیوزی لینڈ میں الگ الگ تقریبات ہوں گی۔

    میگا ایونٹ کی رنگا رنگ اور دلفریب افتتاحی تقریب کرکٹ کے مداحوں کا لہو اور بھی گرم کردیں گی، کرکٹ کے کئی عظیم ہیرو اور فنکار دنیا بھر کے شائقین کی توجہ کا مرکز ہونگے۔

    افتتاحی تقریب میں ثقافت اور تہذیب کو عمدگی سے اجاگر کیا جائے گا، دلکش آتش بازی بھی ہوگی۔

    کرکٹ پر حکمرانی کی باقاعدہ جنگ چودہ فروری کو نیوزی لینڈ اور سری لنکا کے درمیان میچ سے شروع ہوگی۔

  • آئی سی سی نے ورلڈ کپ کوارٹرفائنلز کے وینیوز کا فیصلہ کرلیا

    آئی سی سی نے ورلڈ کپ کوارٹرفائنلز کے وینیوز کا فیصلہ کرلیا

    دبئی: آئی سی سی نے کرکٹ ورلڈ کپ کے کوارٹرفائنلز کے وینیوز کا فیصلہ کرلیا، کوارٹرفائنلز اٹھارہ سے اکیس مارچ تک ہوں گے۔

    آئی سی سی کے جاری کردہ اعلامیے کے مطابق گروپ اے کی ٹاپ ٹیم گروپ بی کے چوتھے نمبر کی ٹیم سے اٹھارہ مارچ کو سڈنی میں کوارٖٹرفائنل کھیلے گی، گروپ اے سے سری لنکا اور انگلینڈ کوالیفائی کرنے کی صورت میں بالترتیب اٹھارہ اور انیس مارچ کو اپنے کوارٖٹرفائنلز کھیل سکیں گے۔

    سری لنکا کوالیفائی نہ کرسکا تو گروپ اے کی دوسری ٹیم اٹھارہ مارچ کو کوارٹرفائنل کھیلے گی، آسٹریلیا آخری آٹھ ٹیموں میں جگہ بناتی ہے تو اس کا مقابلہ بیس مارچ کو ایڈیلیڈ میں ہوگا۔

    ایونٹ کی دوسری میزبان ٹیم نیوزی لینڈ کوارٹرفائنل تک رسائی کی صورت میں اکیس مارچ کو ویلنگٹن میں ایکشن میں دکھائی دے گی، گروپ بی سے کون سی ٹیم کب اور کہاں کھیلے گی یہ واضح نہیں کیا گیا ہے۔

  • ورلڈ کپ میں شرکت، قومی ٹیم کل نیوزی لینڈ روانہ ہوگی

    ورلڈ کپ میں شرکت، قومی ٹیم کل نیوزی لینڈ روانہ ہوگی

    لاہور: کیویز کے خلاف سیریز اور آئی سی سی کرکٹ ورلڈ کپ میں حصہ لینے کے لئے قومی ٹیم کل نیوزی لینڈ روانہ ہوگی۔

    قومی کرکٹرز منگل کو لاہور میں اکھٹے ہوں گے اور وہیں سے ٹیم ورلڈ کپ میں حصہ لینے کیلئے براستہ دبئی نیوزی لینڈ روانہ ہوگی، ورلڈ کپ سے قبل پاکستان کرکٹ ٹیم کیویز کے خلاف دو ون ڈے میچز کی سیریز کھیلے گی۔

    گرین شرٹس اکتیس اور تین فروری کو نیوزی لینڈ کے خلاف ایک روزہ میچز کھیلیں گے، چار فروری کو پاکستانی کرکٹرز سڈنی میں پڑاؤ ڈالیں گے۔

    قومی ٹیم نو اورگیارہ فروری کو سڈنی کرکٹ گراؤنڈ میں وارم اپ میچ کھیلے گی، پاکستان ایونٹ میں اپنی مہم جوئی کا آغاز پندرہ فروری کو روایتی حریف بھارت کے خلاف میچ سے کرے گا۔

    یاد رہے کہ پاکستان کرکٹ ٹیم نے آرمی پبلک اسکور کا دورہ کیا اور سانحہ پشاور کے لواحقین سے یکجہتی کا اظہار کیا، کھلاڑیوں نے اسپتال میں زخمی طلباء کی عیادت بھی کی، تمام بچوں نے ورلڈ کپ کے لئے دعائیں بھی دی۔

  • آسٹریلیا نے پاک بھارت میچ کیلئے ضابطہ اخلاق جاری کردیا

    آسٹریلیا نے پاک بھارت میچ کیلئے ضابطہ اخلاق جاری کردیا

    ایڈیلیڈ: آسٹریلیا نے پاکستان اور بھارت کے درمیان عالمی کپ کے میچ کیلئے ضابطہ اخلاق جاری کردیا۔

    آسٹریلین شہر ایڈیلیڈ میں پاکستان اور بھارت کے ہزاروں تماشائیوں کے جذبات کو کنٹرول کرنا حکام کیلئے درد سر بن گیا، شائقین کرکٹ کو کنٹرول کرنے کیلئے آسٹریلیا نے ایک ماہ قبل ہی پچاسی نکات پر مشتمل ضابطہ اخلاق جاری کردیا۔

     میگا ایونٹ میں روایتی حریف پندرہ فروری کو ایڈیلیڈ اوول کے میدان میں آمنے سامنے ہونگے، گراؤنڈ انتظامیہ نے پاک بھارت میچ کیلئے اضافی خفیہ کیمرے بھی نصب کردئیے گئے۔

     ایڈیلیڈ گراؤنڈ انتظامیہ نے تماشائیوں کو ہدایت کی ہے کہ ایسے پلے کارڈ گراؤنڈ میں نہ لائیں جس سے دونوں ٹیموں کے مذہبی جذبات مجروح ہوں۔

     ایڈیلیڈ حکام نے واضح الفاظ میں بتایا ہے کہ وہ کسی بھی وقت گراؤنڈ کے دروازے بند کرنے کا حق رکھتے ہیں خواہ تمام شائقین اندر داخل ہوئے ہوں یا نہیں، پاک بھارت میچ کے ٹکٹ کئی ماہ قبل ہی فروخت ہوچکے ہیں۔

  • آفریدی کی عمران خان کو شادی کی مبارک باد

    آفریدی کی عمران خان کو شادی کی مبارک باد

    اسلام آباد: شاہد خان آفریدی نے عمران خان سے ان کی رہائشگاہ پر ملاقات میں شادی کی مبارک باد دی۔

    پاکستان کرکٹ ٹیم کے مایہ ناز آل راؤنڈر شاہد خان آفریدی نے اسلام آباد بنی گالہ میں تحریک انصاف کے کپتان عمران خان سے ملاقات کی۔

    ملاقات میں شاہد خان آفریدی نے عمران خان کو شادی کی مبارکباد دیتے ہوئے اپنی خوشی کا اظہار بھی کیا اور کپتان کو دعا دیتے ہوئے کہا کہ امید ہے شادی ان کی زندگی میں بہتر تبدیلی لائے گی۔

    اس موقع پرعمران خان نے شاہد آفریدی کی تواضع قہوہ اورمٹھائی سے کی۔

    اس موقع پردونوں شخصیات نے آئندہ ماہ ہونے والے ورلڈ کپ 2015 کے حوالے سے تبادلۂ خیال کیا ، کپتان نے آفریدی کو قیمتی مشوروں سے بھی نوازا۔

    پی ٹی آئی کے چیئرمین نے میگا ایونٹ کے لئے شاہد آفریدی اور پاکستانی ٹیم کے لئے اپنی نیک خواہشات کا اظہار بھی کیا۔

  • ورلڈ کپ 1992 اور 2015 کے درمیان حیرت انگیزمشابہت

    ورلڈ کپ 1992 اور 2015 کے درمیان حیرت انگیزمشابہت

    آج سے ٹھیک 37 دن بعد کرکٹ میں عالمی جنگ کا آغاز ہونے جارہا ہے، ورلڈ کپ کی تاریخ ایک مرتبہ پھر دہرائی جارہی ہے اور 2015 0کے ورلڈ کپ میں بعض ایسی حقیقتیں سامنے آئیں گی جو 1992 میں دکھائی دی تھیں، آنے والے ورلڈ کپ کی 1992 کے ورلڈ کپ کے ساتھ اتنی حیرت انگیز مماثلت پاکستانی ٹیم کی فتح کی طرف اشارہ ہے۔

    ورلڈکپ 1992 میں پاکستان کے وزیرِاعظم  نواز شریف تھے اور آج جب 2015میں ورلڈکپ ہونے جارہا ہے جب بھی  یہ عہدہ میاں نواز شریف کے پاس ہے۔

    کرکٹ تاریخ میں پہلی مرتبہ پاکستان نے 1992 میں عمران خان کی قیادت میں ورلڈ کپ اپنے نام کیا، جن کا تعلق میانوالی کے نیازی خاندان سے ہے اور ایک مرتبہ پھر 2015 ورلڈ کپ میں قومی ٹیم کی قیادت کرنے والے کپتان مصباح الحق کا تعلق میانوالی کے ہی نیازی خاندان سے ہے۔

    ورلڈ کپ 1992 میں آلروانڈر اعجازاحمد تھے جبکہ ورلڈکپ  2015میں آلروانڈر کے طور پر حارث سہیل ٹیم کا حصہ ہیں۔

    ورلڈ کپ 1992 میں عامر سہیل بطور اوپنر تھے جو کہ ساتھ ساتھ باﺅلنگ بھی کر سکتے تھے ایک مرتبہ پھر 2015ورلڈکپ میں محمد حفیظ شامل ہیں، جو اوپنگ کے ساتھ ساتھ باؤلنگ بھی کراسکتے ہیں لیکن پابندی کی وجہ سے اس ورلڈ کپ میں وہ باﺅلنگ نہیں کراسکیں گے۔

    ورلڈ کپ 1992 میں لیگ اسپنر مشتاق احمد ٹیم کا حصہ تھے جبکہ ورلڈکپ 2015میں لیگ اسپنر کے فرائض شاہد آفریدی کے سپرد ہیں۔

    ورلڈ کپ 1992 میں  مڈل آرڈر بیٹسمین انضمام الحق تھے جس کا تعلق ملتان سے ہے اور ایک مرتبہ پھر  2015 ورلڈ کپ میں سہیب مقصود مڈل آرڈر بیٹسمین ہے، جن کا تعلق بھی ملتان سے ہے۔

    تاریخی ورلڈ کپ 1992 میں ایگریسو مڈل آرڈر بیٹسمین کے طور پر سلیم ملک تھے، جن کا تعلق لاہور سے تھا،  ایک مرتبہ پھر ورلڈکپ 2015 میں ایگریسو مڈل آرڈر بیٹسمین عمر اکمل ٹیم کا حصہ ہیں، جن کا تعلق بھی لاہور سے ہے۔

    ورلڈ کپ 1992 میں اوپنگ بیٹسمین رمیز راجہ تھے جس کا تعلق لاہور سے تھا، ایک مرتبہ پھر 2015ورلڈکپ میں احمد شہزاد ٹیم کا حصہ ہیں، جن کا تعلق بھی لاہور سے ہے۔

    ورلڈ کپ 1992 میں کراچی سے تعلق رکھنے والے معین خان بطور وکٹ کیپر تھے، اس دفعہ ورلڈ کپ 2015 میں سرفراز احمد وکٹ کیپر ہیں، جن کا تعلق بھی کراچی سے ہے۔

    ورلڈ کپ 1992 میں ایکسپیرینس مڈل آرڈر بیٹسمین جاوید میانداد تھے، جن کا تعلق کراچی سے ہے، ایک مرتبہ پھر ورلڈکپ 2015 میں یونس خان مڈل آرڈر بیٹسمین  کے طور پر کھیلیں گے،جن کا تعلق بھی کراچی سے ہے۔

    ورلڈکپ 1992 میں فاسٹ باﺅلر وسیم اکرم تھے جو بائیں ہاتھ سے باﺅلنگ کراتے تھے، ایک مرتبہ پھر 2015ورلڈکپ میں محمد عرفان فاسٹ باﺅلر کے طور پر ٹیم میں شامل ہیں، محمد عرفان وسیم اکرم کی طرح باﺅلنگ کرائیں گے۔

  • ورلڈ کپ میں بھارت کے خلاف پہلا میچ بہت اہم ہے، حارث سہیل

    ورلڈ کپ میں بھارت کے خلاف پہلا میچ بہت اہم ہے، حارث سہیل

    کراچی: پاکستان کرکٹ ٹیم کے آل رائونڈر حارث سہیل نے کہا ہے کہ ورلڈ کپ کے لئے اپنے آپ سے وابستہ توقعات پوری کرنے کے لئے سخت محنت کر رہاہوں بھارت کے خلاف پہلا میچ اہم ہوگا۔

    نیشنل اسٹیڈیم کراچی میں میڈیا سے گفتگو کرتے ہوئے آل راؤنڈر حارث سہیل نے کہا کہ یو اے ای میں نیوزی لینڈ کے خلاف کارکردگی بہتر بنانے کی کوشش کی ہے، میگا ایونٹ کے لئے اب پہلے سے زیادہ محنت کرہا ہوں۔

    حارث سہیل نے کہا کہ وہ قومی ٹیم میں کسی بھی نمبر پر کھیلنے کیلئے تیار ہیں ،بطور بیٹسمین کبھی یہ نہیں سوچا کہ اوپر کے نمبروں پر ہی کھیلنا ہے، آل راؤنڈر کا کہنا تھاکہ ورلڈ کپ میں بھارت کے خلاف میچ کافی اہم ہے، کوشش ہوگی نہ صرف اچھا پرفارم کروں بلکہ میچ کو فنش بھی کروں ۔

  • فٹ ہوں، ہر فارمیٹ کھیلنا چاہتا ہوں، عمر گل

    فٹ ہوں، ہر فارمیٹ کھیلنا چاہتا ہوں، عمر گل

    کراچی: پاکستان کے مایہ ناز فاسٹ بولر عمر گل نے کہا ہے کہ وہ تمام فٹنس ٹیسٹ دے چکے ہیں اور ورلڈ کپ کے لئے انکا انتخاب سلیکٹرز پر منحصر ہے ۔

    نیشنل اسٹیڈیم میں میڈیا سے بات کرتے ہوئے عمر گل نے کہا کہ وہ نیشنل کرکٹ اکیڈمی میں تمام ٹیسٹ کلیئر کر چکے ہیں اور ورلڈ کپ کے لئے انکا انتخاب سلیکٹرز پر ہے،نو ماہ کرکٹ سے دور رہنے کے بعد دسمبر میں نیوزی لینڈ کے خلاف ایک ہی میچ کھیلے سکے اور پھر ان فٹ ہوگئے۔

    \عمر گل کا کہنا تھا کہ وہ ابھی تمام فارمیٹس کھیلنا چاہتے ہیں، وہ یارکرز پر توجہ دے رہے ہیں۔ ساتٹ پینٹینگلورٹورنامنٹ میں عمر گل کی فٹنس کا امتحان ہے۔

  • ورلڈ کپ کھیلنا چاھتا ھوں لیکن ضمانت کے ساتھ، شعیب ملک

    ورلڈ کپ کھیلنا چاھتا ھوں لیکن ضمانت کے ساتھ، شعیب ملک

    لاہور: سابق کپتان شعیب ملک نے کہا ہے کہ وہ آئندہ سال ورلڈ کپ میں کھیلنا چاہتے ھیں لیکن انہیں ضمانت چاہیئے کہ انہیں کتنے میچز اور کس طرح کھلایا جائے گا۔

    پاکستانی کرکٹر شعیب ملک اپنے دو سو سولہ ون ڈے کیریئر کا آخری میچ ڈیڑھ سال قبل کھیلے تھے، ورلڈ کپ سے پہلے وہ ایک بار پھر پاکستان کی نمائندگی کے خواہاں ہیں اور اسکے لئے آسٹریلیا کی بگ بیش بھی چھوڑنے کو تیار ہیں۔

    شعیب ملک کا ماننا ہے کہ وہ دو ہزار پندرہ کے عالمی کپ کے بعد بھی پاکستان کرکٹ اور نوجوان کرکٹرز کی مدد کرسکتے ہیں۔

    شعیب ملک  کا کہنا ہے کہ پاکستان ٹیم سعید اجمل اور محمد حفیظ کے ایکشن کے مسائل کی وجہ سے مسائل کا شکار ہے اور بیٹنگ بھی غیر معمولی نہیں۔

    شعیب ملک ورلڈ کپ کھیل سکیں گے یا نہیں اسکا فیصلہ سات جنوری کو ہوگا جب سلیکٹرز حتمی پندرہ رکنی ٹیم کا اعلان کریں گے۔