ARYNews.tv | Urdu – Har Lamha Bakhabar

Tag: world cup 2019

  • ورلڈ کپ 2019: بھارت انگلینڈ سے جان بوجھ کر ہارا؟ انگلش کھلاڑی نے بھانڈا پھوڑ دیا

    ورلڈ کپ 2019: بھارت انگلینڈ سے جان بوجھ کر ہارا؟ انگلش کھلاڑی نے بھانڈا پھوڑ دیا

    لندن: ورلڈ کپ 2019 میں بھارت انگلینڈ سے جان بوجھ کر ہارا تھا، انگلش کھلاڑی نے اپنی کتاب ’آن فائر‘ میں بھانڈا پھوڑ دیا۔

    تفصیلات کے مطابق ورلڈ کپ 2019 میں بھارت کے انگلینڈ سے جان بوجھ کر ہارنے کا بھانڈا پھوٹ گیا، انگلش آل راؤنڈر بین اسٹوکس نے اپنی نئی کتاب ’آن فائر‘ میں بھارتی کرکٹ ٹیم کو بے نقاب کردیا۔

    بین اسٹوکس نے اپنی کتاب میں مزید انکشافات کیے ہیں جس کے مطابق دھونی نے ہدف کے تعاقب کی کوشش ہی نہیں کی تھی، کیدار یادو اور دھونی کی پارٹنر شپ پر اسرار تھی۔

    انگلش آل راؤنڈر نے کہا کہ مہندر سنگھ دھونی کی ساری توجہ سنگل لینے پر رہی وہ بڑی ہٹ مار کر میچ کا پانسہ پلٹ سکتے تھے، میچ ہار کر بھارت نے جان بوجھ کر پاکستان کو نقصان پہنچایا۔

    واضح رہے کہ 338 رنز کے تعاقب میں بھارتی ٹیم صرف پانچ وکٹوں پر 306 رنز بناسکی تھی، انگلینڈ کے بولر کرس ووکس اور جوفرا آرچر نے بھارتی بلے بازوں کو رنز بنانے سے روکے رکھا تھا لیکن روہت شرما اور ویرات کوہلی کے درمیان عمدہ 138 رنز کی شراکت داری قائم ہوئی تھی۔

    بھارتی بلے باز کے ایل راہول کی وکٹ 38ویں اوورز میں گری تھی جس کے بعد روہت شرما، ویرات کوہلی اور ہاردیک پانڈیا نے مبینہ طور پر رنز کی رفتار کو سست کیا اور بھارت پاکستان کو ورلڈ کپ سے باہر کرنے کے چکر میں جان بوجھ کر میچ ہار گیا۔

  • ورلڈ‌ کپ میں‌ غیر اطمینان بخش کارکردگی، پی سی بی حرکت میں آگئی، ٹیم کا پوسٹ مارٹم شروع

    ورلڈ‌ کپ میں‌ غیر اطمینان بخش کارکردگی، پی سی بی حرکت میں آگئی، ٹیم کا پوسٹ مارٹم شروع

    لاہور: ورلڈ کپ 2019 میں پاکستان کی اوسط درجے کی کارکردگی پر بورڈ حرکت میں آگیا، ٹیم پرفارمینس کا پوسٹ مارٹم شروع ہوگیا.

    تفصیلات کے مطابق قومی ٹیم کی غیر اطمینان بخش کارکردگی اور مستقبل کی منصوبہ بندی کے  لیے پی سی بی نے اجلاس بلا لیا.

    پی سی بی ذرائع کے مطابق یہ اہم جلاس 27 سے29 جولائی کےدرمیان ہوگا، ہیڈ کوچ مکی آرتھر27 جولائی کو پاکستان پہنچیں گے اور ٹیم رپورٹ جمع کرائیں گے. اس موقع پر مکی آرتھر ٹیم کی کارکردگی اور مستقبل کی پلاننگ پر بھی بریفنگ دیں گے.

    ذرائع کا کہنا ہے کہ مصباح الحق کی دستیابی پر اجلاس کی حتمی تاریخ کا اعلان ہوگا، پی سی بی کمیٹی اپنی تجاویز چئیرمین پی سی بی کو بھجوائے گی.

    توقع کی جارہی ہے کہ اجلاس کے بعد نئے کوچنگ اسٹاف کے لئے اشتہار دیا جائے گا. البتہ  مکی آرتھر کے  معاہدے میں توسیع کی بھی بازگشت ہے۔

    مزید پڑھیں: پی سی بی کی سری لنکن بورڈ کو سیکیورٹی وفد پاکستان بھیجنے کی دعوت

    واضح رہے کہ پاکستان کی ورلڈ کپ 2019 کے ابتدائی میچز میں کارکردگی مایوس کن رہی، البتہ انڈیا سے شکست کے بعد پاکستان نےشان دار کم بیک کیا.

    پاکستان نے لگاتار چار میچ جیت کر گیارہ پوائنٹ حاصل کیے، البتہ نیوزی لینڈ کے بہتر رن ریٹ کی وجہ سے پاکستان ٹورنامینٹ سے آؤٹ ہوگیا. بعد ازاں نیوزی لینڈ نے فائنل تک رسائی حاصل کی .

  • کیا ورلڈ کپ کا فاتح نیوزی لینڈ ہوگا؟ بھارتی نجومی کی حیران کن پیش گوئی

    کیا ورلڈ کپ کا فاتح نیوزی لینڈ ہوگا؟ بھارتی نجومی کی حیران کن پیش گوئی

    دہلی: بھارتی نجومی کی کرکٹ ورلڈ کپ سے متعلق پیش گوئیوں نے سب کو ورطہ حیرت میں ڈال دیا.

    تفصیلات کے مطابق بھارتی ماہر نجوم بالاجی ہاسن کی ورلڈکپ 2019 سے متعلق اب تک تمام پیش گوئیاں درست ثابت ہوئی ہیں.، توقع کی جاری ہے کہ فائنل بھی وہی ٹیم جیتے گی، جس کا بالاجی ہاسن نے دعویٰ کیا تھا.

    نوجوان ماہر نجوم نے سات ماہ پہلے پیش گوئی کی تھی کہ فائنل انگلینڈ اورنیوزی لینڈ کھیلیں گے. یہ پیش گوئی لفظ بہ لفظ درست ثابت ہوئی.

    بالاجی ہاسن نے اب پیش گوئی ہے کہ اس بار نیوزی لینڈ نیا چیمپئن بننے گا اور کین ولیم سن ٹورنامنٹ کے بہترین کھلاڑی ٹھہرائیں گے.

    اب دیکھنا یہ ہے کہ مختلف میچز سے متعلق درست پیش گوئی کرنے والے بالاجی ہاسن کی یہ پیش گوئی درست ثابت ہوتی ہے یا نہیں.

    مزید پڑھیں: ورلڈ کپ میں شکست، بھارٹی ٹیم میں‌ دراڑ پڑ گئی، ویرات اور روہت شرما گروپ سامنے آگئے

    خیال رہے کہ ورلڈ‌کپ 2019 کی پہلے سیمی فائنل میں نیوزی لینڈ کے ہاتھوں بھارت کو شکست ہوئی تھی.

    پہلے کانٹے دار سیمی فائنل کے برعکس دوسرے فائنل میں مقابلہ یک طرفہ رہا، انگلینڈ نے بہ آسانی آسٹریلیا کو شکست دے دی.

    ورلڈ کپ 2019 کا فائنل 14 جولائی کو انگلینڈ اور نیوزی لینڈ کے کے درمیان کھیلا جائے گا.

  • ورلڈ کپ میں شکست، بھارٹی ٹیم میں‌ دراڑ پڑ گئی، ویرات اور روہت شرما گروپ سامنے آگئے

    ورلڈ کپ میں شکست، بھارٹی ٹیم میں‌ دراڑ پڑ گئی، ویرات اور روہت شرما گروپ سامنے آگئے

    لندن: ورلڈ کپ 2019 میں‌ نیوزی لینڈ کے ہاتھوں شکست بھارت کے لیے بڑا صدمہ ثابت ہوئی، ٹیم میں‌دراڑ پڑ گئی.

    تفصیلات کے مطابق سیمی فائنل میں نیوزی لینڈ سے شکست کے بعد یہ خبر گردش کر رہی ہے کہ بھارتی ٹیم ویرات کوہلی اور روہت شرما گروپ میں‌ بٹ گئی ہے.

    موصولہ اطلاعات کے مطابق چند کھلاڑی ویرات ہی کو کپتان دیکھنے کے خواہش مند ہیں، البتہ چند کی جانب سے تبدیلی کا مطالبہ سامنے آگیا ہے.

    خیال رہے کہ بھارتی کوچ روی شاستری کو بھی عہدے سے ہٹانے کا مطالبہ کیا جارہا ہے. اس ضمن میں سابق کپتان گنگولی کا نام لیا جارہا ہے۔

    واضح رہے کہ سیمی فائنل میں کیویز نے بھارت کے خلاف تاریخی کامیابی حاصل کی، دو ونوں پر محیط اس میچ میں بھارتی بلے بازوں‌ کو ایک نہ چلی اور نیوزی لینڈ چھوٹے ٹارگٹ کا دفاع کرنے میں‌ کامیاب رہی.

    دل چسپ امر یہ ہے کہ کپتان اور کوچ پر ہونے والی تنقید بھارتی ٹیم کو درپیش اکلوتا مسئلہ نہیں۔ پہلا سیمی فائنل کھیلنے والی ٹیم ٹورنامینٹ سے باہر ہونے کے باوجود اب تک گھر نہیں‌ لوٹ سکی.

    مزید پڑھیں: ورلڈ کپ: انگلینڈ فائنل میں پہنچ گیا، دفاعی چیمپئن آسٹریلیا کو 8 وکٹوں سے شکست

    بھارتی میڈیا کے مطابق بھارتی ٹیم ٹکٹ نہ ملنے کی وجہ سےفائنل تک مانچسٹر میں رکے گی، ٹیم کے لاجسٹک مینجر کھلاڑیوں کے لیے ٹکٹس کا انتظام نہ کرسکے.

    بھارتی ٹیم نے ٹیم ہوٹل چھوڑدیا لیکن کھلاڑی مانچسٹر میں ہی ہیں، فائنل کے بعد چند کھلاڑی بھارت جائیں گے.

  • ورلڈ کپ فائنل کے لئے امپائرز اور آفیشلز کا اعلان، علیم ڈار بھی پینل میں شامل

    ورلڈ کپ فائنل کے لئے امپائرز اور آفیشلز کا اعلان، علیم ڈار بھی پینل میں شامل

    دبئی: انٹرنیشنل کرکٹ کونسل نے کرکٹ ورلڈ کپ کے فائنل کے لئے امپائرز اور آفیشلز کا اعلان کر دیا، سری لنکا، جنوبی افریقہ، پاکستان اور آسٹریلیا سے تعلق رکھنے والے امپائرز اپنے فرائض انجام دیں گے۔

    تفصیلات کے مطابق انٹرنیشنل کرکٹ کونسل (آئی سی سی) نے ورلڈ کپ2019کے فائنل میچ کے لئے امپائرز اور آفیشلز کا اعلان کردیا ہے۔

    آئی سی سی اعلامیہ کے مطابق سری لنکا کے کمار دھرما سینا اور جنوبی افریقہ کے مارئس ایرسمس ان فیلڈ امپائر ہوں گے۔ اس کے علاوہ آسٹریلیا کے روڈٹکرتیسرے امپائراور پاکستان کے علیم ڈار چوتھے امپائر کے فرائض انجام دیں گے۔

    آئی سی سی کی جانب سے سری لنکا کے رنجن مدوگالے کو میچ ریفری مقرر کیا گیا ہے۔ یاد رہے کہ  آئی سی سی ورلڈ کپ2019کا فائنل چودہ جولائی کولارڈز میں نیوزی لینڈ اور انگلینڈ کی ٹیموں کے درمیان کھیلا جائے گا۔

    یاد رہے کہ اس سے قبل ورلڈ کپ کے دوسرے سیمی فائنل میں سری لنکا کے ” کمار دھرما سینا “ اور جنوبی افریقا کے ’’ ماریس ایراسمس میچ کے امپائر فیلڈ تھے جبکہ تھرڈ ایمپائر نیوزی لینڈ کے ” کرس گیفینی “ اور فورتھ آفیشل کے فرائض علیم ڈار نے انجام دیئے تھے اور میچ ریفری سری لنکا کے راجن تھے۔

  • ورلڈ کپ میں بھارت کی شرمناک شکست پر پاکستانیوں اور کشمیریوں کا اظہار مسرت

    ورلڈ کپ میں بھارت کی شرمناک شکست پر پاکستانیوں اور کشمیریوں کا اظہار مسرت

    اسلام آباد : بھارت کی شرمناک شکست پر پاکستان سمیت مقبوضہ کشمیر میں بھی لوگوں نے مسرت کا اظہار کیا، فواد چوہدری نے بھی نیوزی لینڈ کو پاکستان کی نئی محبت قرار دے دیا۔

    تفصیلات کے مطابق بھارت کے ورلڈ کپ کی دوڑ سے باہر ہونے پر پاکستانی شائقین کرکٹ خوشیاں منا رہے ہیں جبکہ مقبوضہ کشمیر میں بھی بھارت کی ہار پر جشن منایا جا رہا ہے، کشمیری نوجوان بھارت کے ہارنے کے بعد سڑکوں پر نکل آئے اور پٹاخے پھوڑ کر اور نعرے لگا کر خوشیاں منائیں۔

    دوسری جانب پاکستان میں بھی لوگ بھارت کی ورلڈ کپ سے چھٹی ہونے پر مسرت کا اظہارت کررہے ہیں سوشل میڈیا پر اس حوالے سے نت نئے انداز میں تبصرے کیے جارہے ہیں، پاکستانیوں کی جانب سے اس جشن کی وجہ صاف ظاہر ہے کہ انڈیا نے جان بوجھ کر انگلینڈ سے آسان میچ ہار کر پاکستان کو سیمی فائنل کی دوڑ سے باہر کیا تھا۔

    وفاقی وزیر سائنس اینڈ ٹیکنالوجی فواد چوہدری نے مائیکرو بلاگنگ ویب سائٹ پر اپنے ٹوئٹ میں لکھا کہ’’پاکستان کی نئی محبت، نیوزی لینڈ‘‘۔فواد چوہدری کے اس ٹویٹ نے بھارتیوں کو آگ لگا دی ہے اور وہ انہیں کڑوی کسیلی سنانے میں مصروف ہیں۔

    اس کے علاوہ پاکستانی اداکار اور جیتو پاکستان کے میزبان فہد مصطفیٰ نے اپنے ٹوئٹر پیغام میں بھارت کی نیوزی لینڈ کے ہاتھوں شکست پر اللہ کا شکر ادا کیا اور کہا کہ آفیشل طور پر میرے لیے آج ورلڈ کپ ختم ہوگیا ہے۔

  • ورلڈ کپ 2019 کا پہلا سیمی فائنل آج بھارت اور نیوزی لینڈ کے درمیان ہوگا

    ورلڈ کپ 2019 کا پہلا سیمی فائنل آج بھارت اور نیوزی لینڈ کے درمیان ہوگا

    مانچسٹر : کرکٹ کے عالمی کپ 2019 کا پہلا سیمی فائنل آج سابق دفاعی چیمپئن بھارت اور نیوزی لینڈ کی ٹیموں کے درمیان مانچسٹر کے ٹرائی فورڈ اسٹیڈیم میں کھیلا جائے گا۔

    بھارتی ٹیم مسلسل تیسری بارعالمی کپ کےسیمی فائنل میں پہنچی ہے۔ نیوزی لینڈ بھی لگا تار دوسرا سیمی فائنل کھیلے گا۔ نیوزی لینڈ اور بھارت کے درمیان پہلا سیمی فائنل پاکستانی وقت کے مطابق ڈھائی بجے شروع ہوگا۔

    دنیائے کرکٹ پر حکمرانی کی جنگ میں شامل چارٹیمیں ٹرافی حاصل کرنے کی تگ ودو میں مصروف ہیں، ورلڈ کپ دوہزار انیس کا پہلا سیمی فائنل آج بروز منگل ہونے جارہا ہے، مانچسٹر کے میدان میں نیوزی لینڈ اور بھارت آمنے سامنے ہوں گے۔ ورلڈکپ کا دوسرا سیمی فائنل آسٹریلیا اور میزبان ٹیم انگلینڈ کے درمیان گیارہ جولائی کو کھیلا جائے گا۔

    یاد رہے کہ پوائنٹس ٹیبل پر بھارت پہلے، آسٹریلیا دوسرے، نیوزی لینڈ تیسرے اور انگلینڈ کی ٹیم چوتھے نمبر پر ہے، آئی سی سی کے قانون کے تحت پہلا سیمی فائنل اول اور چوتھی پوزیشن والی ٹیموں کے درمیان کھیلا جائے گا۔

    نیوزی لینڈ کی ٹیم ولیمسن جبکہ بھارتی کھلاڑی ویرات کوہلی کی زیر قیادت میدان میں اتریں گے اور دونوں ٹیمیں فائنل میں پہنچنے کیلئے بھرپور کوشش کریں گی۔

    دلچسپ بات یہ ہے کہ دونوں ٹیمیں ان ہی قائدین کے ساتھ گیارہ سال قبل انڈر 19 کا فائنل کھیل ملائیشیا میں کھیل چکی ہیں۔ دونوں کپتانوں کی ایک پرانی تصویر بھی سوشل میڈیا پر وائرل ہورہی ہے۔

  • فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    فلائٹ بک ہے، اگر معجزہ ہوگیا، تو ٹکٹس آگے بڑھ جائیں گے: سرفراز احمد

    لندن: قومی کرکٹ ٹیم کے کپتان سرفراز  احمد نے کہا ہے کہ ہماری ہفتے کی واپسی کے ٹکٹس بک ہیں.

    ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ اگر معجزہ ہوگیا تو ٹکٹس آگے بڑھ جائیں گے.

    سرفراز احمد نے کہا کہ بنگلادیش سے پانچ جولائی (بہ روز جمعہ) کو ہونے والے میچ کے بعد ان کی واپسی کی فلائٹ اگلے روز کے لیے بک ہے.

    قومی ٹیم کے کپتان نے کہا کہ آسٹریلیا سے میچ ٹرننگ پوائنٹ تھا، اس میں شکست سے پاکستانی ٹیم کو نقصان ہوا.

    سرفراز احمد نے کہا کہ بنگلا دیش کےخلاف ہمیں بڑا اسکور بنانا ہے، بدقسمتی سے دیگر ٹیموں کے مقابلے میں ہمارا ٹاپ آرڈر ناکام رہا.

    خیال رہے کہ انگلینڈ کی انڈیا اور نیوزی لینڈ کے خلاف فتوحات نے پاکستان کے لیے سیمی فائنل میں‌رسائی کو لب بھگ ناممکن بنا دیا ہے.

    مزید پڑھیں: دوسروں کے میچز پرفوکس نہیں، توجہ اپنے میچ پر مرکوز ہے: سرفراز احمد

    تجزیہ کاروں کے مطابق پاکستان کو فائنل میں‌ رسائی کے لیے بنگلا دیش کو 316 رنز کے بڑے مارجن سے شکست دینی ہوگی.

    خیال رہے کہ بھارت سے شکست کے بعد پاکستانی ٹیم نے شان دار کم بیک کیا اور جنوبی افریقا، نیوزی لینڈ اور افغانستان کو شکست دے.

    کل پاکستان کا مقابلہ بنگلادیش سے ہے. شائقین کانٹے دار مقابلے کی توقع کر رہے ہیں.

  • لیڈز: ٹیم کی شکست دیکھ کر افغان تماشائی بپھر گئے، پاکستانی فینز پر حملہ

    لیڈز: ٹیم کی شکست دیکھ کر افغان تماشائی بپھر گئے، پاکستانی فینز پر حملہ

    لیڈز: پاکستان اور افغانستان کی ٹیموں کے مابین لیڈز اسٹیڈیم میں کھیلے گئے آج کے میچ میں اپنی ٹیم کی شکست دیکھ کر افغان تماشائی ایک بار پھر بپھر گئے اور پاکستانی فینز پر حملہ آور ہو گئے۔

    تفصیلات کے مطابق ورلڈ کپ کے 36 ویں میچ میں پاکستان ٹیم کے ہاتھوں اپنی ٹیم کو منہ کی کھاتی دیکھ کر افغان تماشائی آپے سے باہر ہو گئے، افغان تماشائیوں نے اسٹیڈیم میں موجود پاکستانی پرستاروں پر حملہ کیا اور بوتلیں ماریں۔

    پاکستان نے عماد وسیم کی شان دار بیٹنگ کی بدولت آج سنسنی خیز مقابلے کے بعد افغانستان کو 3 وکٹوں سے شکست دے دی ہے۔

    میچ میں شکست کے بعد افغان تماشائیوں کی ہلڑ بازی پر پولیس نے کئی افغانوں کو پہلے بھی گراؤنڈ سے نکالا تھا، آئی سی سی نے بھی افغان تماشائیوں کی غنڈہ گردی کا نوٹس لیا۔

    یہ بھی پڑھیں:  ورلڈ کپ 2019: عماد وسیم کی شاندار بیٹنگ، پاکستان نے افغانستان کو شکست دے دی

    اس سے قبل بھی لیڈز گراؤنڈ کے باہر افغان شایقین اپنی ٹیم کی پے در پے گرتی وکٹوں پر آپے سے باہر ہو کر ایک پاکستانی پر حملہ آور ہوئے تھے اور اسے تشدد کا نشانہ بنایا تھا۔

    خیال رہے کہ آج کے میچ میں افغانستان کی جانب سے دیا گیا 228 رنز کا ہدف پاکستان ٹیم نے آخری اوور میں 7 وکٹوں کے نقصان پر پورا کیا، عماد وسیم اور وہاب ریاض نے شدید دباؤ میں بھی ذمہ دارانہ بیٹنگ کی، فتح کے بعد پاکستان پوائنٹس ٹیبل پر چوتھی پوزیشن پر آ گیا ہے، جب کہ سیمی فائنل تک رسائی کے لیے قومی ٹیم کو اس میچ میں فتح حاصل کرنا لازمی تھی۔

  • ورلڈ کپ 2019، پاک افغان میچ کون جیتے گا؟ وزیر خارجہ کا دل چسپ تبصرہ

    ورلڈ کپ 2019، پاک افغان میچ کون جیتے گا؟ وزیر خارجہ کا دل چسپ تبصرہ

    اسلام آباد: پاکستانی وزیر خارجہ شاہ محمود قریشی کا ورلڈ‌ کپ 2019 میں پاکستان اور افغانستان کے میچ پر دل چسپ تبصرہ سامنے آگیا.

    تفصیلات کے مطابق افغان صدر اشرف غنی کی پاکستان آمد کے تناظر میں جب شاہ محمود قریشی سے پاک افغان میچ سے  متعلق سوال کیا گیا، تو انھوں نے کہا کہ پاکستان اور افغانستان کا میچ بڑا دلچسپ ہوگا.

    وزیرخارجہ شاہ محمود قریشی نے کہا کہ افغان کھلاڑیوں نے پاکستان کے کیمپوں میں کرکٹ سیکھی، افغانستان کوپاکستان نے کرکٹ سے آشنا کیا.

    شاہ محمود قریشی نے امید ظاہر کی کہ میچ اسی ماحول میں ہوگا جیسے پاک افغان قیادت میں گفتگو ہوئی.

    انھوں نے کہا کہ میری دعا ہے کہ پاکستان افغانستان سے میچ جیتے، پاکستان نے ورلڈکپ میں دیرسے فتوحات کی شروعات کی، پاکستان نے ناقابل شکست نیوزی لینڈ کو ہرایا ہے.

    مزید پڑھیں: وزیرا عظم عمران خان اور افغان صدراشرف غنی کی ون آن ون ملاقات

    وزیرخارجہ شاہ محمود قریشی نے کہا کہ قوم چاہتی ہے کہ قومی ٹیم باقی دونوں میچز جیتے، پاکستان کے سیمی فائنل میں پہنچنےکےامکانات روشن ہیں.

    خیال رہے کہ پاکستان 29 جون کو افغانستان سے اہم میچ کھیلے گا. پاکستان کو سیمی فائنل میں کوالیفائی کرنے کے لیے افغانستان اور بنگلا دیش کو شکست دینی ہوگی، ساتھ ہی پاکستان کے سیمی میں‌پہنچنے کا انحصار دیگر ٹیموں کی کارکردگی پر بھی ہوگا.