Tag: world cup 2023

پاکستان کے سابق اسپیڈاسٹار شعیب اختر نے قومی ٹیم کے بھارت میں پرُتپاک استقبال پر خوشی کا اظہار کیا ہے۔

قومی کرکٹ ٹیم ورلڈ کپ کھیلنے کے لئے بھارت کے شہر حیدرآباد دکن پہنچی تو ایئر پورٹ پر موجود بھارتی شہری قومی کپتان بابر اعظم کی ایک جھلک دیکھنے کے لئے بے تاب دکھائی دیئے

اس موقع پر سیکورٹی کے سخت اقدامات دیکھنے میں آئے، سیکورٹی اداروں کی 20زائد گاڑیاں ایئرپورٹ پر موجود تھیں، اس موقع پر قومی ٹیم کو بھرپور پروٹوکول دیا گیا۔

قومی کرکٹ ٹیم کے ایئرپورٹ پہنچتے ہی وہاں پر موجود شائقین کرکٹ اور حکام کی جانب سے بھرپور استقبال کیا گیا۔

https://urdu.arynews.tv/video-indian-fans-warm-welcome-to-babar-azam-team-pakistan-airport-to-hotel-journey/

قومی کرکٹ ٹیم کے کپتان بابر اعظم کو دیکھ کر ائیرپورٹ پر موجود بھارتی شہری اور پاپارازی(فوٹوگرافر ز) بابر بھائی، بابر بھائی کے نعرے لگانا شروع ہوگئے۔ قومی کپتان نے انہیں نظر انداز نہیں بلکہ انہیں دیکھ کر مسکرا دیئے اور ہاتھ ہلا دیا۔

https://x.com/shoaib100mph/status/1707384445710286848?s=20

قومی ٹیم کی بھارت آمد کی ویڈیوز سوشل میڈیا پر چھا گئیں۔ ان مناظر کو دیکھ کر شعیب اختر نے اپنے خیالات کا اظہار کرتے ہوئے کہا کہ پاکستان کرکٹ ٹیم کے بھارت میں استقبال دیکھ کر خوشی ہوئی یہ کھیلوں کی خوبصورتی ہے۔

اپنے بیان میں شعیب اختر نے کہا کہ اس سے ہمیں اندازہ ہوتا ہے کہ ہم سب ایک دہائی یا اس سے زیادہ عرصے سے کیا کھو رہے ہیں۔

لاہور: پاکستان کرکٹ بورڈ (پی سی بی) نے دو روز قبل قومی کھلاڑی کے سینٹرل کنٹریکٹ کا اعلان کیا۔

پی سی بی نے قومی کرکٹرز کے لیے تین سالہ سینٹرل کنٹریکٹ کا اعلان کیا ہے، اے کیٹیگری میں کھلاڑیوں کے معاوضے میں 200 فیصد سے زائد کا اضافہ کیا گیا ہے۔

سینٹرل کنٹریکٹ کی بی کیٹیگری کے کھلاڑیوں کے معاوضے میں 144 فیصد سے زائد کا اضافہ کیا گیا ہے۔

اے کیٹیگری میں کپتان بابر اعظم، محمد رضوان اور شاہین آفریدی شامل ہیں جبکہ کھلاڑیوں کے لیے ٹیسٹ میچ کی فیس میں 50 فیصد تک اضافہ کیا گیا ہے۔

رپورٹس کے مطابق نئے سینٹرل کنٹریکٹ میں 202 فیصد اضافے کے بعد بابر اعظم، شاہین شاہ آفریدی اور محمد رضوان کو ماہانہ 45 لاکھ روپے ملنے کی توقع ہے، جو پچھلے کنٹریکٹ کے مقابلے میں 4 گنا زیادہ ہے۔

اس کے علاوہ کیٹیگری بی میں 6 کرکٹرز شامل ہیں جن کے معاوضوں میں 144 فیصد اضافہ کیا گیا ہےجبکہ کیٹیگری سی میں 2 کرکٹرز شامل ہیں جن کے معاوضوں میں 135 فیصد اضافہ ہوا ہے۔

کیٹیگری ڈی میں 14 کرکٹرز شامل ہیں جن کے معاوضے میں 127 فیصد اضافہ کیا گیا ہے۔

پی سی بی کے مطابق ٹیسٹ میچ فیس میں 50 فیصد، ون ڈے میں 25 فیصد اور ٹی ٹوئنٹی میں ساڑھے 12 فیصد اضافہ کیا گیا ہے۔

سینٹرل کنٹریکٹ میں شامل کھلاڑیوں کو دو غیر ملکی لیگز کھیلنے کی اجازت ہوگی، اس کے علاوہ کھلاڑیوں کو ڈومیسٹک کرکٹ کھیلنے پر 50 فیصد انٹرنیشنل میچ فیس ملے گی۔

سابق کپتان وقار یونس نے حسن علی کے لیے ورلڈکپ چیلنج قرار دے دیا۔

اسٹار اسپورٹس سے گفتگو کرتے ہوئے وقاریونس نے کہا کہ حسن علی کو نسیم شاہ کا متبادل قرار دیا گیا ہے اس کے پاس کافی تجربہ ہے اور اس نے ماضی میں بھی شاندار پرفارمنس دی ہے لیکن مجھے لگتا ہے کہ اچانک اس قسم کے بڑے اسٹیج پر آنا اور پرفارم کرنا ان کے لیے آسان کام نہیں ہوگا۔

https://x.com/TheRealPCB/status/1707342571557835204?s=20

انہوں نے کہا کہ پھر جیسا کہ ہم سب جانتے ہیں پاک بھارت ٹاکرا سب سے بڑا میچ ہوگا جو تمام کھیلوں کی ماں ہے لہٰذا، جب آپ احمد آباد میں کھیلیں گے جس کا شمار دنیا کے سب سے بڑے اور بہترین اسٹیڈیموں میں سے ایک ہے تو آپ کو اپنے اعصاب پر قابو رکھنا ہوگا اور نہ صرف پاکستان دباؤ میں رہے گا کیونکہ وہ ہندوستان کے مقابلے کمزور ٹیم ہے بلکہ ہندوستان دباؤ میں بھی ہو گا کیونکہ اسٹیڈیم میں تماشائی دونوں ٹیموں پر دباؤ پیدا ڈالیں گے۔

ان کا کہنا تھا کہ اگر ہم مکمل طور پر ٹیم کی کارکردگی کی بنیاد پر فیصلہ کریں تو واضح طور پر ہندوستان ایک بہتر ٹیم ہوگی۔

آئی سی سی کرکٹ ورلڈ کپ کیلئے قومی گزشتہ روز بھارت پہنچی ہے۔

قومی ٹیم کے بھارت پہنچنے پر شائقین کرکٹ نے شاندار استقبال کیا جس کی ویڈیو سوشل میڈیا پر وائرل ہوگئی تھیں، شائقین کی جانب سے بابر اعظم کے نعرے بھی لگائے گئے۔

قومی ٹیم ورلڈ کپ میں اپنا پہلا میچ 6 اکتوبر کو نیدرلینڈز کے خلاف کھیلے گی۔

تاہم حیدرآباد دکن میں موجود پاکستانی کرکٹ اسکواڈ کے کھانے کا مینیو سامنے آگیا ہے۔

بھارتی میڈیا کے مطابق پاکستانی اسکواڈ سمیت تمام ٹیموں کے لیے بیف دستیاب نہیں ہوگا، پاکستانی ٹیم کے مینیو میں چانپے، مٹن کڑاہی، بٹر چکن اور گرلڈ فش شامل ہے۔

A warm welcome in Hyderabad as we land on Indian shores 👏#WeHaveWeWill | #CWC23 pic.twitter.com/poyWmFYIwK

— Pakistan Cricket (@TheRealPCB) September 27, 2023

بھارتی میڈیا کا کہنا ہے کہ پاکستانی دستے کے مینیو میں حیدرآباد کی مشہور بریانی جبکہ روزانہ کی بنیاد پر پروٹین والے کھانوں میں مٹن، چکن، اور مچھلی شامل ہوگی۔

بھارتی میڈیا کے مطابق پاکستانی ٹیم نے اسٹیڈیم منتظمین سے باستمی چاول، بولوگنیز ساس کےساتھ اسپیگٹیز اور سبزی پلاؤ کی فرمائش کی۔

واضح رہے کہ پاکستان ٹیم حیدرآباد دکن میں تقریباً 2 ہفتوں تک قیام کرے گی۔