انگلینڈ کے سابق کرکٹر اسٹورٹ براڈ نے میگا ایونٹ کے لیے آئی سی سی ورلڈ کپ 2023 کے میزبان بھارت کو اپنے فیورٹ کے طور پر منتخب کیا ہے۔
دفاعی چیمپئن انگلینڈ آئی سی سی ورلڈ کپ 2023 میں ٹائٹل اپنے نام کرنے کے لیے پوری طاقت کے ساتھ حصہ لے رہا ہے تاہم سابق کرکٹر نے برطانوی اخبار میں اپنے کالم میں کہا کہ اگر میزبان بھارت بغیر کسی غلطی کے کھیلنے میں کامیاب ہو جاتا ہے تو پھر ان کو روکنا بہت مشکل ہے.
انہوں نے انگلینڈ کے ٹائٹل کو برقرار رکھنے کے امکانات کے بارے میں اپنی رائے کا اظہار کرتے ہوئے کہا کہ انگلینڈ کرکٹ ٹیم کے کپتان جوس بٹلر کے پاس یقینی طور پر چیلنج کرنے والی ٹیم ہے۔
ان کا کہنا تھا کہ اگر انگلینڈ اپنا ورلڈ کپ ٹائٹل برقرار رکھنے میں کامیاب ہوتا ہے تو یہ ایک غیر معمولی کوشش ہوگی لیکن میرا غالب احساس یہ ہے کہ اگر ہندوستان اپنا بہترین ٹورنامنٹ کھیلتا ہے تو اسے روکنا بہت مشکل ہوگا۔
براڈ نے کہا کہ جوس بٹلر کے پاس یقینی طور پر چیلنج کرنے والی ٹیم ہے جس میں زیادہ اسکور کرنے کی صلاحیت ہے لیکن میں صرف یہ سمجھتا ہوں کہ ہندوستان، بطور میزبان اور ٹاپ رینک والی ون ڈے ٹیم ہے۔
برطانوی فاسٹ باؤلر نے نشاندہی کی کہ گزشتہ تین ورلڈ کپ میزبان ممالک نے اٹھائے تھے اور یہ رجحان اس سال کے میزبان بھارت کو ٹرافی اٹھانے کے لیے فیورٹ بناتا ہے۔
