میلبرن: سری لنکا نے دلشان اور کمار سنگاکارا کی سنچریوں کی بدولت بنگلادیش کو بانوے رنز سے شکست دےدی۔
میلبرن میں سری لنکا نے بنگال ٹائیگرز کو رنز کے پہاڑ تلے دبا کر ورلڈ کپ میں مسلسل دوسری کامیابی حاصل کرلی۔
سری لنکا نے پہلے بیٹگ کرتے ہوئے دلشان اور سنگاکارا کی سنچریوں کی بدولت مقررہ اوورز میں ایک وکٹ پر تین سو بتیس رنز بنائے، دلشان نے کیرئیر کی بیسویں اور سنگاکارا نے چار سوویں میچ میں بائیسویں سنچری بنانے کا اعزاز حاصل کیا۔
ہدف کے تعاقب میں بنگلادیش کو پہلے ہی اوور میں تمیم اقبال سےہاتھ دھونا پڑا، سری لنکا کو کوئی بھی بلے باز لاستھ ملنگا اور لکمل کی تیز گیندوں سے نہ بچ سکا، شکیب الحسن ہی چھیالیس رنز کی مزاحمت کرسکے۔
بنگال ٹائیگرز پورے اوورز کھیلے بغیر دو سو چالیس رنز بناکر آؤٹ ہوگئے، دلشان ایک سو اکسٹھ رنز کی اننگز کھیل کر مین آف دی میچ قرار پائے۔
