Tag: world cup

  • ورلڈ کپ: پاکستان نے بنگلہ دیش کوتین وکٹ سے شکست دے دی

    ورلڈ کپ: پاکستان نے بنگلہ دیش کوتین وکٹ سے شکست دے دی

    سڈنی: پاکستان نے ورلڈ کپ میں بالاخرپہلی فتح حاصل کرلی، وارم اپ میچ میں بنگلہ دیش کو دلچسپ مقابلے کے بعد تین وکٹ سے شکست دے دی۔

    بنگلہ دیش کے خلاف وارم اپ میچ میں پاکستانی ٹیم بمشکل سات وکٹوں کے نقصان پرہدف تک پہنچی جبکہ پریکٹس میچ میں بھی بنگال ٹائیگرزبھاری پڑگئے۔

    بنگلہ دیشی اوپنرتمیم اقبال اورمحمود اللہ نے پاکستانی بولرز سے خوب رنز بٹورے لیکن عرفان نے ٹیم کی جان بچائی اور پانچ بیٹسمینوں کا شکارکرتے ہوئے پوری بنگال ٹیم کو دو سو چھیالیس رنز پرپویلین بھیج دیا۔

    آسان میچ کومشکل بنانا کوئی گرین شرٹس سے سیکھے ہدف کے تعاقب میں اوپنرز نے روایت دہرائی توکوچزکی جان پر بن آئی ایسے میں صہیب مقصود نے ٹیم کی عزت بچائی اورترانوے رنزبناکرٹیم کی ڈوبتی ناؤ پار لگائی۔

    پاکستان نے مطلوبہ ہدف سنسنی خیز مقابلے کے بعد صرف گیارہ گیندیں قبل حاصل کرلیا۔

  • انجریز مسائل: کئی اہم کرکٹرز ورلڈ کپ نہیں کھیل پائیں گے

    انجریز مسائل: کئی اہم کرکٹرز ورلڈ کپ نہیں کھیل پائیں گے

    سڈنی : ورلڈ کپ دو ہزار پندرہ پر انجریز کے سائے منڈلانے لگے۔ کئی ٹیموں کے سپر اسٹارز انجریز مسائل کی وجہ سے میگا ایونٹ سے آؤٹ ہوگئے۔

    کرکٹ کے سب سے بڑے عالمی میلے کو انجری مسائل نے اپنی لپیٹ میں لے لیا ہے۔ میگا ایونٹ کے آغاز سے قبل کئی ٹیموں کے اسٹارز کھلاڑی زخمی ہوکر ٹورنامنٹ سے آؤٹ ہوگئے۔

    انجری مسائل نے سب سے زیادہ نقصان گرین شرٹس کو پہنچایا ہے۔ پہلے فاسٹ بولر جنید خان ان فٹ ہوکر عالمی کپ سے باہر ہوئے اور اب قومی ٹیم پروفیسر کے کارآمد فارمولے سے بھی محروم ہوگئی۔

    میزبان ٹیم آسٹریلیا بھی فٹنس مسائل سے کافی پریشان ہے، آسٹریلوی قائد مائیکل کلارک اور آل راؤنڈرجیمزانجریزمسائل کی وجہ سے ورلڈ کپ کا افتتاحی میچ حصہ نہیں کھیل سکیں گے۔

    ایشین ٹائیگرز کا سب سے اہم ہیتھار لاستھ ملنگا ٹخنے کی انجری سے نجات پانے میں تاحال ناکام ہیں۔ چھ ماہ سے کرکٹ سے دورملنگا کی پہلے میچ میں شرکت پرسوالیہ نشان ہے۔

    دفاعی چیمپیئن بھارت بھی انجری مسائل سے نہ بچ سکی۔ ایشانت شرما گھٹنے کی انجری کے سبب ورلڈ کپ سے باہر ہوگئے۔

    ورلڈ کپ سے قبل انجری مسائل کئی ٹیموں کو بڑے بڑے دھچکے دے چکی ہے۔ اور نہ جانے مزید کتنے کھلاڑی فٹنس مسائل کا شکار ہوکر عالمی میلہ کھیلے بغیر گھر جائیں گے۔

  • ورلڈ کپ میں سعید اجمل کی شمولیت مشکل ہے

    ورلڈ کپ میں سعید اجمل کی شمولیت مشکل ہے

    سڈنی : پاکستان کرکٹ ٹیم کے کپتان مصباح الحق نے کہا ہے کہ حال میں ہماری ون ڈے میں کارکردگی اچھی نہیں رہی، کوشش یہی ہے کہ ٹیم کی خراب کارکردگی کے تسلسل کو توڑنے میں کامیاب ہوجائیں۔

    سڈنی میں پریس کانفرنس کرتے ہوئے پاکستان ٹیم کے کپتان مصباح الحق کا کہنا تھا کہ سعید اجمل بہترین بولر ہیں، لیکن انھوں نے معطلی کے بعد بالکل بھی انٹرنیشنل کرکٹ نہیں کھیلی ہے۔

    ورلڈ کپ میں سعید اجمل کی شمولیت کا فیصلہ بہت مشکل ہے۔سعید اجمل کو خود بھی یقین نہیں وہ انٹرنیشنل کرکٹ کب کھیلیں گے۔

    پاکستان ٹیم کی موجودہ کارکردگی کے حوالے سے مصباح نے کہا کہ گذشتہ کچھ سیریزمیں ٹیم کی کارکردگی اچھی نہیں رہی۔ کوشش ہوگی کہ خراب پرفارمنس کے بھنور سے نکلا جائے۔

    انہوں نے کہا کہ ٹیم کو ایک اچھی جیت کی ضرورت ہے، ایک مرتبہ جیت کا سلسلہ شروع ہوا تو کارکردگی بہتر ہوتی چلی جائے گی۔

    مصباح الحق نے مزید کہا کہ جنید خان کی انجری سے ٹیم کو بڑا نقصان ہوا، اس ٹیم کے بارے میں بھی کافی پرعزم ہوں، یہ ٹیم کسی بھی ٹیم کو مشکل میں ڈال سکتی ہے۔

  • ورلڈ کپ کی تیاریاں زوروشور سے جاری

    ورلڈ کپ کی تیاریاں زوروشور سے جاری

    میلبورن : آئی سی سی کرکٹ ورلڈ کپ کے آغاز میں اب صرف سات روز باقی رہ گئے ہیں۔میگا ایونٹ کی افتتاحی تقریبات کی تیاریاں عروج پر پہنچ گئی ہیں۔

    وارم اپ میچز کا آغاز کل سے ہوگا۔آئی سی سی کرکٹ ورلڈ کپ میں دنیا بھر سے ستارے جگمگائیں گے تو شائقین بھی ان کا جوش گرمائیں گے۔ انچاس دن خوب ہوگا ہلہ گلہ۔ کرکٹ ہی کرکٹ۔ کھلاڑیوں نے کمر کس لی ہے۔ تو شائقین نے بھی دل تھام لئے ہیں۔

    میگا ایونٹ کے میچز کی ٹکٹس کی فروخت بھی تیزی سے جاری ہے۔ شائقین کو ایونٹ کا بے صبری سے انتظار ہے۔ ایونٹ کی تیاریاں بھی عروج پر پہنچ گئی ہیں۔

    میلبورن میں ورلڈ کپ کی شاندارافتتاحی تقریب بارہ فروری کو منعقد ہوگی جس میں اسٹارز اور فنکار دنیا بھر کے شائقین کی توجہ کا مرکز ہونگے۔ایونٹ کے وارم اپ میچز کا آغاز کل سے بھارت اور آسٹریلیا کے درمیان میچ سے ہورہا ہے۔

    دنیائے کرکٹ پر حکمرانی کی باقاعدہ جنگ چودہ فروری سے شروع ہوگی۔ ورلڈ کپ کا افتتاحی میچ کرائسٹ چرچ میں میزبان نیوزی لینڈ اور سابق ورلڈ چیمپئن سری لنکا کے درمیان کھیلا جائے گا۔

  • کرکٹ ورلڈ کپ: اب تک ساڑھے سات لاکھ ٹکٹس فروخت

    کرکٹ ورلڈ کپ: اب تک ساڑھے سات لاکھ ٹکٹس فروخت

    دبئی : آئی سی سی کے چیف ایگزیکٹیو افیسر ڈیوڈ رچرڈسن کا کہنا ہے کہ گیارہواں کرکٹ ورلڈ کپ تاریخ کا سب سے کامیاب ایونٹ ثابت ہوگا۔ میگا ایونٹ کے لئے اب تک ساڑھے سات لاکھ ٹکٹس فروخت ہوچکے ہیں۔

    دنیائے کرکٹ کے سب سے بڑے مقابلےکے آغاز میں اب صرف سات دن باقی رہہ گئے ہیں۔ جیسے جیسے ورلڈ کپ قریب آرہا ہےکھلاڑیوں کے ساتھ ساتھ شائقین کا جوش خروش بھی عروج پر جارہا ہے۔

    آئی سی سی کے مطابق گیارہویں ورلڈ کپ کے لئے اب تک ساڑھے سات لاکھ ٹکٹس فروخت ہوچکے ہیں۔ آسٹریلیا اور نیوزی لینڈ میں مشترکہ طور پر منعقد ہونے والے اس ٹورنامنٹ کا آغاز 14 فروری سے ہو رہا ہے۔

    امید کی جا رہی ہے کہ اس بار ٹورنامنٹ کے میچ دیکھنے کے لیے دس لاکھ سے زیادہ پرستار میدانوں میں آئیں گے۔ پندرہ فروری کو ہونے والے پاک بھارت مقابلے کو ایونٹ کا سب سے بڑا میچ قرار دیاجارہاہے جس کے تمام ٹکٹس فروخت ہوچکے ہیں۔

  • قومی کرکٹ ٹیم نے نیٹ پریکٹس کا آغاز کردیا

    قومی کرکٹ ٹیم نے نیٹ پریکٹس کا آغاز کردیا

    سڈنی : پاکستان کرکٹ ٹیم ورلڈ کپ کی تیاریوں کے لئے سڈنی میں نیٹ پریکٹس میں مصرو ف ہے۔ قومی ٹیم پہلا وارم اپ میچ نو فروری کو بنگلہ دیش کے خلاف کھیلے گی۔

    قومی ٹیم ان دنوں سڈنی میں بھرپور پریکٹس میں مصروف ہے۔ محمد حفیظ گھٹنے کی انجری کے سبب پریکٹس سیشن میں حصہ نہیں لے رہے ہیں۔ پے در پے شکست کے بعد کوچز کھلاڑیوں کی خامیوں کو دور کرنے کی کوششوں میں لگے ہوئے ہیں۔

    کھلاڑیوں کو بولنگ اور بیٹنگ کے ساتھ فیلڈنگ کی بھی پریکٹس کرائی جارہی ہے۔ فیلڈنگ کوچ قومی کھلاڑیوں کی جانب سے کیچز ڈراپ کرنے کی پرانی عادت کی وجہ سے کافی پریشان ہیں۔

    کھلاڑیوں کی خامیوں کے دور کرنے کے ساتھ ان کا اعتماد بحال کرنے کے لئے لیکچرز بھی دیئے جارہے ہیں۔ قومی ٹیم دو دن اور پریکٹس کرے گی جس کے بعد نو فروری کو بنگلہ دیش کے خلاف پہلا وارم میچ کھیلے گی ۔

    بارہ فروری کو انگلینڈ کے خلاف دوسرے وارم میچ کھیلا جائے گا۔ پندرہ فروری کو قومی ٹیم ورلڈ کپ کے سب سے بڑے مقابلے میں بھارت کے مدمقابل آئے گی۔

  • فاسٹ بولر راحت علی جنید خان کی جگہ ورلڈ کپ اسکواڈ میں شامل

    فاسٹ بولر راحت علی جنید خان کی جگہ ورلڈ کپ اسکواڈ میں شامل

    قومی ٹیم کے لئے ایک ون ڈے کھیلنے والے فاسٹ بولر راحت علی کو جنید خان کی جگہ ورلڈ کپ اسکواڈ میں شامل کو کرلیا گیا ہے، بلاول بھٹی کا خواب چکنا چور ہوگیا۔

    پاکستان کرکٹ بورڈ نے مشکل وقت میں سب کو حیران کردیا، تجربہ کار بولرز کو نظر انداز کرتے ہوئے بورڈ نے ایک ون ڈے کھیلنے والے راحت علی کو اسکواڈ میں شامل کرلیا ہے۔

    بورڈ نے راحت علی کو ٹیم میں شامل کرنے کے لئے آئی سی سی کو باقاعدہ درخواست دے دی ہے۔

    راحت علی نے دوہزار بارہ میں سری لنکا کے خلاف واحد میچ کھیلا تھا اور کوئی وکٹ حاصل نہیں کی تھی، دورۂ نیوزی لینڈ کیلئے ٹیم کا حصہ بننے والے بلاول بھٹی کا ورلڈ کھیلنے کا خواب شرمندہ تعبیر نہ ہوسکا، کیویز کے خلاف سیریز میں بلاول بھٹی کی کارکردگی سلیکٹرز کو نہ بھاسکی۔

    ذرائع کے مطابق راحت علی ایک ہفتے میں ٹیم کو جوائن کرلیں گے، پی سی بی جلد ہی آسٹریلیا کے ویزے کیلئے درخواست دے گا۔

  • ورلڈ کپ کا باضابطہ سفر، قومی ٹیم آج سڈنی میں پڑاؤ ڈالے گی

    ورلڈ کپ کا باضابطہ سفر، قومی ٹیم آج سڈنی میں پڑاؤ ڈالے گی

    سڈنی : دورہ نیوزی لینڈ کے بعد پاکستان کرکٹ ٹیم ورلڈ کپ میں اپنے سفر کا باضابطہ آغاز کرنے کے لئے آج سڈنی پہنچے گی۔دورہ نیوزی لینڈ میں شکست پر شکست کی وجہ سے  پاکستان کرکٹ ٹیم کی ورلڈ کپ کی تیاریوں پر سوالیہ نشان اٹھ گیا۔

    ٹیم کی مشکلات گزرتے دن کے ساتھ بڑھتی ہی جارہی ہیں۔ کیویز کے خلاف جنید خان کے متبادل بلاول بھٹی بھی ٹیم کے لئے موثر ہتھیار ثابت نہ ہوسکے۔

    ورلڈ کپ میں اپنے سفر کا باضابطہ آغاز کرنے کے لئے قومی ٹیم آج سڈنی میں پڑاؤ ڈالے گی۔ جہاں پاکستانی ٹیم کا مختصر کیمپ لگے گا۔

    نو فروری کو پاکستانی ٹیم بنگلہ دیش کے خلاف اور گیارہ فروری کو انگلینڈ کے خلاف وارم اپ میچ کھیلنے کے بعد بارہ فروری کو ایڈیلیڈ پہنچے گی۔ ایونٹ میں گرین شرٹس اپنی مہم جوئی کا آغاز پندرہ فروری کو روایتی حریف بھارت کے خلاف میچ سے کریں گے۔

  • جنید خان ورلڈ کپ اسکواڈ سے باہر

    جنید خان ورلڈ کپ اسکواڈ سے باہر

    لاہور: فاسٹ بولرجنید خان فٹنس ٹیسٹ میں ناکام، ورلڈ کپ سے باہر،تفصیلات کے مطابق انجرڈ فاسٹ بولر جنید خان لاہورمیں ہونے والے  دو روزہ فٹنس ٹیسٹ میں ناکام  ہوگئے۔

    جس باعث فاسٹ بالرجنید خان کی ورلڈ کپ اسکواڈ میں شمولیت کا کوئی امکان نہین رہا۔ جنید خان عالمی کپ کی تیاریوں کیلئے لگائے گئے تریبتی کیمپ میں زخمی ہوئے تھے۔

    جس کے بعد انھیں نیوزی لینڈ کیخلاف دو ون ڈے کی سیریز کیلئے ٹیم کے ہمراہ نہیں بھیجا گیا تھا۔ پی سی بی ذرائع کا کہنا ہے کہ جنید خان ابھی تک صحت یاب نہیں ہوسکے ہیں اور انھیں چلنے پھرنے میں دشواری ہورہی ہے۔

    ذرائع کا کہنا ہے کہ ٹیم انتظامیہ نے آل رائونڈر بلاول بھٹی کو جنید خان کی جگہ ورلڈ کپ اسکواڈ میں شامل کرنے کا فیصلہ کرلیا ہے۔

    واضح رہے کہ اے آروائی نیوز نے گزشتہ روز ہی مذکورہ خبر سے اپنے ناظرین کو آگاہ کر دیا تھا۔اس حوالے سے جنید خان نے اپنے ٹوئیٹر پیغام میں کہا ہے کہ مجھے افسوس ہے کہ میں فٹنس ٹیسٹ پاس نہ کر سکا اور یہ ہی اللہ کو منظور تھا۔

    ان کا کہنا تھا کہ میری تمام نیک خواہشات اوردعائیں پاکستانی ٹیم کے ساتھ ہوں۔

  • فاسٹ بائولر جنید خان کی ورلڈ کپ سکواڈ میں شمولیت مشکوک

    فاسٹ بائولر جنید خان کی ورلڈ کپ سکواڈ میں شمولیت مشکوک

    ویلنگٹن: قومی کرکٹ ٹیم کے فاسٹ بائولر جنید خان کے ورلڈ کپ سکواڈ سے آوٹ ہونے کا امکان ہے۔

    پی سی بی ذرائع کے مطابق تربیتی کیمپ کے دوران بائولنگ کراتے ہوئے گر کر ان فٹ ہونے والے فاسٹ بائولر جنید خان کی انجری تاحال ٹھیک نہیں ہو سکی۔ جبکہ انہیں چلنے پھرنے میں بھی دشواری کا سامنا ہے۔

     پی سی بی کا میڈیکل بورڈ کل ان کا حتمی فٹنس ٹیسٹ لینے کے بعد ان کے ورلڈ کپ سکواڈ میں شامل ہونے یا نہ ہونے کا فیصلہ کرے گا۔

     ذرائع کا کہنا ہے کہ ٹیم انتظامیہ نے نیوزی لینڈ سیریز کے لئے ٹیم میں شامل کئیے گئے آل رائونڈر بلاول بھٹی کو وہیں روکنے کا فیصلہ کیا ہے اور انہیں جنید خان کی جگہ ورلڈ کپ سکواڈ میں شامل کر لیا جائے گا۔