ARYNews.tv | Urdu – Har Lamha Bakhabar

Tag: world cup

  • افغانستان نے آئرلینڈ کو شکست دے کر آئی سی سی ورلڈ کپ 2019 کے لیے کوالیفائی کر لیا

    افغانستان نے آئرلینڈ کو شکست دے کر آئی سی سی ورلڈ کپ 2019 کے لیے کوالیفائی کر لیا

    ہرارے: زمبابوے میں جاری کوالیفائنگ میچ میں افغانستان نے آئرلینڈ کو پانچ وکٹوں سے شکست دے کر آئی سی سی ورلڈ کپ 2019 کے لے کوالیفائی کر لیا۔

    تفصیلات کے مطابق زمبابوے کے دار الحکومت ہرارے اسپورٹ کلب میں جاری ورلڈ کپ کوالیفائنگ میچ میں مسلسل تین شکست کے بعد افغانستان نے آئرلینڈ کو 5 وکٹوں سے ہرا کر آئی سی سی ورلڈ کپ 2019 کے لیے کوالیفائی کر لیا ہے۔

    آئی سی سی ورلڈ کپ 2019 اگلے سال 30 مئی سے 14 جلائی تک انگلینڈ میں کھیلا جائے جس میں میں دفاعی چیمپئن آسٹریلیا سمیت دس ٹیمیں حصہ لیں گی جن میں اب افغانستان کا نام بھی شامل ہے۔

    اگلے سال ہونے والے کرکٹ ورلڈ کپ میں جو ٹیمیں حصہ لیں گی ان میں آسٹریلیا، بھارت، پاکستان، سری لنکا، بنگلادیش، انگلینڈ، ساؤتھ افریکا، نیوزی لینڈ اور افغانستان شامل ہیں۔

    انضمام الحق افغانستان کرکٹ ٹیم کے کوچ مقرر

    ہرارے اسپورٹ کلب میں جاری کوالیفائنگ میچ میں گذشتہ ہفتوں اسکوٹ لینڈ اور زمبابوے کو شکست کا سامنا کرنا پڑا تھا جس کے بعد دونوں ٹیمیں کی آئی سی سی ورلڈ کپ کے میگا ایونٹ میں شمولیت ایک سوالیہ نشان بن چکا ہے۔

    آج ہونے میچ میں آئرلینڈ نے ٹاس جیت کر پہلے بیٹنگ کا فیصلہ کیا اور مقررہ 50 آوور میں سات وکٹوں کے نقصان پر 209 زنز بنائے۔

    افغانستان کرکٹ ٹیم نے ورلڈ ٹی ٹوئنٹی 2016 میں جگہ بنالی

    ہدف کا تعاقب کرتے ہوئے افٖغانستان نے عمدہ اور جارہانہ کھیل کا مظاہرہ کیا اور مقررہ ہدف 5 وکٹوں کے نقصان پر 49.1 آوورز میں حاصل کر تے ہوئے جیت اپنے نام کرلی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیفا ورلڈ کپ 2018 کی ٹرافی پاکستان پہنچ گئی

    فیفا ورلڈ کپ 2018 کی ٹرافی پاکستان پہنچ گئی

    لاہور: فٹبال کے سب سے بڑی عالمی مقابلے فیفا ورلڈ کپ 2018 کی سنہری ٹرافی پاکستان پہنچ گئی، جس کا مقصد ملک میں فٹبال کھیل کو فروغ دینا ہے۔

    تفصیلات کے مطابق فیفا ورلڈ کپ ٹرافی خصوصی طیارے میں تھائی لینڈ سے لاہور لائی گئی، سابق فرانسیسی ورلڈ کپ فٹبالر کرسٹیان بھی ٹرافی کے ہمراہ پاکستان پہنچے ہیں جبکہ پاکستانی وفد میں سابق کپتان یونس خان اور دیگر شامل ہیں۔

    فیفا ٹرافی کی لاہور آمد پر 2 تقاریب کا انعقاد کیا جا رہا ہے جس میں ٹرافی کی نمائش ہوگی، اس کے دوران ملک کی مختلف نامور شخصیات سمیت دیگر افراد شرکت کریں گے۔

    ورلڈ کپ ٹرافی پاکستان کے دورے کے بعد 4 فروری کو قازقستان روانہ کی جائے گی۔

    فیفا ٹرافی کے سفر کا آغاز گذشتہ سال ستمبر 2017 میں ہوا تھا، اس دوران ٹرافی 51 ممالک کے 91 شہروں کا سفر کرے گی جو 30 اپریل کو جاپان میں اختتام پذیر ہوگا، جہاں سے اسے روس پہنچایا جائے گا۔

    فیفا ورلڈ کپ 2018 کی پاکستان آمد

    فیفا ورلڈ کپ رواں برس 14 جون سے 15 جولائی تک روس میں کھیلا جائے گا جبکہ ٹرافی کو 50 ملکوں کا  دورہ کرانے کے بعد مئی میں واپس روس  لائی جائے گی۔

     یاد رہے  ٹرافی پہلی مرتبہ 1974 میں متعارف کرائی گئی تھی،  جس کی تیاری میں  18 کیرٹ سونے کا استعمال کیا گیا ہے، جبکہ اس  کی لمبائی 36.8 سینٹی میٹر، جبکہ وزن 6.1 کلو گرام ہے۔

    فیفا ورلڈ کپ 2018: سنہری ٹرافی کا سفر کولمبو سے شروع ہوگا

    خیال رہے  پاکستان فٹ بال فیڈریشن پرپابندی اورپاکستان کے 2018 کے فٹبال ورلڈ کپ میں کوالیفائی نہ کرنے کے باوجود ورلڈ کپ ٹرافی پاکستان لائی گئی ہے۔

    واضح  رہے عالمی فٹبال ٹرافی کو پاکستان لانے میں پاکستان فٹبال فیڈریشن کا کوئی کردار نہیں بلکہ یہ ٹرافی فیفا اور اسپانسرز کے تعاون سے پاکستان لائی جارہی ہے جس کا مقصد خطے  میں فٹبال جیسے عالمی کھیل کی پذیرائی کرنا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • انڈر19کرکٹ ورلڈ کپ سیمی فائنل: بھارت نےپاکستان کو203 رنزسےشکست دے دی

    انڈر19کرکٹ ورلڈ کپ سیمی فائنل: بھارت نےپاکستان کو203 رنزسےشکست دے دی

    کرائسٹ چرچ : انڈر19 کرکٹ ورلڈ کپ کے دوسرے سیمی فائنل میں بھارت نے پاکستان کو 203 رنز سے ہرا کر فائنل کے لیے کوالیفائی کرلیا۔

    تفصیلات کے مطابق نیوزی لینڈ کے شہرکرائسٹ چرچ میں کھیلے گئےانڈر19 کرکٹ ورلڈ کپ کے دوسرے سیمی فائنل میں بھارت نے ٹاس جیت کر پہلے بیٹنگ کا فیصلہ کیا۔

    بھارتی کرکٹ ٹیم نے مقررہ 50 اوورز میں 9 وکٹوں کے نقصان پر272 رنز بنائے اور پاکستان کو جیت کے لیے 273 رنز کا ہدف دیا۔

    بھارت کی جانب سے شبمن گل نے 102 رنز کی شاندار اننگز کھیلی اور ٹیم کی جیت میں اہم کردار ادا کیا۔

    بھارتی کرکٹ ٹیم کی جانب سے کپتان پرتھوی شاہ 41، منجوت کلرا 47 اور انوکل روئے 33 رنز، ہارویک دیسائی 20، شیوم ماوی 10 رنز، شیوا سنگھ 1 رن، ریان پاراگ 2 اور ابھیشیک شرما نے 5 رنز اسکور کیے۔

    پاکستان نے بھارت کے 273 رنز کے ہدف کے جواب میں اننگز کا آغاز کیا توٹیم شدید مشکلات کا شکار رہی اور بلے باز کریز پر آتے گئے اور آؤٹ ہوتے گئے۔

    قومی کرکٹ ٹیم کی جانب سے عمران شاہ 2، زید عالم 7، روحیل نذیر18، علی زریاب 1، عماد عالم 4، محمد طحہٰ 4، حسان خان 1، شاہین آفریدی صفر اور ارشد اقبال 1 رن بناکر پویلین لوٹ گئے۔

    آسٹریلیا افغانستان کوہراکرفائنل میں پہنچ گیا

    یاد رہے کہ اس سے قبل پہلے سیمی فائنل میں آسٹریلیا افغانستان کو شکست دے کرفائنل کے لیے کوالیفائی کرچکا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • ڈیرن لیمن کب عہدہ چھوڑیں گے؟ آسٹریلوی کوچ کا اہم اعلان

    ڈیرن لیمن کب عہدہ چھوڑیں گے؟ آسٹریلوی کوچ کا اہم اعلان

    میبلورن: آسٹریلوی کرکٹ ٹیم کے کوچ ڈیرن لیمن نے 2019 کی ایشز کے بعد اپنا عہدہ چھوڑنے کا اعلان کر دیا۔

    برطانوی خبر رساں ایجینسی رائٹرز کے مطابق 2013 میں‌ آسٹریلیا کے کوچ کا عہدہ سنبھالنے والے 47 سالہ ڈیرن لیمن اپنے معاہدے میں‌ توسیع کے خواہش مند نہیں اور اگلے برس اپنی ذمے داریوں سے سبکدوش ہوجائیں گے۔

    یہ بھی پڑھیں: ایشیز ہوئی آسٹریلیا کے نام، پرتھ میں انگلینڈ کو شکست

    یاد رہے کہ 2015 میں‌ ڈیرن لیمن کی کوچنگ میں‌ آسٹریلیا نے ورلڈ کپ جیتا تھا اور اگلے برس کے اوائل میں‌ انگلینڈ‌ میں‌ ہونے والے ورلڈ‌کپ میں‌ آسٹریلیا اپنے ٹائٹل کا دفاع کرے گا، جہاں اسے ڈیرن لیمن کی خدمات میسر ہوں‌ گی، جس کے بعد ایشز سیریز منعقد ہوگی۔

    ایک ٹی وی انٹرویو میں‌ جب ان سے کنٹریکٹ میں‌ توسیع سے متعلق پوچھا گیا، تو انھوں نے کہا کہ بے پناہ مصروفیات اور مسلسل سفر کی وجہ سے وہ مزید یہ خدمات انجام نہیں‌ دینا چاہتے۔

    یاد رہے کہ ڈیرن لیمن نے مکی آرتھر کی جگہ یہ عہدہ سنبھالا تھا، جو اس وقت پاکستان کی کوچنگ کر رہے ہیں۔

    اندازوں‌ کے مطابق جسٹس لینگر ڈیرن لیمن کے عہدے سے الگ ہونے کے بعد کوچ کے مضبوط ترین امیدوار ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ورلڈکپ جیتنے پر عمران خان کو پلاٹ دیا، چوہدری شیر علی

    ورلڈکپ جیتنے پر عمران خان کو پلاٹ دیا، چوہدری شیر علی

    فیصل آباد: مسلم لیگ ن کے رہنما چوہدری شیر علی نے کہا ہے کہ 92 ورلڈکپ جیتنے پر عمران خان کو کس چیز کی مبارک باد دوں کیونکہ حکومت نے انہیں جیت کی خوشی میں پلاٹ دیا تھا۔

    فیصل آباد میں میڈیا سے گفتگو کرتے ہوئے لیگی رہنماء نے کہا کہ پچیس سال قبل جیتے گئے ورلڈ کپ میں پوری ٹیم نے محنت کی تاہم اُس وقت اتفاق سے کپتان عمران خان تھے، وہ کرکٹ میں تو کامیاب رہے مگر سیاست کے میدان میں ناکام ترین کپتان ہیں۔

    انہوں نے کہا کہ انضمام الحق بڑے کھلاڑی ہیں اور کرکٹ بورڈ اچھی ٹیم بنانے کی کوششوں میں مصروف ہے، اس بار فائنل جیت کر قوم کو ایک اور ورلڈ کپ کا تحفہ دیں گے۔

    چوہدری شیر علی نے مزید کہاکہ ورلڈکپ جیتنے کے 25 سال مکمل ہونے پر کس چیز کی مبارک باد دوں، حکومت نے عمران خان جیت کی خوشی میں پلاٹ کا تحفہ دیا تھا۔

    یاد رہے پاکستان کی ٹیم نے 25 سال قبل آسٹریلیا میں کھیلے جانے والے ورلڈکپ میں انگلینڈ کو شکست دے کر قوم کو ورلڈکپ کا تحفہ دیا تھا۔

  • پاکستان کو کرکٹ کا چیمپئین بنے 25 سال مکمل

    پاکستان کو کرکٹ کا چیمپئین بنے 25 سال مکمل

    کراچی: 25 مارچ 1992 کو پاکستان کرکٹ کا فاتح بنا تھا۔ ان پروقار لمحات کو 25 سال مکمل ہوگئے ہیں۔

    تفصیلات کے مطابق آج پاکستان کو کرکٹ کا عالمی چیمپئن بنے 25 سال مکمل ہوگئے ہیں۔ 25 مارچ 1992 وہ خوش قسمت دن تھا جب پاکستان کرکٹ کا فاتح بنا۔

    میلبورن کے تاریخی میدان میں کرکٹ کے بانی انگلینڈ کو فائنل میں 22 رنز سے شکست ہوئی۔ انجری کے باوجود کپتان عمران خان نے جاوید میانداد کے ہمراہ بیٹنگ کا محاذ سنبھالا اور 72 رنز بنا کر قومی ٹیم کی پوزیشن بہتر بناتے ہوئے انگلینڈ کو 250 رنز کا ہدف دیا۔

    مزید پڑھیں: یوم پاکستان پر ہاکی ٹیم کا ہم وطنوں کو شاندار تحفہ

    سنہ 1992 کا ورلڈ کپ سوئنگ کنگ وسیم اکرم کے کیرئیر کا پہلا ورلڈ کپ تھا۔ انہوں نے اپنی سپر باﺅلنگ کے جوہر دکھاتے ہوئے انگلیڈ کے کھلاڑی ایلن لیمب کو آﺅٹ سوئنگ پر بولڈ کیا اور پھر کرس لوئیس بھی وسیم اکرم کی خطرناک ان سوئنگ بال کا نشانہ بنے۔

    بعد ازاں میچ کا پانسہ پلٹ گیا اور پاکستان نے 25 مارچ 1992 کی تاریخ کو کرکٹ ورلڈ کپ اپنے نام کیا۔

    پاکستان 1992 میں کرکٹ کا فاتح عمران خان کی کپتانی میں بنا تھا۔ سابق کامباب کپتان عمران نے ورلڈ کپ جیتنے کے بعد کرکٹ کو خیر باد کہہ دیا تھا۔

    کچھ حلقوں میں یہ بھی کہا جارہا ہے کہ ورلڈ کپ کی 25 ویں سالگرہ سیاست کی نذر ہوگئی

  • ثانیہ اچھا کھیلے تومجھ پربھی اچھا کھیلنے کا دباؤ ہوتا ہے، شعیب ملک

    ثانیہ اچھا کھیلے تومجھ پربھی اچھا کھیلنے کا دباؤ ہوتا ہے، شعیب ملک

    لاہور: دورہ زمبابوے کے لئے قومی کرکٹرز کے تربیتی کیمپ کا آغاز ہوگیا،سابق کپتان شعیب ملک کہتے ہیں زمبابوے سے سیریز آئندہ سال ہونے والے ورلڈ ٹی ٹوئنٹی کی تیاریوں میں اہم ثابت ہوگی۔

    قذافی اسٹیڈیم لاہور میں ہیڈ کوچ وقار یونس کی نگرانی ٹریننگ کیمپ شروع ہوگیا،ون ڈے ٹیم کے کپتان اظہر علی، سرفراز اور اسد شفیق حج کی سعادت کے باعث کیمپ کا حصہ نہیں ہیں،کھلاڑی کیمپ کے دوران فٹنس اور فیلڈنگ پر خصوصی توجہ دے رہے ہیں۔

    اس موقع پر سابق کپتان شعیب ملک کا کہنا تھا کہ ٹی ٹوئنٹی ٹورنامنٹ سے نئے کھلاڑی سامنے آرہے ہیں، زمبابوے کے لئے متوازن ٹیم منتخب ہوئی ہے، ورلڈ ٹی ٹوئنٹی سے پہلے میچ ملنا خوش آئند ہے۔

     شعیب ملک کا کہنا تھا کہ ثانیہ اچھا کھیلتی ہیں تو ان پر بھی کچھ کردکھانے کے لئے دباؤ ہوتا ہے، قومی ٹیم کا تربیتی کیمپ بیس ستمبر تک جاری رہے گا،گرین شرٹس دورہ زمبابوے کا آغاز ستائیس ستمبر کو ہرارے میں کھیلے جانےوالے ٹی ٹوئنٹی سے کریں گے۔

  • افغانستان کرکٹ ٹیم نے ورلڈ ٹی ٹوئنٹی 2016 میں جگہ بنالی

    افغانستان کرکٹ ٹیم نے ورلڈ ٹی ٹوئنٹی 2016 میں جگہ بنالی

    ڈبلن: افغانستان نے پاپوانیوگینی کیخلاف چھ وکٹوں سے کامیابی حاصل کرکے ورلڈ ٹی ٹوئنٹی دوہزارسولہ کیلئے کوالیفائی کرلیا ہے۔

    ڈبلن میں کھیلے جانے والے ورلڈ ٹی ٹوئنٹی کوالیفائرز کے تیسرے پلے آف میں افغانستان کیخلاف پاپوا نیو گینی نے ٹاس جیت کر پہلے بیٹنگ کرتے ہوئے چھ وکٹوں پر ایک سو ستائیس رنز بنائے۔

    چارلس امینی سینتیس رنز بناکر نمایاں رہے،افغان ٹیم کیلئے شاہ پور زدران نے دو وکٹیں حاصل کیں، افغانستان نے مطلوبہ ہدف چار وکٹوں کے نقصان پر پورا کرلیا، نوروز مینگل نے پینسٹھ رنز کی ناقابل شکست اننگز کھیلی۔

  • شعیب ملک کی سنچری، ثانیہ مرزا خوشی سے کھل اُٹھیں

    شعیب ملک کی سنچری، ثانیہ مرزا خوشی سے کھل اُٹھیں

    کراچی: زمبابوے کیخلاف شاندار سنچری بنانے پر شعیب ملک کی اہلیہ ثانیہ مرزا خوشی سے نہال ہوگئی۔

     سماجی روابط کی ویب سائٹ ٹوئٹر پر شعیب ملک کی اہلیہ ثانیہ مرزا نے کہا کہ یقین تھا کہ شعیب ملک ٹیم میں واپسی پر اچھی کارکردگی دکھاکراپنی اہلیت ثابت کریں گے اور انھوں نے ایسا ہی کیا۔

    ثانیہ مرزا نے کہا کہ کھبی بھی کسی کی محنت رائیگاں نہیں جاتی، شعیب ملک کی سنچری کرنے پر بے حد خوشی محسوس کررہی ہوں۔

    شعیب ملک پہلے ون ڈے میں چھاگئے،چھ سال میں ٹیم سے ان اور آؤٹ ہونے والے سابق کپتان نے چھ سال بعد سنچری بناکر انتخاب کو درست ثابت کردیا۔

    شعیب ملک نے آخری بار نصف سینچری یا اس سے بڑی اننگز دو ہزار نو میں بھارت کیخلاف کھیلی تھی جس کے بعد شعیب کوئی بڑی اننگز نہیں کھیل سکے تھے۔

    دوہزار نو میں بھارت کے خلاف سینچری بناکر بھارتی ٹینس اسٹار ثانیہ مرزا کا دل جیتا تھا۔

  • اسپنر رضا حسن پر دو سال کی پابندی عائد

    اسپنر رضا حسن پر دو سال کی پابندی عائد

    لاہور: پی سی بی نے ڈوپ ٹیسٹ مثبت آنے پر انٹرنیشنل اسپنر رضا حسن پر دو سال کی پابندی عائد کردی ہے۔

    ایک ون ڈے اور دس ٹی ٹوئنٹی میچز میں پاکستان کی نمائندگی کرنے والے بائیس سالہ نوجوان اسپنررضا حسن کے ڈوپ ٹیسٹ میں مبینہ طور پرکوکین کے اثرات پائے گئے۔

     اسپنر کا ڈوپ ٹیسٹ پازیٹو آنے پر ان کا کیرئیر بھی خطرے میں پڑگیا ہے، پاکستان کرکٹ بورڈ نے رضا حسن پر دو سال تک ہر قسم کی کرکٹ کے دروازے بند کردئیے۔

    جنوری میں پینٹنگولر کپ کے دوران رضاحسن کا ڈوپ ٹیسٹ لیا گیا تھا، ٹیسٹ کے لیے اسپنر کا سیمپل بھارت بھجوایاگیا، جو نہ صرف مثبت آیا بلکہ ٹیسٹ میں کوکین کا استعمال بھی ثابت ہوا، جس کے بعد رضاحسن پر دوسال کی پابندی لگائی گئی۔

    رضاحسن سے پہلے شعیب اختر،محمد آصف اور عبدالرحمان بھی ڈوپ ٹیسٹ مثبت آنےپرپابندی کا سامنا کرچکے ہیں۔