پاکستان ویمن فٹبال ٹیم کی کپتان ہاجرہ خان نے گنیز ورلڈ ریکارڈ اپنے نام کرلیا، وہ اس سے قبل بھی گنیز ورلڈ ریکارڈ بنا چکی ہیں۔
ہاجرہ نے دنیا کے طویل ترین فٹبال میچ میں حصہ لیا جو 69 گھنٹوں تک جاری رہا، ہاجرہ نے اس میچ میں پاکستان کی نمائندگی کی۔ یہ میچ فرانس میں ایکول پلیئنگ فیلڈ کی جانب سے کھیلا گیا جس میں 51 ممالک کی 807 خواتین کھلاڑیوں نے شرکت کی۔
WE. DID. IT. After 69 hours of continuous play, 807 players on the pitch and a score of 404 – 369, we completed our world record attempt for the largest number of players to appear continuously in a 5-a-side match. *official numbers to follow! #AnyGirlAnyWhere @twitter @adidas pic.twitter.com/MBtdx0AGf2
— Equal Playing Field (@EPFinitiative) July 1, 2019
اس پروگرام کا مقصد صنفی مساوات کے ذریعے خواتین کے خلاف تشدد کی روک تھام اور مختلف کھیلوں کے ذریعے دنیا بھر سے خواتین کو مواقع فراہم کرنا ہے۔
پانچ روزہ فٹبال فیسٹیول میں ہاجرہ کے ہمراہ دیگر 3 پاکستانی خاتون فٹبالرز ابیہا حیدر، خدیجہ کاظمی اور صبا داؤد لاکھو نے بھی حصہ لیا۔ یہ میچ فیفا ویمن ورلڈ کپ 2019 کے دوران منعقد کیا گیا۔
ہاجرہ خان نے اس میچ میں مسلسل ساڑھے 3 گھنٹوں تک کھیل کر 4 گولز اسکور کیے اور وہ یہ اسکور کرنے والی واحد پاکستانی فٹبالر بنیں۔
Played football for 3.30 hours straight from 3am to 6.30am & scored 4 goals to contribute to the World Record Match organised by @EPFinitiative ⚽️
Super exhausted but what a great experience! Proud of myself for lasting that long after 11 hrs of travel no sleep! #AnyGirlAnywhere pic.twitter.com/DovDuhwChF— Hajra Khan (@hajrakn) June 29, 2019
ہاجرہ اس سے قبل اسی تنظیم کے تحت اردن کے بحر مردار کے ساحل پر سطح سمندر سے 420 میٹر نیچے کھیل کر، دنیا کی سب سے کم اونچائی والا فٹ بال میچ کھیلنے کا عالمی ریکارڈ بھی قائم کر چکی ہیں۔
