Tag: world records

  • پاکستانی ایتھلیٹ عرفان محسود نے ورلڈ ریکارڈز کے انبار لگا دیئے

    پاکستانی ایتھلیٹ عرفان محسود نے ورلڈ ریکارڈز کے انبار لگا دیئے

    پشاور : پاکستان کے مایہ ناز ایتھلیٹ عرفان محسود نے فرانس اور مصر کے 3ریکارڈ توڑ دئیے۔ وہ بھارت، امریکا، برطانیہ، فلپائن، عراق، مصر، فرانس سمیت نوممالک کے مختلف ریکارڈز توڑ چکے ہیں۔

    تفصیلات کے مطابق عرفان محسود نے پہلا ریکارڈ فرانس کے ایریک لیجیون کا توڑا تھا، جس میں ایک منٹ میں ایک پاؤں پر100 پاؤنڈ وزن کے29 پش اپس تھے۔

    عرفان محسود نے100 پاؤنڈ وزن کے ساتھ ایک پاؤں پر41پش اپس کیے، انہوں نے دوسرا ریکارڈ مصر کے محمود ایوب کا توڑا جس میں ایک منٹ میں100 پاؤنڈ وزن کے ساتھ61 جمپنگ جیکس کا ریکارڈ قائم کیا گیا تھا۔

    اس کے علاوہ عرفان محسود نےایک منٹ میں100پاؤنڈ وزن کےساتھ81 جمپنگ جیکس کیے، عرفان محسود نے تیسرا ریکارڈ مصر کے احمد ابراہیم عثمان کا توڑا جس میں ایک منٹ میں ایک پاؤں پر80پاؤنڈ وزن کے ساتھ50 پش اپس کا ریکارڈ تھا۔

    عرفان محسود نے1منٹ میں ایک پاؤں پر80پاؤنڈ وزن کے ساتھ57 پش اپس کیے، عرفان محسود واحد ایتھلیٹ ہیں جنہوں نے پش اپس کیٹگری میں26ورلڈ ریکارڈز بنائے۔

    عرفان محسود مجموعی طور پر اب تک 49گنیز ورلڈ ریکارڈ بناچکے ہیں جن میں9ممالک میں بنائے گئے ریکارڈز شامل ہیں۔

  • ہنگرین پوپائے نے دانتوں سے بوئنگ 777 کھینچنے کی تیاری کرلی

    ہنگرین پوپائے نے دانتوں سے بوئنگ 777 کھینچنے کی تیاری کرلی

    دبئی : ہنگری کے پوپائے زولٹ سنکا متحدہ عرب امارت میں بوئنگ 777 طیارہ دانتوں سے کھینچ کر نیا عالمی ریکارڈ قائم کرنا چاہتے ہیں۔

    تفصیلات کے مطابق ہنگری سے تعلق رکھنے والے زولٹ سنکا گزشتہ دس برسوں کے دوران طاقت اور باڈی بلڈنگ کے اب تک 35 سے زائد عالمی ریکارڈ قائم کرچکے ہیں جس کے باعث انہیں ہنگری کا پوپائے کہا جاتا ہے۔

    زولٹ سنکا نے اپنی 8 سالہ بیٹی اور اہلیہ مونیکا کے ہمراہ دبئی اسپورٹس کونسل آفس کے دورے کے موقع پر میڈیا سے گفتگو کرتے ہوئے کہا کہ ’پہلے میری کوشش ہے کہ میں دانتوں سے بوئنگ 777 طیارہ کھینچوں، اس کے بعد آئندہ برس دبیئ 2020 ورلڈ ایکسپو کے دوران ایئر بس اے 380 کو کھینچا چاہتا ہوں، میرا خیال ہے کہ ایکسپو کے دوران یہ اچھی مہم ہوگی‘۔

    سنکا نے کہا کہ اے 380 کے بعد میں کار کھینچنے کا ریکارڈ بنانا چاہتا ہوں ممکن ہے چھ سے آٹھ گاڑیاں ہوں اور ممکن ہے کہ میں آر ٹی اے (روڈ اینڈ ٹرانسپورٹ اتھارٹی) کے ہمراہ کام کروں اور بڑی بس کو کھینچوں۔

    ان کا کہنا تھا کہ میرے منصوبے میں برج العرب کے ہیلی پیڈ پر ایک اسٹیج شو بھی شامل ہے جس میں دو موٹرسائیکلوں اپنے دانتوں سے روکوں گا، جو ایک زبردست شو ہوگا۔

    سنکا سنہ 2016 سے دبئی رہائشی ہیں جو ماضی میں 180 سیٹوں کے ایئربس اے 320 کو کھنچ چکے ہیں، انہوں نے بوداپست ایئرپورٹ پر 50 ٹن کے طیارے کو 39 .2 میٹر تک 52 سیکنڈ میں کھینچاتھا۔

    ہنگرین پاور لفٹر طاقت سے آزامائی کے کھیل سے قبل فٹبال کے کھلاڑی تھے وہ بوداپست ایئرپورٹ پر اے 300 طیارہ بھی کھینچ چکے ہیں جس کا وزن 90 ٹن تھا جبکہ 80 ٹن وزنی ٹرین بھی اپنے دانتوں سے کھینچ کر دنیا کو حیران کرچکے ہیں۔

    سنکا کا کہنا تھا کہ میں نے 2010 میں کچھ نیا کرنے کا سوچا، جس کےبعد میں نے پورے جسم سے دو فائر ٹرک کھینچنے کا فیصلہ کیا اور 2013 میں 50 ٹن وزنی جہاز کو کھینچ کر عالمی ریکارڈ قائم کرنے کا فیصلہ کیا تھا۔

  • سرفراز احمد نے عمدہ کارکردگی کے ساتھ ساتھ عالمی ریکارڈ بھی بناڈالا

    سرفراز احمد نے عمدہ کارکردگی کے ساتھ ساتھ عالمی ریکارڈ بھی بناڈالا

    کراچی: سرفراز احمد نے ایک میچ میں اتنے کیچ پکڑ لئے جتنے عمر اکمل نے تین میچ میں چھوڑدیئے، سرفراز احمد نے ایک اننگز میں چھ کیچ پکڑ کر ورلڈ کپ میں سب سے زیادہ کیچز کا عالمی ریکاڑد بھی برابر کردیا۔

    میچ میں شاندار کارکردگی کا مظاہرہ کرنے والے سرفراز احمد جب بیٹنگ کیلئے میدان میں آئے تو کسی بھی باﺅلر کو خاطر میں نہ لائے اور گراﺅنڈ کے چاروں جانب خوبصورت سٹروک کھیلے۔

    انہوں نے محض 49 گیندوں پر 3 چھکوں اور 5 چوکوں کی مدد سے 49 رنز تاہم بدقسمتی سے محض 1 سکور کی کمی سے ففٹی مکمل کرنے میں ناکام رہے اور رن آﺅٹ ہو گئے۔

    ہدف مقرر کرنے کے بعد جنوبی افریقی بلے باز میدان میں آئے تو محمد عرفان، راحت علی اور وہاب ریاض نے طوفانی باﺅلنگ کے ذریعے انہیں تگنی کا ناچ نچا دیا جبکہ وکٹ کے پیچھے کھڑے سرفراز احمد نے بھی باﺅلرز کا بھرپور ساتھ دیا۔

    انہوں نے میچ میں وکٹ کے پیچھے 6 کھلاڑیوں کے کیچ دبوچ کر نا صرف میچ جیتنے میں اہم کردار ادا کیا بلکہ ایک ہی میچ میں کسی بھی وکٹ کیپر کی جانب سے سب سے زیادہ کیچز پکڑنے کا ریکارڈ بھی برابر کیا۔

    آسٹریلیا کے سابق وکٹ کیپر بلے باز ایڈم گلکرسٹ 4 میچوں میں 6,6 کیچز پکڑ کر اس فہرست میں پہلے نمبر ہیں جبکہ ان کے بعدانگلینڈ کے سٹیورٹ ایلس، جنوبی افریقہ کے مارک باﺅچر، انگلینڈ کے میٹ پرائر، انگلینڈ کے وکٹ کیپر بٹلر اور سکاٹ لینڈ کے وکٹ کیپر کراس ایک ہی اننگز کے دوران وکٹ کے پیچھے 6 کیچز پکڑنے کا اعزاز حاصل کر چکے ہیں۔

  • گنیزورلڈریکارڈ بک کے ساٹھ سال مکمل

    گنیزورلڈریکارڈ بک کے ساٹھ سال مکمل

    گنیزورلڈریکارڈ بک کے ساٹھ سال مکمل ہونے پرایک دن میں سب سے زیادہ عالمی ریکارڈ بنانےکا مظاہرہ کیا گیا۔

    عالمی ریکارڈ کی بک کےساٹھ سال مکمل ہونے پردنیا کےمخلتف ممالک میں عالمی ریکارڈ بنائےگئے۔

    لندن میں دنیا کےدرازقامت شخص سلطان کوسن اوردنیا کےسب سےچھوٹےقد کےچندراڈانگی نےایک ساتھ گنیزورلڈ ریکارڈ کی تقریب میں شرکت کی۔

    TOPSHOTS-BRITAIN-LIFESTYLE-RECORD-OFFBEAT

    چاپان میں فورلیگ ریس میں کٹسومی نےسومیٹرکی ریس میں گزشتہ ریکارڈ توڑتےہوئےنیا عالمی ریکارڈ اپنےنام کیا۔

    Ffastest-100-m-running-on-all-fours-(1)-main_497x280

    چین کے شہرزی جیانگ میں پچیس ہزارسے زائدافراد نےلائن ڈانس میں شرکت کرتےہوئےنیاعالمی ریکارڈقائم کیا۔

    china new line dance

    پیرس کےڈانس شومیں ایڈونس نے تیس سیکنڈ میں ایک ٹانگ کی لچک کاحیرت انگیز مظاہرہ کرتے ہوئے گنیزبک آف ررلڈ ریکارڈ میں جگہ بنائی۔