ARYNews.tv | Urdu – Har Lamha Bakhabar

Tag: World Test Championship

  • ورلڈ ٹیسٹ چیمپئن شپ 2023 کے پوائنٹس سسٹم کا اعلان

    ورلڈ ٹیسٹ چیمپئن شپ 2023 کے پوائنٹس سسٹم کا اعلان

    دبئی: آئی سی سی نے ورلڈ ٹیسٹ چیمپئن شپ کے دوسرے ایڈیشن کیلئے پوائنٹس سسٹم کا اعلان کردیا ہے۔

    تفصیلات کے مطابق انٹر نیشنل کرکٹ کونسل نے دو ہزار تئیس کے ورلڈ ٹیسٹ چیمپئین شپ کے طریقہ کار، پوائنٹس سسٹم اور مدمقابل ٹیموں کی تفصیلات جاری کردیں ہیں۔

    آئی سی سی کے مطابق پاکستان سمیت نو ممالک کی ٹیمیں ہوم اینڈ اوے کی بنیاد پر ایک دوسرے کے آمنے سامنے ہوں گی، دو میچز کی سیریز کے 24، تین میچز کی سیریز 36 اور چار ٹیسٹ میچز پر مشتمل سیریز 48 پوائنٹس کی ہوگی۔ ٹیم کو کامیابی پر 12 پوائنٹس، ٹائی پر 6، ڈرا پر 4 جبکہ شکست پر کوئی پوائنٹ نہیں ملے گا۔

    پاکستان کرکٹ ٹیم دوہزار اکیس سے دوہزار تئیس کے عرصے کے دوران آسٹریلیا، انگلینڈ اور نیوزی لینڈ سے ہوم سیریز کھیلے گی جبکہ سری لنکا، بنگلہ دیش اور ویسٹ انڈیز سے اوے سیریز شیڈول ہے۔

  • کیوی کرکٹرز کینسر میں مبتلا بچی کے لئے مسیحا بن گئے

    کیوی کرکٹرز کینسر میں مبتلا بچی کے لئے مسیحا بن گئے

    آکلینڈ: آئی سی سی ٹیسٹ چیمپئن شپ میں بھارتی بیٹنگ لائن کو تہس نہس کرنے والے کیوی فاسٹ بولر ٹم ساؤتھی کینسر میں مبتلا بچی کی مدد کو آگئے اور اہم فیصلہ کیا ہے۔

    پانچ سالہ ہولی کو نیوروبلاسٹوما کی تشخیص ہوئی ہے، جسے کیسنر کی انتہائی خطرناک قسم مانا جاتا ہے۔

    اس بارے میں ٹم ساؤتھی کا کہنا تھا کہ میرے گھر والے کو ہولی کی کہانی کے بارے میں کچھ سال پہلے کرکٹ برادری کے ذریعے معلوم ہوا تھا، میں نے ہمیشہ ہولی کے خاندان والوں کی ثابت قدمی اور مثبت رویہ دیکھا، مجھے جب پتہ چلا کہ ہولی کو مزید علاج کی ضرورت ہے تو میں نے کوشش کی کہ کسی طرح ان کی مدد کا راستہ تلاش کروں۔

    اچانک مجھے آئی سی سی ٹیسٹ چیمپئن میں استعمال کی جانے والی شرٹ کو فروخت کرنے کا خیال آیا، اس شرٹ پر مجھ سمیت مارٹن گپٹل ، ٹام بلنڈل سمیت کئی کرکٹرز نے دستخط کئے ہیں، نیلامی کی پہلی بولی 3500 ڈالر رکھی گئی ہے۔

    ٹیم ساؤتھی کا مزید کہنا تھا کہ نیلامی میں قوس قزح کی گرپ والا خصوصی بیٹ بھی رکھا گیا ہے تاکہ ہولی کے علاج کے لئے زیادہ سے زیادہ فنڈز جمع کیا جاسکے، نیلامی آٹھ جولائی کو ہوگی۔

    کیسنر کی خاص مرض میں مبتلا ہولی کے علاج کے لئے پانچ سے ساڑھے آٹھ لاکھ تک اخراجات آنے ہیں۔

    دوسری جانب نیوزی لینڈ کرکٹ بورڈ کے آفیشل ٹوئٹر ہینڈل سے کھلاڑیوں کے دستخط شدہ شرٹ کی مختصر ویڈیو جاری کی گئی ہے۔

  • انگلینڈ کی شکست، آئی سی سی ٹیسٹ چیمپئن شپ "دل چسپ” مرحلے میں داخل

    انگلینڈ کی شکست، آئی سی سی ٹیسٹ چیمپئن شپ "دل چسپ” مرحلے میں داخل

    دبئی: بھارت کے ہاتھوں چنئی ٹیسٹ میں شکست کے باعث انگلینڈ کی آئی سی سی ورلڈ ٹیسٹ چیمپئن شپ کے پوائنٹس ٹیبل میں تنزلی ہوگئی ہے۔

    تفصیلات کے مطابق گذشتہ روز انٹر نیشنل کرکٹ کونسل (آئی سی سی) نے انگلینڈ اور بھارت کے درمیان دوسرے ٹیسٹ میچ کے اختتام پر آئی سی سی ورلڈ ٹیسٹ چیمپئن شپ کی نئی فہرست جاری کی۔

    آئی سی سی کی جانب سے جاری پوائنٹس ٹیبل میں انگلینڈ کو بھارت کے ہاتھوں شکست کے باعث بڑا نقصان ہوا ہے اور وہ نمبر چار پر چلا گیا ہے جبکہ بھارت دوسری پوزیشن پر براجمان ہوگیا ہے، تاہم بھارت کے لئے ٹیسٹ چیمپئن شپ کا فائنل کھیلنا اتنا آسان نہیں ہے، انڈیا کو یہ فائنل میں پہنچنے کے لئے مہمان انگلینڈ کو 1-3 شکست دینا ہوگی۔

    دوسری جانب انگلینڈ کو آئی سی سی ورلڈ ٹیسٹ چیمپئن شپ کے فائنل میں رسائی کے لئے انڈیا کو 1-3 سے شکست دینا ہوگی، اس تناظر میں آنے والے دونوں ٹیسٹ میچز دونوں ٹیموں کے لئے انتہائی اہمیت اختیار کرگئے ہیں۔

    یاد رہے کہ رواں برس آئی سی سی ٹیسٹ چیمپئن شپ کا فائنل کھیلا جانا ہے۔ 2019 سے اب تک ہونے والے ٹیسٹ میچز کے نتائج اور ان میں ٹیسٹ کرکٹ کھیلنے والی ٹیموں کی کارکردگی کی بنیاد پر اس کی فائنلسٹ ٹیموں کا تعین ہونا ہے۔

    پاکستانی ٹیم نے جنوبی افریقہ کے خلاف دو، صفر کی حالیہ فتح کے بعد ٹیسٹ چیمپئن شپ پوائنٹس ٹیبل پر اپنی پوزیشن بہتر بنائی ہے تاہم گرین شرٹس فائنل میں پہنچنے والی دوسری ٹیم کی پوزیشن حاصل کرنے کی دوڑ سے باہر ہو چکے ہیں۔