اسلام آباد: وزیراعظم نوازشریف نے خواتین کے عالمی دن کے موقع پر کہنا ہے کہ خواتین کو زندگی کے ہر شعبے میں شامل ہونے کا حق حاصل ہے،حکومت زندگی کےہرشعبےمیں شرکت کویقینی بنانےکیلئے پرعزم ہے۔
تفصیلات کے وزیراعظم نوازشریف نے خواتین کے عالمی دن کے موقع پر اپنے پیغام میں کہا ہے کہ پاکستان کے آئین میں خواتین کو مساوی حیثیت حاصل ہے، خواتین کو زندگی کے ہر شعبے میں شامل ہونے کا حق حاصل ہے، پاکستان میں خواتین کو کام کرنے کے یکساں مواقع حاصل ہیں۔
انکا کہنا تھا کہ حکومت زندگی کے ہر شعبے میں شرکت کو یقینی بنانے کیلئے پرعزم ہے۔
وزیراعظم نوازشریف نے کہا کہ خواتین کو معاشرے کا مفید رکن بنانے کیلئے شمولیت قومی ذمہ داری ہے، صنفی بنیاد پر تشدد اور خواتین کے خلاف امتیازی قوانین کےخاتمےکیلئے بھی پُرعزم ہیں ، حکومت انسانی حقوق سے متعلق 2030 کے ایجنڈے پر کام کررہی ہے۔
خیال رہے کہ دنیا بھر میں خواتین کا عالمی دن آج منایا جارہا ہے اس سال خواتین کے عالمی دن کا تھیم “ففٹی ففٹی 2030” ہے۔
