ARYNews.tv | Urdu – Har Lamha Bakhabar

Tag: worldcup

  • ٹیم تیار ہے، پاکستان کو ورلڈ کپ کھیلنے بھارت جانا چاہیے: شاہد آفریدی

    ٹیم تیار ہے، پاکستان کو ورلڈ کپ کھیلنے بھارت جانا چاہیے: شاہد آفریدی

    قومی کرکٹ ٹیم کے آل راؤندر  شاہد آفریدی نے کہا کہ پاکستان کی ٹیم بلکل تیار ہے پاکستان کو ورلڈ کپ کھیلنے بھارت جانا چاہیے۔

    قومی کرکٹ ٹیم کے آل راؤنڈر اور سابق کپتان شاہد آفریدی نے ایک تقریب میں گفتگو کرتے ہوئے کہا کہ پاکستان نمبر ون ٹیم بن گئی، سب کوبہت بہت مبارک ہو، بابر اعظم اور اس کی ٹیم نے بہت بڑی کامیابی حاصل کی ہے۔

    شاہدآفریدی نے کہا کہ پاکستان ٹیم ورلڈ کپ کے لئے بلکل تیار ہے، مجھے لگتا ہے کہ پاکستانی ٹیم بھارت کی سرزمین میں کچھ کرسکتی ہیں مجھے ان پر پورا یقین ہے۔

    سابق کپتان شاہد آفریدی نے کہا کہ بابرکو ورلڈ کپ تک کپتان بنانے کا فیصلہ بہترین ہے، ورلڈ کپ تک کپتان بنانےکا اعلان پہلے ہی کر دینا چاہیے تھا، نائب کپتان کا اعلان کرنےکی ضرورت ہی نہیں ایک کپتان کا مائنڈ بنائیں اور اس کے نیچے سب کھیلیں۔

    انہوں نے کہا کہ ‘میرے خیال میں بابر کو ابھی ایک دو چیزوں پر کام کرنے کی ضرورت ہے’ اس کے بعد ہماری پوری ٹیم تیار ہے، ٹیم بھارت جائے اپنے آپ کو اتنا مضبوط کریں کہ کسی کو آنکھیں دکھا سکیں۔

  • انڈر19 کرکٹ ٹیم کے کپتان ورلڈکپ جیتنے کیلئے پرعزم

    انڈر19 کرکٹ ٹیم کے کپتان ورلڈکپ جیتنے کیلئے پرعزم

    لاہور: قومی انڈر19 کرکٹ ٹیم کے کپتان روحیل نذیر کا کہنا ہے کہ ورلڈکپ 2020 میں جنوبی افریقہ کی کنڈیشنز پر اچھا کھیل پیش کرکے ٹائٹل اپنے نام کریں گے۔

    تفصیلات کے مطابق قومی انڈر19 کرکٹ ٹیم کے کپتان روحیل نذیر نے ورلڈکپ جیتنے کے عزم کا اظہار کردیا۔ اپنے ایک بیان میں ان کا کہنا تھا کہ کھلاڑی پرجوش ہیں، عمدہ کھیل پیش کرکے ٹائٹل کی جنگ لڑیں گے۔

    انہوں نے سینئرکھلاڑی عماد وسیم کی تعریف کرتے ہوئے کہا کہ مجھے پرفارم کرتا دیکھ کر عماد وسیم بہت خوش ہوتے ہیں، اور متعدد بار تعریف بھی کی۔ جبکہ احمد شہزاد کو کھیلتا دیکھ کر خوشی ہوتی ہے۔

    واضح رہے کہ آئی سی سی انڈر 19 کرکٹ ورلڈکپ 17 جنوری سے جنوبی افریقہ میں شروع ہوگا۔

    دوسری جانب سینئر کھلاڑی انڈر19 ٹیم کو بھرپور سپورٹ کررہے ہیں۔ جبکہ نیشنل کرکٹ اکیڈمی میں ملاقاتوں کا سلسلہ بھی جاری ہے۔ گزشتہ روز سرفرار احمد نے ٹیم سے ملاقات کی اور جیت کے لیے مفید مشورے دیے۔

    جبکہ آج ہیڈکوچ مصباح الحق اور بولنگ کوچ وقار یونس نے کھلاڑیوں کو ٹپس دیں اور جیت کے گر بتائے۔

  • مشن ورلڈکپ: سرفراز احمد کی انڈر19 ٹیم سے ملاقات، نیک تمناؤں کا اظہار

    مشن ورلڈکپ: سرفراز احمد کی انڈر19 ٹیم سے ملاقات، نیک تمناؤں کا اظہار

    لاہور: پاکستان کرکٹ ٹیم کے سابق کپتان سرفراز احمد نے انڈر19 کرکٹ ٹیم کے کھلاڑیوں سے ملاقات کی، اس دوران انہوں نے ورلڈکپ جیتنے کے لیے اہم مشورے دیے۔

    تفصیلات کے مطابق سرفراز احمد نے قومی انڈر19 ٹیم سے نیشنل کرکٹ اکیڈمی میں ملاقات کی، انڈر 19 ورلڈکپ 2020 میں شرکت کے حوالے سے ٹیم کی حوصلہ افزائی بھی کی۔

    سابق کپتان نے کھلاڑیوں کو کھیل کے دوران دباؤ میں پرسکون رہنے کے مشورہ دیے۔ نوجوان کھلاڑی چیمپئن کپتان سے ملاقات کرکے بے حد خوش دکھائی دیے، قومی انڈر19 کرکٹ ٹیم نے ورلڈکپ جیتنے کے عزم کا اظہار کیا۔

    واضح رہے کہ آئی سی سی انڈر 19 کرکٹ ورلڈکپ 17 جنوری سے جنوبی افریقہ میں شروع ہوگا جو 9فروری تک جاری رہے گا، 24 روز تک جاری رہنے والے ایونٹ میں 16 ممالک کی ٹیمیں شرکت کریں گی۔رواں سال 17 جنوری سے شروع ہونے والے ایونٹ کا فائنل بینونی کے جے پی مارک اوول میں کھیلا جائے گا۔

    ایونٹ کے فاتح کا فیصلہ9 فروری کو ہوگا، ایونٹ میں پاکستان کا پہلا میچ 19جنوری کواسکاٹ لینڈ کے خلاف پوچیف اسٹروم میں کھیلاجائے گا، قومی انڈر 19 کرکٹ ٹیم ایونٹ میں اپنا دوسرا میچ 22 جنوری کو زمباوے کے خلاف بلوم فاؤنٹین میں کھیلے گی۔

    گروپ مرحلے میں پاکستان کا آخری میچ بنگلادیش کے خلاف ہوگا۔ دونوں ٹیمیں 24 جنوری کو جے پی مارک اوول میں مد مقابل آئیں گی۔ ہر گروپ سے 2 بہترین ٹیمیں سپر لیگ مرحلے میں رسائی حاصل کریں گی۔

  • مشن ورلڈکپ2020: قومی انڈر19 کرکٹ ٹیم کے کیمپ کا حتمی مرحلہ

    مشن ورلڈکپ2020: قومی انڈر19 کرکٹ ٹیم کے کیمپ کا حتمی مرحلہ

    لاہور: قومی انڈر19 کرکٹ ٹیم کے ہیڈکوچ اعجاز احمد کا کہنا ہے کہ ورلڈ کپ 2020 کا مشن لیے قومی ٹیم نے 25 دن بھرپور پریکٹس کی، آج سے کیمپ کا حتمی مرحلہ شروع ہوگیا ہے۔

    تفصیلات کے مطابق قومی انڈر 19 کرکٹ ٹیم کے ہیڈ کوچ اعجاز احمد کا میڈیا سے گفتگو کرتے ہوئے کہنا تھا کہ ورلڈ کپ میں عمدہ کارکردگی دکھانے کے لیے قومی ٹیم پرعزم ہے، ورلڈکپ میں پاکستانی ٹیم بہتر نتائج دے دی۔

    انہوں نے گفتگو کے دوران نسیم شاہ سے متعلق کہا کہ انڈر 19 ٹیم کا اعلان ہوا تب نسیم شاہ ٹیسٹ میچ نہیں کھیلتے تھے، نسیم شاہ کو پاکستان کی طرف سے کھیلنا چاہیے۔ اعجاز احمد نسیم شاہ کو انڈر19 ٹیم میں شامل کرنے کے خواہش مند ہیں۔

    ہیڈکوچ کا کہنا تھا کہ قومی ٹیم میں صلاحتیں موجود ہیں، پریکٹس سیشن کے دوران کھلاڑیوں نے جان لگائی، پی سی بی انڈر 19 اور ایمرجنگ کھلاڑیوں کا 3 ماہ کا کیمپ لگائے۔

    خیال رہے کہ آئی سی سی انڈر 19 کرکٹ ورلڈکپ 17 جنوری سے جنوبی افریقہ میں شروع ہوگا جو 9فروری تک جاری رہے گا، 24 روز تک جاری رہنے والے ایونٹ میں 16 ممالک کی ٹیمیں شرکت کریں گی۔رواں سال 17 جنوری سے شروع ہونے والے ایونٹ کا فائنل بینونی کے جے پی مارک اوول میں کھیلا جائے گا۔

    انڈر19 کرکٹ ورلڈ کپ: نسیم شاہ کی شمولیت پرسینئیر اور جونئیر منیجمنٹ میں کھینچا تانی

    ایونٹ کے فاتح کا فیصلہ9 فروری کو ہوگا، ایونٹ میں پاکستان کا پہلا میچ 19جنوری کوسکاٹ لینڈ کے خلاف پوچیف اسٹروم میں کھیلاجائے گا، قومی انڈر 19 کرکٹ ٹیم ایونٹ میں اپنا دوسرا میچ 22 جنوری کو زمباوے کے خلاف بلوم فاؤنٹین میں کھیلے گی۔

    گروپ مرحلے میں پاکستان کا آخری میچ بنگلہ دیش کے خلاف ہوگا۔ دونوں ٹیمیں 24 جنوری کو جے پی مارک اوول میں مد مقابل آئیں گی۔ ہر گروپ سے 2 بہترین ٹیمیں سپر لیگ مرحلے میں رسائی حاصل کریں گی۔

  • ٹی ٹوئنٹی ورلڈکپ 2020 کی ٹکٹوں کی آن لائن فروخت شروع

    ٹی ٹوئنٹی ورلڈکپ 2020 کی ٹکٹوں کی آن لائن فروخت شروع

    لاہور: آئی سی سی مینز اور ویمنز ورلڈ کپ ٹی 20 کے لیے ٹکٹوں کی آن لائن فروخت شروع ہوگئی۔

    تفصیلات کے مطابق آئی سی سی مینز اور ویمنز ٹی ٹوئنٹی ورلڈکپ کے لیے ٹکٹوں کی قیمت کے اعلان اور اس کی فروخت کے ابتدائی مرحلے کا آغاز کردیا گیا ہے۔

    پاکستان سمیت 10 ٹیموں پر مشتمل ویمنز ایونٹ 21 فروری سے 8 مارچ تک کھیلا جائے گا جس میں مجموعی طور پر 23 میچ شیڈول ہیں۔

    دنیا کی 16 بہترین مینز ٹیموں کا میلہ 18 اکتوبر سے 15 نومبر تک 8 مختلف مقامات پر لگے گا، آئی سی سی کی جانب سے ٹکٹوں کی قیمت کم سے کم 20 ڈالر رکھی گئی ہے۔

    بچوں کے لیے یہ 5 ڈالر ہوگی، ویمنز ایونٹ دیکھنے کے خواہشمند آج سے آن لائن ٹکٹ بک کراسکتے ہیں تاہم مینز ایونٹ کے لیے پہلے رجسٹریشن کا عمل شروع کیا گیا ہے جو 7 اکتوبر تک جاری رہے گا۔

    پاکستانی مینز ٹیم اپنی مہم کا آغاز 24 اکتوبر کو آسٹریلیا کے خلاف سڈنی کرکٹ گراونڈ سے کرے گی، پاکستان دوسرا میچ کوالیفائیر ٹیم کے ساتھ اسی گراؤنڈ پر کھیلے گی۔

    پاکستان اور نیوزی لینڈ کا جوڑ 31 اکتوبر کو برسبین میں پڑے گا، 3 نومبر کو پاکستان اور ویسٹ انڈیز کی ٹیمیں ایڈیلیڈ اوول میں مدمقابل ہوں گی جب کہ 6 نومبر کو پاکستانی ٹیم کوالیفائر ٹو کے خلاف میلبورن کرکٹ گراونڈ میں ایکشن میں دکھائی دے گی، فائنل 15 نومبر کو میلبورن میں رکھا گیا ہے۔

  • فتوحات غلطیاں چھپا دیتی ہیں، غلطیوں سے سبق حاصل کرنا ہوگا: وسیم اکرم

    فتوحات غلطیاں چھپا دیتی ہیں، غلطیوں سے سبق حاصل کرنا ہوگا: وسیم اکرم

    لندن: قومی کرکٹ ٹیم کے سابق کپتان وسیم اکرم نے کہا ہے کہ قومی کرکٹ ٹیم کی فیلڈنگ میں کافی پرابلم ہیں، فتوحات غلطیاں چھپا دیتی ہیں، غلطیوں سے سبق حاصل کرنا ہوگا۔

    تفصیلات کے مطابق ایک انٹرویو میں وسیم اکرم کا کہنا تھا کہ فیلڈنگ میں کافی پرابلم ہیں، کیچز کا مسئلہ حل کرنا ہوگا، ہماری فیلڈنگ کا ہمیشہ مسئلہ رہا ہے، پلیئرز کو پر اعتماد ہونا پڑے گا، جنوبی افریقہ کے خلاف مجموعی طور پر پاکستان ٹیم کے فیصلے شاندار تھے۔

    سابق فاسٹ بولر نے کہا کہ تنقید کا بہترین جواب کارکردگی ہے، لوگوں کو دیکھ کر لگ رہا تھا کہ لارڈز نہیں لاہور میں کھیل رہے ہیں، ورلڈ کپ میں 14 کیچز ڈراپ کئے ہیں، یہ چیز نظر انداز نہ کریں۔

    انہوں نے کہا کہ ہر کسی ٹیم نے ٹاس جیت کر پہلے بیٹنگ کے فیصلے کو سراہا، سینئر پلیئر کو ڈراپ کرنا مشکل ہوتا ہے، حارث سہیل کو اپنا نیچرل گیم کھیلنے کی چھٹی دی گئی، بابر اور اوپنرز نے بھی اچھا کھیلا۔

    سوئنگ کے سلطان نے کہا کہ فخر زمان کے کھیل میں بہتری آرہی ہے، وہ وکٹ پر رکنا سیکھ رہا ہے، بابر اعظم پچاس کو سو میں تبدیل کریں، وہاب ریاض نے دو سال بعد شاندار کم بیک کیا، وہاب نے 142کی رفتار سے بولنگ کی۔

    ’بھارت سے ہار کے بعد اتنا دباؤ تھا خودکشی کا سوچ رہا تھا‘

    انہوں نے کہا کہ شاہین شاہ آفریدی کو لینتھ بہتر کرنا ہوگی، 1992میں بھی ہمارے میچ سے قبل نیوزی لینڈ کوئی میچ نہیں ہارا تھا، برمنگھم میں ڈھائی سو کا اسکور اچھا ہوگا، امید ہے ٹیم وکٹ کو اچھی طرح پرکھے۔

    سابق کپتان کا مزید کہنا تھا کہ پاکستان کا وننگ کامبی نیشن کافی اچھا رہا، کپتان کو عماد وسیم کی جگہ خود کو بیٹنگ پر آنا چاہئے تھا، فینز کو خوش دیکھ کر بہت اچھا لگا، سب یہاں پاکستان ٹیم کو سپورٹ کرنے موجود تھے، ٹیم نے تمام تنقید کا بہترین جواب دیا۔

  • ورلڈ کپ 2019: کاؤنٹ ڈاؤن شروع ہوگیا، شائقین کرکٹ بےتاب

    ورلڈ کپ 2019: کاؤنٹ ڈاؤن شروع ہوگیا، شائقین کرکٹ بےتاب

    لندن: ورلڈ کپ دوہزارانیس کا کاؤنٹ ڈاؤن شروع ہوگیا، کرکٹ کا سب سے بڑا میلہ سجنے میں صرف سو روز باقی رہ گئے۔

    تفصیلات کے مطابق انگلینڈ میں ہونے والا ورلڈ کپ تیس مئی سے چودہ جولائی تک کھیلا جائے گا، شائقین کرکٹ اس میگا ایونٹ کو دیکھنے کے لیے بے تاب ہیں۔

    ورلڈ کپ میں آسٹریلوی ٹیم ٹائٹل کا دفاع کرے گی، جبکہ قومی ٹیم بھی میچ میں جیت کے لیے پرعزم ہے۔

    انٹرنیشنل کرکٹ کونسل(آئی سی سی) ورلڈ کپ 2019 کے شیڈول کا باضابطہ اعلان کرچکی ہے، جس کے تحت یہ ٹورنامنٹ مئی 30 سے جولائی 14 کے درمیان انگلینڈ اور ویلز میں کھیلا جائے گا۔

    واضح رہے کہ میزبان انگلینڈ اور جنوبی افریقہ ٹورنامنٹ کا پہلے میچ اوول کے میدان پر 30 مئی کو کھیلا جائے گا جبکہ پاکستان کا پہلا میچ ویسٹ انڈیز کے خلاف ہے جو 31 مئی کو ٹرینٹ برج پر کھیلا جائے گا۔

    معروف کرکٹر کرس گیل نے ورلڈ کپ کے بعد ریٹائرمنٹ کا اعلان کردیا

    آئی سی سی نے ورلڈ کپ 2019 کا فارمیٹ وہی رکھا گیا ہے جس کے تحت آسٹریلیا اور نیوزی لینڈ میں منعقدہ ورلڈ کپ 1992 ورلڈ کپ کھیلا گیا تھا، راؤنڈ رابن طرز پر کھیلے گئے تاریخی ایونٹ میں پاکستان ٹیم نے عمران خان کی قیادت میں ورلڈ کپ اپنے نام کیا تھا۔

    پاکستان اپنا آخری لیگ میچ پانچ جولائی کو لارڈز کے تاریخی میدان پر کھیلے گی۔

  • فیفا ورلڈ کپ: روس کے ہاتھوں شکست، سعودی کھلاڑیوں کو سزا کا اعلان

    فیفا ورلڈ کپ: روس کے ہاتھوں شکست، سعودی کھلاڑیوں کو سزا کا اعلان

    جدہ: فیفا ورلڈکپ 2018 کے افتتاحی میچ میں روسی ٹیم کے ہاتھوں عبرتناک شکست کے بعد سعودی فٹبال فیڈریشن نے کھلاڑیوں کو سزا دینے کا اعلان کردیا۔

    تفصیلات کے مطابق 15 جون کو فیفا ورلڈ کپ 2018 کی رنگا رنگ افتتاحی تقریب کے روس اور سعودی عرب کی ٹیموں کے مابین ایونٹ کا پہلا مقابلہ ہوا جس میں عرب ٹیم کو عبرت ناک شکست کا سامنا کرنا پڑا تھا۔

    میچ کی ابتدا ہی سے روسی ٹیم غالب رہی اور انہوں نے پے در پے حملے کر کے سعودی فٹبالرز کی دفاعی لائن کو تہس نہس کر دیا تھا۔ 12 ویں منٹ میں غازینسکی نے روس کی جانب سے پہلا گول کیا بعد ازاں دوسرا گول چیری شیف نے کیا جبکہ دوسرے ہاف میں زیوبا، چیری شیف اور گولوون نے آخری دو منٹ کے اندر شان دار گول اسکور کرکے مہمان ٹیم کی جیت پر تصدیق کی مہر ثبت کر دی تھی۔

    روس کے ہاتھوں شکست کے بعد جہاں سعودی عوام اپنی ٹیم سے شدید مایوس ہیں اور انہوں نے کھلاڑیوں کو سزا دینے کا مطالبہ کیا تو دوسری جانب سعودی فٹبال فیڈریشن کے سربراہ عادل عزت نے کھلاڑیوں کو سزا دینے کا اعلان کردیا۔

    غیر ملکی خبررساں ادارے کے مطابق عادل عزت کا کہنا تھا کہ سعودی ٹیم کی روس کے ہاتھوں شکست نہایت مایوس کُن ہے کیونکہ ہم نے میگا ایونٹ کے لیے بہت پہلے سے تیاری شروع کردی تھی اور فیڈریشن نے کھلاڑیوں کو بہترین سہولیات کے ساتھ اچھی تربیت بھی فراہم کی۔

    اُن کا کہنا تھاکہ ہماری ٹیم کے کھلاڑیوں کسی بھی گراؤنڈ میں اترنے کے بعد اپنے اعصاب پر قابو پانا ہوگا، ایونٹ کے آئندہ میچز میں سعودی کھلاڑی اچھی کارکردگی پیش کریں اس کے لیے انہیں سزا دینا ضروری ہے۔

    سعودی فیڈریشن کے سربراہ نے گول کپیر عبد اللہ المایوف، اسٹرائیکر محمد السہلاوی اور دفاعی کھلاڑی عمر ہوساوی کو خاص طور پر سزا دینے کا اعلان کیا، پوری ٹیم کو وطن واپسی کے بعد قانون کے مطابق سزا بھگتنا ہوگی۔

    فٹبال بورڈ کی جانب سے ابھی تک واضع نہیں کیا گیا کہ ٹیم یا ناقص کارکردگی دکھانے والے کھلاڑیوں کو کس قسم کی سزائیں سنائی جائیں گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ڈسپلن کی خلاف ورزی، پی سی بی کا 8 کھلاڑیوں پر جرمانہ

    ڈسپلن کی خلاف ورزی، پی سی بی کا 8 کھلاڑیوں پر جرمانہ

    سڈنی: پاکستان کرکٹ بورڈ نے سڈنی میں دیر سے ہوٹل پہنچنے پر آٹھ پاکستانی کھلاڑیوں پر جرمانہ عائد کردیا۔

    ذرائع کے مطابق پی سی بی نے ورلڈ کپ کیلئے آسٹریلیا میں موجود ٹیم کے آٹھ کھلاڑیوں پر ڈسپلن کی خلاف ورزی پر پانچ سو سے ہزار ڈالرزتک جرمانہ عائد کیا ہے۔

     شاہد آفریدی سمیت ٹیم کے کچھ کھلاڑی سڈنی میں تاخیر سے ہوٹل پہنچے جس پر پی سی بی نے انہیں مستقبل میں محتاط رہنے کی ہدایت کی ہے۔

    بورڈ نے احمد شہزاد پر چار سو ڈالرز جرمانہ لگایا ہے، بورڈ نے کھلاڑیوں کو خبردار کیا ہے کہ آئندہ ایسا ہوا تو خلاف ورزی کرنے والے کھلاڑی کو وطن واپس بھیج دیا جائے گا۔

  • عالمی کپ فٹبال: برازیل ،کولمبیا کوہرا کر سیمی فائنل میں پہنچ گیا

    عالمی کپ فٹبال: برازیل ،کولمبیا کوہرا کر سیمی فائنل میں پہنچ گیا

    brazil