ARYNews.tv | Urdu – Har Lamha Bakhabar

Tag: world’s largest

  • دبئی : ساحل پر تیرنے والا جدید اور پرآسائش لگژری ہوٹل

    دبئی : ساحل پر تیرنے والا جدید اور پرآسائش لگژری ہوٹل

    دبئی میں جدید طرز کے لگژری ہوٹل کی تعمیر کا کام جاری ہے جو سال2023میں عوام کیلئے کھول دیا جائے گا پانی پر تیرنے والے ہوٹل کی تیاری کا کام اب آخری مراحل میں ہے۔

    کیمپنسکی فلوٹنگ پیلس کے نام سے یہ ہوٹل ایک تیرتی عمارت کے طور پر کھلے گا اس پرآسائش ہوٹل میں کمروں کی باقاعدہ بکنگ سال 2023سے شروع ہوگی۔

    جمیرہ بیچ روڈ پر دبئی کی خاص مسحور کن ساحلی پٹی پر لنگر انداز یہ ہوٹل آنے والے معزز مہمانوں کو156 کمروں اور سوئٹ میں طعام و قیام کی بہترین سہولیات فراہم کرے گا۔

    دبئی کی روایت کے مطابق کیمپنسکی فلوٹنگ پیلس کے پرتعیش ریستوران یہاں آنے والوں کی مہمان نوازی میں ایک خوشگوار اضافہ ہے۔ یہ منصوبہ یہاں کی شاندار سیاحتی صنعت کے فروغ کیلئے اہم پیش رفت ثابت ہوگا۔

    پانی پر تیرنے والے اس خوبصورت محل کی مرکزی عمارت کی ساخت چار حصوں پر مشتمل ہے جو شیشے کے اہرام سے جُڑی ہوئی ہے، یہ لگژری عمارت فائیو اسٹار ہوٹل کا منظر پیش کرتی ہے۔

    کیمپنسکی گروپ کے سی ای او برنولڈ شروڈر کا کہنا ہے کہ ہم اپنے مہمانوں کو سال2023کے بعد دبئی میں اس طرح کا پہلا منصوبہ پیش کرنے پر فکر محسوس کرتے ہیں۔

  • دنیا کے سب سے بڑے اور جدید ٹھوس ایندھن والے راکٹ انجن کا تجربہ، چین بازی لے گیا

    دنیا کے سب سے بڑے اور جدید ٹھوس ایندھن والے راکٹ انجن کا تجربہ، چین بازی لے گیا

    بیجنگ: چین نے دنیا کے سب سے بڑے اور جدید ترین ٹھوس ایندھن راکٹ انجن کا تجربہ کیا ہے۔

    چینی میڈیا کے مطابق چائنا ایرواسپیس سائنس اینڈ ٹیکنالوجی کارپوریشن (سی اے ایس سی) نے بتایا کہ اس نے گذشتہ روز پہلی بار دنیا کے سب سے بڑے اور تکنیکی طور پر جدید ترین ٹھوس ایندھن والے راکٹ انجن کا تجربہ کیا.

    اس راکٹ کا 3.5 میٹر چوڑا انجن پانچ سو ٹن طاقت پیدا کر سکتا ہے۔

    سی اے ایس سی نے اپنے سوشل میڈیا اکاؤنٹ پر جاری بیان میں کہا کہ راکٹ انجن کی مجموعی کارکردگی ‘ دنیا میں سرفہرست ‘ ہے۔

    یہ بھی پڑھیں: ناسا نے مریخ کے بعد مشتری کی طرف بھی خلائی جہاز روانہ کر دیا

    یہ راکٹ نقل و حرکت میں آسانی اور فوری لانچ کرنے کی صلاحیت کے باعث پر میزائل یا دیگر سامان فوجی پلیٹ فارم پر پہنچانے کے لیے استعمال ہوتے ہیں۔

    چینی خلائی حکام نے تجربے کو راکٹوں کی پے لوڈ کی صلاحیت بڑھانے کے لئے اہم سنگ میل قرار دیا ہے۔

    یاد رہے کہ چین نے سال دو ہزار نو میں دو میٹر قطر اور 120ٹن وزنی ٹھوس انجن تیار کیا تھا جو کہ اس وقت ایک ریکارڈ تھا، بعد ازاں سال دو ہزار سولہ میں 120ٹن وزنی ٹھوس انجن کو کامیابی کے ساتھ جوڑ کر ملک کی پہلی ‘ ٹھوس بوسٹر’ خلائی گاڑی بنائی گئی تھی۔

  • آسڑیلوی شہریوں نے پنیر کھانے کا عالمی ریکارڈ قائم کرلیا

    آسڑیلوی شہریوں نے پنیر کھانے کا عالمی ریکارڈ قائم کرلیا

    سڈنی : آسٹریلیا میں ایک ہی وقت میں سب سے زیادہ افراد کی جانب سے پنیر چکھنے کا ایک نیا ریکارڈ قائم کیا گیا ہے جس کی تائید گنیزبک آف ورلڈ ریکارڈ نے بھی کردی۔

    تفصیلات کے مطابق اس تقریب کا اہتمام آسٹریلیا کی کمپنی کیتھی ہیرنگٹن اور کینگرو ویلی زرعی اور سوسائٹی نے کیا جس میں پنیر کھانے کے شوقین ایک ہزار خواتین وحضرات ایک مقام پر جمع ہوئے اور مختلف ذائقے والے پنیرکو چکھا۔

    غیر ملکی خبر رساں ادارے کے مطابق کیتھی ہیرنگٹن کا کہنا تھاکہ پنیر صحت کے لیے بہتر شے ہے اور تقریب کا انعقاد اس صحتمند رحجان کو فروغ دینا ہے۔

    اس موقع پر پنیر کے بڑے ٹکڑوں کو کاٹا گیا اور ایک گتے پر رکھ کر شائقین میں تقسیم کیا گیا اس موقع پر 20 مدد گار افراد ہر 50 افراد کے لیے موجود تھے تاکہ ہر ایک کے پاس پنیر پہنچ سکے اور وہ اس سے لطف اندوز ہوسکے۔

    واضح رہے کہ کینگروویلی نیوساوتھ ویلز میں واقع ہے جہاں پنیربڑی تعداد میں تیار کیا جاتا ہے اور آسٹریلیا میں بھیجا جاتا ہے، اس بار ریکارڈ تعداد کی تصدیق گنیز بک آف ورلڈ ریکارڈ نے بھی کی۔