ARYNews.tv | Urdu – Har Lamha Bakhabar

Tag: world’s largest plane

  • روسی حملے میں تباہ شدہ دنیا کے سب سے بڑے طیارے کا پاکستان سے کیا تعلق ہے؟

    روسی حملے میں تباہ شدہ دنیا کے سب سے بڑے طیارے کا پاکستان سے کیا تعلق ہے؟

    کراچی: آپ یہ جان کر حیران رہ جائیں گے کہ یوکرین میں روسی حملے میں تباہ شدہ دنیا کے سب سے بڑے ہوائی جہاز کی پاکستان سے بھی یادیں وابستہ ہیں۔

    تفصیلات کے مطابق یوکرین پر حملے کے چوتھے روز روس نے دارالحکومت کیف کے نواح میں دنیا کے سب سے بڑے جہاز کو تباہ کر دیا تھا، اس دیوہیکل ہوائی جہاز ماریا اے این 225 سے پاکستان کی بھی یادیں وابستہ ہیں۔

    یہ معلومات آپ کے دل چسپی کا باعث ہوں گی کہ دنیا کے سب سے بڑے جہاز نے 23 جون 2021 کو کابل سے اڑان بھرنے کے بعد کراچی میں لینڈنگ کی تھی، اور 24 جون کو 21 گھنٹوں بعد یہ دیوہیکل طیارہ کراچی سے اسلام آباد روانہ ہو گیا تھا۔

    جناح انٹرنیشنل ایئر پورٹ پر پی ایس او نے یوکرین کے طیارے کو ری فیولنگ کی سروس دی تھی، دنیا کے سب سے بڑے طیارے میں 2 لاکھ 25 ہزار لیٹر سے زائد فیول بھرا گیا تھا۔

    ری فیولنگ کے دوران 8 بار فیول ٹینکر کے ٹرپ لگے اور 3 گھنٹے کا ٹائم لگا۔

    روس کا یوکرین پر حملہ : دنیا کا سب سے بڑا جہاز تباہ

    روسی حملے کے بعد تباہ ہونے والے ماریا اے این 225 طیارے کا انتونوف کمپنی کے ماہرین نے طیارے کا معائنہ کیا ہے، کمپنی کا کہنا ہے کہ طیارے کی ٹیکنیکل کنڈیشن کے بارے میں فی الحال نہیں بتا سکتے۔

    ماریا اے این 225 کے 6 انجن تھے جن کی مدد سے یہ اڑان بھرتا تھا، یہ طیارہ 1988 میں بنایا گیا تھا۔

  • روس کا یوکرین پر حملہ : دنیا کا سب سے بڑا جہاز تباہ

    روس کا یوکرین پر حملہ : دنیا کا سب سے بڑا جہاز تباہ

    کیئو: روس کے یوکرین پر حملے کے نتیجے میں دنیا کا سب سے بڑا کارگو جہاز تباہ ہو گیا، کارگو طیارہ  انتونو این 225 ماریہ یوکرین کی ملکیت تھا۔

    تفصیلات کے مطابق دنیا کا سب سے بڑا کارگو طیارہ انتونو این 225 ماریہ کیف کے قریب انتہائی اہم ایئر فیلڈ پر روس کے حملے میں تباہ ہو گیا، کارگو طیارہ یوکرین کی ملکیت تھا۔

    یوکرینی وزیرِ خارجہ نے ٹوئٹ میں تصدیق کی ہے کہ روس نے دنیا کے سب سے بڑے ہوائی جہاز کو تباہ کر دیا ہے، لیکن روس ہمارا یورپ کی جمہوری ریاست بننے کے خواب کو تباہ نہیں کر سکتا۔

    اینٹونوف کمپنی کی جانب سے ایک ٹویٹ میں کہا گیا ہے کہ وہ اس وقت تک طیارے کی "تکنیکی حالت” کی تصدیق نہیں کر سکتی جب تک کہ ماہرین اس کا معائنہ نہیں کر لیتے۔

    یوکرین کی سرکاری دفاعی کمپنی یوکروبورن پروم نے ایک بیان جاری کیا ہے ، جس میں کہا گیا کہ طیارہ تباہ ہو گیا ہے لیکن اسے روس کے خرچ پر دوبارہ بنایا جائے گا، جس پر3 بلین ڈالر کی لاگت آئے گی۔

  • دنیا کے سب سے بڑے اور بھاری ہوائی جہاز کی کراچی آمد

    دنیا کے سب سے بڑے اور بھاری ہوائی جہاز کی کراچی آمد

    کراچی: دنیا کے  سب بڑے اور بھاری ہوائی جہاز انتونوو این-225 ماریہ کی دوسری بار کراچی ائیر پورٹ پر لینڈنگ ہوئی، اس سے قبل 6انجن والا طیارہ 20 اپریل 2018 کو پہلی بارجناح ائیرپورٹ پہنچا تھا۔

    تفصیلات کے مطابق دنیا کا سب سے بڑا کارگو ہوائی جہاز انتونو این 225 ماریہ ایک بار پھرجناح ائیرپورٹ کراچی پر لینڈنگ کرگیا ، فلائٹ اے ڈی بی 3859 کی 11:27 بجے کراچی میں لینڈنگ ہوئی ، رجسٹریشن نمبر یو آر82060 کا حامل طیارہ کابل سے کراچی پہنچا ہے۔

    اس سے قبل 20 اپریل 2018 کو چھ انجن والا طیارہ انتونوف 225 ماریہ پہلی مرتبہ جناح انٹرنیشنل ائیرپورٹ اترا تھا، 6 ٹربوفن انجن والا یہ اب تک کا دنیا کا سب سے بڑا اور بھاری طیارہ ہے۔

    خیال رہے دنیا کے سب سے بڑے کارگو جہاز انتونوف کا وزن 600 ٹن ہے، جسے 1988 میں تیار کیا گیا تھا، انتونوف نامی جہاز کا شمار دنیا کے سب سے بڑے ہوائی جہاز میں ہوتا ہے ، جو گنیز بک آف ورلڈ ریکارڈ میں بھی درج ہے۔

    ہرکیولس جہاز کے 6 انجن ہیں جو اسکے پروں پر نصب کئے گئے ہیں جبکہ جہاز کے پہیوں کی تعداد 32 ہے اوردیو ہیکل جہاز کو بنے ہوئے 30 برس ہو چکے ہیں۔

  • دنیا کا سب سے بڑا طیارہ اڑان بھرنے کیلئے تیار

    دنیا کا سب سے بڑا طیارہ اڑان بھرنے کیلئے تیار

    دنیا کے سب سے بڑے طیارے کی دوسری کامیاب آزمائشی پرواز کے بعد اب تک تیار کیا گیا سب سے بڑا طیارہ اسٹراٹولانچ بہت جلد آسمانوں پر پرواز کرتا نظر آئے گا۔

    دنیا کا سب سے بڑا طیارہ اب پرواز کیلئے پوری طرح سے تیار ہے، یہ طیارہ سٹراٹولانچ سسٹم نامی کمپنی نے تیار کیا ہے جس کی ملکیت پہلے مائیکرو سافٹ کے شریک بانی پال ایلن کے پاس تھی، جن کا اکتوبر2018میں انتقال ہوا۔

    بل گیٹس کے ساتھ مل کر مائیکرو سافٹ قائم کرنے والے پال ایلن نے جون 2017ء میں اس طیارے کے بارے میں اعلان کیا تھا، پال ایلن کا اس کمپنی کی تشکیل کا مقصد ایسے طیارے کو بناتا تھا جو زمین کے نچلے مدار تک آسان قابل بھروسہ رسائی فراہم کرسکے۔

    پال ایلن کا اس کمپنی کی تشکیل کا مقصد ایسے طیارے کو بناتا تھا جو زمین کے نچلے مدار تک آسان قابل بھروسہ رسائی فراہم کرسکے، تاہم ان کے انتقال کے بعد کمپنی کی ملکیت بدل گئی اور اب یہ طیارہ ہائپر سونک گاڑیوں کے موبائل لانچ پلیٹ فارم کے طور پر کام کرے گا۔

    سٹراٹولانچ نامی اس طیارے نے دوسری آزمائشی پرواز کامیابی سے مکمل کی۔ اس نے2019 میں پہلی آزمائشی پرواز کی تھی۔ یہ طیارہ بالائی خلا میں سیٹلائیٹ لانچ کرنے کے لیے ڈیزائن کیا گیا تھا، اس طیارے کے ذریعے بین الاقوامی خلائی اسٹیشن تک سامان پہنچایا جاسکے گا۔

    اس کے 385 فٹ کے پر یا بازو کسی فٹ بال فیلڈ سے زیادہ چوڑے ہیں اور اس طرح اسے دنیا کا سب سے بڑا طیارہ بناتے ہیں۔ اس طیارے کو جنوبی کیلیفورنیا کی موجیو ایئر اینڈ اسپیس پورٹ سے 29 اپریل کو اڑایا گیا اور یہ 3 گھنٹے 14 منٹ تک فضا میں رہا۔

    پرواز کے دوران یہ طیارہ 14 ہزار فٹ کی بلندی تک گیا اور 199 میل فی گھنٹہ کی رفتار سے پرواز کی جسے کمپنی نے کامیابی قرار دیا ہے۔
    کمپنی کے مطابق اسٹراؤلانچ طیارے کی کارکردگی پر ہمیں اطمینان ہے اور محسوس ہوتا ہے کہ ہم دنیا کے پہلے ہائپر سونک طیارے کو متعارف کرانے کے قریب ہیں۔

    اس طیارے کے ذریعے مدار میں تجربات بھی کئے جاسکیں گے۔ کمپنی ایسے طیارے بنا رہی ہے جس میں انسان بردار طیارہ شامل ہوگا۔ اس طیارے میں 2کاک پٹ ہیں جبکہ اس کے 28پہیے ہیں۔6انجن عام طور پر747جمبو جیٹ طیاروں میں استعمال ہوتے ہیں۔