ARYNews.tv | Urdu – Har Lamha Bakhabar

Tag: worldwide

  • دنیا بھر میں کرونا وائرس سے 2 لاکھ 65 ہزار اموات

    دنیا بھر میں کرونا وائرس سے 2 لاکھ 65 ہزار اموات

    لندن / پیرس / روم: دنیا بھر میں کرونا وائرس کے متاثرین کی تعداد 38 لاکھ 22 ہزار ہوچکی ہے، جبکہ اموات کی تعداد 2 لاکھ 65 ہزار ہوگئی۔

    تفصیلات کے مطابق دنیا بھر میں کرونا وائرس سے ہلاک افراد کی تعداد 2 لاکھ 65 ہزار 84 ہوگئی، دنیا بھر میں اب تک 38 لاکھ 22 ہزار 951 افراد مہلک وائرس سے متاثر ہوچکے ہیں۔

    کرونا سے صحتیاب ہونے والے مریضوں کی تعداد 13 لاکھ 29 ہزار 95 ہوچکی ہے۔

    برطانیہ میں اب تک کورونا وائرس سے 30 ہزار 76 افراد ہلاک ہوچکے ہیں جبکہ ملک بھر میں 2 لاکھ 11 ہزار افراد وائرس سے متاثر ہیں۔

    اٹلی میں متاثرین کی تعداد 2 لاکھ 14 ہزار 457 اور ہلاکتیں 29 ہزار 684 جبکہ اسپین میں متاثرین کی تعداد ڈھائی لاکھ اور ہلاکتیں 25 ہزار 857 ہوچکی ہیں۔

    جرمنی میں 7 ہزار 275، ترکی میں 3 ہزار 584، بیلجیئم میں 8 ہزار 339 اور برازیل میں 8 ہزار 588 اموات ہوچکی ہیں۔

    ایران میں بھی متاثرین کی تعداد 1 لاکھ سے تجاوز کر گئی جبکہ اب تک 6 ہزار 418 اموات ہوچکی ہیں، سعودی عرب میں 31 ہزار 938 افراد متاثر اور 209 اموات ہوچکی ہیں۔

    بھارت میں کرونا وائرس سے متاثرہ افراد کی تعداد 52 ہزار 987 اور ہلاکتیں 17 سو 85 ہوچکی ہیں۔

  • دنیا بھر میں کرونا مریضوں کی تعداد 12لاکھ 73 ہزار سے تجاوز کرگئی

    دنیا بھر میں کرونا مریضوں کی تعداد 12لاکھ 73 ہزار سے تجاوز کرگئی

    کراچی : مہلک ترین کوویڈ 19 وائرس نے دنیا بھر میں 12 لاکھ 73 ہزار سے زائد افراد کو متاثر کردیا جبکہ ہلاکتیں 69 ہزار کا ہندسہ عبور کرگئیں۔

    چین سے پھیلنے والے والے جان لیوا وائرس کرونا کی وبا نے دنیا بھر میں تباہی مچا رکھی ہے لیکن اس وائرس سے سب سے زیادہ متاثر امریکا اور یورپ ہورہے ہیں جہاں لاشوں کے انبار لگ چکے ہیں اور قبرستانوں میں جگہ بھی ختم ہوچکی ہے۔

    دنیا بھر میں کرونا وائرس سے مرنے والوں کی تعداد 69 ہزار 456 تک پہنچ چکی ہے لیکن حوصلہ کن بات یہ ہے کہ 2 لاکھ 62 ہزار 486 کرونا مریض ڈاکٹروں کی جدوجہد کی بدولت صحتیاب بھی ہوئے ہیں جبکہ دیگر مریضوں کی زندگیاں بچانے کی بھی کوشش کی جارہی ہے۔

    کرونا وائرس نے جتنی تیزی سے اٹلی میں لوگوں کو لقمہ اجل بنایا تھا اتنی ہی تیزی سے اسپین میں وبا نے کو کی زندگیاں برباد کی ہیں اور اب تک اسپین میں 12 ہزار 641 افراد کی جانیں نگل چکا ہے جبکہ متاثرین کی تعداد 80 ہزار سے زائد ہے۔

    اٹلی میں جان لیوا وبا اب تک 15 ہزار 889 لوگوں کو ہلاک جبکہ 1 لاکھ 15 ہزار سے زائد لوگوں کو متاثر کرچکی ہے۔

    یورپی ممالک میں فرانس اور برطانیہ بھی وائرس سے سب سے زیادہ متاثر ہیں، فرانس میں وائرس نے 8078 جانیں نگلیں اور 68 ہزار سے زائد افراد کو مریض بنایا جبکہ برطانیہ میں اموات کی تعداد 3603 اور مریضوں کی تعداد 34 ہزار سے تجاوز کرگئی۔

    ایرانی ڈاکٹروں اور حکام نے وائرس کے پھیلاؤ پر تقریباً قابو پالیا ہے جس کے باعث وہاں ہلاکتوں کی شرح میں کمی آئی ہیں۔ اس کے باوجود وائرس نے 3603 افراد جاں بحق ہوئے ہیں جبکہ 34 ہزار سے افراد متاثر ہیں۔

    چین نے وائرس پر کئی روز قبل ہی قابو پالیا تھا جس کے باعث وہاں اموات کی شرح تقریباً نہ ہونے کے برابر ہے، چین میں 3331 افراد ہلاک جبکہ 1299 لوگ تاحال متاثر ہیں۔

    جرمنی میں کرونا وائرس سے 1584 افراد ہلاک اور 69 ہزار سے زائد لوگ بیمار ہوگئے، کرونا وائرس نے بیلجیئم میں 1447، سوئٹزرلینڈ میں 715 اور ترکی میں 574 انسانی جانیں لیں جبکہ 25 ہزار سے زیادہ لوگوں کو متاثر کیا۔

    وائرس برازیل میں بھی 487، سوئیڈن میں 401، پرتگال میں 295، کینیڈا میں 280، انڈونیشیا میں 198، جنوبی کوریا میں 186 جبکہ بھارت میں 3 افراد کو لقمہ اجل بنایا جبکہ 117 افراد متاثر ہیں۔

    امریکا کرونا وائرس سے متاثر ہونے والے ممالک میں سر فہرست ہے جہاں اب تک ساڑھے 9 ہزار سے زائد افراد ہلاک جبکہ 3 لاکھ 9 ہزار سے زائد افراد متاثر ہوچکے ہیں۔

  • کرونا وائرس نے دنیا بھر میں 42 ہزار جانیں نگل لیں

    کرونا وائرس نے دنیا بھر میں 42 ہزار جانیں نگل لیں

    کراچی : دنیا بھر میں کرونا وائرس کے متاثرہ افراد کی تعداد 8 لاکھ 58 ہزار سے تجاوز کر گئی، وائرس سے متاثرہ 42 ہزار مریض اسپتالوں میں دم توڑ گئے۔

    تفصیلات کے مطابق نئے اور مہلک وائرس کووِیڈ 19 سے عالمی سطح پر اموات کی تعداد 42 ہزار سے زائد ہو گئی ہے، جب کہ وائرس سے اب تک 178,100 مریض صحت یاب ہو چکے ہیں۔

    اٹلی میں کرونا وائرس سے اموات کی تعداد 12 ہزار 428 ہو گئیں، 1 لاکھ 5 ہزار سے زائد متاثر ہیں، اسپین میں وائرس ساڑھے 8 ہزار جانیں نگل گیا، 95 ہزار سے زائد شہری متاثر ہو چکے ہیں۔

    چین میں 3305 افراد کرونا وائرس سے ہلاک جب کہ 81 ہزار سے زائد متاثر ہیں، ایران میں وائرس سے اموات کی تعداد 2898 ہو گئی، اور متاثرین کی تعداد 44 ہزار سے تجاوز کرگئی۔

    فرانس میں ایک روز میں ساڑھے ہزار سے زائد نئے کیسز رپورٹ ہونے کے بعد متاثرین کی مجموعی تعداد 52 ہزار 128 ہوگئی جبکہ 499 مزید شہریوں کی موت کے بعد ہلاکتوں کی تعداد 3523 تک پہنچ گئی۔

    امریکا کرونا وائرس کی جان لیوا وبا سے سب سے زیادہ متاثر ہے جہاں کرونا مریضوں کی تعداد 1 لاکھ 88 ہزار سے تجاوز کرچکی ہے اور اب بھی تیزی سے نئے کیسز رپورٹ ہونے کا سلسلہ جاری ہے جبکہ اب تک 3 ہزار 800 سے زائد افراد جان کی بازی ہار چکے ہیں۔

    برطانیہ میں وائرس سے اموات کی تعداد 1789 ہو گئی، جب کہ 25 ہزار سے زائد متاثر ہیں، نیدرلینڈز میں وائرس 1039 جانیں نگل گیا، 12 ہزار سے زائد متاثر ہیں، جرمنی میں بھی وائرس نے 775 افراد کو ہلاک کیا اور 71 ہزار سے زائد متاثر ہیں۔

    کرونا وائرس سے بیلجیئم میں 705، سوئٹزرلینڈ میں 433، جنوبی کوریا میں 165، برازیل میں 202 افراد وائرس سے ہلاک ہوئے۔

    ترکی میں 214 افراد جاں بحق، 13 ہزار سے زائد متاثر ہوئے، پرتگال میں 160 افراد ہلاک، انڈونیشیا میں 136، سوئیڈن میں 180، آسٹریا میں 128، ڈنمارک میں 90، فلپائن میں 88، جاپان میں 66، بھارت میں وائرس سے 35 افراد ہلاک جب کہ ایک ہزار سے زائد متاثر ہیں۔

  • دنیا بھرمیں کرونا وائرس سے ہلاکتوں کی تعداد 4 ہزار299 ہوگئی

    دنیا بھرمیں کرونا وائرس سے ہلاکتوں کی تعداد 4 ہزار299 ہوگئی

    بیجنگ : ہلاکت خیز وائرس میں مبتلا مزید 22 افراد جان کی بازی ہار گئے، دوسری طرف چین نے گزشتہ روز 578 مریضوں کو صحتیابی کے بعد اسپتالوں سے ڈسچارج کیا۔

    تفصیلات کے مطابق دنیا بھر میں خوف و ہراس پھیلانے والے مہلک ترین وائرس کرونا سے متاثرہ افراد کی تعداد 1 لاکھ 14 ہزار سے تجاوز کرگئی، چین میں وائرس سے ہلاکتوں کی تعداد میں کمی دیکھنے میں آئی، نئے کیسز میں بھی کمی واقع ہوئی ہے، گزشتہ ایک روز میں چین میں 22 افراد نے دم توڑا ہے۔

    کرونا وائرس سے صحت یاب ہونے والوں کی تعداد بھی بڑھنے لگی ہے، چینی حکام کا کہنا ہے کہ مجموعی طور پر 61486 مریض ٹھیک ہوچکے ہیں، جبکہ 4794 منگل کے روز چین میں 24 نئے کیسز کی تصدیق ہوئی ہے۔

    چینی حکام کا کہنا ہے کہ چین میں 2 ماہ میں وائرس سے ہلاک افراد کی تعداد 3 ہزار 158 ہوچکی ہے جبکہ گزشتہ روز وائرس کے 24 نئے کیسز سامنے آئے ہیں جس کے بعد متاثرین کی تعداد 80 ہزار 778 ہوگئی ہے۔

    دنیا بھر میں کرونا وائرس سے اموات کی تعداد 4 ہزار 299 ہو گئی، جب کہ متاثرین کی تعداد بھی تیزی سے بڑھتی جا رہی ہے اور اب تک 119,217 افراد وائرس کا شکار ہو چکے ہیں۔ صحت یابی کا عمل بھی جاری ہے، 66، 623 افراد مہلک وائرس سے نجات پا چکے ہیں۔

    اٹلی میں ہلاکتوں میں تیزی سے اضافہ ہونے لگا ہے اور اب تک 631 ہلاکتیں ہوئی ہیں، جب کہ متاثرین کی تعداد 10،149 ہوگئی، یورپی ملک اٹلی میں بڑے پیمانے پر لاک ڈاؤن بھی کر دیا گیا ہے، تقریباً 6 کروڑ لوگ لاک ڈاؤن کر دیے گئے ہیں۔ اٹلی میں 3 اپریل تک تمام تعلیمی اداروں کو بند کیا جا چکا ہے، ہلاکتوں میں اٹلی دوسرے نمبر پر آ گیا ہے، اطالوی وزیر اعظم نے 14 صوبوں ریڈ زون قرار دے دیا ہے۔

    ایران میں بھی 291 افراد کرونا کے باعث جان سے جا چکے ہیں، مجموعی متاثرین کی تعداد 8،042 ہو گئی ہے۔ جنوبی کوریا میں کرونا سے مزید 8 افراد ہلاک ہوگئے جس کے بعد ہلاکتوں کی تعداد 61 تک پہنچ چکی ہے جبکہ 242 نئے کیسز رپورٹ ہونے کے بعد متاثرہ افراد 7775 ہوچکے ہیں۔

    غیر ملکی خبر رساں ادارے کی رپورٹ کے مطابق امریکا میں بھی وائرس میں مبتلا 31 افراد ہلاک ہوگئے جبکہ ریاست ہائے متحدہ امریکا میں 10 نئے کیسز کی تصدیق کے بعد متاثرہ مریضوں کی مجموعی تعداد 1010 ہوگئی ہے۔

  • پاکستان آرمی زندہ باد‘ دنیا بھر میں ٹاپ ٹرینڈ بن گیا

    پاکستان آرمی زندہ باد‘ دنیا بھر میں ٹاپ ٹرینڈ بن گیا

    کراچی : بھارتی دراندازی کے خلاف پاک فضائیہ کی کامیاب کارروائی کے بعد ’پاکستان آرمی زندہ باد‘ کے نام سے ہیش ٹیگ دنیا کا ٹاپ ٹرینڈ بن گیا، سوشل میڈیا پر تباہ شدہ بھارتی طیاروں کی وائرل ہوتی تصاویر نے بھارتی ناکامی کا پول کھول دیا۔

    تفصیلات کے مطابق آج صبح پاکستان ایئرفورس نے پاکستانی فضائی حدود کی خلاف ورزی کرنے والے بھارتی فضائیہ کے لڑاکا طیاروں کو مار گرایا تھا جس کے بعد سوشل میڈیا صارفین نے تباہ شدہ بھارتی طیاروں کی تصاویر سوشل میڈیا پر وائرل کرنا شروع کردی۔

    سماجی رابطوں کی ویب سائٹس پر پاکستانی افواج کا خوب بول بالا ہورہا ہے اور ٹوئٹر صارفین کی جانب سے بھارت کو منہ توڑ جواب دئیے جانے پر مختلف انداز میں اپنے خیالات کا اظہار کررہے ہیں۔

    سوشل میڈیا پر #PakistanArmyZindabad, #PakistanAirForceOurPride اور #PakistanStrikesBack دنیا کا ٹاپ ٹرینڈ بن گیا ہے جس میں اب تک ہزاروں لوگ اپنا حصّہ شامل کرچکے ہیں۔

    میاں محمد اویس نامی ٹوئٹر صارف نے بھارتی لڑاکا تباہ کرنے والے پاکستان ایئرفورس کے پائلٹ کی تصویر شیئر کرتے ہوئے لکھا کہ ’یہ ہے ہمارا ہیرو جس نے بھارتی لڑاکا طیارہ مار گرایا ہے‘۔

    احمد نامی صارف نے پاکستان ایئرفورس کے پائلٹ کو خراج تحسین پیش کرتے ہوئے کہا کہ ’سر آپ نے ایم ایم عالم کی یاد تازہ کردی‘۔

    احمد کا کہنا تھا کہ ’کوئی انہیں اطلاع دو کہ ابھی نندن لاہور میں ناشتہ کررہا ہے‘۔

    ٹوئٹر کی صارف سیدہ لیلا جعفری نے بھارتی پائلٹ کی تصویر شیئر کرتے ہوئے کہا کہ ’ہم سے مت ٹکراؤ، ہم سوچیں گے نہیں بلکہ جواب دیں گے‘۔

    ایک اور ٹوئٹر صارف نے لکھا کہ ’کلبھوشن یادیو تنہا محسوس کررہا تھا اس لیے ایک بھارتی گرفتار کرلیا تاکہ اس کا ساتھ دے سکے‘۔

    خیال رہے کہ کچھ دیر قبل پاک فضائیہ نے سرحدی حدود کی خلاف ورزی کرنے والے 2 بھارتی طیارے مار گرائے ہیں۔

    پاک فوج کے شعبہ تعلقات عامہ آئی ایس پی آر کے سربراہ میر جنرل آصف غفور کے مطابق بھارت کے 2 طیارے لائن آف کنٹرول کے اطراف میں گر کر تباہ ہوئے ہیں۔ ایک طیارہ بھارتی مقبوضہ کشمیر کے علاقے بڈگام میں گرا، جبکہ دوسرا طیارہ پاکستان کی جانب گرا ہے۔

    ڈی جی آئی ایس پی آر کے مطابق بھارتی علاقے میں گرنے والے طیارے کے دونوں پائلٹ موقع پر ہی جاں بحق ہوگئے ہیں جبکہ پاکستانی علاقے میں گرنے والے جہاز کے ایک پائلٹ کو حراست میں لے لیا گیا ہے۔

  • دنیا بھرمیں واٹس ایپ سروس کچھ دیر ڈاؤن رہنے کے بعد بحال

    دنیا بھرمیں واٹس ایپ سروس کچھ دیر ڈاؤن رہنے کے بعد بحال

    کراچی : پاکستان سمیت دنیا کے مختلف ملکوں میں واٹس ایپ سروس کچھ دیرڈاؤن رہنے کے بعد بحال ہوگئی، سروس ڈاؤن ہونے سے صارفین کومشکلات کا سامنا کرنا پڑا۔

    غیر ملکی میڈیا کے مطابق سماجی رابطے کی مقبول ترین ایپ واٹس ایپ کی سروس بحال ہوگئی، سروس متاثر ہونے کے باعث صارفین کو دنیا بھر میں پیغام بھیجنےاور موصول کرنے میں مشکلات کا سامنا تھا۔

    سوشل میڈیا سروسز پر نظر رکھنے والی ویب سائٹ ڈاﺅن ڈیٹیکٹر کے مطابق واٹس ایپ سروس ڈاؤن کے مسائل یورپ میں رپورٹ کئے گئے لیکن بعد ازاں امریکا اور ایشیائی ممالک کے صارفین متاثر ہوئے  تاہم میسجنگ اپلیکشن کے ڈاﺅن ہونے کی وجہ واضح نہیں۔

    بھارت، مصر، ترکی، آئرلینڈ، روس، ملائیشیا میں واٹس ایپ سروس آدھے گھنٹے سے زائد ڈاؤن رہی جبکہ چیک ری پبلک،اسپین سمیت کئی ممالک میں بھی واٹس ایپ صارفین کومشکلات درپیش رہیں۔

    واٹس ایپ سروس کا متاثر ہونا دنیا بھر میں ٹوئٹر پر ٹاپ ٹرینڈ بن گیا اور متعدد صارفین نے واٹس ایپ سروس ڈاؤن ہونے پر ٹوئٹر پر تشویش کا اظہار کیا۔

    واٹس ایپ حکام کا کہنا ہے کہ تکنیکی خرابی دورکرنےکی کوشش کی جارہی ہے۔

    خیال رہے کہ واٹس ایپ کو رابطوں کا سب سے بہترین ذریعہ مانا جاتا ہے اور دنیا بھر میں صارفین اسمارٹ فون کے ذریعے واٹس ایپ کا استعمال کرتے ہوئے ناصرف ٹیکسٹ میسیج کرتے ہیں بلکہ وڈیوز بھی شیئر کرتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔