لاہور: کامن ویلتھ گیمز میں شاندار کارکردگی کا مظاہرہ کرنے والی قومی ریسلنگ ٹیم وطن واپس پہنچ گئی۔ فاتح کھلاڑیوں کا کہنا ہے کہ حکومت کی تھوڑی سی توجہ سے بڑی کامیابیاں مل سکتی ہیں۔
تفصیلات کےمطابق آسٹریلیا میں منعقد ہونے والے کامن ویلتھ گیمز میں پاکستانی ریسلنگ ٹیم اپنی مدد آپ کے تحت شاندار کارکردگی دکھا کر وطن واپس آئی ہے۔ ٹیم میں شامل انعام بٹ نے86کلوگرام ویٹ کٹیگری میں سونےکامیڈل حاصل کیا۔
انعام بٹ کے ساتھ ٹیم میں شامل دیگر کھلاڑیوں نے بھی بے مثال کارکردگی مظاہرہ کیا،محمدبلال نے57کلوگرام ویٹ کیٹگری میں کانسی کاتمغہ اپنےنام کیا جب کہ طیب رضانے125کلوگرام ویٹ کیٹگری میں کانسی کاتمغہ جیتا۔
اس موقع پر سونے کا تمغا حاصل کرنے والے انعام بٹ کا کہنا تھا کہ ریسلنگ اور ویٹ لفٹنگ پاکستان کے مقبول کھیل ہیں، ریسلنگ اور ویٹ لفٹگ پرتوجہ دی جائےتومزید کامیابی حاصل کرسکتے ہیں۔ انہوں نے پاکستانی کھلاڑیو ں کا عزم و حوصلہ کھلاڑیوں کو اب خود میدان میں آنا چاہیئے۔اس موقع پر انہوں نےاسٹار کرکٹر شاہد خان آفریدی کا بھی خصوصی شکریہ ادا کیا۔
یاد رہے کہ گولڈ کوسٹ میں ہونے والے کامن ویلتھ گیمز2018رنگارنگ اختتامی تقریب کے ساتھ ختم ہوگئے، تقریب میں آسٹریلوی ثقافت کے رنگ نمایاں تھے۔
کامن ویلتھ گیمز میں سوئمنگ پول اور ٹریک سائیکلنگ ایونٹ میں میزبان آسٹریلیا کی بادشاہت قائم رہی، آسٹریلیا نے80 گولڈ میڈل اور مجموعی طور پر198میڈل جیتے جبکہ پاکستان نے ایک گولڈ اور چار کانسی کے تمغے اپنےنام کیے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
