ARYNews.tv | Urdu – Har Lamha Bakhabar

Tag: WWE

  • رائل رمبل 2018، برون اسٹرومین نے جیت لیا

    رائل رمبل 2018، برون اسٹرومین نے جیت لیا

    جدہ: سعودی عرب کے شہر جدہ میں سنیما کی بحالی کے بعد ڈبلیو ڈبلیو کے ایونٹ رائل رمبل 2018 کا انعقاد ہوا، رائل رمبل کا ٹائٹل برون اسٹرومین نے اپنے نام کرلیا۔

    تفصیلات کے مطابق رائل رمبل ایونٹ میں 50 ریسلر رنگ میں اترے جن کو ایک دوسرے کو رنگ سے باہر پھینکنا تھا، آخر میں جو ریسلر رنگ میں موجود رہتا اسے رائل رمبل کا فاتح قرار دینا تھا۔

    50 ریسلرز میں برون اسٹرومین، ڈینئل برائن، کیون اوون، شین میکموہن، گریٹ کھلی، مارک ہنری سمیت دیگر رنگ میں اترے لیکن برون اسٹرومین نے رائل رمبل کا ٹائٹل اپنے نام کرلیا۔

    یونیورسل چیمپئن شپ کے میچ میں ریسل مینیا 34 کے بعد ایک بار پھر رومن رینز اور بروک لیسنر مدمقابل آئے، اسٹیل کیج میچ میں رومن رینز جیتتے ہوئے نظر آرہے تھے کہ لیکن جب رومن رینز نے اپنا اسپیئر بروک لیسنر کو مارا تو اسٹیل کیج ٹوٹ گیا بروک لیسنر اور رومن رینز دونوں ہی باہر جاگرے، بروک لیسنر پہلے باہر گرے اس وجہ سے جیت کا حقدار بروک کو قرار دے گیا گیا۔

    ڈبلیو ڈبلیو ای چیمپئن شپ کے میچ میں اے جے اسٹائلز اور ناکامورا رنگ میں اترے، اے جے اسٹائلز نے ناکامورا کو شکست دے دی اور اپنے ٹائٹل کا کامیاب دفاع کیا۔

    یونائیٹڈ اسٹیٹس چیمپئن شپ کے میچ میں جیف ہارڈی نے بھارتی ریسلر جندر مہل کو ہرا کر یونائیٹڈ اسٹیٹس چیمپئن شپ کا ٹائٹل اپنے نام کرلیا، ریسل مینیا 34 میں جندر مہل یونائیٹڈ اسٹیٹس چیمپئن شپ کا ٹائٹل اپنے نام کیا تھا۔

    ریسل مینیا 33 میں رومن کے ہاتھوں شکست سے دوچار ہوکر ریٹائر ہونے والے ڈیڈ مین انڈر ٹیکر کی ریسل مینیا 34 میں واپسی ہوئی تھی، انڈر ٹیکر نے جان سینا کو چند منٹوں میں شکست دی تھی۔

    رائل رمبل میں انڈر ٹیکر کا مقابلہ روسیو سے ہوا، میچ میں ہارنے والے کو رنگ سے باہر رکھے گئے تابوت میں بند کرنا تھا، انڈر ٹیکر سے لڑنے والے روسیو زیادہ دیر تک رنگ میں نہ ٹک پائے اور صرف 15 منٹ میں ہی تابوت میں‌ بند ہو کر شکست کھا گئے۔

    ایک اور میچ میں جان سینا اور ٹرپل ایچ رنگ میں اترے، جان سینا جو ریسل مینیا 34 میں انڈر ٹیکر کے ہاتھوں ہار گئے تھے، رائل رمبل میں ٹرپل ایچ کو باآسانی شکست دے دی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • رائل رمبل، ڈبلیو ڈبلیو ای کے مشہور ریسلر سعودی عرب میں جوہر دکھائیں گے

    رائل رمبل، ڈبلیو ڈبلیو ای کے مشہور ریسلر سعودی عرب میں جوہر دکھائیں گے

    جدہ: عالمی شہرت یافتہ ڈبلیو ڈبلیو ای ریسلر جان سینا، انڈر ٹیکر، ٹرپل ایچ آج پہلی بار سعودی عرب میں پہلوانی کا مظاہرہ کرنے جارہے ہیں۔

    غیر ملکی خبر رساں ادارے کے مطابق سعودی عرب میں سنیما کی بحالی کے بعد اب ڈبلیو ڈبلیو ای کے معروف ریسلرز دو دو ہاتھ کرتے نظر آئیں گے، ریسلر کی دنیا میں شائقین کے دل جیتنے والے معروف ریسلر جان سینا، انڈر ٹیکر، ٹرپل ایچ، مارک ہنری سعودی عرب پہنچ گئے جہاں ڈبلیو ڈبلیو ای کا پہلا ایونٹ ہونے جارہا ہے۔

    ڈبلیو ڈبلیو رنگ میں 50 بڑے پہلوانوں کے درمیان 7 اعزازات کے لیے 10 مقابلے ہوں گے، رائل رمبل میں خواتین کو ریسلرز کو شامل نہیں کیا گیا ہے۔

    واضح رہے کہ سعودی عرب نے عالمی ریسلنگ انٹرٹینمنٹ ڈبلیو ڈبلیو ای سے آٗئندہ 10 سال کا معاہدہ کیا ہے، جس کے تحت کمپنی سعودیہ کے مختلف شہروں میں عالمی معیار کی ریسلنگ کا انعقاد کررہی ہے۔

    رائل رمبل کا بڑا مقابلہ یونیورسل چیمپئن بروک لیسنر اور انڈر ٹیکر کے درمیان ہوگا جسے اسٹیل کیج کا نام دیا گیا ہے، واضح رہے کہ ریسل مینیا 34 میں بروک لیسنر نے رومن رینز کو شکست دے کر ٹائٹل کا کامیاب دفاع کیا تھا۔

    ڈبلیو ڈبلیو ای چیمپئن شپ کے لیے اے جے اسٹائلز اپنے اعزاز کا دفاع کریں گے ان کا مقابلہ ناکامورا سے ہوگا، جان سینا اور ٹرپل ایچ بھی رنگ میں اترنے کے لیے تیار ہیں۔

    ڈیڈ مین کے نام سے مشہور ریسلر انڈر ٹیکر کا مقابلہ روسو سے ہوگا، واضح رہے کہ ریسل مینیا 33 میں انڈر ٹیکر کو بگ ڈوگ رومن رینز کے ہاتھوں شکست کا سامنا کرنا پڑا تھا، جبکہ ریسل مینیا 34 میں انڈر ٹیکر نے جان سینا کو باآسانی شکست سے دوچار کیا تھا۔


    انٹرکانٹی نینٹل چیمپئن شپ کے لیے سیتھ رولنز، دا مز، فن بیلر اور سموا جوئی کے درمیان مقابلہ ہوگا جبکہ دا مز اعزاز کا دفاع کریں گے۔
    یونائیٹڈ اسٹیٹس چیمپئن شپ کے لیے بھارتی ریسلر جندر مہل کا مقابلہ جیف ہارڈی سے ہوگا،

    مزید پڑھیں: رائل رمبل اورٹن کے نام، جان سینا ڈبلیو ڈبلیو ای چیمپئن بن گئے

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ‘رشتے میں تو ہم تمہارے باپ لگتے ہیں پرنام ہے ٹرپل ایچ’

    ‘رشتے میں تو ہم تمہارے باپ لگتے ہیں پرنام ہے ٹرپل ایچ’

    ممبئی: ڈبلیو ڈبلیو ای کے معروف ریسلر ٹرپل ایچ نے امیتابھ بچن کا مشہور فلمی ڈائیلاگ رشتے میں تو ہم تمہارے باپ لگتے ہیں پرنام ہے شہنشاہ بول کر سب کو حیران کردیا۔

    تفصیلات کے مطابق بالی ووڈ سپر اسٹار امیتابھ بچن کی زبان سے ادا ہونے والا فلم شہنشاہ کا ڈائیلاگ آج بھی ہرزد عام ہے، بگ بی نے 29 سال قبل ایک جملہ ادا کیا جو ’رشتے میں تو ہم تمہارے باپ لگتے ہیں پر نام ہے شہنشاہ’ کے الفاظ پر محیط تھا۔

    معروف ریسلر ٹرپل ایچ گزشتہ دنوں بھارت کے دورے پر تھے جہاں انہیں ٹی وی شو میں انٹرویو کے لیے مدعو کیا گیا۔

    میزبان خاتون نے ٹرپل ایچ سے فرمائش کی کہ وہ ہندی فلم کا کوئی ڈائیلاگ بول کر دکھائیں، اینکر کا سوال سن کر ٹرپل ایچ مسکرائے اور پھر اگلے ہی لمحے اپنے مخصوص انداز میں امیتابھ کی فلم شہنشاہ کا ڈائیلاگ بول کر سب کو حیران کردیا۔

    ویڈیو دیکھیں

    واضح رہے کہ ان دنوں ڈبلیو ڈبلیو ای چیمپئن بھارتی ریسلر جندر مہل ہیں، انتظامیہ ریسلنگ کے اس ایونٹ کو بھارت میں پروان چڑھانے کی خواہش مند ہے، جس کے لیے سب سے پہلا دورہ ٹٓرپل ایچ نے کیا۔

    یاد رہے کہ فلم شہنشاہ 1988ء میں ریلیز ہوئی جس میں امیتابھ بچن نے مرکزی کردار ادا کیا اور فلم کے ڈائریکٹر کے فرائض بگ بی کے دیرینہ دوست ٹینو آنند نے انجام دئیے، گوکہ فلم باکس آفس پر کامیاب نہ ہوسکی مگر یہ ڈائیلاگ لوگوں کے ذہنوں میں آج بھی محفوظ ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شاہدہ بسیسو ڈبلیو ڈبلیو ای کی پہلی عرب خاتون ریسلر

    شاہدہ بسیسو ڈبلیو ڈبلیو ای کی پہلی عرب خاتون ریسلر

    نیویارک: عرب دنیا میں جہاں خواتین پر سخت پابندیاں عائد کی جاتی ہیں وہیں ایک عرب خاتون ورلڈ ریسلنگ انٹرٹینمٹ کا حصہ بن گئی۔

    عرب میڈیا کے مطابق ریسلنگ انٹرٹینمینٹ انڈسٹری میں ڈبلیو ڈبلیو ای سرفہرست اور بڑا نام سمجھا جاتا ہے، ڈبلیو ڈبلیو ای کی جانب سے پہلی بارعرب خاتون ریسلر کے ساتھ معاہدہ کیا گیا ، اردن سے تعلق رکھنے والی شاہدہ بسیسو جنہیں یہ اعزاز حاصل ہوا۔

    شاہدہ بسیسو کا انتخاب 40 امیدواروں میں سے کیا گیا، امیدواروں میں مشرق وسطٰی اور بھارت سے تعلق رکھنے والے ایتھلیٹ، پاور لفٹرز، رگبی اور فٹ بال کے کھلاڑی، شوقیہ ریسلر اور مارشل آرٹس کے ماہر بھی شامل تھے۔

    عرب میڈیا کے مطابق شاہدہ تربیت یافتہ جوجٹسو ایتھلیٹ ہیں، وہ امریکی شہر فلوریڈا میں ریسلنگ کی تربیت لے رہی ہیں، شادیہ تربیت مکمل ہونے پر وہ آسٹریلیا، برازیل، کینیڈا، چین، جرمنی ، بھارت، میکسیکو اور برطانیہ سے منتخب کردہ ریسلرز کے ساتھ اپنی مہارت کا مظاہرہ  کریں گی۔

    شاہدہ نے اپنی اس کامیابی پر خوشی کا اظہار کرتے ہوئے کہا ہے کہ مجھے اس بات پر فخر ہے کہ میں مشرق وسطٰی کی پہلی لڑکی ہوں جس نے یہ اعزاز حاصل کیا ، میری خواہش ہے کہ میں ریسلنگ کی دنیا کی سپر اسٹار بن سکوں۔

    علاوہ ازیں ڈبلیو ڈبلیو ای نے بھارتی ریسلر کویتا دیوی کے ساتھ  بھی باضابطہ معاہدہ کرلیا ہے۔

    ڈبلیو ڈبلیو ای کے سی او او ٹرپل ایچ نے اپنے بیان میں کہا ہے کہ ہمیں اعتماد ہے کہ کویتا اور شاہدہ مستقبل قریب میں ڈبلیو ڈبلیو ای کی سپراسٹارز ہوں گی، دونوں ریسلرز کا انتخاب پرستاروں کی بڑھتی تعداد کو مدنظر رکھ کر کیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ریسلنگ کا بڑا دنگل، رومن رینز، راک سے مقابلے کے لیے تیار؟

    ریسلنگ کا بڑا دنگل، رومن رینز، راک سے مقابلے کے لیے تیار؟

    لاس اینجلس: ڈبلیو ڈبلیو ای سپر اسٹار رومن رینز اور دی راک کے ٹاکرے کی تیاریاں جاری ہیں، دونوں ریسلرز کا "ریسل مینیا 34” میں آمنا سامنا متوقع ہے۔

    تفصیلات کے مطابق ڈبلیو ڈبلیو ای کے اسٹار ریسلر رومن رینز نے کہا ہے کہ اگر دی راک سے ان کا سامنا ہوا تو یہ ایک مہنگا ترین مقابلہ ثابت ہوسکتا ہے اور رنگ میں راک نہیں بلکہ میں ہی موجود ہوں گا کیونکہ مجھے اپنے اوپر بھروسہ ہے۔

    ریسل مینیا کے اگلے مقابلے میں دی راک اور رومن رینز کے آمنے سامنے آنے کی اطلاعات ہیں تاہم دی راک کی فلمی مصروفیات انہیں رنگ میں آنے کی اجازت نہیں دے رہیں۔

    ڈبلیو ڈبلیو ای انتظامیہ کا کہنا ہے کہ اگر رومن رینز کا مقابلہ راک سے منعقد نہ ہوسکا تو ان کی جگہ یہ لڑائی بروک لیسنر لڑیں گے۔

    رومن رینز اور دی راک کے مقابلے سے قبل "ریسل مینیا 34” میں دونوں ریسلرز کا پرومو تیار کیا گیا ہے جس میں راک اور رومن اپنے حریفوں پر حملہ آور ہوتے دکھائی دے رہے ہیں۔

    ویڈیو دیکھیں

    ریسلنگ کے مداح بھی دی راک اور رومن رینز کے مقابلے کا بے صبری سے انتظار کررہے ہیں، مداحوں کا کہنا ہے کہ یہ میچ ریسلنگ کی تاریخ کا ایک اہم ترین مقابلہ ثابت ہوسکتا ہے۔

    یاد رہے کہ رومن رینز نے ریسل مینیا کے اہم مقابلے میں انڈر ٹیکر کو شکست دی تھی جس کے بعد معروف ریسلر نے اپنی ریٹائرمنٹ کا اعلان کردیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈبلیو ڈبلیو ای، تین دوست پھر اکٹھے ہوگئے

    ڈبلیو ڈبلیو ای، تین دوست پھر اکٹھے ہوگئے

    نیویارک: ڈبلیو ڈبلیو ای کے پرانے دوست سیتھ رولنز، رومن رینز اور ڈین ایمبروز پھر اکٹھے ہوگئے اور اب وہ رنگ میں ایک ساتھ نظر آئیں گے۔

    تفصیلات کے مطابق ڈبلیو ڈبلیو ای میں دی شیلڈ کے نام سے گروپ ایک بار پھر متحد ہوگیا ہے جس میں ڈین ایمبروز، سیتھ رولنز اور رومن رینز شامل ہیں۔

    ڈبلیو ڈبلیو ای را کے ایک میچ میں جب رومن رینز، دی مز سے مقابلہ کررہے تھے اور جیت کے انتہائی قریب تھے تب شیمس اور سیزارو نے مداخلت کی اور تینوں ریسلرز دی مز، شیمس اور سیزارو نے رومن رینز کی خوب دھلائی کی۔

    رومن رینز جب اپنے روم میں واپس گئے تو سیتھ رولنز اور ڈین ایمبروز بھی ان سے ملاقات کے لیے آئے جس کے بعد تینوں پرانے دوستوں نے ایک بار پھر متحد ہونے کا فیصلہ کیا۔

    گزشتہ روز منڈے نائٹ را کے ایونٹ میں رومن رینز، سیتھ رولنز اور ڈین ایمبروز نے دی میز، شیمس اور سیزارو پر حملہ کیا اور ان کی خوب دھلائی کی۔

    دی شیلڈ گروپ نے براؤن اسٹرومین کو بھی نہ چھوڑا تاہم ریسلر نے مزاحمت کرنے کی کوشش کی جس میں وہ ناکام رہے جس کے بعد تینوں ریسلرز نے اُن کی خوب درگت بنائی، یہ گروپ اب ڈبلیو ڈبلیو ایونٹ ٹی ایل سی میں دی مز، سیزارو، شیمس اور براؤن اسٹرومین سے مقابلہ کرے گا۔

    واضح رہے کہ سیتھ رولنز، ڈین ایمبروز اور رومن رینز نے مل کر پانچ سال قبل دی شیلڈ کے نام سے گروپ بنایا تھا، جو جون 2014ء میں اس وقت ٹوٹ گیا تھا جب سیتھ رولنز نے اپنے ساتھیوں کو دھوکا دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • رومن رینز نے جان سینا کو شکست دے دی

    رومن رینز نے جان سینا کو شکست دے دی

    کیلی فورنیا: ڈبلیو ڈبلیو ای نو مرسی میں رومن رینز نے جان سینا کو شکست دے دی، بروک لیسنر یونیورسل ٹائٹل اپنے پاس رکھنے میں کامیاب رہے۔

    تفصیلات کے مطابق ڈبلیو ڈبلیو ای کی جانب سے نو مرسی کے نام سے شاندار ایونٹ کا انعقاد کیا گیا جس میں دو بڑے مقابلوں کا مداحوں کو بے صبری سے انتظار تھا۔

    جان سینا کو رومن رینز کا چیلنج درپیش تھا جبکہ بروک لیسنر اور برون اسٹرومین مدمقابل آئے۔

    رومن رینز اور جان سینا کے درمیان مقابلے سے قبل لفظی جنگ جاری تھی دونوں ریسلرز کی فائٹ کے لیے کنٹریکٹ بھی سائن ہوا تھا تاہم رومن رینز نے جان سینا کے سارے خواب چکنا چور کرکے انہیں شکست سے دوچار کردیا۔

    دوسرے میچ میں یونیورسل چیمپئن کو بچانے کے لیے بروک لیسنر کو برون اسٹرومین کا چیلنج پیش آیا، بروک لیسنر نے برون اسٹرومین کے درمیان کانٹے دار مقابلہ ہوا دونوں ہی ریسلر ایک دوسرے پر بازی لے جانے کے لیے مصروف تھے تاہم بروک لیسنر نے اپنا آخری داؤ فیٹل فائیو لگا کر برون اسٹرومین کو شکست دے دی۔

    ٹیگ ٹیم چیمپئن شپ ڈین ایمبروز اور سیتھ رولنز نے شیمس اور سیزارو کو ہرا کر ٹائٹل اپنے پاس ہی رکھا، دی مز اور کرٹ اینگل کے بیٹے جیسن جارڈن کے درمیان انٹر کانٹی نینٹل چیمپئن شپ کا مقابلہ ہوا جو دی مز نے جیت لیا۔

    فن بیلر اور برے وائٹ کے درمیان ہونے والا میچ فن بیلر نے حیران کن طور پر جیت لیا، کروشل ویٹ چیمپئن شپ کا مقابلہ اینزو امور نے اپنے نام کیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہوگن، گولڈ برگ سمیت 22 ریسلرز پاکستان آنے کے لیے تیار

    ہوگن، گولڈ برگ سمیت 22 ریسلرز پاکستان آنے کے لیے تیار

    لاہور: غیر ملکی کرکٹرز، ہاکی پلیئرز کے بعد اب ڈبلیو ڈبلیو ای کے ریسلر ہلک ہوگن، گولڈ برگ سمیت 22 ریسلرز نے پاکستان آنے کے لیے رضامندی ظاہر کردی ہے۔

    پاکستان کے پروریسلنگ انٹرٹینمنٹ کے سربراہ عاصم شاہ نے کہا ہے کہ گولڈ برگ، ہلک ہوگن، رے مسٹیریو اور ویڈ بیرٹ سمیت 22 غیر ملکی ریسلرز نے پاکستان آنے پر راضی ہوگئے ہیں اور جلد ان ریسلرز سے معاہدے پر بھی دستخط ہوجائیں گے۔

    عاصم شاہ نے کہا کہ ریسلنگ کے مقابلے پاکستان کے چار بڑے شہروں میں منعقد کیے جائیں گے جبکہ فری اسٹائل ریسلنگ کا انعقاد پاکستان سپر لیگ (پی ایس ایل) سے پہلے یا اس کے فوری بعد ہوگا۔

    پاکستان میں فری اسٹائل ریسلنگ متعارف کرانے کے پیش نظر یکم ستمبر سے آسٹریا میں ہونے والی ورلڈ گرینڈ پرکس میں پرو ریسلنگ انٹرٹینمنٹ کے عہدیداروں کو مہمان خصوصی کے لیے بلایا گیا ہے جس میں سربراہ عاصم شاہ ہیوی ویٹ چیمپئن شپ کا ٹائٹل فاتح پہلوانوں کو دیں گے۔

    واضح رہے کہ چند ماہ قبل بھی 19 ریسلرز پاکستان آئے تھے جن میں چار خواتین ریسلرز بھی شامل تھیں۔

    یہ بھی پڑھیں: ریسلنگ مقابلوں میں شرکت کے لیے 19 ریسلرز کی کراچی آمد

    گولڈ برگ، ہلک ہوگن اور رے مسٹیریو کے مداحوں کی پاکستان سمیت دنیا بھر میں بڑی تعداد موجود ہے۔ یاد رہے کہ چند ماہ قبل گولڈ برگ نے ڈبلیو ڈبلیو ای کے اہم میچ میں بروک لیسنر کو چند منٹوں میں شکست دی تھی۔

     اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈبلیو ڈبلیو ای کا بڑا مقابلہ، جان سینا اور رومن رینز آمنے سامنے

    ڈبلیو ڈبلیو ای کا بڑا مقابلہ، جان سینا اور رومن رینز آمنے سامنے

    نیویارک: ڈؓبلیو ڈبلیو ای کا بڑا مقابلہ ہونے جارہا ہے جس میں رومن رینز اور جان سینا آمنے سامنے ہوں گے۔

    تفصیلات کے مطابق ڈبلیو ڈؓبلیو ای میں 24 ستمبر کو ہونے والے اہم ایونٹ نو مرسی میں دو معروف ریسلرز جان سینا اور رومن رینز مدمقابل آئیں گے۔

    رومن رینز جنہیں ان دنوں مداحوں کی جانب سے کافی تنقید کا نشانہ بنایا جارہا ہے ان کے لیے جان سینا سے لڑنا ایک بڑے چیلنج سے کم نہیں ہوگا۔ اگر رومن رینز نو مرسی میں جان سینا سے ہار جاتے ہیں تو ان کی مقبولیت کا گراف نیچے آجائے گا۔

    ریسل میینا میں انڈر ٹیکر کو شکست دینے کے بعد سے رومن رینز کسی بھی بڑے ایونٹ میں کامیابی حاصل نہیں کرسکے ہیں۔ حالیہ ڈبلیو ڈبلیو ای سمر سلیم کے فیٹل فور وے میچ میں بھی بروک لیسنر کے ہاتھوں رومن رینز شکست سے دوچار ہوئے تھے۔

    یہ بھی پڑھیں: ڈبلیو ڈبلیو ای سمر سلیم، بروک لیسنر ٹائٹل کے دفاع میں کامیاب

    نو مرسی ایونٹ سے قبل ہی جان سینا اور رومن رینز میں لفظی جنگ شروع ہوچکی ہے۔ رومن رینز ڈبلیو ڈبلیو ای را کو اپنا یارڈ کہتے ہیں جبکہ جان سینا کی را میں واپسی کے بعد دونوں کے درمیان تکرار چل رہی تھی۔

    ڈبلیو ڈبلیو انتظامیہ کی جانب سے پہلے نو مرسی ایونٹ میں جان سینا کا مقابلہ سموا جوئی اور رومن رینز کا مقابلہ دا مز سے کرایا جانا تھا تاہم نو مرسی کے ایونٹ کو کامیاب بنانے کے لیے انتظامیہ نے جان سینا اور رومن رینز کے مقابلے کا انعقاد کیا ہے۔

    واضح رہے کہ رومن رینز تین بار ڈبلیو ڈبلیو ہیوی ویٹ ٹائٹل جیت چکے ہیں جبکہ جان سینا 16 بار ڈبلیو ڈبلیو ای چیمپئن شپ اپنے نام کرچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ڈبلیو ڈبلیو ای سمر سلیم، بروک لیسنر ٹائٹل کے دفاع میں کامیاب

    ڈبلیو ڈبلیو ای سمر سلیم، بروک لیسنر ٹائٹل کے دفاع میں کامیاب

    نیویارک: ڈبلیو ڈبلیو ای سمر سلیم کے فیٹل فور وے میچ میں بروک لیسنر کامیابی حاصل کرکے یونیورسل ٹائٹل اپنے پاس رکھنے میں کامیاب ہوگئے۔

    تفصیلات کے مطابق ڈبلیو ڈبلیو ای سمر سلیم کے اہم میچ فیٹل فور وے میں چار ریسلرز مد مقابل آئے جن میں رومن رینز، براؤن اسٹرومین، سموا جوئی اور بروک لیسنر شامل تھے۔

    اہم میچ میں بروک لیسنر ٹائٹل کا دفاع کررہے تھے، براؤن اسٹرومین، لیسنر، رومن رینز اور سموا جوئی کو بآسانی پچھاڑ رہے تھے، ایک موقع پر براؤن اسٹرومین نے بروک لیسنر کو اتنا مارا کے انہیں اسٹریچر پر باہر لے جایا گیا۔

    بروک لیسنر کے جانے کے بعد سموا جوئی، رومن رینز اور بروک لیسنر تینوں آپس میں ٹائٹل کے حصول کے لیے تگ و دو میں مصروف تھے کہ بروک لیسنر کی اچانک دوبارہ آمد ہوئی اور انہوں نے تینوں ریسلرز پر اپنے داؤ پیج استعمال کیے۔

    آخر میں سموا جوئی اور براؤن اسٹرومین رومن رینز کے سپر مین پنچ کے باعث رنگ سے باہر تھے کہ رومن رینز کے تین سپر مین پنچ کھانے کے بعد بھی بروک لیسنر نے رومن رینز کو اپنا آخری داؤ لگا کر ٹائٹل کا کامیاب دفاع کرلیا۔

    ڈبلیو ڈبلیو ای سمر سلیم کے دیگر میچز میں جان سینا نے بیرن کوربن کو شکست دے دوچار کیا۔

    ڈبلیو ڈبلیو ای چیمپئن شپ کے لیے جندر مہل اور نکامورا کے درمیان مقابلہ ہوا جسے جندر مہل نے سنگھ برادرز کی بار بار مداخلت کے باعث جیت لیا۔

    بک شو اور بگ کاس کے درمیان ہونے والا میچ بگ کاس نے جیت لیا، رینڈی اورٹن اور روسو کے درمیان ہونے والے میچ میں رینڈی اورٹن نے روسو کو بآسانی شکست دے دی۔

    ٹیگ ٹیم چیمپئن شپ میچ میں سیزارو شیمس، ڈین ایمبروز اور سیتھ رولنز کے درمیان میچ ہوا جس میں ڈین ایمبروز اور سیتھ رولنز نے کامیابی حاصل کی۔

    یونائیٹڈ اسٹیٹس چیمپئن شپ کے لیے اے جے استائلز اور کیون اوننز کے درمیان مقابلہ ہوا، جس میں شین میک موہن ریفری کے فرائض انجام دے رہے تھے، یونائیٹڈ اسٹیٹس چیمپئن شپ کا ٹائٹل اے جے اسٹائلز کے نام رہا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔