ARYNews.tv | Urdu – Har Lamha Bakhabar

Tag: yasin malik

  • دہشت گردی کی مالی معاونت کیس : حریت رہنما یاسین ملک مجرم قرار، فرد جرم عائد

    دہشت گردی کی مالی معاونت کیس : حریت رہنما یاسین ملک مجرم قرار، فرد جرم عائد

    نئی دہلی : بھارتی عدالت نے دہشت گردی کی مالی معاونت کیس میں حریت رہنما یاسین ملک کو مجرم قرار دیتے ہوئے فرد جرم عائد کردی۔

    تفصیلات کے مطابق بھارتی عدالت نے حریت رہنما یاسین ملک کے خلاف ایک اور اقدام اٹھایا، حریت رہنما یاسین ملک پر بھارت کی عدالت نے فرد جرم عائد کردی۔

    خصوصی عدالت نے دہشت گردی مالی معاونت کیس میں فردجرم عائد کی اور یاسین ملک سے مالیاتی اثاثوں سے متعلق حلف نامہ بھی طلب کرلیا۔

    بھارتی میڈیا کا کہنا ہے کہ حریت رہنماکوسخت سیکیورٹی میں عدالت لایاگیا،سزا پر دلائل کیلئے سماعت 25 مئی کو ہوں گی۔

    یاد رہے یاسین ملک گزشتہ منگل دہشت گردوں کی مالی معاونت سمیت دیگر الزامات میں ملوث پائے گئے تھے۔

    مشیر امور کشمیر قمر زمان کائرہ نے بھارتی عدالت کے یاسین ملک کو مجرم قرار دینے کی شدید مذمت کرتے ہوئے کہا کہ بے بنیاد الزامات پر یاسین ملک کو مجرم قرار دینا افسوسناک ہے۔

    قمر زمان کائرہ کا کہنا تھا کہ بھارت کا ہرریاستی ادارہ ہندوتوا سوچ پرعمل پیرا ہے، افضل گورواورمقبول بھٹ جیسےرہنماؤں کاعدالتی قتل کیاگیا، بھارتی نظام انصاف ہندو انتہا پسند حکومت کے ہاتھوں یرغمال ہے۔

    انھوں نے مزید کہا کہ یاسین ملک کو سالہا سال تہاڑجیل میں رکھنے کے باوجود ان کا عزم نہ توڑ سکا۔

  • یاسین ملک نے موت کے بعد جسمانی اعضا عطیہ کرنے کی وصیت کردی

    یاسین ملک نے موت کے بعد جسمانی اعضا عطیہ کرنے کی وصیت کردی

    اسلام آباد : حریت رہنمایاسین ملک کی اہلیہ مشعال ملک کا کہنا ہے کہ یاسین ملک نے موت کےبعدجسمانی اعضا عطیہ  کرنےکی وصیت کی ہےاور واضح کیا ہے کسی صورت سرنڈر نہیں کریں گے۔

    تفصیلات کے مطابق حریت رہنمایاسین ملک کی اہلیہ مشال ملک نے ویڈیو بیان میں کہا ہے کہ یاسین ملک کوڈیتھ سیل میں بہیمانہ تشددکانشانہ بنایاجارہاہے، اتنے بڑے لیڈر اور مرد مجاہد یاسین ملک موت کے منہ میں ہیں۔

    مشعال ملک کا کہنا تھا کہ یاسین ملک نے اپنی وصیت دنیا کیلئے بھجوا دی ہے اور وصیت میں انھوں نے موت کے بعد جسمانی اعضاعطیہ کردیئے ہیں۔

    مزید پڑھیں : انسانی حقوق کی عالمی تنظیمیں یاسین ملک کے حق میں آواز بلند کریں، مشعال ملک

    انھوں نے مزید کہا کہ دلیرلیڈر نے موت کے بعداپناجسم بھی کشمیر قوم کیلئے وقف کردیا اور واضح کیا ہے کسی صورت سرنڈر نہیں کریں گے، کسی بھی جدوجہد آزادی میں اتنا زیادہ ظلم وجبر نہیں ہوا ہوگا۔

    یاد رہے حریت رہنما یاسین ملک کی اہلیہ مشعال ملک نے میڈیا سے گفتگو کرتے ہوئے کہا تھا کہ بھارتی حکومت اور ایجنسیاں یاسین ملک پر ظلم کے پہاڑ توڑ ہی ہیں، یاسین ملک تہاڑ جیل میں شدید علیل ہیں۔

    ان کا کہنا تھا کہ تحریک کو کچلنے کے لیے 30 سال پرانے کیس کھولے جارہے ہیں، کل یاسین ملک کو اسٹریچر اور ڈرپ لگا کر جج کے سامنے پیش کیا گیا، انسانی حقوق کی عالمی تنظیمیں یاسین ملک کے حق میں آواز بلند کریں اور عالمی برادری انسانی حقوق کی خلاف ورزی کا نوٹس لے۔

  • انسانی حقوق کی عالمی تنظیمیں یاسین ملک کے حق میں آواز بلند کریں، مشعال ملک

    انسانی حقوق کی عالمی تنظیمیں یاسین ملک کے حق میں آواز بلند کریں، مشعال ملک

    اسلام آباد: حریت رہنما یاسین ملک کی اہلیہ مشعال ملک کا کہنا ہے کہ انسانی حقوق کی عالمی تنظیمیں یاسین ملک کے حق میں آواز بلند کریں۔

    تفصیلات کے مطابق حریت رہنما یاسین ملک کی اہلیہ مشعال ملک نے میڈیا سے گفتگو کرتے ہوئے کہا کہ بھارتی حکومت اور ایجنسیاں یاسین ملک پر ظلم کے پہاڑ توڑ ہی ہیں، یاسین ملک تہاڑ جیل میں شدید علیل ہیں۔

    انہوں نے کہا کہ تحریک کو کچلنے کے لیے 30 سال پرانے کیس کھولے جارہے ہیں، کل یاسین ملک کو اسٹریچر اور ڈرپ لگا کر جج کے سامنے پیش کیا گیا۔

    مشعال ملک نے کہا کہ انسانی حقوق کی عالمی تنظیمیں یاسین ملک کے حق میں آواز بلند کریں، عالمی برادری انسانی حقوق کی خلاف ورزی کا نوٹس لے۔

    مزید پڑھیں: کشمیر کو منی ہندوستان بنانے کی کوشش کی جا رہی ہے، مشعال ملک

    واضح رہے کہ گزشتہ ماہ مشعال ملک کا کہنا تھا کہ کشمیر میں 70 سالوں سے ظلم ہورہا ہے، کشمیر کو منی ہندوستان بنانے کی کوششیں کی جارہی ہیں۔

    مشعال ملک کا کہنا تھا کہ مسئلہ کشمیر سے متعلق اقوام متحدہ کی قرارداد پر عمل درآمد کرایا جائے، پاکستان کا سب سے بڑا ایشو کشمیر ہے اس سے بڑھ کر کچھ نہیں۔

    حریت رہنما کی اہلیہ کا کہنا تھا کہ کشمیری حریت رہنماؤں کو سویلین ایوارڈز دیے جائیں، شاہراؤں کے نام کشمیریوں کے نام پر رکھے جائیں، کشمیری حق خود ارادیت سے کم کچھ قبول نہیں کریں گے۔

  • بھارتیوں کا یاسین ملک کو قتل کرنے کا منصوبہ ہے: مشال ملک

    بھارتیوں کا یاسین ملک کو قتل کرنے کا منصوبہ ہے: مشال ملک

    اسلام آباد: حریت رہنما یاسین ملک کی اہلیہ مشال ملک کا کہنا ہے کہ یاسین ملک کو ڈیتھ سیل میں رکھا گیا ہے، بھارتیوں کا یاسین ملک کو قتل کرنے کا منصوبہ ہے۔

    تفصیلات کے مطابق حریت رہنما یاسین ملک کی اہلیہ مشال ملک کا کہنا ہے کہ بھارتی وزیر اعظم نریندر مودی کشمیر میں خون کا پیاسا بنا ہوا ہے، اس وقت جو کشمیر میں ہو رہا ہے تاریخ ہمیشہ یاد رکھے گی۔

    مشال ملک کا کہنا تھا کہ مقبوضہ کشمیر میں مسلسل چوتھے مہینے سے کرفیو ہے، بھارتی فورسز کشمیر میں ہر طرح کا ہتھیار استعمال کر رہی ہے۔

    انہوں نے مزید کہا کہ یاسین ملک کو بھی ڈیتھ سیل میں رکھا گیا ہے، بھارتیوں کا یاسین ملک کو قتل کرنے کا منصوبہ ہے۔

    اس سے قبل ایک موقع پر مشال ملک نے کہا تھا کہ بھارت کو بروقت لگام نہ ڈالی گئی تو اس کا اگلا قدم آزاد کشمیر کی جانب ہوگا۔

    انہوں نے کہا تھا کہ مقبوضہ کشمیر میں 4 ماہ سے جاری کرفیو میں ظلم و بربریت کی نئی داستانیں رقم کی گئی ہیں، کشمیری تاریخ کے بدترین دور سے گذر رہے ہیں۔

    مشال ملک کا کہنا تھا کہ حریت قائدین سمیت 15 ہزار سے زائد کشمیریوں کو گرفتار کر کے بھارت کی مختلف جیلوں میں رکھا گیا ہے، مقبوضہ وادی میں اشیائے خورد و نوش اور ادویات کی شدید قلت سے زندگی مفلوج ہو کر رہ گئی ہے۔

  • "تہاڑ جیل میں یاسین ملک کو قید تنہائی میں رکھا گیا ہے، صحت تیزی سے گر رہی ہے”

    "تہاڑ جیل میں یاسین ملک کو قید تنہائی میں رکھا گیا ہے، صحت تیزی سے گر رہی ہے”

    سری نگر: یاسین ملک کے ترجمان رفیق ڈار نے کہا ہے کہ تہاڑ جیل میں قید حریت رہنما کی صحت تیزی سے گر رہی ہے.

    ان خیالات کا اظہار انھوں‌ نے حریت رہنما کی صحت سے متعلق اپنے بیان میں کیا. ان کا کہنا تھا کہ یاسین ملک دل اور گردوں کے عارضے میں مبتلا ہیں.

    قید تنہائی میں یاسین ملک کو متعدد امراض لاحق ہو گئے ہیں، انھیں جیل میں بنیادی سہولتوں سے محروم رکھا جا رہا ہے.

    رفیق ڈار کے مطابق جیل انتظامیہ یاسین ملک کوطبی سہولتوں فراہم نہیں کر رہی، پس و پیش سے کام لیا جا رہا ہے. یاسین ملک کی زندگی کوشدید خطرات لاحق ہیں، بھارتی حکومت جان بوجھ کر یاسین ملک کو اسپتال منتقل نہیں کر رہی.

    مزید پڑھیں: یاسین ملک کو ڈیتھ سیل میں رکھا ہوا ہے، زندگی کو سخت خطرات لاحق ہیں، مشعال ملک

    خیال رہے کہ حریت رہنما یاسین ملک کی بیٹی رضیہ سلطانہ نے گزشتہ روز اپنی والدہ مشعال ملک کے ساتھ پریس کانفرنس کرتے ہوئے عالمی برادری سےسوال کیا تھا کہ کشمیری تیس دن سےکرفیو میں ہیں، انھیں مدد کی ضرورت ہے، کیا آپ کشمیریوں کی اس مشکل وقت میں مدد کریں گے یا نہیں۔

    حریت رہنما کی بیٹی نے عالمی برادری اورانسانی حقوق تنظیموں کے لئے پیغام میں کہا ہے کہ کشمیر میں اشیائے خورونوش کی قلت ہے، مقبوضہ کشمیرکوجیل میں بدل دیا گیا، بچےاسکول نہیں جارہے، کشمیریوں کی اس مشکل وقت میں مدد کی جائے.

  • حریت رہنما یاسین ملک کو گرفتار کرلیا گیا

    حریت رہنما یاسین ملک کو گرفتار کرلیا گیا

    سرینگر: مقبوضہ کشمیر کے حریت رہنما یاسین ملک کو بھارتی فورسز نے گرفتار کرلیا، میر واعظ عمر فاروق نے ان کی گرفتاری کی سخت مذمت کی ہے۔

    تفصیلات کے مطابق مقبوضہ کشمیر میں بھارتی فوجیوں پر حملے کے بعد قابض فوج ہوش و حواس کھو بیٹھی ہے اور ظلم و ستم کا بازار گرم کر رکھا ہے۔ مقبوضہ فوج کی جانب سے حریت رہنما یاسین ملک کو ان کے گھر سے گرفتار کرلیا گیا۔

    بھارتی فوج نے سرچ آپریشن کے نام پر کشمیریوں کو ہراساں کرنے کا سلسلہ بھی جاری رکھا ہوا ہے جبکہ مختلف علاقوں کا محاصرہ کرلیا ہے۔

    مقبوضہ وادی میں موبائل فون اور انٹرنیٹ سروس بھی بند کی جاچکی ہے۔ اب تک درجنوں کارکنوں اور عام کشمیریوں کو گرفتار کیا جاچکا ہے۔

    یاسین ملک کی گرفتاری کے بعد میر واعظ عمر فاروق نے سماجی رابطے کی ویب سائٹ ٹویٹر پر اپنے پیغام میں کہا کہ یاسین ملک اور کارکنوں کی گرفتاری کی مذمت کرتا ہوں۔

    انہوں نے کہا کہ تشدد آمیز کارروائیاں زمینی حقائق تبدیل نہیں کرسکتیں، طاقت کے استعمال اور جبر سے صورتحال مزید خراب ہوگی۔

    اس سے چار روز قبل بھارتی حکومت نے میر واعظ عمر فاروق، ہاشم قریشی، عبد الغنی بٹ، بلال لون، فضل الحق قریشی اور شبیر شاہ کی سیکیورٹی واپس لے لی تھی۔

    بعد ازاں مقبوضہ کشمیر میں انتہا پسندوں کے حملوں کے بعد کشمیری نوجوانوں نے میر واعظ عمر فاروق سمیت دیگر رہنماؤں کی سیکیورٹی کی ذمے داری سنبھال لی تھی۔

    واضح رہے کہ 14 فروری کو مقبوضہ کشمیر کے علاقے پلوامہ میں ہونے والے دھماکے میں 44 بھارتی فوجی مارے گئے تھے۔ واقعے کے بعد قابض فورسز نے متعدد کشمیریوں کو گرفتار کرلیا تھا۔

    واقعے کے بعد پولیس کی سرپرستی میں ہندو انتہا پسندوں نے کشمیری مسلمانوں کے گھروں پر دھاوا بولا تھا اور ان کی املاک کو نذر آتش کیا تھا۔

  • بھارت کا یاسین ملک کو پاکستان جانے کی اجازت دینے سے انکار

    بھارت کا یاسین ملک کو پاکستان جانے کی اجازت دینے سے انکار

    اسلام آباد: بھارت نے حریت رہنما یاسین ملک کو پاکستان جانے کی اجازت دینے سے انکار کردیا، یاسین ملک مشعال ملک کی ہمشیرہ کی شادی میں شرکت کے خواہشمند تھے۔

    تفصیلات کے مطابق پاکستانی محبت کے جواب میں بھارتی ہٹ دھرمی بدستور برقرار ہے، بھارت نے حریت رہنما یاسین ملک کو پاکستان جانے کی اجازت دینے سے انکار کردیا، مشعال ملک نے یاسین ملک کو روکنے کی بھارتی اقدام کی مذمت کی ہے۔

    ذرائع کے مطابق بھارتی حکومت نے یاسین ملک کو پاسپورٹ دینے سے انکار کردیا، حریت رہنما یاسین ملک کا پاسپورٹ بھارتی حکومت نے ضبط کررکھا ہے، حریت رہنما نے پاسپورٹ کے لیے بھارتی حکومت سے درخواست کی تھی۔

    حریت رہنما یاسین ملک پاسپورٹ بھارتی حکومت کے قبضے میں ہونے کے سبب پاکستان آنے کے لیے ویزہ کی درخواست نہ دے سکے۔

    یاسین ملک کی اہلیہ مشعال ملک نے حریت رہنما کو روکنے کے بھارتی اقدام کی مذمت کرتے ہوئے کہا ہے کہ بھارتی حکومت کا اقدام غیر انسانی و جابرانہ ہے۔

    مشعال ملک نے کہا کہ یاسین ملک پانچ سال سے بیٹی اور اہلیہ کو ملنے سے محروم ہیں، ان کو فیملی سے ملنے سے روکنا قابل مذمت ہے۔

    واضح رہے کہ مقبوضہ کشمیر میں قابض بھارتی فوج کی بربریت جاری ہے، گزشتہ روز بھی بھارتی فوج نے سرچ آپریشن کے دوران ایک کشمیری نوجوان کو گولیاں ما رکر شہید کردیا تھا۔

    کشمیریوں نے سرچ آپریشن کے دوران چادر اور چار دیواری کا تقدس پامال کرنے پر سخت احتجاج کیا، جس پر قابض بھارتی فوج نے مظاہرین پر براہ راست فائرنگ کردی، فائرنگ کی زد میں آکر بلال احمد بٹ نامی کشمیری نوجوان موقع پر ہی شہید ہوگیا۔

  • سری نگر: مقبوضہ کشمیرمیں مکمل ہڑتال، یٰسین ملک گرفتار

    سری نگر: مقبوضہ کشمیرمیں مکمل ہڑتال، یٰسین ملک گرفتار

    سری نگر : مقبوضہ کشمیر میں حریت رہنما یاسین ملک کی اہلیہ مشعال ملک نے کہا ہے کہ بھارتی فورسز کی جانب سے حریت رہنما یٰسین ملک کو گرفتارکرلیا گیا ہے۔ بڈگام میں بھارتی فورسزکی فائرنگ سے نوجوان شہید ہوگیا۔

    تفصیلات کے مطابق بھارتی فوج کی بربریت کیخلاف مقبوضہ وادی میں آج مکمل ہڑتال رہی۔ حریت رہنما یاسین ملک کوایک بار پھر بھارتی فوج نے ان کے ساتھیوں سمیت گرفتارکرلیا، انہیں سرینگر میں احتجاجی مارچ کی قیادت سے روکنے کیلئے گرفتار کیا گیا۔

    مقبوضہ کشمیرمیں بھارتی فورسزکے کشمیریوں پرروز بروز بڑھتے مظالم کے خلاف کشمیری سراپا احتجاج ہیں۔ حریت رہنماؤں میر واعظ عمرفاروق، یاسین ملک اور سید علی گیلانی کی اپیل پر مقبوضہ وادی میں مکمل ہڑتال رہی۔

    اس موقع پر وادی میں ٹریفک، کاروباری مراکز اور تعلیمی ادارے بند رہے۔ سڑکوں پر سناٹا رہا، نہتے کشمیریوں کے احتجاج کو طاقت سے دبانے کے لئے اضافی بھارتی پولیس اہلکار تعینات کیے گئے تھے،مختلف علاقوں میں انٹرنیٹ اورموبائل سروسز بھی بند کردی گئیں۔

    یٰسین ملک کی اہلیہ مشعال ملک نے کہا ہے کہ یاسین ملک کو یواین ملٹری آبزور گروپ کے دفتر تک مارچ کرنے کے دوران گرفتار کیا گیا تھا۔ یٰسین ملک پر گرفتاری کے دوران تشدد بھی کیا گیا، ان کےساتھ متعدد کشمیریوں کو بھی گرفتار کیا گیا ہے۔

    مشعال ملک کا کہنا تھا کہ اقوام متحدہ اورعالمی برادری مقبوضہ کشمیر میں جاری بھارتی فوج کی بربریت پر خاموش تماشائی بننے کے بجائے اس کا نوٹس لے، بھارت مقبوضہ کشمیر میں بری طرح ناکام ہو چکا ہے، بھارت اپنی ناکامی چھپانے کے لیے آئے روز ایل او سی پر معصوم شہریوں کو نشانہ بناتا ہے۔

    انہوں نے کہا کہ بھارتی خفیہ ایجنسی را مقبوضہ کشمیر کی تحریک آزادی کو دہشت گردی کا رنگ دینے کی کوشش کر رہی ہے، کشمیری عوام ہر روز اپنی جان کا نذرانہ دے کر بھارت کی سازش کو ناکام بنا دیتے ہیں۔

  • سری نگر: حریت رہنما یاسین ملک ایک بار پھر گرفتار

    سری نگر: حریت رہنما یاسین ملک ایک بار پھر گرفتار

    سری نگر : بھارتی فوج نے ایک بار پھر حریت رہنما یاسین ملک کو حراست میں لے لیا ہے، کشمیری رہنما کو شوپیاں کے علاقے سے حراست میں لیا گیا۔

    تفصیلات کے مطابق مقبوضہ کشمیر میں بھارتی فوج کی بربریت کا سلسلہ تاحال جاری ہے، بھارتی فوج نے مقبوضہ وادی میں ظلم وبربریت کابازار گرم کرتے ہوئے مزید تین کشمیریوں کو شہید کردیا۔

    بھارتی میڈیا کا کہنا ہے کہ بھارتی فوج نے حریت رہنما یاسین ملک کو شوپیاں کے علاقے سے حراست میں لے کر نامعلوم مقام پر منتقل کردیا ہے اور اب تک اُن کے اہل ِ خانہ اور وکلاء کو گرفتاری کی وجوہات سے آگاہ نہیں کیا گیا ہے۔

    شدید علیل یاسین ملک کی گرفتاری پر اہلِ خانہ تشویش کا اظہار کر رہے ہیں۔ یاد رہے کہ اس سے قبل بھی حریت رہنما یاسین ملک کو اپنی حراست میں لیا تھا۔

    مزید پڑھیں : مقبوضہ کشمیر،یاسین ملک گرفتار،میر واعظ عمر فاروق نظر بند

    واضح رہے کہ یٰسین ملک کو جولائی کے مہینے میں برہان وانی کی شہادت کے بعد گرفتار کیا گیا تھا جس کے بعد اُن کا رابطہ کسی سے نہ ہو سکا تھا تا ہم ایک ماہ قبل اچانک طبیعت بگڑنے پر بھارتی پولیس نے انہیں اسپتال منتقل کیا تھا جہاں غلط انجکشن لگنے کے باعث ان کا بازو سوج گیا تھا اور حالت مزید ابتر ہو گئی تھی۔

  • کشمیری رہنما یاسین ملک کی حالت بدستور تشویشناک

    کشمیری رہنما یاسین ملک کی حالت بدستور تشویشناک

    سری نگر : معروف کشمیری رہنما یاسین ملک کی حالت تاحال نہ سنبھل نہ سکی۔ غلط انجکشن سے متاثرہونے والے بازو کا آپریشن سوجن کم ہونے کے بعد کی اجائے گا۔ شدید تکلیف کے باعث انہیں دواؤں کے زیر اثر رکھا گیا ہے۔

    تفصیلات کے مطابق پابند سلاسل کشمیری حریت رہنما یاسین ملک کی حالت تاحال تشویشناک ہے، دائیں ہاتھ نے رگ پھٹنے کے باعث کام کرنا چھوڑدیا۔

    حریت رہنما یاسین ملک کی گزشتہ روز غلط انجکشن لگنے کے بعد حالت بگڑ گئی تھی۔ سیدھا بازو بد ستور کام نہیں کررہا شدید تکلیف کے باعث انہیں دواؤں کے زیر اثر رکھا گیا ہے۔

    یاسین ملک کی ساس کے مطابق حریت رہنما کو قید میں پانی تک نہیں دیا جاتا تھا جس کی وجہ سے گردے بھی متاثر ہیں۔

    گزشتہ روز یاسین ملک کی خراب طبعیت کا سن کر ان کی اہلیہ مشعال ملک بھی صدمے سے بے ہوش ہوگئی تھیں۔

    ذرائع کے مطابق یاسین ملک کے بازو کی سوجن کم ہونے کے بعد ہی آپریشن ہوسکے گا، بازو ناکارہ ہونے کے باعث یاسین ملک کے گردے کا آپریشن ملتوی کردیا گیا، یاسین ملک کا علاج بھی بھارتی فوج کے سخت پہرے میں ہورہا ہے۔