کراچی: ٹیسٹ کرکٹر یاسر شاہ کہتے ہیں کہ دباؤ میں آئے بغیر وہ ڈومیسٹک کرکٹ کھیل رہے ہیں تاکہ پرفارمنس میں مزید بہتری آسکے،ورلڈ کپ اسکواڈ میں شامل ہونا ہرکھلاڑی کی خواہش ہے۔
نیشنل اسٹیڈیم کراچی میں میڈیا سے بات کرتے ہوئے اسپنر یاسر شاہ نے کہا کہ جب انھوں نے دوہزار گیارہ میں ڈیبیو کیا تو بولنگ میں کافی خامیاں تھی،مشتاق احمد سے کافی کچھ سیکھنے کو ملا ہے ساٹ ٹیسٹ کرکٹر نے کہا کہ وہ لیگ اسپن اور فلپر پر کافی محنت کررہے ہیں،ایونٹ کے بعد سابق کرکٹر عبدالقادر سے گگلی کو بہتر بنانے کی ٹپس لینگے۔
شین وارن کو یاسر شاہ آئیڈل سمجھتے ہیں اور انکی خواہش ہے کہ آسٹریلیا جانے کا موقع ملا تو وہ ان سے ضرور ٹپس لینگے،انکا کہنا ہے کہ آسٹریلیا میں کبھی کھیلا نہیں ہوں،حتمی اسکواڈ میں شامل ہوا تو اچھی کارکردگی دکھانے کی کوشش کرونگا۔
