پی ٹی آئی رہنما یاسمین راشد کو طبیعت خراب ہونے پر کوٹ لکھپت جیل سے سروسز اسپتال منتقل کردیا گیا ہے۔
اے آر وائی نیوز کے مطابق پی ٹی آئی رہنما ڈاکٹر یاسمین راشد کا سروسز اسپتال میں طبی معائنہ جاری ہے وہ ایمرجنسی کے سی سی یو میں زیر علاج ہیں۔
اسپتال انتظامیہ کا کہنا ہے کہ یاسمین راشد کو سانس میں دشواری، دھڑکن تیز اور بلڈ پریشر کی شکایت ہے۔
اسپتال انتظامیہ کا کہنا ہے کہ انہیں معدے میں جلن اور درد بھی ہے، تمام ممکنہ طبی سہولتیں فراہم کی جارہی ہیں۔
لاہور: پاکستان تحریک انصاف( پی ٹی آئی) کی رہنما ڈاکٹر یاسمین راشد نے کہا کہ مہارانی کو پتہ ہی نہیں ملک میں غربت کتنی ہے۔
تفصیلات کے مطابق پاکستان تحریک انصاف( پی ٹی آئی) کی رہنما ڈاکٹر یاسمین راشد نے لاہور میں میڈیا سے غیر رسمی گفتگو کرتے ہوئے کہا کہ مریم نواز نے تقریر میں غریب کی بھوک کے بارے میں کوئی بات نہیں کی۔
یاسمین راشد نے کہا کہ مہارانی کو پتہ ہی نہیں ملک میں غربت کتنی ہے، اس وقت غریب لوگوں کے پاس کھانے کے پیسے نہیں، رمضان پیکچ سے کام نہیں چلے گا، رمضان کے بعد بھی لوگوں نے جینا ہے۔
انہوں نے کہا کہ ریلیف نہ ملا تو عوام ان کو نہیں چھوڑیں گے، مجھے پتہ ہے غربت کا کیونکہ میں نے 35 سال سرکاری اسپتال میں کام کیا، لوگوں کے پاس دوائی لینے کے پیسے نہیں ہیں۔
ڈاکٹر یاسمین راشد کا کہنا تھا کہ انہوں نے آج تک عوام کو کوئی ریلیف دیا ہے جو آج امید لگائی جائے؟ ایک ایک لاکھ سے زیادہ ووٹ لینے والی خواتین جیل میں قید ہیں، تین دفعہ کے وزیراعظم کی بیٹی شدید دھاندلی سے اقتدار میں آئی۔
لاہور: الیکشن کمشنر پنجاب نے ڈاکٹر یاسمین راشد کے الزامات کی تردید کرتے ہوئے کہا ہے کہ الیکشن کمیشن اپنی ذمہ داریاں غیر جانب دارانہ طریقے سے انجام دے رہا ہے۔
تفصیلات کے مطابق صوبائی الیکشن کمشنر پنجاب نے ایک بیان میں کہا ہے کہ الیکشن کمیشن آئینی ادارہ ہے، اور یہ اپنے فرائض سے بخوبی آگاہ ہے، ان فرائض میں کسی طور بھی غفلت نہیں برتی جاتی۔
الیکشن کمشنر پنجاب نے کہا کہ انھوں نے اداروں اور انتخابی امیدواران کو ضابطہ اخلاق سے متعلق سختی سے ہدایات دی ہیں، ضمنی انتخاب والے حلقوں کے ووٹرز کے کوائف 8300 پر یکم جولائی کے بعد اپ ڈیٹ ہوں گے۔
صوبائی الیکشن کمشنر نے انتخابی فہرستوں میں رد و بدل کے الزامات کی بھی تردید کر دی، انھوں نے کہا الیکشن شیڈول آنے کے بعد انتخابی فہرست میں کوئی تبدیلی نہیں کی گئی۔
الیکشن کمشنر پنجاب کے مطابق پی پی 167 لاہور فائرنگ واقعے میں پولیس نے 14 افراد کو گرفتار کیا، واقعے کا الیکشن کمیشن نے بھی نوٹس لیا ہے، جس پر اگلی سماعت 7 جولائی کو ہوگی، اور ملوث افراد کے خلاف سخت کارروائی عمل میں لائی جائے گی۔
انھوں نے کہا الیکشن کمیشن ہمیشہ آزادانہ اور شفاف انتخابات کرانے کے لیے پر عزم ہے۔
لاہور: صوبہ پنجاب کی وزیر صحت ڈاکٹر یاسمین راشد کا کہنا ہے کہ پنجاب کی 63 فیصد آبادی کو 1 اور 30 فیصد آبادی کو کرونا ویکسین کی دونوں ڈوزز لگ چکی ہیں، کوشش ہے دسمبر تک 70 فیصد آبادی کو کرونا ویکسین لگا دیں۔
تفصیلات کے مطابق صوبائی وزیر صحت یاسمین راشد کا کہنا ہے کہ 37 ہزار میں سے 70 فیصد بچے 12 سال سے زائد عمر ہیں، 28 سے 30 ہزار بچوں کو کرونا وائرس ویکسین لگا دیں گے۔
یاسمین راشد کا کہنا تھا کہ جب تک سب ویکسی نیٹ نہیں ہوں گے اس موذی مرض سے بچنا مشکل ہے۔ پنجاب کی 63 فیصد آبادی کو 1 اور 30 فیصد آبادی کو دونوں ڈوزز لگ چکی ہیں۔
انہوں نے کہا کہ کوشش ہے دسمبر تک 70 فیصد آبادی کو کرونا ویکسین لگا دیں، وبا کے دوران اسکولوں کی بندش سے نقصان ہوا، اب تمام اسکول کھل گئے رونق لگ گئی ہے۔
صوبائی وزیر صحت کا مزید کہنا تھا کہ ابھی کرونا وائرس گیا نہیں کچھ وقت اور لگے گا ماسک کا استعمال کریں۔
لاہور: صوبہ پنجاب کی وزیر ڈاکٹر صحت یاسمین راشد کا کہنا ہے کہ صوبے میں ڈینگی کیسز بڑھے ہیں امید ہے اگلے ہفتے تک قابو پالیں گے، اسپتالوں میں جگہ موجود ہے روزانہ رپورٹ لیتے ہیں۔
تفصیلات کے مطابق صوبائی وزیر صحت یاسمین راشد کا کہنا ہے کہ پنجاب باقی صوبوں کے مقابلے میں سب سے آگے ہے، سال کے آخر تک کوشش کریں گے ویکسین کی دونوں ڈوزز لگادی جائیں۔
یاسمین راشد کا کہنا تھا کہ خدا کرے اسی طرح حالات رہیں کیونکہ لاک ڈاؤن سے نقصان ہوتا ہے۔
انہوں نے کہا کہ ڈینگی کیسز بڑھے ہیں امید ہے اگلے ہفتے تک قابو پالیں گے، اسپتالوں میں جگہ موجود ہے روزانہ رپورٹ لیتے ہیں۔ تھیلیسیمیا کے پنجاب میں اس وقت 27 ہزار رجسٹرڈ مریض ہیں۔ ہر اسپتال میں 10 بیڈز تھیلیسیمیا مریضوں کے لیے مختص کر رہے ہیں۔
یاسمین راشد کا کہنا تھا کہ 31 دسمبر کے بعد ہیلتھ کارڈ سب کو مل جائیں گے، کوئی کارڈ ایکسپائر نہیں ہوگا ہیلتھ کارڈ آئی ڈی کارڈ سے منسلک ہوگا، ہمارا کنٹریکٹ 15 تاریخ تک مکمل سائن ہوجائے گا۔ جس دن کنٹریکٹ ہوگا 6 ہفتے بعد کارڈ دینے کا سلسلہ شروع ہوگا۔
لاہور: صوبائی وزیر صحت ڈاکٹر یاسمین راشد کا کہنا ہے کہ پنجاب میں یومیہ 5 لاکھ لوگوں کو ویکسین لگائی جارہی ہے، پنجاب کی 35 فیصد آبادی کو ویکسین لگ چکی ہے۔
تفصیلات کے مطابق صوبائی وزیر صحت ڈاکٹر یاسمین راشد کا کہنا تھا کہ انسانی صحت سب سے ضروری ہے، انڈور شادی کی تقریبات پر پابندی ہے۔ دفاتر میں 50 فیصد حاضری کے تحت کام کی اجازت ہے، ثقافتی اور مذہبی تقریبات پر بھی پابندی ہے۔
وزیر صحت کا کہنا تھا کہ پوری کوشش کی جارہی ہے لوگ ماسک ضرور پہنیں، ایس او پیز پر عمل زیادہ ضروری ہے۔ اکثریت کو ویکسین لگ جائے تو سب کچھ کھولنے کو تیار ہیں۔
انہوں نے کہا کہ پنجاب میں 35 لاکھ افراد کو ویکسین لگوائی گئی ہے، ہمارے پاس بڑی تعداد میں ویکسین موجود ہے۔ یومیہ 5 لاکھ لوگوں کو ویکسین لگائی جارہی ہے۔ محرم کی وجہ سے صرف کل ڈھائی لاکھ کے قریب ویکسین لگی ہیں۔
یاسمین راشد کا کہنا تھا کہ 9 محرم الحرام کو بھی ویکسی نیشن سینٹرز کھلے رہیں گے، پنجاب کے 40 سال سے زائد عمر کے 47 فیصد لوگوں کو ویکسین لگ چکی، 60 سال سے زائد 63 فیصد لوگوں کو پنجاب میں ویکسین لگائی گئی۔ پنجاب میں 18 سال سے زائد عمر کے لوگ تقریباً 6 کروڑ ہیں۔
انہوں نے کہا کہ اس وقت پنجاب کی 35 فیصد آبادی کو ویکسین لگ چکی ہے، زیادہ متاثرہ علاقوں میں اسمارٹ لاک ڈاؤن لگایا جاتا ہے۔ 2 لاکھ 80 ہزار افراد کو گھروں میں جا کر ویکسین لگائی گئی۔
لاہور: وزیر صحت پنجاب ڈاکٹر یاسمین راشد نے عیدالفطر پر لگائے گئے لاک ڈاؤن کو انتہائی مفید قرار دیتے ہوئے بتایا کہ پنجاب میں کرونا کی شرح کم ترین سطح پر آگئی ہے۔
تفصیلات کے مطابق راولپنڈی انسٹی ٹیوٹ آف یورالوجی کے دورے کے موقع پر میڈیا سے گفتگو کرتے ہوئے صوبائی وزیر صحت ڈاکٹر یاسمین راشد کا کہنا تھا کہ ایس اوپیز پر عمل درآمد سے کورونا کیسز میں کمی آئی ہے، آج پنجاب میں 28973 ٹیسٹ کیے ہیں اور صرف میں 901 کیسز سامنے آئے، پہلی بار روزانہ رپوٹ کرونا کیسز کی تعداد ایک ہزار سے کم ہوئی، جس کا مطلب کورونا کیسز میں واضح کمی آئی ہے۔
ڈاکٹر یاسمین راشد کا کہنا تھا کہ تیسری لہر میں جتنے مریض آرہے ہیں اکثریت صحت یاب ہورہی ہے، لاہور میں 30 فیصد بیڈ خالی ہیں، 200 وینٹی لیٹر بھی مریضوں کے لیے خالی ہیں، پنجاب میں دو ہزار آکسیجن بیڈز ہیں جس میں سے صرف 520 پر مریض زیر علاج ہیں، اور صرف 8 مریض وینٹی لیٹرز پر ہیں۔
صوبائی وزیر کا کہنا تھا کہ پنجاب میں ایس اوپیز پر سختی سے عمل ہوا، اس وقت تقریباً پورے صوبے میں اسمارٹ لاک ڈائون نافذ ہے، شادی اور ان ڈورہوٹلنگ پر پابندی ہے، پبلک ٹرانسپورٹ 50 فیصد مسافروں کے ساتھ چل رہی ہے، ہر قسم کے تجارتی مراکز 8 بجے کے بعد بند ہیں، کھیلوں کی سرگرمیوں پر مکمل پابندی ہے، ماسک پہننے سے کیسز میں مزید کمی ہو سکتی ہے۔
شہباز شریف کے بیرون متعلق علاج پر صوبائی وزیر صحت کا کہنا تھا کہ میرے آٹھ آپریشن پاکستان میں ہوئے، جب نوازشریف آئےتھےتو چودہ دن اسپتال میں رکھ کربھیجاتھا، ہم چاہتے ہیں کہ شہبازشریف کی کسی طرح مددکرسکیں، ہمارے ہاں تمام ڈاکٹربہت اچھےہیں، شہبازشریف مہربانی کرکےہمارے ڈاکٹروں سےعلاج کرائیں۔
لاہور: صوبہ پنجاب کی وزیر صحت ڈاکٹر یاسمین راشد کا کہنا ہے کہ ہیلتھ کیئر کمیشن صوبے کے نجی اسپتالوں میں کرونا مریضوں کے علاج کو مسلسل مانیٹر کر رہا ہے، کرونا مریضوں کے لیے ایچ ڈی یو وارڈز کے بستروں میں اضافہ کیا جا رہا ہے۔
تفصیلات کے مطابق صوبہ پنجاب کی وزیر صحت ڈاکٹر یاسمین راشد کا کہنا ہے کہ نجی اسپتالوں میں کرونا وائرس کے شکار مریضوں کا مکمل ڈیٹا مرتب کیا جا رہا ہے، نجی اسپتالوں میں کرونا مریضوں کے لیے ایچ ڈی یو وارڈز کے بستروں میں اضافہ کیا جا رہا ہے۔
صوبائی وزیر کا کہنا تھا کہ نجی لیبز میں کرونا وائرس کی ٹیسٹنگ کو مانیٹر کیا جا رہا ہے، ہیلتھ کیئر ورکرز کی ویکسی نیشن کو بھی مانیٹر کیا جا رہا ہے۔
انہوں نے مزید کہا کہ ہیلتھ کیئر کمیشن نجی اسپتالوں میں کرونا مریضوں کے علاج کو مسلسل مانیٹر کر رہا ہے، پنجاب ہیلتھ کیئر کمیشن کے قواعد و ضوابط کا تفصیلی جائزہ لیا جا رہا ہے۔
اس سے قبل ایک موقع پر صوبائی وزیر کا کہنا تھا کہ کرونا وائرس سے صوبے میں 5 ہزار سے زائد اموات ہو چکی ہیں، عوام میں ایس او پیز پر عملدر آمد کا شعور بیدار کر رہے ہیں۔
انہوں نے کہا تھا کہ 22 نئی لیبز قائم کی ہیں، کووڈ ٹیسٹنگ کی تعداد بھی بڑھا دی ہیں۔ پنجاب میں کرونا ویکسی نیشن کے 114 مراکز قائم ہیں۔ سول اسپتال میں ویکسی نیٹرز کی تعداد بھی بڑھا دی جائے گی۔
فیصل آباد: صوبہ پنجاب کی وزیر صحت یاسمین راشد کا کہنا ہے کہ اقوام متحدہ کی جانب سے ویکسین کی 4 کروڑ 40 لاکھ خوراکیں پاکستان آرہی ہیں، پنجاب میں کرونا ویکسی نیشن کے 114 مراکز قائم ہیں۔
تفصیلات کے مطابق صوبہ پنجاب کی وزیر صحت یاسمین راشد نے فیصل آباد میڈیکل یونیورسٹی کا دورہ کیا، وزیر صحت نے یونیورسٹی کے سینڈیکیٹ اجلاس کی صدارت کی۔
دوران اجلاس صوبائی وزیر صحت کا کہنا تھا کہ 55 سال سے زائد عمر کے افراد کرونا وائرس سے متاثر ہو سکتے ہیں، کرونا وائرس سے صوبے میں 5 ہزار سے زائد اموات ہو چکی ہیں، عوام میں ایس او پیز پر عملدر آمد کا شعور بیدار کر رہے ہیں۔
صوبائی وزیر کا کہنا تھا کہ 22 نئی لیبز قائم کی ہیں، کووڈ ٹیسٹنگ کی تعداد بھی بڑھا دی ہیں۔ پنجاب میں کرونا ویکسی نیشن کے 114 مراکز قائم ہیں۔ سول اسپتال میں ویکسی نیٹرز کی تعداد بھی بڑھا دی جائے گی۔
انہوں نے کہا کہ اقوام متحدہ کی جانب سے 4 کروڑ 40 لاکھ ویکسین کی خوراکیں پاکستان آرہی ہیں۔
اپوزیشن کے حوالے سے صوبائی وزیر کا کہنا تھا کہ اپوزیشن آئے اور ہمارے ساتھ بیٹھ کر الیکشن اصلاحات کرے، اپوزیشن رہنما کے کرونا لاک ڈاؤن پر نامناسب تبصرے پر افسوس ہوا۔
لاہور: صوبائی وزیر صحت ڈاکٹر یاسمین راشد کا کہنا ہے کہ برطانیہ سے شہریوں کی واپسی کے بعد کرونا وائرس کے پھیلاؤ میں اضافہ دیکھنے میں آیا، لوگوں کی جانب سے بھی احتیاط میں کمی آئی۔
تفصیلات کے مطابق صوبہ پنجاب کی وزیر صحت ڈاکٹر یاسمین راشد نے پریس کانفرنس کرتے ہوئے بتایا کہ پنجاب میں 126 کرونا وائرس وینٹی لیٹر پر ہیں۔
صوبائی وزیر کا کہنا تھا کہ برطانیہ سے شہریوں کی واپسی کے بعد کرونا وائرس کے پھیلاؤ میں اضافہ دیکھنے میں آیا، لوگوں کی جانب سے بھی احتیاط میں کمی آئی۔
انہوں نے کہا کہ صوبے میں بھرپور طریقے سے کرونا ویکسی نیشن شروع کردی ہے، ایکسپو سینٹر ویکسی نیشن کے حوالے سے سب سے بڑا مرکز بنایا گیا ہے۔ 1 لاکھ سے زائد ہیلتھ کیئر ورکرز اور 4 ہزار سے زائد بزرگوں کی ویکسی نیشن ہوچکی ہے۔
صوبائی وزیر کا کہنا تھا کہ کوئی سائیڈ افکیٹ ہوتا تو اب تک علم ہو چکا ہوتا، ویکسی نیشن سے اگر کوئی موذی بیماری ہو تو بچا جا سکتا ہے۔ ہمارے پاس وافر مقدارمیں ویکسی نیشن موجود ہے، 60 سال سے زائد عمر کے لوگ مکمل ہوجائیں پھر نیچے کی طرف آئیں گے۔
انہوں نے مزید کہا کہ اب تک صرف حکومت ویکسین منگوا رہی ہے، پرائیویٹ سیکٹرز ویکسین منگوا سکتے ہیں تو امپورٹ کرلیں۔ کوویکس ہمارا سب سے بڑا ڈونر ہے، کوویکس ہماری 20 فیصد آبادی کو ویکسین دے گا۔
صوبائی وزیر نے بتایا کہ صوبے میں شام 6 بجے کے بعد کسی بھی قسم کا پارک نہیں کھلے گا، ہمارے سامنے سب سے اہم چیلنج کرونا وائرس تھا، اب حالات نے مجبور کر دیا کہ دوبارہ سے پابندیاں لگائی جائیں۔