ARYNews.tv | Urdu – Har Lamha Bakhabar

Tag: year

  • سال 2021 کے نام ایک اور ریکارڈ!‏

    سال 2021 کے نام ایک اور ریکارڈ!‏

    یورپی سائنسدانوں نے کہا ہے کہ گزشتہ سال 2021 اب تک ریکارڈ پر موجود 5گرم ترین سالوں میں سے ایک تھا،  جو خطرے کی علامت ہے۔

    دنیا جتنی تیز رفتاری سے ترقی کررہی ہے اسی رفتار سے تباہی کی جانب بھی گامزن ہے ماحولیاتی تبدیل کے جن نے زمین کے درجہ حرارت میں اضافہ کرنا شروع کردیا ہے، جس نے خطرے کی گھنٹی بجادی ہے۔

    یورپی سائنسدانوں نے اپنی ایک رپورٹ میں دعویٰ کیا ہے کہ 2021 اب تک کے دستیاب ریکارڈ کے مطابق گرم ترین سالوں میں سے ایک تھا، فضا میں کاربن ڈائی آکسائیڈ اور میتھین گیس کی سطح میں غیرمعمولی اضافہ ماحول کے لیے سنگین خطرہ ہے۔

    یورپی یونین کی معلوماتی ایجنسی کوپرنیکس کلائمیٹ چینج سروس کے مطابق 2021 یورپ، شمالی امریکا اور بحیرہ روم کے لیے بھی غیرمعمولی طور پر گرم رہا۔

    ایجنسی کے مطابق درجہ حرارت میں حیران کن اضافے نے خطرے کی گھنٹی بجادی ہے اور اب یہ لازم ہوگیا ہے کہ ماحول کے تحفظ کے لیے لوگوں کو زندگی گزارنے کے طور طریقوں کو تبدیل کرنا ہوگا۔

    سائنسدانوں کا کہنا ہے کہ اگر دنیا کو بچانا ہے تو  حیات کے لیے خطرناک کاربن ڈٓائی آکسائیڈ کے اخراج کو کم کرنے کے ساتھ دیرپا ترقی کے اصولوں پر عمل کرنا ہوگا۔

  • میرا ہونے والا بچہ خلائی مخلوق کی نسل سے ہوگا، خاتون کا دعویٰ

    میرا ہونے والا بچہ خلائی مخلوق کی نسل سے ہوگا، خاتون کا دعویٰ

    پیرس : مستقنل سے آنے کا دعویٰ کرنے والی خاتون نے خلائی مخلوق پر خود کو حاملہ کرنے کا الزام لگاتے ہوئے کہا ہے کہ ’ وہ ایک بچے کو جنم دے دی جو ایلین(خلائی مخلوق) اور انسان کی مشترکا اولاد ہوگی‘۔

    تفصیلات کے مطابق مستقبل یا ماضی سے حال میں آنے کے مناظر عموماً فلموں میں تو دکھے جاتے ہیں لیکن یورپ میں ایک نوجوان خاتون نے حقیقت میں سنہ 3500 کا سفر کرکےواپس آج کے زمانے میں آنے کا دعویٰ کیا تھا جو اب نئے نئے انکشافات سے دنیا کو مزید حیرت میں مبتلا کررہی ہے۔

    غیر معمولی اور پُر اسرار خبروں کےلیے مشہور یوٹیوب چینل ایپکس ٹی وی سے گفتگو کرتے ہوئے نامعلوم خاتون نے دعویٰ کیا کہ اینڈرومیڈا نامی گلیکسی پر خلائی مخلوق نے اسے پکڑ لیا تھا۔

    خاتون کا کہنا تھا کہ ’ مجھے گرفت میں لینے کے بعد خلائی مخلوق نے میرے ساتھ تعلق کیا جس کے باعث میں حاملہ ہوئی اورابسے پانچ ماہ بعد ایسے بچے کو جنم دوں گی جو انسان اور ایلین کی مشترکا اولاد ہوگا‘۔

    ویڈیو کلپ میں خاتون نے اپنی کہانی سناتے ہوئے دعویٰ کیا کہ جب وہ 18 سال کی عمر میں یونیورسٹی آف پیرس میں زیر تعلیم تھی، تب مبینہ طور پر ٹائم مشین پر مشتمل ایک پُر اسرار کمرہ دریافت کیا اور یونیورسٹی کے دیگر عملے کی مدد سے ٹائم مشین پر مشتمل کمرے میں کام شروع کردیا۔

    میں ٹائم ٹریولر مشین کے ذریعے سنہ 3500 میں گئی لیکن وہاں مجھے ایلینز نے پکڑلیا جس کے بعد دنیا وار زون میں تبدیل ہوچکی تھی، خاتون نے بتایا کہ مقناطیسی اور تابکاری لہروں کے باعث ہمارے واپس آنے کے راستے بھی بند ہوچکے تھے۔

    نامعلوم خاتون کا کہنا تھا کہ ’وہاں ہمارے ساتھ پُرتشدد ، ذلت آ میز اور درد ناک سلوک کیا گیا اس لیے میں مزید تفصیل میں نہیں جانا چاہتی‘۔

    یاد رہے کہ اس سے قبل مارچ میں ایک نوح نامی برطانوی نوجوان نے سنہ 2030 سے آنے کا دعویٰ کیا تھا تاہم ایک ہفتہ قبل نوح نے انکشاف کیا کہ مستقبل سے آنے کی ویڈیوجھوٹی تھی، نوح نے بتایا کہ اصل میں وہ ایک یوٹیوبرڈینس بل ہے۔

  • سال بھر سے زائد المعیاد غذا کھانے والا امریکی شہری

    سال بھر سے زائد المعیاد غذا کھانے والا امریکی شہری

    واشنگٹن : امریکی شہری نے مہینوں پرانی غذائیں کھاکر اپنی کیفیات اور تجربے پر بلاگ تحریر کردیا، پہلی مرتبہ اسکاٹناش نامی شہری نے چھ ماہ پرانا دہی کھایا تھا جس کا ذائقہ تبدیل ہوچکا تھا البتہ اسکاٹ کو کوئی نقصان نہیں ہوا۔

    تفصیلات کے مطابق عام طور پر لوگ بازار یا دکان سے کوئی خریدتے ہیں تو پہلے اس کی ایکسپائری ڈیٹ یعنی زائد المعیاد ہونے کی چیزیں دیکھتے ہیں کیونکہ ذہنوں میں یہ بات ثبت ہے کہ زائدالمعیاد چیزیں کھانے سے انسان کو کوئی نقصان یا طبی امراض لاحق ہوجاتے ہیں لیکن ریاست میری لینڈ کے رہائشی اسکاٹناش نے ان باتوں کو غلط ثابت کردیا۔

    اسکاٹناش نےجو خود ایک ماحولیات اور معروف فوڈ اسٹور کے مالک ہیں کاکہناتھا کہ بعض اشیاء ایسی ہوتی ہیں جن پر ایکسپائری ڈیٹ لکھنے کی ضرورت ہی نہیں ہوتی جیسے شہد، نمک وغیرہ۔۔۔۔

    ان کا کہنا تھا کہ نمک ایسی شے ہے جو خود کروڑوں برس قدیم ہے پھر کوئی کیسے اس کے ایکسپائر ہونے کی تاریخ طے کرسکتا ہے؟

    انہوں نے بتایا کہ کمپنیاں و فوڈ اسٹور اشیاء پر ایکسپائری ڈیٹ اس لیے لکھتے ہیں تاکہ صارفین انہیں جلدی جلدی تلف کریں اور اسٹورسے نئی چیزیں خریدیں جس سے کمپنیوں کو فائدہ ہو اور مسلسل منافے میں اضافہ ہوتا رہے۔

    اسکاٹ کا کہنا تھا کہ رنگ،بو، ذائقہ تبدیل ہوجائے تو اشیاء کو پھینک دیا جاتا ہے لیکن بہت سے ایسے افراد بھی ہیں جو کھانوں کی مقررہ تاریخ ختم ہونے کے بعد ضائع کردیتے ہیں۔

    غیر ملکی خبر رساں ادارے کا کہنا تھا کہ اسکاٹناش خود پر کیے گئے تجربے کے دوران گوشت کی معیاد ختم ہونے کے ایک ہفتہ بعد، چھ ماہ پرانا دہی ، 1 سال پرانی روٹیاں کھاچکے ہیں اور اپنے اہل خانہ کو بھی کھلا چکے ہیں جبکہ ایکسپائری ڈیڈ ختم ہونے کے بعد کریم کا استعمال بھی کرچکے ہیں۔

    غیر ملکی میڈیا کے مطابق امریکی شہری تجربے کےلیے ایسا زائد المعیاد مکھن بھی کھا چکا ہے جس پر پھپھوند آچکی تھی تاہم اسکاٹ کو کوئی نقصان نہیں ہوا۔

    امریکی شہری کا کہنا تھا کہ اشیاء پر ایکسپائری تاریخ لکھنے کا رواج ختم ہوناچاہیے یا پھر اس کا مقصد بیان ہونا چاہیے اور اشیاء پر (Best if Use by) یا پھر (Used By) لکھا ہونا چاہیے۔

    اسکاٹ کا کہنا تھا کہ میرا بلاگ تحریر کرنے کا مقصد ہرگز یہ نہیں ہے کہ آپ زائد المعیاد اشیاء کا استعما ل شروع کردیں۔

  • رواں برس اکتوبر کے اختتام پر برطانیہ کو یورپی یونین سے نکال لیں گے، بورس جانسن

    رواں برس اکتوبر کے اختتام پر برطانیہ کو یورپی یونین سے نکال لیں گے، بورس جانسن

    لندن : بورس جانسن کا کہنا ہے کہ اگر ایسا نہ ہوا تو پھر اندیشہ ہے ہمیں ایک المیے کی صورت میں سیاست میں شہریوں کے اعتماد سے ہاتھ دھونا پڑیں گے۔

    تفصیلات کے مطابق برطانیہ کی وزارت عظمی کے لیے مضبوط ترین امیدوار اور سابق وزیر خارجہ بورس جانسن کا کہنا ہے کہ وہ 31 اکتوبر تک برطانیہ کو یورپی یونین سے نکال لیں گے۔

    بورس جانسن نے باور کرایا کہ اگر ایسا نہ ہوا تو حکومت المناک طور پر اعتماد سے محروم ہو جائے گی۔

    برطانوی وزارت عظمی کے منصب کی دوڑ میں شامل دیگر چار امیدواروں کے ساتھ ٹی وی پر مناظرے کے دوران جانسن کا کہنا تھا کہ ہمیں 31 اکتوبر تک نکلنا ہو گا کیوں کہ اگر ایسا نہ ہوا تو پھر مجھے اندیشہ ہے کہ ہمیں ایک المیے کی صورت میں سیاست میں (شہریوں کے) اعتماد سے ہاتھ دھونا پڑیں گے۔

    خیال رہے کہ برطانیہ کی یورپین یونین سے علیحدگی (بریگزٹ) کے حامی بورس جانسن نے تھریسامے کے بعد ملک کے اگلے وزیراعظم کے امیدوار کے لیے ہونے والی ووٹنگ کے دوسرے مرحلے میں 40 فیصد ووٹ حاصل کرکے اپنی برتری قائم رکھی ہے۔

    مقامی میڈیا کا کہنا تھا کہ بورس جانسن نے 313 میں سے 126 ووٹ حاصل کرکے تیسرے مرحلے کے لیے جگہ بنائی ہے جبکہ دیگر 4 امیدواروں نے 33 یا اس سے زیادہ ووٹ حاصل کیے۔

  • فیس بک کا رواں سال دو ارب 19 کروڑ جعلی اکاﺅنٹ حذف کرنے کا دعویٰ

    فیس بک کا رواں سال دو ارب 19 کروڑ جعلی اکاﺅنٹ حذف کرنے کا دعویٰ

    واشنگٹن : سماجی رابطے کی مقبول عام ویب سائٹ فیس بک نے رواں سال کی پہلی سہ ماہی کے دوران 2 ارب 19 کروڑ جعلی اکاﺅنٹ ڈیلیٹ کرنے کا دعوی کیا ہے۔

    غیرملکی خبررساں ادارے کے مطابق فیس بک نے اپنی تازہ ترین نافذ العمل رپورٹ شائع کر دی ہے جس میں اکتوبر 2018 سے مارچ 2019 کے دوران مختلف اکاؤنٹس اور پوسٹس کے خلاف کی جانے والی کارروائی کی تفصیلات شامل ہیں۔رپورٹ کے مطابق ان چھ ماہ کے دوران فیس بک نے پہلی مرتبہ تین ارب جعلی اکاو¿نٹس کو بند کیا ہے۔

    اس کے علاوہ 70 لاکھ سے زائد نفرت انگیز پوسٹس کو بھی ہٹایا گیا ہے جو کہ ایک بہت بڑا ریکارڈ ہے، پہلی مرتبہ فیس بک نے حذف شدہ پوسٹس پر آنے والی نظرثانی کی درخواستوں کی تفصیلات بھی جاری کی ہیں اور یہ بھی بتایا ہے کہ ان میں سے کتنی پوسٹس کا جائزہ لینے کے بعد انھیں دوبارہ بحال کر دیا گیا۔

    فیس بک کے مطابق ہٹائے گئے جعلی اکاؤنٹس کی تعداد میں اضافہ اس لیے ہوا ہے کیونکہ کچھ ’برے عناصر‘ خود کار طریقوں کے استعمال سے انھیں تخلیق کر رہے تھے۔

    فیس بک کے مطابق اس سے پہلے کے یہ جعلی اکاؤنٹس کسی نقصان کا سبب بنتے، ان میں سے زیادہ تر کو چند ہی منٹوں میں شناخت کر کے ہٹا دیا گیا ہے۔فیس بک اب ایسے تمام پوسٹس کی تفصیلات بھی جاری کرے گی جن کو منشیات اور اسلحہ فروخت کرنے کی وجہ سے ہٹایا گیا ہے۔

    فیس بک کی حالیہ رپورٹ کے مطابق چھ ماہ کے دوران اسلحہ فروخت کرنے والے دس لاکھ پوسٹس کے خلاف کارروائی کی گئی ہے۔رپورٹ سے پتہ چلتا ہے کہ جنوری 2019 سے مارچ 2019 کے دوران فیس بک کو نفرت انگیز پوسٹس ہٹانے پر دس لاکھ درخواستیں موصول ہوئیں۔

    جن میں سے تقریبا ایک لاکھ پچاس ہزار پوسٹس کو نظر ثانی کے بعد دوبارہ بحال کر دیا گیا۔فیس بک کے مطابق رپورٹ میں ان پہلوؤں کی نشاندہی کی گئی ہے جن کے ذریعے ہمارا پلیٹ فارم استعمال کرنے والے لوگوں کے لیے زیادہ احتساب اور ذمہ داری پیدا کی جا سکے۔

  • رواں برس بھی قطر کا بائیکاٹ جاری رہے گا، انور قرقاش

    رواں برس بھی قطر کا بائیکاٹ جاری رہے گا، انور قرقاش

    ابوظبی : اماراتی وزیر برائے خارجہ امور انور قرقاش نے عرب اتحاد کے قطر سے تعلقات سے متعلق کہا ہے کہ رواں سال بھی قطر کا بائیکاٹ جاری رہے گا۔

    تفصیلات کے مطابق متحدہ عرب امارات کے وزیر برائے خارجہ امور انور محمود قرقاش نے سماجی رابطے کی ویب سایٹ ٹویٹر پر پیغام دیتے ہوئے کہا ہے کہ میرے اندازے کے مطابق 2018 میں دوحہ کیے رویے کے باعث رواں بسر بھی قطر کا بائیکاٹ جاری رہے گا۔

    انور محمود قرقاش کا کہنا تھا کہ قطری حکومت اپنے خلاف کیے گئے اقدامات کا توڑ کرنے میں ناکام رہی ہے، اور بھاری لاگت کے باوجود قطر کے خلاف اقدامات جاری رہیں گے۔

    اماراتی وزیر کا یمن سے متعلق بیان میں کہنا تھا کہ خانہ جنگی کا شکار یمن میں عرب اتحاد کی پوزیشن اب بہتر ہے۔

    ان کا کہنا تھا کہ2019 میں یمن بحران حل کی طرف جائے گا اور حوثی جنگجوؤں سیاسی طور پر کمزور مزید کمزور ہوں گے۔

    مزید پڑھیں : امن مذاکرات کی خلاف ورزی نے حوثیوں کو بے نقاب کردیا، انور قرقاس

    خیال رہے کہ گذشتہ روز متحدہ عرب امارت کے وزیر برائے امور خارجہ انور محمود قرقاش نے سماجی رابطے کی ویب سایٹ ٹویٹر پر پیغام دیا تھا کہ سویڈن میں حوثی جنگجوؤں اور یمن کی آئینی حکومت کے درمیان ہونے والے امن مذاکرات نے حوثیوں کی معصوم شہریوں کے خلاف کاررئیوں کا پول کھول دیا ہے۔

    اماراتی وزیر برائے امور خارجہ کا کہنا تھا کہ الحدیدہ بندرگاہ سے متعلق معاہدے کی متعدد خلاف ورزیاں حوثیوں کے مؤقف کو کمزور بنارہا ہے۔

  • اسمارٹ فون کا استعمال چھوڑیں، 1 لاکھ ڈالر انعام پائیں

    اسمارٹ فون کا استعمال چھوڑیں، 1 لاکھ ڈالر انعام پائیں

    واشنگٹن : معروف امریکی کمپنی نے عجیب و غریب مقابلے کا انعقاد کیا ہے جس کے تحت ایک سال تک اسمارٹ فون کا استعمال چھوڑنا ہوگا اور جیتنے والے کو 1 لاکھ امریکی ڈالر انعام میں دیئے جائیں گے۔

    تفصیلات کے مطابق سافٹ ڈرنک بنانے والی معروف امریکی کمپنی کے ’وٹامن واٹر‘ ذیلی ادارے نے اعلان کیا ہے کہ جو  شخص اس مقابلے میں شرکت کرے گا اسے ایک سال تک اسمارٹ فون سے دوری اختیار کرنی ہوگی جس کے بعد ہی وہ اس انعام کا حق دار قرار پائے گا۔

    غیر ملکی خبر رساں ادارے کا کہنا تھا کہ دلچسپی رکھنے والے افراد کو مقابلے میں شریک ہونے کےلیے کمپنی کی ویب سایٹ پر رجسٹرڈ ہونا پڑے گا جس کے بعد وہ پورے سال اپنا تو کیا کسی دوسرے شخص کا اسمارٹ فون استعمال نہیں کرسکتے۔

    کمپنی نے واضح کیا ہے کہ مقابلے میں شرکت کرنے والے افراد کو سخت قوانین پر مبنی ایک معاہدے پر دستخط کرنے ہوں گے لیکن اس سے قبل ایک دلچسپ کام کرنا ہوگا۔

    معاہدے پر دستخط کرنے سے قبل ’نو فون فور ایئر‘ اور ’کانٹیک‘ لکھے ہیش ٹیگ کے ساتھ ٹویٹر یا انسٹاگرام پر اپنی تصویر شیئر کرنی ہوگی جس میں اسمارٹ فون سے چھٹکارا حاصل کرنے کی وجہ بتانی ہوگی۔

    غیر ملکی میڈیا کا کہنا ہے کہ مزاحیہ، مناسب اور معیاری پوسٹ کو ججز پرکھیں گے جس کے باعث مقابلے کے لیے بلایا جائے گا، جس کی آخری تاریخ 8 جنوری 2018 ہے اور 22 جنوری کو مقابلے میں شرکت کرنے والے افراد کے ناموں کا اعلان کیا جائے گا۔

    غیر ملکی میڈیا کا کہنا ہے کہ کمپنی اسمارٹ فون چھوڑنے کے بعد 1996 کا سادہ موبائل فون دے گی جس کا کنکشن اور بیلنس کمپنی کے ذمے ہوگا۔

    کمپنی نے واضح کیا کہ سال کے آخر میں مقابلے میں شریک افراد نے سوال کیے جائیں اور اس دوران لائی ڈٹیکٹر (جھوٹ بولنے والی مشین) کا بھی استعمال کیا جائے گا اور جیتنے والے کو 1 لاکھ ڈالر(سوا کروڑ پاکستانی تقریباً) انعام دیا جائے گا۔

    کمپنی کا کہنا ہے کہ اگر کوئی شخص 6 ماہ تک بھی اسمارٹ فون سے چھٹکارا حاصل کرلیتا ہے تو اسے بھی حوصلہ افزائی کے لیے 10 ہزار ڈالر(تقریباً ساڑھے 13 لاکھ پاکستانی) کی انعامی رقم دی جائے گی۔

  • ویٹی کن سٹی: پادری پر بچوں سے بد فعلی کا الزام ثابت، 5 برس قید

    ویٹی کن سٹی: پادری پر بچوں سے بد فعلی کا الزام ثابت، 5 برس قید

    روم : ویٹی کن سٹی کے سفیر منسگنور کارلو کو عدالت نے بچوں کے ساتھ مکروہ فعل انجام دینے اور ان کی تصاویر و ویڈیوز بنانے کے جرم میں 5 برس قید اور 5 ہزار یورو جرمانے کی سزا سنا دی۔

    تفصیلات کے مطابق مسیحی برادری کے مقدس ترین مرکزی مقام ویٹی کن سٹی کے سابق سفیر کو بچوں کے ساتھ بد فعلی کرنے کے جرم میں 5 برس قید کی سزا سناتے ہوئے جیل منتقل کردیا ہے۔

    غیر ملکی خبر رساں ادارے کا کہنا تھا کہ کم عمر بچوں کے ساتھ بد فعلی کرنے کی متعدد تصاویر اور ویڈیوز مونسگنور کارلو البرٹو کاپیلّا کے موبائل فون سے برآمد ہوئی ہیں، جس کے بعد عدالت نے مذکورہ سفیر کو سزا سنائی ہے۔

    سفیر کا کہنا تھا کہ ’واشنگٹن میں موجود ویٹی کن کے سفارت خانے میں تعیناتی کے دوران میں اپنے ذاتی مسائل کا شکار تھا، ویٹی کن کے حکام نے بچوں کے ساتھ فحش ویڈیوز بنانے کے الزامات کے بعد پادری کو گذشتہ برس امریکا سے واپس بلایا تھا۔

    غیر ملکی خبر رساں ادارے کے مطابق امریکا نے کہا تھا کہ مونسگنور کارلو البرٹو کا سفارتی استثنا ختم کیا جائے تاکہ وہ امریکا میں مقدمات کا سامنا کرسکے۔ دوسری جانب کینیڈا نے بھی کاپیلا کے نام پر وارنٹ جاری کیے تھے۔

    غیر ملکی خبر رساں ادارے کا کہنا تھا کہ مسیحی پادری ویٹی کن سٹی کے چھوٹی سی جیل میں 5 سال قید کیا جائے گا اور سابق سفیر کو 5 ہزار یورو جرمانہ بھی ادا کرنا ہوگا۔

    خیال رہے کہ بچوں کے ساتھ بد فعلی کرنے اور ان کی ویڈیوز و تصاویر بنانے کا حالیہ واقعہ ہے، جس کے باعث کیتھولک چرچ کو ایک مرتبہ پھر تنقید کا نشانہ بنایا جارہا ہے۔

    خیال رہے کہ ویٹی کن میں پوپ فرانسس کے ساتھ طویل مشاورت کے بعد چلی کے 34 پادریوں نے بچوں کے ساتھ مکروہ فعل انجام دینے پر اپنے استعفے پیش کیے، ایک اطلاع کے مطابق پادریوں کی جانب سے مشترکہ استعفیٰ پیش کیا تھا، جن میں سے پوپ فرانسس نے صرف تین استفعے منظور کیے تھے۔

    پوپ فرانسس نے مئی میں فرنینڈو کرادیما کے متاثرین تین پادریوں سے ملاقات کی جس کے بعد کارلوس نے کہا کہ چلی میں کیتھولک چرچ کے لیے نیا دن ہے، 3 کرپٹ پادریوں کو باہر نکال دیا گیا ہے۔

    خیال رہے کہ چلی میں سال 2000 سے اب تک 80 کیتھولک پادریوں کے خلاف بچوں کے ساتھ زیادتی کے کیس درج ہوچکے ہیں، پوپ فرانسس نے دو اور پادریوں کے استعفے بھی منظور کئے جن کی عمریں 75 برس سے زیادہ ہوگئی تھیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • صحرا سے 90 ہزار سال قدیم انسانی انگلی دریافت

    صحرا سے 90 ہزار سال قدیم انسانی انگلی دریافت

    لندن: سعودی عرب اور افریقی علاقے سے ملحقہ صحرا سے 90 ہزار سال پرانی قدیم انسانی انگلی کی ہڈی دریافت ہوئی جس کے بارے میں ماہرین کا کہنا ہے کہ یہ بنی نوع انسان کی سب سے پرانی انگلی کی ہڈی ہے۔

    تفصیلات کے مطابق ماہرین آثار قدیمہ کی ٹیم نے پروفیسر مائیکل پیٹراگیلا کی سربراہی میں سعودی عرب اور افریقی علاقے میں واقع ریگستان سے تاریخ کی سب سے قدیم انسانی ہڈی دریافت کی جس کے بارے میں ماہرین کا خیال ہے کہ یہ درمیانی انگلی کی ہڈی ہے۔

    آثار قدیمہ کے ماہر کا کہنا ہے کہ اس دریافت کو انسانی تاریخ کے لیے ایک حقیقی خواب بھی قرار دیا جاسکتا ہے کیونکہ اس سے قبل ماہرین کا ماننا تھا کہ انسانی ہجرت کا سلسلہ 30 ہزار قبل شروع ہوا۔

    مزید پڑھیں: بوتل میں بند 132 سالہ قدیم پیغام بالآ خر اپنی منزل کو پہنچ گیا

    پروفیسر مائیکل کا کہنا تھا کہ مختلف علاقوں میں جب ہماری ٹیمیں کام کرتی ہیں تو کھدائی کے دوران جانوروں کی قدیم ہڈیاں یا ڈھانچے برآمد ہوتے ہیں تاہم ٹیم کی اُس وقت خوشی کی انتہاء نہیں رہی جب یہ ہڈی دریافت ہوئی کیونکہ اس سے انسانی نقل مکانی کے بارے میں اہم معلومات حاصل ہوسکتی ہیں۔

    آکسفورڈ یونیورسٹی کے پروفیسر ڈاکٹر ہو گروکٹ کا کہنا تھا کہ ہم شروع سے یہ سمجھتے ہیں کہ انسانی تاریخ کے حوالے سے بہت ساری چیزیں ابھی تک سامنے نہیں آئیں جن پر ہماری ٹیمیں کام کررہی ہیں۔

    یہ بھی پڑھیں: آثار قدیمہ میں پراسرار پرچھائی

    ماہرین ابھی تک اس نتیجے پر نہیں پہنچ سکے کہ یہ کس عمر کے شخص کی ہڈی ہے، اس ضمن میں آثار قدیمہ کی ٹیم انسانی تاریخ پر باقاعدہ مطالعہ کرے گی جس کے بعد کسی نتیجے پر پہنچا جاسکتا ہے۔

    سعودی صحرا سے برآمد ہونے والی ہڈی کی لمبائی32.25 ملی میٹر ہے، آثار قدیمہ کے ماہرین نے اسے قبضے میں لے کر محفوظ مقام پر منتقل کردیا، پروفیسر مائیکل کا کہنا ہے کہ یہ بات وثوق کے ساتھ کہی جاسکتی ہے کہ یہ ہڈی 60 ہزار سال قدیم ہے کیونکہ اس کے ثبوت بھی سامنے آچکے۔

    اسے بھی پڑھیں: آسٹریلیا: بربرقبائل نےڈائنوسارکےہزاروں برس قدیم آثار تباہ کردیے

    ماہرین کا کہنا ہے کہ اس ہڈی پر ہونے والے مطالعے کو نصاب کا حصہ بنایا جائے گا تاکہ طالب علم انسانی نقل مکانی کی تاریخ کے بارے میں اچھی طرح سے آگاہی حاصل کرسکیں۔

    بر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • دنیا میں آج سال کا مختصر ترین دن اور طویل ترین رات

    دنیا میں آج سال کا مختصر ترین دن اور طویل ترین رات

    کراچی : آج سال کا سب سے چھوٹا دن اور سب سے بڑی رات ہے، محکمہ موسمیات کے مطابق آج کا دن دس گھنٹے پینتیس منٹ کا ہوگا، ہر سال 21یا 22دسمبرکودنیامیں مختصر دن ہوتا ہے۔

    تفصیلات کے مطابق پاکستانیوں جلدی کام نمٹا لو، آج دن جلدی ختم ہوجائےگا، ہر سال کی طرح اس سال بھی دسمبر کی 21 تاریخ کو سال کی طویل ترین رات اور مختصر ترین دن ہوگا۔

    محکمہ موسمیات کےمطابق آج سال کا مختصر ترین دن ہے، سورج صبح سات بج کر بارہ منٹ پر طلوع ہوا اور پانچ بج کر چھیالیس منٹ پر غروب ہوگا، دن کا مکمل دورانیہ عام دنوں سے تین گھنٹے پانچ منٹ چھوٹا ہوگا، یعنی دس گھنٹے پینتیس منٹ کا دن ہوگا۔

    اسلام آباد میں آج نو گھنٹے چون منٹ کا دن ہوگا،لاہور میں دس گھنٹے پانچ منٹ اورکراچی میں دن کا دورانیہ دس گھنٹے پینتیس منٹ کا دن ہوگا۔

    کل سے راتیں مختصر اور دن بڑے ہونا شروع ہوجائیں گے، تاہم 21 اور 22 مارچ کو دن اور رات کا دورانیہ برابر ہو جائے گا۔ ہر سال اکیس یا بائیس دسمبرکومختصر دن ہوتا ہے۔

    دسمبر کی 21 اور 22 تاریخ کے درمیان آنے والے رات طویل ترین رات ہو گی، جس کا دورانیہ 14 گھنٹے ہوگا جبکہ دن کا دورانیہ تقریباً 10 گھنٹے ہو گا جبکہ 23 دسمبر سے دن کا دورانیہ بڑھنے لگے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔