Tag: Yemen

صنعا (04 اگست 2025): یمن میں ایک افسوس ناک حادثے میں کشتی ڈوبنے سے 68 افریقی تارکین وطن ہلاک ہو گئے ہیں۔

غیر ملکی میڈیا رپورٹس کے مطابق اقوام متحدہ کے ادارہ برائے مہاجرین نے کہا ہے کہ یمن کے ساحل پر ایک کشتی الٹنے سے کم از کم 68 افریقی مہاجرین اور تارکین وطن ہلاک اور 74 لاپتا ہو گئے ہیں۔

یمن میں اقوام متحدہ کی بین الاقوامی تنظیم برائے مہاجرت (IOM) کے سربراہ عبدالستور ایسویف نے اتوار کے روز خبر رساں ایجنسی ایسوسی ایٹڈ پریس کو بتایا کہ یہ کشتی، جس میں 154 ایتھوپیائی باشندے سوار تھے، یمن کے صوبے ابیان کے قریب الٹ گئی۔

انھوں نے بتایا کہ بحری جہاز غرق ہونے کے واقعے میں 12 افراد زندہ بچ گئے ہیں، جنھیں بچا لیا گیا ہے، 54 مہاجرین اور تارکین وطن کی لاشیں ضلع خانفر میں ساحل پر بہہ کر آ گئی تھیں، اور 14 دیگر کی لاشیں مختلف جگہوں پر مردہ پائی گئیں، جنھیں اسپتال کے مردہ خانے منتقل کیا گیا۔ ڈوبنے والے دیگر افراد کی تلاش جاری ہے۔

زنجبار میں ہیلتھ آفس کے ڈائریکٹر عبدالقادر باجمل نے کہا کہ حکام متاثرین کو شقرہ شہر کے قریب دفنانے کے انتظامات کر رہے ہیں۔ ماہرین کا کہنا ہے کہ یمن اور ہارن آف افریقہ کے درمیان آبی گزرگاہیں دونوں سمتوں میں سفر کرنے والے مہاجرین اور تارکین وطن کے لیے ایک عام لیکن خطرناک راستہ ہیں، اس علاقے میں 2014 میں خانہ جنگی شروع ہونے کے بعد ملک سے فرار ہونے والے یمنیوں کی تعداد میں اضافہ دیکھا گیا۔

صنعا: امریکی فضائی حملوں میں القاعدہ کے 9 ارکان ہلاک ہو گئے ہیں۔

تفصیلات کے مطابق یمن میں امریکی فضائی حملوں میں القاعدہ کے نو ارکان ہلاک ہو گئے، اے ایف پی سے گفتگو میں یمنی سیکیورٹی ذرائع نے بتایا کہ امریکی حملوں میں القاعدہ کے نو ارکان بھی مارے گئے ہیں۔

سیکیورٹی ذرائع کا کہنا ہے کہ اگرچہ اس حملے میں ہلاک ہونے والوں کے نام معلوم نہیں ہو سکے ہیں لیکن خیال کیا جاتا ہے کہ ہلاک ہونے والوں میں القاعدہ کا ایک مقامی رہنما بھی شامل ہے۔ امریکا نے جمعہ کی شام یمن کے شمالی علاقے میں فضائی حملے کیے تھے، یہ علاقہ پہاڑی ہے اور القاعدہ کے زیر استعمال ہے۔

یاد رہے کہ امریکا نے رواں ماہ کے آغاز میں یمن کی حوثی اکثریتی تنظیم انصاراللہ کے ساتھ سیز فائر کا اعلان کیا تھا، انصاراللہ فلسطینیوں کی حمایت میں بحیرہ احمر میں اسرائیلی اور اس سے متعلقہ جہازوں پر حملے کر رہی تھی۔

اسرائیل کی 11ہفتے کی ناکہ بندی ظالمانہ، فلسطینی بھوکے مررہے ہیں، یواین سیکریٹری جنرل

عرب نیوز کے مطابق مذکورہ گروپ القاعدہ جزیرہ نما عرب (AQAP) کے نام سے جانا جاتا ہے، اور اسے امریکا نے عسکریت پسندوں کے نیٹ ورک کی سب سے خطرناک شاخ قرار دیا تھا۔ یہ تنظیم 2009 میں القاعدہ کے یمنی اور سعودی دھڑوں کے انضمام سے پیدا ہونے ہوئی تھی۔

واضح رہے کہ یمن میں یہ مسلح تنازعہ لاکھوں اموات کا سبب بن چکا ہے اور اس نے دنیا کے بدترین انسانی بحرانوں میں سے ایک کو جنم دیا ہے، 2022 میں اقوام متحدہ کی طرف سے 6 ماہ کی جنگ بندی کرائی گئی تھی، تب سے یمن میں لڑائی میں نمایاں کمی واقع ہوئی ہے۔

امریکا نے یمن پر حملوں میں کینسر کا ایک اسپتال اور کاٹن شاپ کو تباہ کر دیا ہے۔

الجزیرہ کے مطابق اتوار کو یمن میں ہونے والے امریکی حملوں سے ہونے والی تباہی کی مزید تفصیلات سامنے آئی ہیں، مقامی حکام نے کہا ہے امریکی افواج نے صعدہ شہر میں کینسر کے مرکز پر کئی فضائی حملے کیے، جس سے ’’بڑے پیمانے پر تباہی‘‘ ہوئی۔

صعدہ کے گورنر محمد عواد نے مقامی حکام کے ایک اجلاس کو بتایا کہ کئی رہائشی محلے بھی حملے سے متاثر ہوئے ہیں۔

گورنر نے کہا کہ رہائشی محلوں اور کینسر اسپتال جیسی شہری تنصیبات کو نشانہ بنانا امریکی فوج کی ناکامی کو ثابت کرتا ہے، اور اس سے پتا چلتا ہے کہ دشمن الجھن میں گرفتار ہے، اور اس کا چہرہ بدنما اور مجرمانہ ہے۔

امریکا اور یمنی حوثی ایک دوسرے پر حملے بند کریں، اقوام متحدہ

یمنی میڈیا صبا کے مطابق حدیدہ گورنری کے زبید ضلع میں امریکی فوج کی جانب سے ایک کاٹن شاپ کو نشانہ بنائے جانے پر وزارت زراعت نے مذمت کی، وزارت نے کہا کہ سویلین انفرااسٹرکچر کو نشانہ بنانے کا مقصد یمن میں انسانی مصائب کو دوگنا کرنا ہے۔

واضح رہے کہ اتوار کے روز امریکی حملوں میں ہلاک ہونے والوں کی تعداد 53 ہو گئی ہے، جن میں 5 بچے بھی شامل ہیں، امریکی فوج کی جانب سے بحیرہ احمر کی بندرگاہ حدیدہ پر حملے بدستور جاری ہیں، امریکی حکام کا کہنا ہے کہ وہ یمن پر اس وقت تک حملے جاری رکھیں گے جب تک باغی گروپ بحیرہ احمر میں اسرائیل سے منسلک بحری جہازوں پر دوبارہ حملے شروع کرنے کی دھمکی سے دست بردار نہیں ہو جاتا۔