نئی دہلی: اُتر پردیش کے انتہا پسند وزیراعلیٰ یوگی ادیتہ ناتھ کا ایک اور مسلم دشمن اقدام سامنے آیا ہے۔
میڈیا رپورٹ کے مطابق اُتر پردیش میں انتہا پسند وزیراعلیٰ یوگی ادیتہ ناتھ نے مساجد سے لاؤڈ اسپیکر ہٹانے کا حکم جاری کیا ہے، جس کے بعد یوپی کے مختلف شہروں سے پچیس ہزار سے زائد لاؤڈ اسپیکر اتارے جاچکے ہیں جبکہ پینتیس ہزار اسپیکر کی آواز کم کرادی گئی ہے۔
اُتر پردیش کے انتہا پسند وزیراعلیٰ یوگی ادیتہ ناتھ کا کہنا ہے یہ اقدام عدالتی فیصلے کی روشنی میں کیا گیا ہے۔
قابل ذکر بات یہ ہے کہ عدالت کی جانب سے حکم دیا گیا تھا کہ تمام مذہبی مقامات سے غیر قانونی لاؤڈ اسپیکر ہٹائے جائیں تاہم ایکشن صرف مساجد کیخلاف کیا جارہا ہے جس کے باعث مسلمانوں میں غم وغصہ پایا جاتا ہے۔
اس سے قبل بھارتی ریاست یو پی میں ہی انتظامیہ کی جانب سے عید اور جمعۃ الوداع پر سڑک پر نماز ادا کرنے پر پابندی لگائی جاچکی ہے جس کے باعث گذشتہ روز مسلمانوں نے جمعۃ الوداع کی نماز بمشکل مساجد میں ادا کیں تھی۔
