ARYNews.tv | Urdu – Har Lamha Bakhabar

Tag: Younis Khan

  • وزیراعظم کی اعلان کردہ انعامی رقم ابھی تک نہیں ملی، یونس خان

    وزیراعظم کی اعلان کردہ انعامی رقم ابھی تک نہیں ملی، یونس خان

    کراچی: سابق ٹیسٹ کرکٹ ٹیم کے کپتان یونس خان نے کہا ہے کہ وزیراعظم کی جانب سے اعلان کردہ انعامی رقم ابھی تک نہیں ملی۔

    کراچی میں میڈیا سے گفتگو کرتے ہوئے یونس خان نے کہا کہ وزیراعظم کی جانب سے انعامی رقم کا اعلان کیا گیا تاہم اس ضمن میں کسی حکومتی شخصیت نے ابھی تک کوئی رابطہ نہیں کیا۔

    انہوں نے کہا کہ ٹیسٹ کرکٹ میں 10 ہزار رنز کا سنگِ میل عبور کرنے پر قوم کی جانب سے بہت پذیرائی ملی جس کا سلسلہ ابھی تک جاری ہے، کرکٹ سے ریٹائرمنٹ کے بعد اب دیگر کھیلوں کی طرف توجہ دے رہا ہوں۔

    پڑھیں: آئی سی سی چیمپئنز ٹرافی کی انعامی رقم کس طرح تقسیم ہو گی ؟

    یونس خان نے کہا کہ اگر حکومت کی جانب سے اعلان کردہ رقم ملی تو وعدے کے مطابق کسی فلاحی ادارے کو دے دوں گا، کرکٹ سے فراغت ملی تو اب میرا ڈونا کے انداز میں فٹبال کھیلنے کی کوشش کررہا ہوں۔

    مزید پڑھیں: لوگ میری کم اور 10 ہزار رنز کی زیادہ عزت کرتے ہیں، یونس خان

    پی سی بی چیئرمین کی تبدیلی پر یونس خان نے کہا کہ جس شخص کو بھی یہ عہدہ دیا جائے وہ کرکٹ کی بحالی کے ساتھ کھلاڑیوں کے لیے کام کرے تاکہ کرکٹ میں بہتری آئے۔

  • لوگ میری کم اور 10 ہزار رنز کی زیادہ عزت کرتے ہیں، یونس خان

    لوگ میری کم اور 10 ہزار رنز کی زیادہ عزت کرتے ہیں، یونس خان

    کراچی: سابق ٹیسٹ کرکٹر یونس خان نے کہا ہے کہ لوگ میری اتنی عزت نہیں کرتے جتنی 10 ہزار رنز بنانے کی وجہ سے کرتے ہیں۔

    کراچی میں فلاحی ادارے کی تقریب میں اپنا قیمتی بیٹ (بلے) نیلامی کے لیے پیش کرتے ہوئے یونس خان نے کہا کہ میرے 10 ہزار رنز بنانے کی عزت کی جاتی ہے ، میری بھی کی جائے، 10 ہزار رنز بنانے کے پیچھے 17 سال کی محنت ہے، بلے کی فروخت سے حاصل ہونے والی آمدنی تعلیم کے لیے وقف کروں گا حکومت رقم پر ٹیکس نہ کاٹے۔

    انہوں نے کہا کہ کرکٹ کی خدمات حاصل کرنے کے لیے دیگر ممالک نے مجھ سے رابطہ کیا مگر میں نے انکار کیا کیونکہ میں اپنے ملک کے لیے کچھ کرنا چاہتا ہوں، جہاں موقع ملے گا خدمت ضرور کروں گا۔

    یونس خان نے اُس بیٹ کو نیلامی کے لیے پیش کردیا جس سے انہوں نے تاریخ کے 10 ہزار رنز مکمل کیے تھے، یہ بیٹ انہوں نے ایک فلاحی ادارے کو پیش کیا جس پر یونس خان کے دستخط بھی موجود تھے۔

    فخرِ مردان نے کہا کہ ہر شخص کو اپنے طور پر فلاحی کام کرنے چاہیے اس میں کسی اور کا نہیں بلکہ اُس کا اپنا ہی فائدہ ہوگا، سب جانتے ہیں کہ قوم کو اچھی تعلیم کی ضرورت ہے، میں نے ایک فلاحی ادارہ کھول رکھا ہے جو سماجی کاموں میں مصروف ہے اور ہمارے پاس مستقبل کے لیے اچھے پلان بھی موجود ہیں۔

    سابق ٹیسٹ کرکٹر نے کہا کہ  سیاسی پارٹی میں شمولیت کا فی الحال کوئی ارادہ نہیں، ساری سیاسی جماعتیں میری اپنی ہیں  اور اچھا کام کررہی ہیں امید ہے ایک دن پاکستان میں تبدیلی ضرور آئے گی۔

    یونس خان نے کہا کہ پاکستان کرکٹ بورڈ تبدیل نہیں ہوگا اور نہ میری سوچ تبدیل ہوگی، پی ایس ایل اور دیگر ممالک سے بھی دعوتیں آرہی ہیں جو بھی عزت دے گا اور مناسب طریقے سے بلائے گا تو ضرور خدمت کا موقع دوں گا۔

  • افغان ٹیم کی کوچنگ: یونس خان نے خبر بے بنیاد قرار دے دی

    افغان ٹیم کی کوچنگ: یونس خان نے خبر بے بنیاد قرار دے دی

    ڈومینکا: قومی ٹیسٹ کرکٹ ٹیم کی نمائندگی کرنے اور اپنے کیرئیر کا آخری میچ کھیلنے والے بیٹسمین یونس خان نے افغان ٹیم کی کوچنگ کے حوالے سے نشر ہونے والی خبر کی تردید کرتے ہوئے کہا ہے کہ پرانی شراب ایک بار پھر نئی بوتل میں پیش کرنے کی کوشش ہے۔

    نمائندہ خصوصی شاہد ہاشمی سے گفتگو کرتے ہوئے یونس خان نے برطانوی خبررساں ادارے پر شائع ہونے والی خبر کی تردید کرتے ہوئے کہا کہ ’’افغان کرکٹ بورڈ نے 2012 اور 2013 میں اپنی ٹیم کی کوچنگ کے لیے رابطہ کیا تھا تاہم میں نے اُسے نظر انداز کرتے ہوئے اپنے کھیل کو اہمیت دی‘‘۔

    یونس خان نے کہا کہ افغان کرکٹ بورڈ کی جانب سے کوچنگ کی نمائندگی کے حوالے سے پھیلائی جانے والی خبر میں کوئی صداقت نہیں، میرا افغانستان جانے اور اُن کی ٹیم کی کوچنگ کا کوئی ارادہ نہیں‘‘۔

    واضح رہے پاکستان اور ویسٹ انڈیز کے درمیان جاری تیسرے اور آخری ٹیسٹ میں کپتان مصباح الحق اور یونس خان اپنے کریئر کا آخری میچ کھیل رہے ہیں، پی سی بی دونوں کھلاڑیوں کی  وطن واپسی پر انہیں فیئرویل دینے کا ارادہ رکھتی ہے۔

    پڑھیں: ’’ یونس خان افغان کرکٹ ٹیم کی کوچنگ کریں گے‘عاطف مشال ‘‘

    دوسری جانب پی سی بی نے فیصلہ کیا ہے کہ یونس خان کو انڈر 19 ٹیم کا کوچ مقرر کردیا جائے تاکہ آئندہ ہونے والے ورلڈ کپ میں ٹیم اچھی کارکردگی دکھا سکے۔

  • دورہ ویسٹ انڈیز، تیسرے ٹیسٹ میں پاکستان کی بیٹنگ جاری

    دورہ ویسٹ انڈیز، تیسرے ٹیسٹ میں پاکستان کی بیٹنگ جاری

    ڈومینیکا: پاکستان نے ویسٹ انڈیز کے خلاف کھیلے جانے والے تیسرے اور آخری ٹیسٹ میں ایک وکٹ کے نقصان پر 70 رنز بنالیے جب کہ آج  دو عظیم کھلاڑی یونس خان اور مصباح الحق بھی اپنے کیرئیر کا آخری انٹرنیشنل میچ کھیل رہے ہیں۔

    تفصیلات کے مطابق پاکستان نے ویسٹ انڈیز کے خلاف تیسرے اور آخری ٹیسٹ میچ میں ایک وکٹ کے نقصان پر 70 رنز بنا لیے ہیں پویلین لوٹنے والے واحد پاکستانی بلے باز شان مسعود 9 رنز بنا کر سلپ میں کیچ دے بیٹھے جب کہ اظہر علی 36 اور بابر اعظم 24 رنز کے ساتھ پچ پر موجود ہیں۔

    ڈومینکا کا موسم بیٹنگ کے لیے بالکل سازگار نہیں ہے تیز ہوائیں باؤلرز کا ساتھ دے رہی ہیں اور گیند سوئنگ کر رہا ہے جسے کھیلنے میں بلے بازوں کو مشکلات کا سامنا ہے اسی بات کو مد نظر رکھتے ہوئے ویسٹ انڈیز نے ٹاس جیت کر پہلے پاکستان کو بیٹنگ کی دعوت دی۔

    تاہم غیر موافق موسم اور پچ کی صورت حال کے باوجود پاکستانی بلے بازوں نے بڑی محتاط اور ذمہ دارانہ بلے بازی کا مظاہرہ کیا ہے اور ویسٹ انڈیز کے جلد از جلد وکٹیں گرانے کی منصوبہ بندی کو ناکامی سے دوچار کردیا ہے۔

    ٹاس کے بعد گفتگو کرتے ہوئے کپتان مصباح الحق نے بتایا کہ ٹیم میں دو تبدیلیاں کی گئی ہیں جس کے تحت  احمد شہزاد کی جگہ شان مسعود جب کہ شاداب کی جگہ حسن علی کو ٹیم میں شامل کیا گیا ہے۔

    یاد رہے کہ یہ ٹیسٹ پاکستان کے دو سپر اسٹارز مصباح الحق اور یونس خان کے کیریئر کا آخری میچ ہے اور ویسٹ انڈیز کے خلاف میچ کے ساتھ مصباح الحق اور یونس خان کا شاندار کیریئر بھی اختتام کو پہنچ جائے گا۔

    کپتان مصباح الحق کیریئر کے 75 ویں اور آخری ٹیسٹ میں میدان میں اترے ہیں، وہ اب تک 5 ہزار 161 رنز بنا چکے ہیں،42 سالہ مصباح نے ٹیسٹ کیریئر میں اب تک 38 نصف اور 10 سنچریاں اسکور کی ہیں۔

    مصباح الحق کی قیادت میں پاکستان نے سب سے زیادہ 25 ٹیسٹ میچز جیتے،  2010ء میں قیادت ملنے کے بعد مصباح نے ٹیسٹ ٹیم کو نمبر ون بنایا، 2016ء میں آئی سی سی نے مصباح الحق کو اسپرٹ آف کرکٹ ایوارڈ سے نوازا، چیئرمین پی سی بی شہریار خان نے بھی مصباح کو پاکستان کا سب سے کامیاب کپتان قرار دیا۔

    رنز کی مشین مرد بحران یونس خان 117 ٹیسٹ میچوں میں 10 ہزار رنز کا سنگ میل عبور کرنے والے پہلے پاکستانی ہیں، وہ 33 نصف سنچریاں اور 34 ریکارڈ ساز سنچریاں اسکور کر چکے ہیں۔

    کرکٹ کے دو سپر اسٹارز کا کیرئیر تو ختم ہورہا ہے لیکن پاکستان کے یہ دو نایاب ہیرے ہمیشہ کرکٹ کی دنیا پر چمکتے رہیں گے۔

    دوسری جانب تین ٹیسٹ میچوں کی جاری سیریز کے ایک ایک سے برابر ہونے کی وجہ سے آخری میچ نے فائنل کی صورت اختیار کرلی ہے۔

    مزید پڑھیں : باربا ڈوس ٹیسٹ، پاکستان 81 رنز پر ڈھیر، سیریز 1-1سے برابر

    یاد رہے کہ تین ٹیسٹ کی سیریز ایک ایک سے برابر ہے، پہلے ٹیسٹ میں پاکستان نے ویسٹ انڈیز کو 7وکٹوں سے ہرایا تھا جبکہ دوسرے ٹیسٹ میں پاکستان کو 106رنز سے شکست کا سامنا کرنا پڑا تھا۔

    خیال رہے کہ اس گراؤنڈ پر پاکستان ٹیم پہلی بار کوئی میچ کھیل رہی ہے۔

  • عمران خان کی یونس خان کو ٹیسٹ کرکٹ میں10ہزاررنزکرنےپرمبارکباد

    عمران خان کی یونس خان کو ٹیسٹ کرکٹ میں10ہزاررنزکرنےپرمبارکباد

    اسلام آباد: تحریک انصاف کےسربراہ عمران خان نے یونس خان کو ٹیسٹ کرکٹ میں 10ہزاررنزبنانےپرمبارکباد دی ہے۔

    تفصیلات کےمطابق چیئرمین تحریک انصاف عمران خان نے سماجی رابطے کی ویب سائٹ ٹویٹر پر اپنے پیغام میں یونس خان کو ٹیسٹ کرکٹ میں 10ہزار رنزکرنے پرمبارک باد دی ہےاور کہا کہ وہ یہ اعزاز حاصل کرنے والے پہلے پاکستانی ہیں۔

    تحریک انصاف کے سربراہ عمران خان نےٹویٹر پر اپنے ایک اور پیغام میں کہاکہ یونس خان کاعزم تھاکہ کوالٹی باؤلنگ اورمشکل کنڈیشنز میں رنزکیے۔

    وزیراعظم نوازشریف کی یونس خان کومبارکباد

    وزیراعظم میاں محمد نوازشریف نے ٹیسٹ کرکٹر یونس خان کو 10ہزار رنزبنانے پر مبارکباد دیتے ہوئےکہاکہ پوری قوم کو آپ  کی کامیابی پرفخر ہے۔انہوں نےمزید کہاکہ یونس خان کی کامیابی پاکستانی کرکٹرزکےٹیلنٹ اورسخت محنت کامظہر ہے۔

    وزیراعلیٰ پنجاب کی یونس خان کو مبارکباد

    وزیراعلیٰ پنجاب شہبازشریف نےسماجی رابطے کی ویب سائٹ ٹویٹر پراپنے پیغام میں یونس خان کو ٹیسٹ کرکٹ میں 10ہزار رنزمکمل کرنے پرمبارکباد دی۔

    شہبازشریف نےکہاکہٹیسٹ میچوں میں 10 ہزاررنزکاہدف عبور کرنا شاندار کارنامہ ہے۔ان کاکہناتھاکہ یونس خان نے محنت اور مہارت سے دنیا میں مقام بنایا۔

    عظیم پاکستانی بلے باز یونس خان نے ویسٹ انڈیز کے خلاف پہلے ٹیسٹ میچ میں ٹیسٹ کرکٹ میں دس ہزار رنز بنانے کا اعزاز حاصل کر لیاجس کے ساتھ ہی وہ یہ اعزاز حاصل کرنے والے پاکستان کے پہلے اور دنیا کے 13ویں کرکٹر بن گئے ہیں۔

    یونس خان ٹیسٹ کرکٹ میں دس ہزار رنز بنانے والے پہلے پاکستانی بن گئے

    ویسٹ انڈیز کے خلاف جمیکا میں کھیلے جا رہے سیریز کے دوسرے ٹیسٹ میچ میں یونس خان نے چوکا لگا کر دس ہزار رنز بنانے کا اعزاز حاصل کیا۔

    ٹیسٹ کرکٹ میں سب سے پہلے دس ہزار رنز بنانے کا اعزاز ہندوستان کے سنیل گاوسکر نے 1987 میں پاکستان کے خلاف احمدآباد ٹیسٹ میں بنا کر حاصل کیا تھا۔

    سنیل گاوسکر کے بعد سے اب تک ایلن بارڈر، اسٹیو وا، برائن لارا، سچن ٹنڈولکر، راہول ڈراوڈ، رکی پونٹنگ، جاک کیلس، مہیلا جے وردنے، کمار سنگاکارا، شیونارائن چندرپال اور ایلسٹر کک دس ہزار رنز بنا چکے ہیں۔

    واضح رہےکہ پاکستان کرکٹ بورڈ نے سماجی رابطے کی ویب سائٹ ٹویٹر پر اپنے پیغام میں یونس خان کو ٹیسٹ کرکٹ میں 10ہزار رنزبنانے پرمبارکباد دی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ریٹائرمنٹ کا فیصلہ حتمی ہے‘ تبدیل نہیں ہوگا: یونس خان

    ریٹائرمنٹ کا فیصلہ حتمی ہے‘ تبدیل نہیں ہوگا: یونس خان

    جمیکا: پاکستان کےاسٹار کرکٹر یونس خان نے ریٹائرمنٹ واپس لینےسےمتعلق تردید کرتے ہوئےکہاکہ ان کے بیان کو متنازع نہ بنایا جائے۔

    تفصیلات کےمطابق ٹیسٹ کرکٹر یونس خان کا کہناہےکہ ان کی ریٹائرمنٹ پر باتیں کی جارہی ہیں کہ میں ریٹائرمنٹ واپس لے رہاہوں۔

    انہوں نےاپنی ریٹائرمنٹ واپس لینے سے متعلق خبروں کی تردید کرتے ہوئےکہاکہ ان کا ٹیسٹ کرکٹ کو خیرباد کرنے کا فیصلہ حتمی ہے۔،

    یونس خان نے کہاکہ ویسٹ انڈیز کےخلاف سیریزمیں ہراننگزمیں سنچری بنائی تب بھی ریٹائرمنٹ واپس نہیں لیں گے۔

    پاکستان کی شان یونس خان کاکہناتھاکہ ریٹائرمنٹ کا اعلان سوچ سمجھ کرکیاہے۔

    اسٹار کرکٹر یونس خان نےکہاکہ وہ پاکستان کےلیے کھیلتے ہیں بھارت کے لیے نہیں ان کی اہلیت پرشک نہ کیا جائے اور ان کےلیے دعا کی جائے کہ وہ اچھا پرفارم کریں۔

    ضرورت پڑنے پرریٹائرمنٹ واپس لینےکوتیارہوں‘یونس خان

    یاد رہےکہ گزشتہ روز پاکستان کرکٹ ٹیم کےسابق کپتان یونس خان سے متعلق ایسی خبریں سامنے آئی تھیں کہ وہ ضرورت پڑنے پر ریٹائرمنٹ واپس لینے کوتیار ہیں۔

    یونس خان کاریٹائرمنٹ کااعلان‘ ویسٹ انڈیز سیریزآخری ہوگی

    واضح رہےکہ یونس خان نے ویسٹ انڈیز کے خلاف ٹیسٹ سیریز کے لیے روانگی سے قبل کراچی میں باقاعدہ طور پر رواں سیریز کے بعد بین الاقوامی کرکٹ سے کنارہ کشی کا اعلان کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • یونس خان کاریٹائرمنٹ کااعلان‘ ویسٹ انڈیز سیریزآخری ہوگی

    یونس خان کاریٹائرمنٹ کااعلان‘ ویسٹ انڈیز سیریزآخری ہوگی

    لاہور: ٹیسٹ کرکٹر یونس خان نے کپتان مصباح الحق کے بعد ٹیسٹ کرکٹ سے ریٹائرمنٹ کااعلان کردیا۔ویسٹ انڈیز کےخلاف ٹیسٹ سیریزان کےکرکٹ کیریئر کی آخری سیریز ہوگی۔

    تفصیلات کےمطابق ٹیسٹ کرکٹر یونس خان نےکراچی میں پریس کانفرنس کےدوران ٹیسٹ کرکٹ سے ریٹائرمنٹ کااعلان کردیا۔ویسٹ انڈیز کےخلاف ٹیسٹ سیریز ان کی آخری سیریز ہوگی۔

    خیال رہےکہ ٹیسٹ کرکٹریونس خان نےرواں سال جنوری میں اعلان کیاتھاکہ وہ مزید دوسال کھیل سکتےہیں۔

    ذرائع کاکہناہےکہ پاکستان کرکٹ ٹیم کے سابق کپتان اور مایہ ناز بیٹسمین یونس خان قومی کرکٹ ٹیم کی کپتانی قبول کرنےکےلیےبھی تیارتھے۔

    خیال رہےکہ قومی کرکٹ ٹیم کے چیف سیلکٹر انضمام الحق نےدورہ ویسٹ انڈیزکےبعدنئی ٹیم بنانےکااشارہ دیاتھا۔

    یونس خان ٹیسٹ کرکٹ میں 10 ہزار رنز سے صرف 23رنز کی دوری پر ہیں جبکہ وہ اپنے کریئر کے آخری ٹیسٹ سیریز ویسٹ انڈیز کے خلاف کھیلیں گے۔

    قومی کرکٹ ٹیم کے سابق کپتان یونس خان نےٹیسٹ کرکٹ میں 34 سنچریاں اور 32نصف سنچریاں اسکور کیں۔ٹیسٹ کرکٹ میں سب سے بڑاانفرادی اسکور 313رنز ہے۔

    ٹیسٹ ٹیم کے کپتان مصباح الحق کا ریٹائرمنٹ کا اعلان

    یاد رہےکہ دو روز قبل قومی کرکٹ ٹیم کے ٹیسٹ کپتان مصباح الحق نے ویسٹ انڈیز کے خلاف سیریز کے بعد بین الاقوامی کرکٹ سے ریٹائر ہونے کا اعلان کیاتھا۔

    مصباح الحق اور یونس خان وزڈن کے 5 بہترین کرکٹرز میں شامل

    واضح رہےکہ مصباح الحق کو وزڈن کرکٹرز آف دی ایئر 2017 میں دنیا کے5 بہترین کھلاڑیوں میں بھی شامل کیا جا چکا ہے۔

  • مصباح الحق اور یونس خان وزڈن کے 5 بہترین کرکٹرز میں شامل

    مصباح الحق اور یونس خان وزڈن کے 5 بہترین کرکٹرز میں شامل

    دبئی : دنیائے کرکٹ میں معتبر کتاب وزڈن نے 2016 کے پانچ بہترین کرکٹرز میں پاکستان کے مصباح الحق اور یونس خان کو شامل کرلیا ہے۔

    تفصیلات کے مطابق دنیائے کرکٹ میں معتبر مقام رکھنے والی کتاب وزڈن نے 2016 کے بہترین کھلاڑیوں کا انتخاب کرلیا ، جس میں دو پاکستانی کھلاڑی بھی شامل ہیں
    وزڈن نے بھارتی کرکٹر وراٹ کوہلی کو لیڈنگ کرکٹر آف دا ائیر یا سال کا سب سے نمایاں کھلاڑی قرار دیا جبکہ باقی تین کھلاڑیوں میں انگلینڈ کے بین ڈکٹ، کرس ووکس اور ٹوبی رونلڈز جونز شامل ہیں۔

    circket-post

    مصباح الحق

    مصباح الحق نے پچھلے سال دورہ انگلینڈ کے لارڈزٹیسٹ میں شاندار سنچری بنائی تھی جبکہ مصباح کی قیادت میں پاکستان نے سیریز دو دو سے برابر کی تھی، اس کارکردگی کے نتیجے میں پاکستانی کرکٹ ٹیم پہلی بار ٹیسٹ کرکٹ کی عالمی رینکنگ میں پہلی پوزیشن حاصل کرنے میں بھی کامیاب ہوئی، اس بنیاد پر مصباح کو وزڈن کے پانچ بہترین کرکٹرز میں رکھا گیا ہے۔

    یونس خان

    انگلینڈ کے خلاف اوول ٹیسٹ میں میں شاندار ڈبل سنچری بنانے والے یونس خان بھی وزڈن میں شامل کئے گئے ہیں۔

    دنیائے کرکٹ میں معتبر مقام رکھنے والی کتاب وزڈن ہر سال انگلینڈ میں کھیلی جانے والی بین الاقوامی اور کاؤنٹی کرکٹ میں غیرمعمولی کارکردگی کا مظاہرہ کرنے والے پانچ بہترین کرکٹرز کا انتخاب کرتی ہے۔

    خیال رہے کہ بیس سال بعد یہ پہلا موقع ہے کہ جب دو پاکستانی کھلاڑی ایک ساتھ سال کے بہترین کرکٹرز میں شامل کئے گئے ہیں، انیس سو ستانوے میں مشتاق احمد اور سعید انور وذڈن کرکٹرز میں شامل ہوئے تھے

  • سال 2015: کھیل کی دنیا میں کیا کیا ہوا؟

    سال 2015: کھیل کی دنیا میں کیا کیا ہوا؟

    سال 2015 اپنی تمام رونقیں اور یادگار بہاروں کے ساتھ بالاخر اختتام پذیرہو رہا ہے، سال 2015 میں کھیل کی دنیا میں کون جیتا کون ہارا اور کس نے تاریخ رقم کی جانیئے۔

    اے بی ڈویلیئرز تیز ترین سینچری

    جنوبی افریقہ کے بلے باز اے بی ڈویلیئرز نے ایک روزہ بین الاقوامی کرکٹ میچوں کی تیز ترین سینچری بنا کر عالمی ریکارڈ قائم کیا۔

    جوہانسبرگ میں کھیلے جانے والے ایک روزہ بین الاقوامی میچ میں اے بی ڈویلیئرز نے ویسٹ انڈیز کے خلاف عمدہ بیٹنگ کا مظاہرہ کرتے ہوئے صرف 31 گیندوں پر سینچری اسکور کی جس میں آٹھ چوکے اور 10 چھکے بھی شامل تھے۔

    پاکستانی تن سازوں کیلئے فخرکرنے کا لمحہ

    پاکستان کے مایہ ناز تن ساز اور 2005 میں مسٹر پاکستان کا اعزاز پانے والے عاطف انور نے آسٹریلیا میں 100 کلو گرام سے زائد کے مقابلے میں آرنلڈ کلاسک ایوارڈ جیتا۔

    وہاب ریاض کی شین واٹسن کے خلاف تاریخی بالنگ

    پاکستان اور آسٹریلیا کے درمیان کھیلے گئے ورلڈ کپ کے تیسرے کوارٹر فائنل میں آسٹریلیا کے خلاف بہترین اور عمدہ بالنگ کا مظاہرہ کرتے ہوئے پاکستانی فاسٹ بالر وہاب نے تاریخ رقم کی۔میچ کے دوران آسٹریلیا کے کھلاڑی شین واٹسن اور وہاب ریاض کے درمیان تلخ کلامی بھی ہوئی۔

    زمبابوے کرکٹ ٹیم کا دورہ پاکستان

    برسوں بعد پاکستان میں بین الاقوامی ٹیم کی آمد ہوئی زمبابوے کرکٹ ٹیم نے پاکستان کا دورہ کیا

    پاکستان میں بین الاقوامی کرکٹ کی رونقیں بحال ہوئیں، قذافی اسٹیڈیم میں پاکستان اور زمبابوے کے درمیان دو ٹی ٹوئنٹی اور تین ون ڈے میچ کھیلا گیا۔

    خواتین کے فیفا فٹبال عالمی کپ امریکہ فاتح

    خواتین کے فیفا فٹبال عالمی کپ کا فائنل میں امریکہ نے جاپان دو کے مقابلے میں پانچ گول سے شکست دے کر عالمی کپ اپنے نام کیا، اسی سال امریکہ خواتین کا عالمی کپ تین مرتبہ جیتنے والا پہلا ملک بھی بن گیا ہے۔

    اسپیشل اولمپکس گیمز پاکستان کی کامیابی

    اسپیشل اولمپکس گیمز لاس اینجلس میں منعقد ہوا جس میں پاکستان نے 14طلائی تمغوں کے ساتھ 33میڈل حاصل کئے۔

    کرپشن کے باعث فیفا کے صدر معطل

    کرپشن اسکینڈل کے سبب فٹبال کی عالمی تنظیم فیفا کی ایتھکس کمیٹی نے تنظیم کے صدر سیپ بلاٹر کو بھی اپنی لپیٹ میں لے لیا، فیفا کی ایتھکس کمیٹی نے تنظیم کے صدر سیپ بلاٹر ، سیکرٹری جنرل جیروم والک اور نائب صدر مائیکل پلاٹینی کو نوے روز کے لئے معطل کردیا۔

    یونس خان کا تاریخی ریکارڈ

    پاکستان کر کٹ ٹیم کے نامور کھلاڑی یونس خان نے اپنے ٹیسٹ کیریئر میں نو ہزار رنز بنانے کا اہم سنگ میل عبور کیا، انضمام الحق کی سنچریوں اورمیانداد کے رنز بنانے کا ریکارڈ توڑنے کےبعد یونس خان نے ایک اور ریکارڈ اپنے نام کرلیا۔

    تاریخ میں پہلی بار ڈے اینڈ نائٹ ٹیسٹ میچ کا انعقاد

    کرکٹ کی تاریخ میں پہلی بار ڈے اینڈ نائٹ ٹیسٹ میچ کا انعقاد ہوا کرکٹ کے چار سو آٹھویں میچ میں سرخ کی جگہ گلابی گیند استعمال کیا گیا ۔

    پاکستان سپر لیگ کا خواب پورا ہوگیا

    آخر کار جس کا ہر پاکستانی کو انتظار تھا وہ دن آگیا پاکستان کرکٹ بورڈ نے پی ایس ایل آئندہ سال فروری میں قطر کی بجائے دبئی اور شرجہ میں کرنے کا اعلان کردیا۔

    کروڑوں روپے مالیت کی پاکستان سپر لیگ کرانے کے لئے زور شور سے تیاریاں کی جارہی ہیں، پاکستان سپر لیگ چار فروری سے یو اے ای میں شروع ہوگی، ابتدائی راؤنڈ کے میچز دبئی میں ہوں گے، افتتاحی میچ میں اسلام آباد اور کوئٹہ کی ٹیمیں ایکشن میں ہوں گی، کراچی کی ٹیم ایونٹ میں اپنا پہلا میچ پانچ فروری کو لاہور کے خلاف کھیلے گی۔

  • ٹیسٹ کرکٹ میں 10 ہزار بنانا چاہتا ہوں، یونس خان

    ٹیسٹ کرکٹ میں 10 ہزار بنانا چاہتا ہوں، یونس خان

    لاہور: ٹیسٹ کرکٹر یونس خان کہتے ہیں کہ پاکستان کی جانب سے دس ہزار رنز کا سنگ میل عبور کرنا انکا خواب ہے، ماضی کے نامور کرکٹرز کو فراموش کرنا درست نہیں۔

    ٹیسٹ کرکٹر یونس خان نے لیجنڈری کرکٹر حنیف محمد سے انکی رہائشگاہ پر ملاقات کی اور یواےای سیریز کیلئے مفید مشورے لیے۔

    میڈیا سے گفتگو کرتے ہوئے یونس خان نے کہا کہ آئیڈیل کرکٹرز کی عزت کرنا ہرکھلاڑی پر فرض ہے۔ انھوں نے کہا کہ وہ پاکستان کیجانب سے دس ہزار رنز بنانے والے پہلے بیٹسمین بننے کے خواہشمند ہیں۔

    ریٹائرمنٹ کے حوالے سے ٹیسٹ کرکٹر کا کہنا تھا کہ وہ جب تک فٹ ہیں پاکستان کیلئے کرکٹ کھیلتے رہینگے۔